இந்தி எதிர்ப்பு மாநாட்டில் எழுச்சித் தமிழர் தொல்.திருமாவளவன் எம்.பி., எழுச்சியுரை
சென்னை, ஜூன் 9 உரிய நேரத்தில், உரிய போராட் டங்களை அறிவிப்பதும், இத்தகைய மாநாடுகளை நடத்துவதும், தமிழர்களிடையே எந்நேரமும் போராட்ட நெருப்பை அணையாமல் அடைகாப்பதும் திராவிடர் கழகத்தின், திராவிடர் கழகத் தலைவர் தமிழர் தலை வரின் பணிகள் என்றார் விடுதலை சிறுத்தைகள் கட்சி யின் தலைவர் எழுச்சித் தமிழர் தொல்.திருமாவளவன் எம்.பி., அவர்கள்.
இந்தி எதிர்ப்பு மாநாடு
கடந்த 4.6.2022 அன்று மாலை சென்னை சைதாப் பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டில் விடுதலை சிறுத்தைகள் கட்சியின் தலைவர் எழுச்சித் தமிழர் தொல்.திருமாவளவன் எம்.பி., அவர்கள் சிறப்புரை யாற்றினார்.
அவரது சிறப்புரை வருமாறு:
திராவிடர் கழகத்தின் இந்தி எதிர்ப்பு மாநாட்டை தலைமை வகித்து சிறப்பித்துக் கொண்டிருக்கின்ற தமிழர் தலைவர் அய்யா ஆசிரியர் அவர்களே,
நெறிப்படுத்திக் கொண்டிருக்கின்ற திராவிடர் கழகத் தின் துணைத் தலைவர் அண்ணன் கலி.பூங்குன்றன் அவர்களே,
கண்டித்து உரையாற்றி விடைபெற்றுச் சென்றிருக் கின்ற இந்திய கம்யூனிஸ்ட் கட்சியின் மாநில செயலாளர் மதிப்பிற்குரிய அண்ணன் இரா.முத்தரசன் அவர்களே,
இந்தி எதிர்ப்புப் போராட்ட வரலாற்றை சுருக்கமாக நம்மிடையே உணர்ச்சிகரமாக எடுத்துவைத்து, உரையாற்றி விடைபெற்று சென்றிருக்கின்ற மறுமலர்ச்சி திராவிட முன்னேற்றக் கழகத்தின் பொதுச்செயலாளர் பெருமதிப்பிற்குரிய அண்ணன் புரட்சிப்புயல் வைகோ அவர்களே,
பேராசிரியர் சுப.வீ. அவர்களே,
மற்றும் திராவிடர் கழகத்தின் முன்னணித் தலை வர்களே, தமிழ்ச் சொந்தங்களே உங்கள் அனைவருக்கும் என்னுடைய பணிவார்ந்த வணக்கங்களைத் தெரிவித்துக் கொள்கின்றேன்.
தமிழர்களிடையே எந்நேரமும் போராட்ட நெருப்பை அணையாமல்...
உரிய நேரத்தில், உரிய போராட்டங்களை அறிவிப் பதும், இத்தகைய மாநாடுகளை நடத்துவதும், தமிழர் களிடையே எந்நேரமும் போராட்ட நெருப்பை அணை யாமல் அடைகாப்பதும் திராவிடர் கழகத்தின், திராவிடர் கழகத் தலைவர் தமிழர் தலைவரின் பணிகள்.
தமிழர் தலைவருக்குப் பாராட்டு - நன்றி!
அந்த வகையிலே, இன்றைக்கு நாம் எல்லோரும் சனாதன சக்திகளின் முகத்திரையைக் கிழிக்கின்ற பணி களில் ஈடுபட்டுக் கொண்டிருந்தாலும், உரிய நேரத்தில் நீட் எதிர்ப்புக்கான போராட்டம், உரிய நேரத்தில் இந்தித் திணிப்பை எதிர்ப்பதற்கான கருத்தரங்கம் - மாநாடு என்று தொடர்ந்து அயராமல் பணியாற்றிக் கொண்டிருக் கின்ற தமிழர் தலைவர் அவர்களை, விடுதலை சிறுத்தைகளின் சார்பில் நெஞ்சாரப் பாராட்டுகிறோம்.
இவ்வரலாற்று முக்கியத்துவம் வாய்ந்த நிகழ்வில் பங்கேற்று கருத்துரை வழங்குவதற்கு, கருத்துகளைப் பகிர்ந்துகொள்வதற்கு வாய்ப்பை வழங்கியமைக்காகவும் நன்றியை உரித்தாக்குகிறேன்.
பெரியார் காலத்திலிருந்து தொடர்ந்து இந்தப் போராட்டக் களம் அமைந்து வருகிறது. தொடர்ந்து வருகிறது.
இந்தியை, சமஸ்கிருதத்தைப் பரப்புவது, திணிப்பது என்பதில் உறுதியாக இருக்கிறார்கள்
யார் டில்லியிலே ஆட்சியில் இருந்தாலும், அவர்கள் இந்தியை, சமஸ்கிருதத்தைப் பரப்புவது, திணிப்பது என்பதில் உறுதியாக இருக்கிறார்கள்.
டில்லியிலே ஆட்சி மாற்றம் நிகழ்ந்துவிட்டது - எல்லாம் இங்கே தலைகீழாக மாறப்போகிறது; இன்னும் சொல்லப்போனால், ஈழத் தமிழர்களுக்கும் நலம் பயக்கும் என்று தமிழ்நாட்டிலேயே பாரதீய ஜனதா கட்சியின் ஆட்சிக்கு சிவப்புக் கம்பளம் விரித்தவர்கள் உண்டு.
ஆனால், இன்றைக்கு என்ன நிலை?
ஈழத் தமிழர் பிரச்சினையிலும் ஓர் அங்குலம்கூட முன்னேற்றம் இல்லை.
இந்தித் திணிப்பு எதிர்ப்பு என்பதிலும், முன் எப்போதையும்விட தீவிரம் காட்டவேண்டிய நிலை.
கூடுதலாக சமஸ்கிருதத்தைப் பரப்புவதில் தீவிர மானப் போக்கு.
ஆக, ஆட்சி மாற்றம் என்பது, கட்சி மாற்றமாகத்தான் இருக்கிறதே தவிர, மக்களின் நலன்களைக் கருத்தில் கொண்டு, அனைத்துத் தரப்பு மக்களின் நலன்களைக் கருத்தில் கொண்டு இயங்கக்கூடிய ஆட்சி மாற்றமாக இல்லை. ஆகவேதான், நம்முடைய போராட்டங்கள் தொடர்கின்றன.
பெரியார் பற்ற வைத்த நெருப்பைத் தொடர்ந்து அணையாமல் காப்பது நம்முடைய கடமை
அடுத்தடுத்த தலைமுறைக்கு இந்தப் போராட்ட வரலாற்றை எடுத்துச் சொல்ல வேண்டியதும், பெரியார் பற்ற வைத்த அந்த நெருப்பைத் தொடர்ந்து அணை யாமல் காப்பதும், நம்முடைய கடமை என்பதை உணர்த்தக் கூடிய வகையில் இந்த மாநாட்டை தமிழர் தலைவர் ஒருங்கிணைத்திருக்கிறார்.
இந்தித் திணிப்பு என்பது ஒரு மொழித்திணிப்பு அல்ல; அது ஒரு கலாச்சார திணிப்பு; அது ஒரு கருத்தியல் திணிப்பு என்பதை, பெரியார் சுட்டிக்காட்டியிருக்கிறார்; அண்ணா அம்பலப்படுத்தி இருக்கிறார்; கலைஞர் அதை உறுதிப்படுத்தியிருக்கிறார். அந்த வரிசையில் தமிழர் தலைவர் அவர்களும் அதைத் தொடர்ந்து மக்களிடத்திலே சுட்டிக்காட்டி வருகிறார்.
ஆகவே, இந்தித் திணிப்பு என்பது ஏதோ ஆட்சி நிர்வாகத்திற்கு வசதியாக, இந்தியா முழுவதும் ஒரே மொழி இருந்தால், தொடர்புகளுக்கு எளிதாக இருக்கும்; உறவாடுவதற்கு எளிதாக இருக்கும்; ஆட்சி நிர்வாகத் திற்கு எளிதாக இருக்கும் என்ற நல்லெண்ணத்தின் அடிப்படையிலே, இந்தியைப் படியுங்கள் என்று பொறுப்புணர்வோடு சொல்லுகிறார்கள் என்று பலர் எண்ணக் கூடும்; அல்லது திரித்துப் பேசக்கூடும்.
ஆனால், உண்மையில் அது அவர்களின் நோக்கம் அல்ல. இந்தியைத் திணிப்பது - இந்தி மொழியின்மூலம் அவர்களின் பண்பாட்டைத் திணிப்பதாகும். அவர்களின் கலச்சாரத்தைத் திணிப்பதாகும். இதைத்தான் அய்யா பெரியார் அவர்களும், அந்த நாளிலிருந்து அய்யா ஆசிரியர் அவர்களும் நமக்கு எடுத்துச் சொல்லி விளங்க வைத்து வருகின்றனர்.
அடுத்த தலைமுறைக்கு எடுத்துச் சொல்லவேண்டிய ஒன்று!
அதை நாம் முதலில் புரிந்துகொள்ளவேண்டும். நாம் இந்தித் திணிப்பை எதிர்க்கிறோம் என்றால், ஆரியக் கலாச்சாரத் திணிப்பை எதிர்க்கிறோம் என்று புரிந்து கொள்ளவேண்டும்.
நாம் சமஸ்கிருதத் திணிப்பை எதிர்க்கிறோம் என் றால், பார்ப்பனக் கலாச்சாரத் திணிப்பை எதிர்க்கிறோம் என்று புரிந்துகொள்ளவேண்டும்.
இதுதான் அடிப்படையாக நாம் புரிந்துகொள்ள வேண்டிய ஒன்று; அடுத்த தலைமுறைக்கு எடுத்துச் சொல்லவேண்டிய ஒன்று.
இல்லையென்றால், ஏன் இந்தியைப் படிக்கக்கூடாது? படித்தால் வேலை வாய்ப்புக் கிடைக்கும் அல்லவா? படித்தால், வட இந்திய மாநிலங்களிலும் நாம் வணிகம் செய்ய முடியும்; தொழில் செய்ய முடியும். ஏன் இந்தி யைப் படிக்கக்கூடாது? எல்லா நாட்டிற்கும் ஆட்சி மொழி இருப்பதுபோல, இந்தியாவிற்கு, இந்தி ஆட்சி மொழியாக இருப்பதுதானே சரி என்று நம்மிலும் பலர் வாதிடுவதை நாம் பார்க்கிறோம்.
இந்தி என்று தனியே ஒரு மொழி இல்லை
அதற்கு என்ன காரணம் என்றால், இந்தப் போராட்டம் என்பது, ஆரியப் பண்பாட்டுத் திணிப்புக்கு எதிரான போராட்டம் - பார்ப்பனிய கலாச்சாரத் திணிப்புக்கு எதிரான போராட்டம் என்பதை இன்னும் நாம் போதிய அளவில் உணர்த்தவேண்டி இருக்கிறது என்பதைத்தான் புரிந்துகொள்ளவேண்டும்.
ஏன் அவர்கள் இந்தியை மட்டும் திணிக்காமல், சமஸ்கிருதத்தையும் சேர்த்து கையிலெடுக்கிறார்கள். இந்தி பேசக்கூடியவர்கள் இந்தியாவில் இருக்கிறார்கள் சரி; வெவ்வேறு மொழிகளில் அண்ணன் சுப.வீ. அவர்கள் சொன்னதைப்போல, இந்தி என்று தனியே ஒரு மொழி இல்லை.
14 மொழிகளை ஒன்றாக அவர்கள் இணைத்துக் கொண்டு, அதை இந்தி என்ற பெயரில் அழைக்கிறார்கள். அந்தப் பெயர்கள் எதுவும் நமக்கு வாயில் நுழையாது.
போஜ்புரி என்று சொன்னார், உத்தேல்கண்டி என்று சொன்னார், கட்வாலி என்று சொன்னார், இவையெல்லாம் நாம் புழக்கத்தில் பேசாத, கேட்காத பெயர்கள்.
இந்தப் பெயர்கள் அடங்கிய பிராந்திய மொழி களைத்தான், ஒட்டுமொத்தமாக அவர்கள் இந்தி என்று சொல்கிறார்கள்.
இப்படி வரிசைப்படுத்துகின்ற 14 இல், ஒன்றுகூட இந்தி என்று தனியே ஒரு மொழி இல்லை.
அப்படி ஒரு மொழி கிடையாது.
அனைத்திற்கும் ஒரே எழுத்துரு -
அதுதான் தேவநாகரி ஸ்கிரிப்ட்
அவர்கள் இதை ஒருங்கிணைத்து வைத்துக்கொண்டு பேசுகிறார்கள். இவை அனைத்திற்கும் ஒரே எழுத்துரு - அதுதான் தேவநாகரி ஸ்கிரிப்ட்.
எந்த மொழிக்கும் தனித்தனி எழுத்துரு கிடையாது.
இந்த 14 மொழிகளும், தேவநாகரி ஸ்கிரிப்ட் என்ற எழுத்துருவைப் பயன்படுத்துகின்றன. அவ்வளவுதான் ஒற்றுமை.
ஆக, அந்த இந்தி என்கிற மொழியை, அவர்கள் பிற மொழி பேசுகின்ற மக்களின்மீது திணிப்பதோடு, சமஸ் கிருதத்தையும் ஏன் கையில் எடுக்கிறார்கள்; இதுதான் மிக முக்கியமாக நாம் கவனிக்கவேண்டிய ஒன்று.
இந்தியாவிலே சமஸ்கிருதத்தை ஓரளவிற்கு அறிந்த வர்கள் அல்லது புரிந்தவர்கள் என்றால், அது பார்ப் பனர்கள் மட்டும்தான். ஆக, சமஸ்கிருதம் வளர்க்கப்பட வேண்டும் என்பது, பார்ப்பனர்களின் நலன்களுக்காகத் தான்.
இந்தியாவில் இருக்கிற புராணங்கள் பெரும்பான்மை யானவை சமஸ்கிருதத்தில் இருக்கின்றன. ஆகவே, அந்தப் புராணங்களில் இருக்கின்ற கருத்துகள், பிற மொழி பேசுகின்ற மக்கள் படித்தறிய வேண்டுமானால், சமஸ்கிருதத்தை வலுப்படுத்தியாகவேண்டும், பரப்பி யாகவேண்டும்.
அவர்களின் அடிப்படையான இலக்கு; இறுதியான இலக்கு!
எனவே, அவர்களுடைய நோக்கம், சமஸ்கிருதத்தில் இருக்கின்ற புராணக் கருத்துகளை மக்களிடத்தில் கொண்டுபோய் சேர்க்கவேண்டும். அந்தப் புனைவு களை மக்களிடத்தில் கொண்டுபோய்ச் சேர்க்கவேண்டும்; அந்த மாயாவாத கருத்துகளை மக்களிடத்திலே எப்போதும் தக்க வைத்திருக்கவேண்டும். இதுதான் அவர்களின் நோக்கம்.
அவர்களின் அடிப்படையான இலக்கு அதுதான்; இறுதியான இலக்கு அதுதான்.
ஆகவே, சமஸ்கிருதத்தில் எழுதப்பட்ட புராணங்கள், அப்படியே பிற மக்களிடையே போய்ச் சேரவேண்டும். சமஸ்கிருதமும், இந்தியும் பெரும்பான்மையாகப் பேசக் கூடிய மக்களின் நலன்கள் பாதுகாக்கப்படவேண்டும்.
அவர்களின் கலாச்சாரம், ஒட்டுமொத்த தேசத்தி னுடைய கலாச்சாரமாக மாற்றப்படவேண்டும்.
அண்ணன் டி.கே.எஸ்.இளங்கோவன் அவர்கள் ஒரு கேள்வியை எழுப்பினார்.
சமஸ்கிருதத்திற்காக ஒரு நாட்டை உருவாக்க விரும்புகிறார்கள்
எல்லா மொழிகளுக்கும் ஒரு மாநிலம் இருக்கிறது. முடிந்தால், நீ சமஸ்கிருதத்திற்கு ஒரு மாநிலத்தை உருவாக்கிப் பாரேன் என்று சொன்னார்.
அண்ணன் அவர்களுக்கு ஒன்றை நான் சுட்டிக்காட்ட விரும்புகிறேன். அவர்கள் சமஸ்கிருதத்திற்காக ஒரு நாட்டை உருவாக்க விரும்புகிறார்கள், அதுதான் பாரதம்.
ஒட்டுமொத்தமாக பாரதத்தை சமஸ்கிருத நாடாக்க வேண்டும் என்பதுதான் அவர்களுடைய நோக்கம். அவர்களுக்கென்று தனியே ஒரு மாநிலம் இல்லை.
அந்த மொழியைப் பேசுகின்ற மாநில மக்கள் இத்தனை லட்சம் பேர், இத்தனை ஆயிரம் பேர் இருக் கிறார்கள்; இந்தி மொழி பேசக்கூடிய மக்களின் நிலப்பரப்பு என்று சொல்வதற்கு எதுவும் இல்லை. அதனால், ஒட்டுமொத்தமாக இமயம் முதல் குமரி வரையில் சமஸ்கிருத தேசமாக மாற்றவேண்டும் என்பது தான் அவர்களின் நோக்கம்.
ஆக, இந்தியை ஒரு பார்ப்பன லாங்வேஜ் என்ற அடிப்படையில், முதலில் திணிப்பது; பொதுமக்கள் ஓரளவிற்குப் பேசுகிறார்கள்; மத்திய இந்திய பகுதியில் பேசுகிறார்கள்; ஒரு நிலப்பரப்பு இருக்கிறது. அதையே நீங்களும் பின்பற்றுங்கள் என்று சொல்லி, இந்தியைத் திணித்து சமஸ்கிருதத்தை நிலைநாட்டுவது.
கோவில் கருவறை மொழியை, நாடாளுமன்ற கருவறை மொழியாக மாற்றவேண்டும்
அது கோவிலின் கருவறை மொழியாக இருந்த நிலை யிலிருந்து, அதை நாடாளுமன்ற கருவறை வரையில் கொண்டு போய்ச் சேர்க்கவேண்டும் என்பதுதான்.
கோவில் கருவறை மொழியை, நாடாளுமன்ற கருவறை மொழியாக மாற்றவேண்டும் என்பதுதான் அவர்களுடைய நோக்கம்.
இதை செய்யக்கூடியவர்கள் யார்?
பார்ப்பனர்களின் நலன்களுக்காகப் பாடுபடக் கூடியவர்கள்; பார்ப்பனர்கள் அல்ல - பார்ப்பனர்கள் அல்லாத மோடி, அமித்ஷா போன்றவர்கள்தான்.
இதில்தான் அவர்கள் வித்தை அடங்கியிருக்கிறது; வெற்றியும் அடங்கியிருக்கிறது.
இதைப் புரிந்துகொண்டுதான் தந்தை பெரியார் அவர்களும், புரட்சியாளர் அம்பேத்கர் அவர்களும், அந்தக் கோட்பாட்டையே பார்ப்பனியம் என்று அடையாளப்படுத்தினார்கள்.
பார்ப்பனர்களின் நலன்களை மய்யமாகக் கொண்டதால், அது பார்ப்பனியம்தான்!
அது சனாதனம் என்ற பெயரால் அழைக்கப்பட்டாலும், வருணாசிரமம் என்ற பெயரால் அழைக்கப்பட்டாலும், மனுதர்மம் என்ற பெயரால் அழைக்கப்பட்டாலும், குல தர்மம் என்ற பெயரால் அழைக்கப்பட்டாலும், அதை சரியாகப் புரிந்துகொள்ளவேண்டும். இது பார்ப்பனர் களின் நலன்களை மய்யமாகக் கொண்டதால், இந்தக் கோட்பாட்டை பார்ப்பனியம் என்று புரிந்துகொள்ள வேண்டும்.
அந்தக் கோட்பாட்டை பார்ப்பனியம் என்று அடை யாளப்படுத்தியவர்கள் புரட்சியாளர் அம்பேத்கர் அவர்களும், தந்தை பெரியார் அவர்களும்.
பிராமணீசம், பிராமினோகிரசி - ஏனென்றால், அது முழுக்க முழுக்க அவர்களின் நலன்களைச் சார்ந்தது; அவர்களின் பாதுகாப்பைச் சார்ந்தது.
பார்ப்பன சிறுபான்மையினர் ஆட்சியை நடத்துகின்றார்கள்
பெரும்பான்மை மக்கள் ஆட்சிக்கு வருகிறார்கள்; ஆட்சி நடத்துகிறார்கள் என்று நாம் சொல்கிறோம். உண்மையில், சிறுபான்மை மக்கள்தான் ஆட்சி நடத்து கின்றார்கள்; பார்ப்பன சிறுபான்மையினர் ஆட்சியை நடத்துகின்றார்கள்.
இந்தப் பார்ப்பன சிறுபான்மையினர் தொடர்ந்து ஆட்சி நடத்துகின்றார்கள் என்றால், அது எண்ணிக்கைப் பெரும்பான்மையல்ல. கருத்தியல் பெரும்பான்மை.
கருத்தியல் சார்ந்த பெரும்பான்மை வாதம்
பார்ப்பனர்கள், பார்ப்பனியத்தை கருத்தியல் பெரும் பான்மையாக மாற்றுகிறார்கள். ஒரு அய்டியாலஜிகல் மெஜாரிட்டிடேரிலிசம் - கருத்தியல் சார்ந்த பெரும் பான்மை வாதம்.
நான் பேசுவதை மோடி பேசுகிறார்; நான் பேசுவதை அமித்ஷா பேசுகிறார்; நான் பேசுவதை அண்ணாமலை யும் பேசுகிறார். நான் பேசுவதை தமிழிசை சவுந்தி ரராசனும் பேசுகிறார்.
இவர்கள் யாரும் பார்ப்பனர்கள் இல்லை. ஆனால், அவர்களும் எங்கள் கருத்தை ஏற்றுக்கொண்ட.வர்கள். கருத்தியல் பெரும்பான்மை வாதம்.
ஆக, கருத்தியல் பெரும்பான்மை வாதத்தைத்தான் இன்றைக்கு இந்துத்துவா என்ற புதிய பெயரில் அவர்கள் அதைக் கட்டமைக்கிறார்கள்.
இந்துத்துவா என்ற பெயரில் அவர்கள் கட்டமைப்பது, இந்துப் பெரும்பான்மையை கட்டமைப்பதற்கான ஒரு சூழ்ச்சி அது - சூது, சூழ்ச்சி.
பார்ப்பனர்கள் தனிமைப்பட்டு விடக்கூடாது. அவர்கள் இந்துக்களோடு இணைந்து, இந்து என்ற பாதுகாப்பை உறுதிப்படுத்திக் கொள்ளவேண்டும்.
பார்ப்பனர்கள் தனிமைப்பட்டுவிடக் கூடாது. அவர்களின் தற்காப்பு முக்கியமானது.
(தொடரும்)
அவருக்கு உற்ற துணையாக இருப்பதுதான் தமிழர்கள் ஒவ்வொருவரின் கடமை!
இந்தி எதிர்ப்பு மாநாட்டில் எழுச்சித் தமிழர் தொல்.திருமாவளவன் எம்.பி., எழுச்சியுரை
சென்னை, ஜூன் 10 தந்தை பெரியாரின் உண்மையான கருத்தியல் வாரிசு, அய்யாவின் உண்மையான போர்க் குணத்தின் வாரிசு நம்முடைய தமிழர் தலைவர் அவர் கள். அதனைத் தொடர்ந்து முன்னெடுக்கிறார். அவருக்கு உற்ற துணையாக இருப்பதுதான், தமிழர்கள் ஒவ் வொருவரின் கடமை என்றார் விடுதலை சிறுத்தைகள் கட்சியின் தலைவர் எழுச்சித் தமிழர் தொல்.திருமா வளவன் எம்.பி., அவர்கள்.
இந்தி எதிர்ப்பு மாநாடு
கடந்த 4.6.2022 அன்று மாலை சென்னை சைதாப் பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டில் விடுதலை சிறுத்தைகள் கட்சியின் தலைவர் எழுச்சித் தமிழர் தொல்.திருமாவளவன் எம்.பி., அவர்கள் சிறப்புரை யாற்றினார்.
அவரது சிறப்புரையின் நேற்றையத் தொடர்ச்சி வருமாறு:
பார்ப்பனரல்லாதவரின் ஆதரவு தேவை!
ஆகவே, தங்களைத் தற்காத்துக் கொள்ளவேண்டும்; ஆட்சி அதிகாரத்தைத் தக்க வைத்துக்கொள்ளவேண்டும். அதற்குப் பார்ப்பனரல்லாதவரின் ஆதரவு தேவை. அவர்கள் வரையில் அதை விரிவுபடுத்திக் கொள்வது என்பதற்கான ஒரு கோட்பாடாக, பரிணாமம் பெறச் செய்துவிட்டார்கள்.
சனாதனம் என்பதுதான் பார்ப்பனியம்; பார்ப்பனியம் என்பதுதான் இன்றைக்கு இந்துத்துவம் என்கிற பரி மாணத்தை, இன்னொரு பரிமாணத்தையும் அடைந் திருக்கிறது.
அதனால்தான் அவர்கள் பார்ப்பனரல்லாதாரை குறி வைத்து காய்களை நகர்த்துகிறார்கள். அவர்களைக் குறி வைத்து பிரச்சாரத்தை தீவிரப்படுத்துகிறார்கள். அவர் களைக் குறி வைத்து கட்சியிலும், ஆட்சியிலும் பதவி, பவிசுகளை வழங்குகிறார்கள்.
பாருங்கள், நாங்கள் இப்படியெல்லாம் அதிகாரம் தந்து அவர்களை அரவணைக்கிறோம்.
இந்தத் தேசத்தை ஒரே தேசமாக்கவேண்டும். அந்த தேசம் இந்துக்களின் தேசமாக அதிகாரப்பூர்வமாக நிலை நிறுத்தப்படவேண்டும்.
இதுதான் அவர்களுடைய அல்டிமேட் எய்ம் - இறுதி நோக்கம் என்பது. இதுதான் அவர்களது டார்கெட்.
ஆகவே, இந்தத் தேசத்தை ஒரே தேசமாக ஆக்க வேண்டுமானால், ஒரே கலாச்சாரம் தேவைப்படுகிறது. பன்மைத்துவ கலாச்சாரம் உள்ள ஒரு நாட்டை, ஒரு நாடு என்ற உணர்வுக்குள் கொண்டுவர முடியாது.
இந்த நாட்டில் கொந்தளிப்பு ஏற்பட்டு இருக்க வேண்டும்
ஒரே தேசம், ஒரே கலாச்சாரம் என்று இவர்கள் முழங்குகிறார்களே, இது எவ்வளவு ஆபத்தானது என்பதை நாம் எண்ணிப் பார்க்காமல் கடந்து போகி றோம். இந்த முழக்கத்தை வைத்தபொழுதே, இந்த நாட்டில் கொந்தளிப்பு ஏற்பட்டு இருக்கவேண்டும்.
இது ஒரு நாடுதானே என்று அண்ணன் முத்தரசன் அவர்கள்கூட சொன்னார்.
இல்லை, இது ஒரு நாடாக இல்லை என்பது அவர் களுக்குத் தெரிகிறது; நாம்தான் மயக்கத்தில் இருக்கி றோம்; இந்தியா ஒரே நாடாக இருக்கிறது என்று நம்புகி றோம்.
இது ஒரு நாடு என்கிற உணர்வைப் பெற்றிருக்க வில்லை. மொழி அடிப்படையில் பிராந்திய உணர்வு மேலோங்குகிறது. மொழி உணர்வு மேலோங்குகிறது; மொழி உரிமை மேலோங்குகிறது. மாநில உரிமை என்கிற குரல் மேலோங்குகிறது.
எனவே, இது ஒரு நாடு என்கிற உணர்வை இவர்கள் பெற்றிருக்கவில்லை. எனவே, மொழி உணர்வை முனை மழுங்கச் செய்யவேண்டும். மொழி உரிமைப் போராட் டங்களை நசுக்கவேண்டும்; பிராந்திய உணர்வை நசுக்க வேண்டும். பிராந்திய உணர்வுகள், மொழி உணர்வு அல்லது மாநில உரிமைகள் என்பவை ஒரு தேசம் என்கிற உணர்வைத் தராது என்பதை ஆர்.எஸ்.எஸ்., சங் பரிவார் அமைப்புகள் தெளிவாக உணர்ந்திருக் கின்றன. ஒரு தேசமாக இல்லை.
பெரியார் காலத்திலே அது தெளிவுபடுத்தப்பட்டது. இந்த மண்ணில் இரண்டு இனம்தான்; இரண்டு கருத் தியல்தான். இந்த இரண்டு கருத்தியல்களுக்கு, இரண்டு கோட்பாடுகளுக்கு நடைபெறுகிற யுத்தம்தான் இந்திய வரலாறு.
வருணாசிரம தர்ம கோட்பாட்டுக்கு
எதிரான சொல் திராவிடம்
ஒன்று ஆரியம்; இன்னொன்று திராவிடம்.
திராவிடம் என்கிற சொல்லாடல், நிலப்பரப்பைக் குறிப்பதற்காகக் கையாளப்பட்டதல்ல.
திராவிட நாடு என்கிற கோரிக்கை, நிலப்பரப்பு அடிப் படையில் கையாளப்பட்டது என்றாலும்கூட, திராவிடம் என்கிற சொல்லாடல், ஆரியம் என்கிற கருத்துக்கு எதி ரான கருத்தியல். பார்ப்பனியம் என்கிற கோட்பாட்டுக்கு எதிரான கோட்பாடு. வருணாசிரம தர்ம கோட்பாட்டுக்கு எதிரான சொல் திராவிடம்.
திராவிடம் என்பது கருத்தியல் சார்ந்த ஒரு சொல் லாடல். திராவிடம் என்று சொன்னாலே, அது பார்ப்பனிய எதிர்ப்பு என்றுதான் பொருள். ஒரு நிலப்பரப்பைக் குறிக்கின்ற சொல் அல்ல. தென்னிந்திய நிலப்பரப்பை இந்த 5, 6 மாநிலங்கள் மட்டும் குறிக்கின்றன என்றால், அவன்தான் தெலுங்கனாகப் போய்விட்டான்; இவன் தான் கன்னடனாகப் போய்விட்டான்; இவன்தான் மலையாளியாகப் போய்விட்டான்; அப்புறம் எதற்கு நமக்கு திராவிடம் என்று சில அற்பர்கள் கேள்வி எழுப்புகிறார்கள். அரசியல் அறியாமையால் அந்தக் கேள்வியை எழுப்புகிறார்கள்.
திராவிடம் என்பது நிலப்பரப்பின் அடிப்படையில் எழுந்த ஒற்றைச் சொல்லாடல் அல்ல. அது ஆரியம் என்கிற ஆபத்தான, பார்ப்பனியம் என்கிற தீங்கான கோட்பாட்டுக்கு எதிராக வெடித்தெழுந்த ஒரு கோட்பாடு அது.
அது புதிதாக உருவானதல்ல. அது இயல்பாக இங்கு கிடக்கிற ஒன்று.
புரட்சியாளர் அம்பேத்கர் அவர்கள் இந்தியா முழு வதும் நாகர் நாடாக இருந்தது; நாகர் நாடு என்பதுதான் திராவிட நாடு என்பதை ஒப்புக்கொள்கிறார், அவர் ஒரு வரலாற்று ஆய்வாளர்- புரட்சியாளர் அம்பேத்கர் அவர்கள். அவர் ஒரு சமூக ஆய்வாளர். அவர் மானுடவியலின் வல்லுநர்.
திராவிடர்கள் என்றால், பார்ப்பனர்கள் அல்லாதவர்கள்; ஆரியர்கள் அல்லாதவர்கள்
அவர் ஒப்புக்கொள்கிறார், இந்திய தேசம் முழுவதும் பரவியிருந்த மக்கள் நாகர்கள். நாகர்கள் வேறு யாரும் இல்லை, திராவிடர்கள். திராவிடர்கள் என்றால் வேறு யாரும் இல்லை, பார்ப்பனர்கள் அல்லாதவர்கள்; ஆரி யர்கள் அல்லாதவர்கள்.
ஆக, இந்தியா முழுவதும், சொந்த தாய் மண்ணாக, தேசமாக ஏற்றுக்கொண்டு வாழ்ந்தவர்கள் திராவிடர்கள்.
மொழிக் கலப்பால், இனக் கலப்பால், ஆரியக் கலப் பால், சமஸ்கிருதக் கலப்பால், பண்பாட்டுக் கலப்பால், திராவிடர் இனக் கலப்பு ஏற்பட்டு மாறிப் போனார்கள். தென்னிந்தியாவாக சுருங்கி, தமிழ்நாடாக இன்றைக்குச் சுருங்கிக் கிடக்கிறது.
எனவே, ஒன்றை நாம் மிக அழுத்தமாகப் பதிய வைக்கவேண்டி இருக்கிறது; சுட்டிக்காட்டவேண்டி இருக்கிறது. திராவிடம் என்பது கருத்தியல் அடையாளம்; நிலவியல் அடையாளம் என்பதல்ல.
திராவிட மொழிகள் பேசப்பட்டதால், இது திராவிட நிலப்பரப்பு என்கிற ஒரு கோரிக்கை எழுந்தது சரிதான். ஆனால், அந்தத் திராவிட நாடு கோரிக்கை கைவிடப் பட்டதால், திராவிட கருத்தியலும் நீர்த்துப் போனது என்று பொருளில்லை. மொழி வழிமாநிலங்கள் ஏற்பட்ட தால், திராவிட மொழி என்ற ஒன்று இல்லை என்ற அடிப்படையில் வாதிட்டு, திராவிட கருத்தியலையே மறுப்பது அல்லது எதிர்ப்பது பார்ப்பனர்களுக்கு ஆதர வான நிலைப்பாட்டை எடுப்பதாகும். ஆரியத்திற்குத் துணை போவதாகும்.
பெரியாரை எதிர்ப்பது என்பது,
ஆரிய ஆதரவு என்று பொருள்
ஆக, திராவிட எதிர்ப்பு என்பது பார்ப்பன ஆதரவு என்று பொருள். பெரியாரை எதிர்ப்பு என்பது, ஆரிய ஆதரவு என்று பொருள்.
நான் ஒரு கூட்டத்திலே கேள்வி எழுப்பினேன். வர லாற்றின் அடிப்படையில் பார்த்தால், அய்யா பெரியா ருக்கு முன்னதாக, இந்த மண்ணில் திராவிடம் என்கிற சொல்லாடல் கையாளப்பட்டு இருக்கிறது.
அயோத்திதாச பண்டிதர்-
இரட்டைமலை சீனிவாசன்
அயோத்திதாச பண்டிதர் திராவிட மகாஜன சபை என்கிற அமைப்பை கட்டியிருக்கிறார்.
இரட்டைமலை சீனிவாசன் ஆதிதிராவிட மகாஜன சபை என்ற அமைப்பை கட்டியிருக்கிறார்.
அய்யா பெரியார், 1879 இல் பிறந்தவர். திராவிட மகாஜன சபை 1891 இல் கட்டப்பட்டது. ஆதிதிராவிட மகாஜன சபை 1891 இல் கட்டப்பட்டது.
அப்பொழுதுதான் அம்பேத்கர் பிறக்கிறார். அம் பேத்கர் பிறக்கிறபொழுதே இந்த மண்ணில் திராவிட மகாஜன சபை என்ற ஒரு அமைப்பு உருவானது என் றால், திராவிடம் என்பதை பண்டிதர் எந்தப் பொருளில் கையாளுகிறார் என்றால், எங்களுக்கு ஜாதியும் வேண்டாம்; இந்து அடையாளமும் வேண்டாம். நாங்கள் திராவிடியன்ஸ். எங்களுக்கு ஜாதியும் இல்லை; மதமும் இல்லை. நாங்கள் இந்துக்கள் இல்லை என்கிற பிரகடனத்திலிருந்துதான், அந்த அறிவிப்பிலிருந்துதான் திராவிடம் என்கிற சொல்லைக் கையாளுகிறார்.
உங்களுக்கு நெஞ்சிலே உரமிருந்தால், பண்டிதரை விமர்சனம் செய்யுங்கள்; பெரியாரை விமர்சிக்காதீர்கள். இதை நான் பொது அரங்கிலே கேட்கிறேன்.
உனக்கு நெஞ்சிலே உரமிருந்தால், நேர்மை திறமிருந் தால், பண்டிதர் சொன்னது தவறு என்று சொல். பண்டி தர்தான் திராவிடக் கருத்தியலுக்குக் காரணமாக இருந் தவர். பண்டிதர் அடையாளங்களை நொறுக்குவோம் என்று சொல். பண்டிதருடைய எழுத்துக்களைக் கொளுத்துவோம் என்று சொல்.
எனக்கு ஜாதி அடையாளம் வேண்டாம்; ஜாதி அடை யாளம் வேண்டாம் என்றால், இந்து அடையாளம் வேண்டாம்.
ஆக, திராவிட அரசியல் என்பதே, இந்து மதம் என்பது தேவையில்லை என்பது. ஜாதி தேவையில்லை என்பது.
ஜாதியை எதிர்ப்பது, இந்து மதத்தைத் தவிர்ப்பது அல்லது எதிர்ப்பது. இதுதான் அடிப்படையான அரசியல்.
ஆனால், இவர்கள் ஏன் பெரியாரைக் குறி வைக் கிறார்கள் என்றால், பெரியாரை யார் எதிர்ப்பது? ஆதி காலத்திலிருந்து, பெரியார் போராடத் தொடங்கியதி லிருந்து எதிர்ப்பவர்கள் யார்? அவர் களுக்கு இவர்கள் துணை போகிறார்கள், கைக்கூலிகளாக இருக்கிறார்கள் என்றுதானே பொருள்.
பெரியாரைக் குறி வைத்து இந்த மண்ணில் எதிர்க்கக் கூடிய சக்தி ஆரிய சக்திதான்!
பெரியாரைக் குறி வைத்து இந்த மண்ணில் எதிர்க்கக் கூடிய சக்தி ஒரே ஒரு சக்தி ஆரிய சக்திதான். பார்ப் பனர்கள்தான். பார்ப்பனிய அரசியல்வாதிகள்தான். குலதர்மத்தைப் பேசக்கூடியவர்கள்தான். வருணாசிர மத்தை நியாயப்படுத்தக் கூடியவர்கள்தான் - அவர்கள் பெரியாரை எதிர்க்கிறார்கள். நீங்களும் பெரியாரை எதிர்க்கிறீர்கள் என்றால், நீங்கள் யாருக்குத் துணை போகிறீர்கள்?
சிந்தித்துப் பாருங்கள்.
தமிழ்த் தேசியம் என்பது தெலுங்கு எதிர்ப்பிலிருந்து எப்படி வரும்?
தமிழ்த் தேசியம் என்பது கன்னட எதிர்ப்பிலிருந்து எப்படி வரும்?
இது வெறும் மொழி வாதம் - இன வாதம்.
தமிழ்த் தேசியம் என்பது இந்துத்துவ எதிர்ப்பி லிருந்துதான் வர முடியும்.
தமிழ்த் தேசியம் என்பது சனாதன எதிர்ப்பி லிருந்துதான் வர முடியும்.
ஒரு நதி தொடங்குகிற இடத்தில் அதற்கு ஒரு பெயர் இருக்கும்; நடுவில் ஒரு பெயர் இருக்கும். கடைசியில் ஒரு பெயர் இருக்கும்.
தொடங்கும்போது திராவிடம் - இன்றைக்கு வளருகிறபொழுது தமிழ்த் தேசியம்!
அந்த மாதிரிதான் தொடங்கும்போது திராவிடம் - இன்றைக்கு வளருகிறபொழுது தமிழ்த் தேசியம். இரண்டும் ஒரே நதியின் பெயர்தான். இரண்டும் ஒரே நதிதான்.
திராவிடத்திலிருந்து, திராவிடக் கொள்கையிலிருந்து பரிணாமம் பெற்றதுதான் மொழிவழி தேசியம்.
அந்த மொழி வழி தேசியம் பரிணாமம் அடைவதற்கு இத்தனை 10 ஆண்டுகள் காத்திருக்கவேண்டி இருந்தது.
தமிழைக் காப்பதற்குத்தானே போராடினார்கள் பெரியாரும் - அண்ணாவும்!
திராவிடத்தை முன்மொழிந்த பெரியாரும், திரா விடத்தை உயர்த்திப் பிடித்த அண்ணாவும் தமிழைக் காப்பதற்குத்தானே போராடினார்கள்.
சமஸ்கிருத மொழிகளை, அந்தச் சொற்களை அழித்தொழிக்கத்தானே போராடினார்கள்; இந்தியை அழித்தொழிக்கத்தானே போராடினார்கள். பார்ப்பனி யத்தை எதிர்த்துத்தானே இந்தப் பணிகளில் ஈடு பட்டார்கள்.
எவ்வளவு சமஸ்கிருத சொற்கள் மாறி, இன்றைக்குத் தமிழ்ச் சொற்களாகி இருக்கின்றன.
ஆக தமிழ்த் தேசியத்தை வளர்த்தெடுப்பதில் பெரியார் இயக்கம், திராவிட முன்னேற்றக் கழகம் போன்ற அரசியல் இயக்கம் எந்த அளவிற்குப் பங்களிப்பு செய்திருக்கின்றது என்பதை உணராமல், வரலாற்றைத் திணிக்கப் பார்க்கிறார்கள். அல்லது ஆரிய, பார்ப்பனிய அரசியலுக்குத் துணை போகிறார்கள்.
எனவே, பெரியார் எதிர்ப்பு என்பதை வெறும் திராவிடர் கழகத்திற்கு எதிரான நடைமுறை என்று பார்த்துவிடக் கூடாது; ஒதுங்கி இருந்துவிடக் கூடாது. தி.முக.. எதிர்ப்பு என்று வெறும் அது ஒரு கட்சிக்கு எதிரான எதிர்ப்பு என்று நாம் விலகி நிற்க முடியாது.
திராவிடம் என்கிற அரசியல், திராவிடர் கழகத்திற்கும், திராவிட முன்னேற்றக் கழகத்திற்குமான - அந்த அளவிலே நின்றுவிடக் கூடிய ஒரு கருத்தியல் அல்ல.
அது பார்ப்பனியத்தை எதிர்க்கிற அனைவருக்குமான கருத்தியல்.
அம்பேத்கரும் ஒரு திராவிடர்தான்!
நான் ஒரு கூட்டத்திலே சொன்னேன், இந்தப் பார்வையில், அம்பேத்கரும் ஒரு திராவிடர்தான் என்று சொன்னேன்.
இந்தக் கருத்தியல் நோக்கில், புரட்சியாளர் அம்பேத் கரும் ஒரு திராவிடர்தான். அவரை நீங்கள் மராத்தியர் என்று பார்க்கலாம். அவர் ஆரிய எதிர்ப்பாளர்,
