1.02.2023 முற்பகல் 11.00 மணி அளவில் ஜாஃபர்கான் பேட்டை பாலாஜி அரங்கில் தென் சென்னை மாவட்ட திராவிடர் கழகத் தோழர் ஆயிரம் விளக்கு மு.சேகர் - சே.கீதா இணையரின் மகன் சே. தமிழரசுவுக்கும், திருவண்ணாமலையை சேர்ந்த ப.வரதன் - வ. பழனியம்மாள் இணையரின் மகள் வ. தீபலட்சுமிக்கும் வாழ்க்கை இணை ஏற்பு விழாவை தமிழர் தலைவர் ஆசிரியர் கி. வீரமணி அவர்கள் தலைமை ஏற்று நடத்தி வைத்தார். திருமண வீட்டார் சார்பாக ரேவதி வினோத் நன்றி கூறினார்.
தென் சென்னை மாவட்ட திராவிடர் கழக காப்பாளர் முதுபெரும் பெரியார் பெருந்தொண்டர் சைதை எம்.பி.பாலு 14.02.2023 நண்பகல் ஒரு மணி அளவில் சைதாப்பேட்டையில் உள்ள தனது இல்லத்தில் 91ஆவது பிறந்தநாளை 'கேக்' வெட்டி கொண்டாடினார். உறவினர்களும் தோழர்களும் வந்திருந்து வாழ்த்தி சிறப்பித்தனர். மாவட்டத் தலைவர் இரா.வில்வநாதன், மாவட்ட செயலாளர் செ.ர. பார்த்தசாரதி, மாவட்ட அமைப்பாளர் மு.ந.மதியழகன் மற்றும் அவரின் இணையர் தமிழ்மதி, மாவட்ட துணை செயலாளர் கோ.வீ. ராகவன் ஆகியோர் பயனாடை அணிவித்து மகிழ்ந்தனர். அனைவருக்கும் பிரியாணி உணவு வழங்கப்பட்டது.
சென்னை, பிப். 18- சென்னை மண்டல திராவிடர் கழக மக ளிரணி மற்றும் திராவிட மக ளிர் பாசறையின் கலந்துரையா டல் கூட்டம் 11.02.2023 (சனிக் கிழமை) அன்று பகல் 12.30 மணி அளவில் சென்னை வள் ளுவர் கோட்டம் கலைஞர் பூங் காவில் நடைபெற்றது. சென்னை மண்டலத்திற்கு உட்பட்ட தாம்பரம்,
வடசென்னை, தென் சென்னை, ஆவடி, கும்மிடிப் பூண்டி ஆகிய மாவட்டங்க ளைச் சேர்ந்த மகளிர் தோழர் கள் பங்கேற்று சிறப்பித்தனர்.
அனைவரையும் வரவேற்று தலைமை உரையாற்றிய ச இன்பக்கனி (துணைப் பொதுச் செயலாளர்) 30.01.2023 அன்று சென்னை பெரியார் திடலில் தமிழர் தலைவர் ஆசிரியர் அவர்களின் தலைமையில் நடை பெற்ற மாநில கலந்துரையாடல் கூட்டத்தில் அறிவிக்கப்பட்ட புதிய பொறுப்பாளர்கள் இறைவி இறையன் (மண்டல மகளிரணி செயலாளர்), த மரகதமணி (மண்டல மகளிர் பாசறை செயலாளர்) ஆகியோரை அறிமுகப்படுத்தி வாழ்த்துகளைத் தெரிவித்தார். மாநில கலந்துரையாடல் கூட் டத்தில் பங்கேற்று சிறப்பித்த அனைத்து மகளிருக்கும் நன்றி தெரிவித்ததுடன் இனி ஒவ் வொரு மாதமும் நடைபெற உள்ள மண்டல கலந்துரை யாடல் கூட்டங்களிலும் தவ றாமல் பங்கேற்குமாறு கேட் டுக் கொண்டார். மகளிருக்குப் பொது வெளியில் ஏற்படும் பிரச்சினைகளைக் கண்டித்து குரலெழுப்ப, குறுகிய காலத்தி லும் பெருமளவில் ஒன்று சேர மகளிர் தோழர்கள் தயாராக இருக்க வேண்டும் என்றும் கேட்டுக் கொண்டார்.
இறைவி அனைவரையும் வரவேற்று மகளிர் ஒன்றி ணைந்து சுற்றுலா செல்ல விரைவில் ஏற்பாடு செய்யப் படும் என்று கூறினார். இனி மாதந்தோறும் நடைபெறும் கலந்துரையாடல் கூட்டங்களி லும் அதிக அளவில் பங்கேற் குமாறு கேட்டுக் கொண்டார். மரகதமணி கழகத் தலைவர் ஆசிரியர் அவர்களின் வழி காட்டுதல் படி செயல்படுவோம் என்று உறுதியளித்தார்.
தொடர்ந்து இயக்கத்திற்குப் புதிதாக வந்துள்ள தோழர்கள் சசிமேகலா மற்றும் இலக்கியா ஆகியோர் தங்களை அறிமுகம் செய்து கொண்டு தங்களின் பணிகளுக்கு இடையூறின்றி இனிவரும் கூட்டங்களிலும கலந்துக் கொண்டு செயல்படு வோம் என்று கூறினர். ஆவடி மாவட்ட மகளிரணி தோழர் மெர்சி மகளிர் நலனுக்கான ஆர்ப்பாட்டங்களில் மகளிர் அதிக அளவில் பங்கேற்க வேண்டியதின் அவசியத்தை வலியுறுத்தினார்.
வருகை தந்த மற்ற தோழர்கள் சிலரும் தங்களது கருத்துகளைத் தெரிவித்தனர்.
நிறைவேற்றப்பட்ட தீர்மானங்கள்:
1) இனி மாதந்தோறும் இரண்டாவது சனிக்கிழமை அன்று தவறாமல் சென்னை மண்டல மகளிரணி - மகளிர் பாசறை கலந்துரையாடல் கூட்டத்தை நடத்துவது.
2) அடுத்த மாதம் (மார்ச்) அன்னை மணியம்மையார் பிறந்தநாள் நினைவு நாட்களை ஒட்டி மகளிர் கலந்துரையாடல் கூட்டத்தை பெரியார் திடலி லேயே நடத்துவது. அதனைத் தொடர்ந்து நடைபெறும் மாதாந்திர கூட்டங்களை விருப்பம் தெரிவிக்கும் மகளிர் இல்லங்களில் நடத்துவது.
3) தமிழர் தலைவர் ஆசிரியர் அவர்களின் 'சமூகநீதி பாது காப்பு, திராவிட மாடல் விளக் கப்' பரப்புரை தொடர்பயணம் அன்னை மணியம்மையாரின் 104ஆவது பிறந்தநாளான மார்ச் 10ஆம் நாளன்று கட லூரில் நிறைவு பெறுவதை யொட்டி அந்நிகழ்ச்சியில் மக ளிர் அதிக அளவில் பங்கேற்பது.
4) தமிழர் தலைவர் ஆசிரி யர் கேட்டுக் கொண்டதற்கி ணங்க இயக்க வெளியீடான 'பெரியார் பிஞ்சு' மாத இதழுக்கு அதிக அளவில் ஆண்டு சந்தாக் கள் வசூலித்து அளிப்பது.
இறுதியாக, தமிழர் தலை வர் ஆசிரியர் அவர்களின் தலைமையில் 'உயர்நீதி மன்றம், உச்ச நீதிமன்றங்களில் நீதிபதி கள் நியமனத்தில் பார்ப்பன ஆதிக்கத்தை எதிர்த்து' வள்ளு வர் கோட்டம் அருகில் நடை பெற்ற கண்டன ஆர்ப்பாட் டத்தில் பெருமளவில் பங் கேற்று, அதனைத் தொடர்ந்து வள்ளுவர் கோட்டம் அருகில் உள்ள பூங்காவில் நடைபெற்ற மகளிர் கலந்துரையாடல் கூட்டத்திலும் பங்கேற்ற மக ளிர் தோழர்கள் அனைவருக் கும் பொதுக்குழு உறுப்பினர் காப்பாளர் வெற்றிச் செல்வி நன்றி கூறினார்.
சென்னை,பிப்.12- உச்சநீதிமன்றம் - உயர்நீதிமன்றங்களில் உயர்ஜாதி பார்ப்பன நீதிபதிகள் ஆதிக்கம் செலுத்தும் வகையில் நீதிபதிகள் நியமனங்களை ஒன்றிய அரசு செய்து வருவதைக் கண்டித்து திராவிடர் கழகம் சார்பில் நேற்று (11.2.2023) தமிழ்நாடு முழுவதும் மாவட்ட தலைநகரங்களில் கண்டன ஆர்ப்பாட்டம் நடைபெற்றது.
சமூகநீதி பாதுகாப்பு, திராவிட மாடல் விளக்க பரப்புரை தொடர் பயணத்தின்போது 7.2.2023 அன்று உடுமலைப்பேட்டையில் முகாமிட்டிருந்த திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உச்சநீதிமன்றம் - உயர்நீதிமன்றங்களில் உயர்ஜாதி பார்ப்பன நீதிபதிகள் ஆதிக்கம் செலுத்தும் வகையில் நீதிபதிகள் நியமனங்களை ஒன்றிய அரசு செய்து வருவதைக் கண்டித்து திராவிடர் கழகம் சார்பில் பிப்ரவரி 11இல் கண்டன ஆர்ப்பாட்டம் நடை பெறும் என்று அறிக்கைவிடுத்து அறிவித்தார்.
அதன்படி தமிழ்நாடு முழுவதும் மாவட்டத் தலைநகரங்களில் ஒன்றிய அரசைக் கண்டித்து ஆர்ப்பாட்டங்கள் எழுச்சியுடன் நடைபெற்றன. திராவிடர் கழகத்தின் பல்வேறு அணிகளின் பொறுப்பாளர்கள், ஒத்த கருத்துள்ள பல்வேறு அமைப்புகளின் பொறுப்பாளர்கள் ஆர்ப்பாட்டத்தில் கலந்து கொண்டனர். சென்னையில் வள்ளுவர் கோட்டம் அருகில் இன்று (11.2.2023) காலை 11 மணிக்கு தமிழர் தலைவர் தலைமையில் கண்டன ஆர்ப்பாட்டம் நடைபெற்றது.
நீதித்துறையில் உரிமையை நிலை நாட்டிடவும், சமூகநீதியைக் காத்திடவும் இடஒதுக்கீடு அவசியம் தேவை என்பதை வலியுறுத்தி தமிழர் தலைவர் ஆசிரியர் அவர்கள் கண்டன ஆர்ப்பாட்ட உரையாற்றினார். மதவாத நஞ்சுடன் இருப்பவர்கள் அதிகார வர்க்கத்தினராக இருக்கிறார்கள். விழிப்புடன் சமூக நீதியைக் காத்திட வேண்டுமென்பதை வலியுறுத்தி விடுதலை சிறுத்தைகள் கட்சித் தலைவர் எழுச்சித்தமிழர் தொல் திருமாவளவன் ஆர்ப்பாட்ட கண்டன உரையாற்றினார். கழகத்துணைத் தலைவர் கவிஞர் கலி.பூங்குன்றன், இந்திய கம்யூஸ்ட் கட்சி தமிழ்நாடு மாநில துணை செயலாளர், கழக வழக்குரைஞரணித் தலைவர் த.வீர சேகரன் கண்டன உரையாற்றினர். ஆர்ப்பாட்ட முடிவில் வழக்குரைஞர் பா.மணியம்மை நன்றி கூறினார்.
சென்னை ஆர்ப்பாட்டத்தில் கலந்து கொண்டவர்கள்
விடுதலை சிறுத்தைகள் கட்சி துணைப் பொதுச்செயலாளர் வன்னியரசு, வழக்குரைஞர் ரஜினிகாந்த், சென்னை மத்திய மாவட்ட செயலாளர் செல்வம் உள்ளிட்ட பொறுப்பாளர்கள், திராவிடர் கழக பொருளாளர் வீ.குமரேசன், பொதுச்செயலாளர் இரா.ஜெயக்குமார், அமைப்பாளர் இரா.குணசேகரன், வெளியுறவு செயலாளர் கோ.கருணாநிதி, துணைப்பொதுச்செயலாளர் பொறியாளர் ச.இன்பக்கனி, அமைப்புச் செயலாளர் வி.பன்னீர்செல்வம், திராவிட தொழிலாளர் கழக மாநில செயலாளர் திருச்சி மு.சேகர், சென்னை மண்டல செயலாளர் தே.செ.கோபால், திராவிட மாணவர் கழக மாநில செயலாளர் ச.பிரின்சு என்னாரெசு பெரியார், துணை செயலாளர் நா.பார்த்திபன், அமைப்பாளர் செந்தூரப்பாண்டியன், துணை அமைப்பாளர் செ.பெ.தொண்டறம், இளைஞரணி மாநில துணை செயலாளர் சோ.சுரேஷ், ஆத்தூர் சுரேஷ், தென் சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, வடசென்னை மாவட்டத் தலைவர் எண்ணூர் வெ.மு.மோகன், செயலாளர் தி.செ.கணேசன், அமைப்பாளர் புரசை சு.அன்புச்செல்வன், ஆவடி மாவட்ட செயலாளர் க.இளவரசன், அமைப்பாளர் உடுமலை வடிவேல், வஜ்ரவேல், அம்பத்தூர் இராமலிங்கம், நடராஜன், தம்பிபிரபாகரன், இளைஞரணி தளபதி பாண்டியன், மகேந்திரன், சண்முகப்ரியன், வழக்குரைஞர் சென்னியப்பன், கழக சொற்பொழிவாளர் தி.என்னாரெசு பிராட்லா, வழக்குரைஞர் கரூர் இராஜசேகரன், வழக்குரைஞர் திருப்பூர் பாண்டியன், வழக்குரைஞர் துரைஅருண், பகுத்தறிவாளர் கழக பொதுச்செயலாளர் ஆ.வெங்கடேசன், தொழிலாளர் கழகம் கூடுவாஞ்சேரி மா.இராசு, பெரியார் மாணாக்கன், சீர்காழி ராமண்ணா, நங்கநல்லூர் தமிழினியன், சைதை மு.ந.மதியழகன், சூளைமேடு கோ.வீ.ராகவன், இராமச்சந்திரன், இரா ஜேந்திரன், விழுப்புரம் மாவட்ட அமைப்பாளர் சே.வ.கோபன்னா, க.கலைமணி, ஆதம்பாக்கம் சவரியப்பன், அரும்பாக்கம் சா.தாமோதரன், க.தமிழ்செல்வம், செங்குட் டுவன், ஆயிரம் விளக்கு மு.சேகர், செ.உதயக்குமார், தே.ஒளிவண்ணன், ஜனார்த் தனன், தென்.மாறன், செல்லப்பன், துரைராஜ், பகுத்தறிவாளர் கழகம் மாணிக்கம்,
மகளிரணி தோழர்கள் சி.வெற்றிசெல்வி, தேன்மொழி, பசும்பொன், இறைவி, மு.செல்வி, பண்பொளி, வி.வளர்மதி, அன்புமணி, சண்முகலட்சுமி, யுவராணி, த.மரகதமணி, லலிதா, சொப்பனசுந்தரி, வி.தங்கமணி, வி.யாழ்ஒளி, கு.தமிழினி தாணு, செம்மொழி, நூர்ஜகான், இளவரசி, வெற்றி, பா.வெற்றி செல்வி, யுவராணி, மெர்சி ஆஞ்சலாதேவி, சி.அமலசுந்தரி, கோ.கீ.இலக்கியா, முத்துலட்சுமி, பெரியார் பிஞ்சுகள் மகிழினி, இனியன் உள்பட ஏராளமானவர்கள் ஆர்ப்பாட்டத்தில் பங்கேற்றனர்.
சென்னை மந்தைவெளி பகுதியில் உள்ள சென்மேரிஸ் சாலை, புனித மேரி கல்லறை வாசலில் சட்டவிரோதமாக நடைபாதையில் கிறிஸ்தவ கோயில் கட்டப்பட்டு வந்தது, மந்தைவெளி பகுதி கழக பொறுப்பாளர் இரா.மாரிமுத்து மூலம் மந்தைவெளி சென்னை 28, மண்டலம் 9, மாநகராட்சி துறைக்கு தொலைபேசி வாயிலாக 3.2.2023 அன்று புகார் கொடுக்கப்பட்டது. புகாரின் அடிப்படையில் 11.2.2023 அன்று மாநகராட்சி அலுவலர்கள் மாதா கோயிலை இடித்து அகற்றினர்
மயிலாப்பூர் - புரசைவாக்கத்தில் நடைபெற்ற பரப்புரைக் கூட்டத்தில் தமிழர் தலைவர் ஆசிரியர் உரையாற்றினார். மேடையில் சட்டமன்ற உறுப்பினர்
எஸ்.எஸ்.பாலாஜி (வி.சி.க.), கே.ஏ.எம்.முகம்மது அபுபக்கர் (இ.மு.லீக்), வழக்குரைஞர் அந்திரிதாஸ் (ம.தி.மு.க.), கழகத் துணைத் தலைவர் கவிஞர் கலி.பூங்குன்றன், கழகப் பொதுச்செயலாளர்கள் வீ.அன்புராஜ், இரா.ஜெயக்குமார், அமைப்பாளர் இரா.குணசேகரன் மற்றும் பொறுப்பாளர்கள் உள்ளனர் (13.2.2023)
மயிலாப்பூர், புரசைவாக்கம் பகுதிகளில் தமிழர் தலைவர் எழுச்சியுரை!
சென்னை.பிப்.14 சமூக நீதி பாதுகாப்பு, திராவிட மாடல் விளக்கப் பரப்புரையில் மயிலாப்பூர், புரசைவாக்கம் பகுதிகளில் தமிழர் தலைவர் கலந்து கொண்டு சிறப்புரை ஆற்றினார்.
தமிழ்நாடு முழுவதும் நடைபெற்று வரும் பரப்புரைப் பயணத்தின் முதல் கட்டம் பிப்ரவரி 10 இல் முடிவடைந் திருந்து, இரண்டு நாள் இடைவெளியில் இரண்டாம் கட்டமாக மயிலாப்பூர், புரசைவாக்கத்தில் நேற்று (13.2.2023) தொடங்கியது.
இரண்டாம் கட்டத்தின் முதல் கூட்டம்!
மயிலாப்பூர் அம்பேத்கர் பாலம் அருகில் நடைபெற்ற ''திராவிட மாடல்'' விளக்க பரப்புரை பெரும் பயணக் கூட்டத்தில் தென் சென்னை மாவட்டத் தலைவர் இரா.வில்வநாதன் தலைமை வகித்தார். மாவட்ட செயலாளர் செ.ர.பார்த்தசாரதி அனைவரையும் வரவேற்று பேசி னார். மாவட்ட துணைத் தலைவர் செங்குட்டுவன், மாவட்ட துணை செயலாளர்கள் ராகவன், தாமோதரன், மாவட்ட அமைப்பாளர் மதியழகன் ஆகியோர் முன் னிலை வகித்தனர். திராவிடர் கழக துணைத் தலைவர் கவிஞர் கலி.பூங்குன்றன், வி.சி.க. துணைப் பொதுச் செய லாளரும் சட்டப்பேரவை உறுப்பினருமான எஸ்.எஸ்.பாலாஜி, திராவிடர் கழக பொருளாளர் வீ.குமரேசன், திராவிடர் கழக பொதுச்செயலாளர் வீ.அன்புராஜ், துணைப் பொதுச்செயலாளர் ச.இன்பக்கனி,திராவிடர் கழக பிரச்சார செயலாளர் வழக்குரைஞர் அ.அருள் மொழி ஆகியோர் உரையாற்றிய பின்னர் நிறைவாக திராவிடர் கழக தலைவர் தமிழர் தலைவர் ஆசிரியர் கி.வீரமணி சிறப்புரையாற்றினார்.
டாக்டர் சி. நடேசனார் வாழ்ந்த பகுதி!
தொடக்கத்தில், “அம்பேத்கர் பாலத்தின் அருகில் நீண்ட நாள் கழித்து பேசுகிறேன் என்றார். ”இந்தப் பகுதிதான் திராவிடன் இல்லம் நடத்திய திராவிட இயக்கத்தின் முன்னோடி டாக்டர் சி. நடேசன் வாழ்ந்த பகுதி என்ற பெருமையைப் பெற்றது” என்றார். தொடர்ந்து சுற்றுப்பயணத்தின் நோக்கத்தை சுருக்கமாகச் சொல்லிவிட்டு, ”நூறாண்டுகளுக்கு முன்பு திராவிடர் இயக்கம் தோன்றி, படிக்காதே என்று சொன்ன பார்ப் பனியத்தை மட்டம் தட்டி, அமைதிப்புரட்சியாக; அறிவுப் புரட்சியாக மக்களின் கல்வியில் கவனம் செலுத்தியால், இன்று தமிழ்நாட்டு இளைஞர்கள் ஏராளமாக படித்திருக் கிறார்கள். அந்த இளைஞர்களுக்கு பெரிய வாக்குறுதி களை ஒன்றிய அரசு தந்திருந்தும் கூட, நடை முறைப்படுத்த தவறி விட்ட காரணத்தால், தமிழ்நாடு அரசு சேது சமுத்திர திட்டத்தை மறுபடியும் கொண்டு வருவதன் மூலம் தமிழ்நாடு இளைஞர்களுக்கு ஏராள மான வேலை வாய்ப்புகளை உருவாக்க முடியும்” என்று கூறிவிட்டு, இது தனி கூட்டம் அல்ல. அதனால் விரிவாக பேச வாய்ப்பில்லை. ஆகவே சேது சமுத்திரத் திட்டம் பற்றி கலைஞர், டி.ஆர்.பாலு, தான் (ஆசிரியர்) எழுதிய மூன்று புத்தகங்களை எடுத்து மக்களுக்கு காட்டி, அதை வாங்கிப் படிக்க வேண்டும் என்று வேண்டுகோள் விடுத்தார்.
திராவிட மாடல் ஆட்சியின் மகத்தான சாதனை!
மேலும் அவர், திராவிடர் கழகம் பெரியார் இருந்த போது நடந்த முதல் சட்ட திருத்தம், பின்னர் நடந்த 76 ஆவது சட்டத்திருத்தம், 69% இடஒதுக்கீட்டைப் பாதுகாத்து அட்டவணை 9 இல் சேர்த்தது, மண்டல் கமிசன் என்று சமூக நீதியில் செய்துள்ள சாதனைகள் பற்றி குறிப்பிட்டார். ”படிக்காதே என்று சொன்னது இந்து மதம் என்ற பார்ப்பன மதம். ஆனால் படி படி படி என்று ஓயாமல் சொன்னதுதான் திராவிட மாடல் ஆட்சியின் மகத்தான சாதனை!” என்று சொன்னார். தொடர்ந்து, 1899 ஆம் ஆண்டு மார்ச் மாதம் 21 ஆம் தேதி செவ்வாய்க் கிழமை அன்று சென்னை ஒற்றைவாடை திரையரங்கில் நடைபெற்ற ஒரு முக்கியமான வரலாற்றுக் குறிப்பை படித்துக் காட்டினார். அதில் காசு கொடுத்தாலும் பஞ்சமர்கள் உள்ளே போக முடியாது என்றிருந்த ஜாதிக் கொடுமையைச் சொல்லி, இன்றைக்கு அனைத்து ஜாதியினரும் அர்ச்சகர் ஆசிவிட்டதையும் சொல்லி, “இந்த மாற்றத்திற்குக் காரணம் திராவிடர் ஆட்சி! அதன் தொடர்ச்சி தான் இந்திய ஒன்றியத்தின் முதல்வர்களில் முதல் இடத்தைப் பிடித்த முத்துவேல் கருணாநிதி ஸ்டாலின்” என்று அழுத்தந்திருத்தமாக சொன்னதும், மக்கள் பலமாக கைதட்டி அந்தக் கருத்தை ஆதரித்தனர்.
சூறையாடப்படும் சமூக நீதி!
தொடர்ந்து, இப்போதுள்ள ஒன்றிய பா.ஜ.க. அரசு சமூகநீதியை சூறையாடுகிறது என்பதை அரிய வகை ஏழைகளுக்கு 10% அரசியல் சட்டவிரோதமாக கொடுத் திருப்பதை எடுத்துச் சொன்னார். அதே போல, சேது சமுத்திரத் திட்டம் பற்றி பேசினார். மூடநம்பிக்கையை காரணம் காட்டி, உச்சநீதிமன்றம்மூலம் நிறுத்தி வைக்கப் பட்டிருந்த அந்தத் திட்டம், பா.ஜ.க. கட்சியை சேர்ந்த ஜிதேந்திர சிங் என்பவரே, ”அது ராமன் பாலம் என்பதற்கு அறிவியல் ரீதியாக எந்த ஒரு ஆதாரமும் இல்லை” என்று சொல்லிவிட்டதை எடுத்துரைத்து, “இதைத்தானே நாங்கள் அன்றிலிருந்து சொல்கிறோம். இறுதியில் சிரிப்பது யார்? அதுதான் முக்கியம் என்றார். மக்கள் கருத்தை உருவாக்கினால், 2024 லிலும் ஒரு அமைதிப் புரட்சி வரும்.என்றுரைத்து, வாழ்க பெரியார்! வாழ்க தமிழ்நாடு! என்று கூறி முடித்துக் கொண்டார். பரப்புரை பாடலான “தோழா முன்னேறு! வீர மணியோடு!” பாடலின் இசையமைப்பாளர் விஜய், மேடைக்கு அழைக்கப் பட்டு பாராட்டப்பட்டார்.
கலந்து கொண்டு சிறப்பித்த தோழர்கள்!
இந்த பரப்புரை கூட் டத்தில் மண்டல தலைவர் இரத்தினசாமி, மாவட்ட இளைஞரணி தலைவர் மகேந்திரன், மண்டல இளைஞரணி அமைப் பாளர் வழக்குரைஞர் சண் முகப்பிரியன், மாவட்ட இளைஞரணி செயலாளர் மணிதுரை, அமைப்பு செயலாளர் பன்னீர்செல் வம், பெரியார் அறக் கட்டளை உறுப்பினர் கு.அய்யாத்துரை, பொறி யியல் கல்லூரி மாணவர் கழக மாநில அமைப்பாளர் தங்கமணி, மண்டல செய லாளர் தே.செ.கோபால், சோழிங்கநல்லூர் மாவட்ட தலைவர் ஆர்.டி.வீரபத் திரன், வி.சி.க. பொறுப் பாளர்கள் ரூதர் கார்த்திக், பகலவன், திமுக வட்டச் செயலாளர்கள் தாஸ், வெற்றி, தவநேசன் திமுக வட்ட அவைத்தலைவர் அழகேந்திரன்,திமுக வட்டத்துணை செயலாளர்கள் பட்டு பிரகாஷ் சி இ மதிவாணன் கே.கலையரசி உள்ளிட்டோர் கலந்துகொண்டனர். முடிவில் மாவட்ட துணை தலைவர் சேதுராமன் நன்றி கூறினார்.
புரசைவாக்கம்
இரண்டாம் கட்டத்தின் முதல் கூட்டம் முடிந்து, அடுத்த கூட்டமான புரசைவாக்கம் நோக்கி பரப்புரைப் படை புறப்பட்டது. புரசைவாக்கம் தாணா தெருவில் நடைபெற்ற திராவிட மாடல் விளக்க பரப்புரை பெரும் பயணக் கூட்டத்திற்கு மாவட்ட அமைப்பாளர் புரசை சு.அன்புச்செல்வன் தலைமை வகித்தார். மாவட்ட இளைஞரணி தலைவர் வழக்குரைஞர் தளபதி பாண்டி யன் அனைவரையும் வரவேற்று பேசினார். அமைப்பு செயலாளர் பொன்னேரி பன்னீர்செல்வம், மண்டல செயலாளர் தே.செ.கோபால், பெரியார் சுயமரியாதை திருமண நிலைய இயக்குநர் பசும்பொன், மாவட்ட துணை தலைவர் கி.இராமலிங்கம், வழக்குரைஞர்
துரை.அருண், மாவட்ட தலைவர் வெ.மு. மோகன், மாவட்ட செயலாளர் தி.செ.கணேசன், கொடுங் கையூர் பகுதி செயலாளர் தங்கமணி, மாவட்ட துணை அமைப்பாளர் பாஸ்கர், பகுதி தலைவர் மங்களபுரம் பாஸ்கர், கண்ணதாசன் நகர் பகுதி தலைவர் ஜீவா, புரசை பகுதி செயலாளர் சேகர்,ஆகியோர் முன்னிலை வகித்தனர்.
திராவிடர் கழக பிரச்சார செயலாளர் வழக்குரைஞர் அ.அருள்மொழி உரையாற்றிட திராவிடர் கழக துணைத் தலைவர் கவிஞர் கலி.பூங்குன்றன் அவர்கள் தொடக்க வுரையாற்றினார். சி.பி.அய்.மாநில துணை செயலாளர் மு.வீரபாண்டியன், இந்திய யூனியன் முஸ்லிம் லீக் மாநில பொதுச்செயலாளர் கே.ஏ.எம்.முகம்மது அபுபக்கர், ம.தி.மு.க.தேர்தல் பணிக்குழு பொறுப்பாளர் ஆவடி அந்திரிதாஸ் ஆகியோர் முன்னிலை வகித்து இந்தப் பயணம் வெற்றி பெற வாழ்த்திப் பேசினர்.
சமூக நீதிக்கு தமிழ்நாடு வழிகாட்டும்!
இறுதியில் ஆசிரியர் பேசினார். முன்னால் பேசிய வர்கள் தனது 90 வயதைக் குறித்து பேசியதை சுட்டிக் காட்டி, “ எவ்வளவு காலத்திற்கு வாழ்கிறோம் என்பது முக்கியமல்ல! வாழும் போது எதைச் சாதித்தோம்! என்பதுதான் முக்கியம். நான் நலமாக இருக்கிறேனோ? இல்லையோ? தமிழ்நாடு நலமாக இருக்க வேண்டும்!” என்று கூறி தொடக்கத்திலேயே பார்வையாளர்களையும், மேடையில் இருப்போரையும் வசீகரித்தார். மேலும் அவர், ”சமூக நீதிக்கு இந்த மண்தான் வழிகாட்டக்கூடியது” என்று சோல்லி, ஆந்திர மாநிலம் குண்டூரில் முதன் முறையாக பி.பி. மண்டல் அவர்களின் முழு உருவ வெண்கலச் சிலையை தான் திறந்து வைத்ததாகவும், அப்போது இந்தியா முழுவதிலிருந்தும் வந்திருந்த சமூகநீதி பற்றாளர்கள் தமிழ்நாடு சமூக நீதியில் சிறந்து விளங்குவது பற்றி வியப்புடன் தன்னுடன் பேசியதை எடுத்துரைத்தார். மேலும், தனக்கு முன்பு இந்திய யூனியன் முஸ்லிம் லீக்கின் மாநில பொதுச்செயலாளர் கே.ஏ.எம். முகம்மது அபுபக்கர் பேசியதை நினைவு கூர்ந்து, ”கண்ணியமிக்க காயிதே மில்லத் தொடங்கி இன்றைய தலைவர் காதர் மொய்தீன்பாய் வரையிலும் சமூக நீதியில் நம்முடன் சேர்ந்தே பயணிப்பவர்கள்” என்றார். அத்தோடு தோழர் தா.பாண்டியனையும் நினைவு கூர்ந்தார். ஏன் இந்த இணைப்பு என்று சொல்ல வந்தவர், “இது அரசியல் கூட்டணி அல்ல, கொள்கைக் கூட்டணி!” என்றார். ”நமது எதிரிகள் சனாதனம் பேசினர். நாம் சமதர்மம் பேசுகிறோம்” என்றார்.
நால்வர்ணம் என்பது படியில்லாத மாடி!
திராவிடர் கழகம் சமூக நீதிக் களத்தில் செய்த சாதனைகளைப் பற்றிச் சொல்லிவிட்டு, “இதை எண்ணி நாம் மகிழ்ந்து தூங்கிக்கொண்டிருக்க முடியாது. காரணம் இங்கே சம்பளம் வாங்கிக்கொண்டு சனாதனத்தை குத் தகைக்கு எடுத்தவர் ராஜ்பவனில் உட்கார்ந்திருக்கிறார்” என்று எச்சரித்தார். சனாதனம் என்பதுதான் வர்ணா ஸ்ரமம்! வர்ணாஸ்ரமம்தான் நால் வர்ணம்! அந்த நால்வர்ணம் என்பது படியில்லாத மாடிகள்” என்று அம்பேத்கர் சொன்னதைக் குறிப்பிட்டு, சனாதனத்திற்கு துல்லியமான இலக்கணத்தை மக்களுக்கு கற்றுக் கொடுத்தார். அவர் தனது உரையில் சமூக நீதி பாதுகாப்பு, திராவிட மாடல் விளக்கம், சேது சமுத்திரத் திட்டம் என்று எதைப்பேசினாலும் அதை ஆரிய, திராவிடப் போர் என்று கருத்தமையப் பேசினார். தொடர்ந்து, நாடாளுமன்றத்தில் 20 மசோத்தாக்கள் பற்றி கவிஞர் கனிமொழி கேள்வி கேட்டதையும், ஆளுநர் பதில் சொல்லாமல் அண்ணாமலை பதில் சொல்வதையும், அதிலும் ஆளுநர் தான் எடுத்துக்கொண்ட ரகசியக் காப்பு உறுதிமொழியை மீறியிருக்கும் ஆபத்தையும் சுட்டிக்காடினார்.
சமதர்மத்திற்கு எதிரானது சனாதனம்!
தொடர்ந்து, சனாதனம் என்றால் என்ன என்பதை, இந்து பனாரஸ் கல்லூரியில் நூறு ஆண்டுகளுக்கு முன் வெளியிட்ட பாடப்புத்தகத்தில் இருந்தே படித்துக் காட்டினார். அதை மொழிப்பெயர்த்ததும் நாராயண அய்யர் என்பதை குறிப்பிட்டார். அப்படிப்பட்ட சனாதனம் சமதர்மத்திற்கு எதிரானராது. சமதர்மம் என்றால் அனைவருக்கும் அனைத்தும்! சனாதனம் என்றால் இன்னாருக்கு இன்னது! என்பதையும் சொல்லி சனாதனம் பற்றிய மக்களுக்கு முழு புரிதலை ஏற்படுத் தினார். சமூக நீதிக்கும் ஆபத்து ஏற்பட்டிருப்பதைக் குறிப்பிட்டுக்காட்டி, அதற்காகத்தான் தமிழ்நாட்டில் திராவிட மாடல் ஆட்சி, சமூக நீதி கண்காணிப்புக்குழு என்றொரு குழுவை பேராசிரியர் சுப.வீரபாண்டியன் தலைமையில் அமைத்திருப்பதைச் சுட்டிக்காட்டினார். ஒரு பக்கம் 10% இடஒதுக்கீட்டை ஆரிய வகை ஏழைகளுக்கு வழங்கி சமூகநீதிக்கு குழிவெட்டியிருக்கும் ஒன்றிய அரசையும், அதற்கு நேர்மாறான தமிழ்நாடு அரசையும் ஒப்பிட்டுக் காட்டினார். வழமை போல சேது சமுத்திரக் கால்வாயின் முக்கியத்துவம், அதன் பின் னணி, இன்றைய அதன் நிலை! அனைத்தையும் சொல்லி, “அந்த திட்டம் செயல்பாட்டுக்கு வந்தால், பி.ஜே.பி. யைச் சேர்ந்தவர்களுக்கும், ஆர்.எஸ்.எஸ்.கார்களுக்கும் வேலை வாய்ப்பு கிடைக்கும். ஆகவே இது பெரும் பான்மை மக்கள் கருத்தாக மாறவேண்டும். வாழ்க பெரியார்! வாழ்க தமிழ்நாடு! என்று கூறி முடித்துக் கொண்டார்.
கலந்து கொண்டு சிறப்பித்த தோழர்கள்!
திராவிடர் கழக பொதுச்செயலாளர் வீ.அன்புராஜ், வழக்குரைஞர் சு.குமாரதேவன், மாணவர் கழக மாநில செயலாளர் பிரின்சு என்னாரெசு பெரியார், மாநில மகளிர் பாசறை செயலாளர் வழக்குரைஞர் பா.மணி யம்மை, தி.மு.க.பொறுப்பாளர் யுவராஜ், இ.யூ.மு.லீக் பொறுப்பாளர் அன்சாரி மதார் உள்ளிட்டோர் கலந்து கொண்டனர். முடிவில் மாநில இளைஞரணி துணை செயலாளர் சோ.சுரேஷ் நன்றி கூறினார்.
சட்டமன்ற உறுப்பினர் எஸ்.எஸ். பாலாஜி (விசிக), தென் சென்னை மாவட்ட தலைவர் இரா. வில்வநாதன் ஆகியோர் தமிழர் தலைவருக்கு பொன்னாடை அணிவித்தார். வழக்குரைஞர் அந்திரிதாஸ் (மதிமுக), கே.ஏ.எம். முகம்மது அபுபக்கர் ஆகியோர் தமிழர் தலைவருக்கு பயனாடை அணிவித்து வரவேற்று புத்தகங்களை பெற்றுக் கொண்டனர்.
திராவிடர் கழக மகளிரணி திராவிட மகளிர் பாசறையின் மாநில கலந்துரையாடல் கூட்டம் தமிழர் தலைவர் ஆசிரியர் கி.வீரமணி அவர்களின் தலைமையில் இன்று (30.1.2023) சென்னை பெரியார் திடலில் உள்ள நடிகவேள் எம்.ஆர்.இராதா மன்றத்தில் நடைபெற்றது. இக்கலந்துரையாடல் கூட்டத்தில் கழகத் துணைத் தலைவர் கவிஞர் கலி.பூங்குன்றன், கழகப் பொருளாளர் வீ.குமரேசன், துணைப் பொதுச்செயலாளர் பொறியாளர் ச.இன்பக்கனி, மாநில மகளிரணி செயலாளர் தகடூர் தமிழ்ச்செல்வி, அமைப்பாளர் தேன்மொழி, திராவிட மகளிரணி பாசறை மாநில செயலாளர் வழக்குரைஞர் பா.மணியம்மை, அமைப்பாளர் வழக்குரைஞர் சே.மெ.மதிவதனி மற்றும் மாநிலம் முழுவதும் இருந்து ஏராளமான மகளிர் தோழர்கள் பங்கேற்றனர்.
தனது அன்றாடவேலைகள், தொடர் சுற்றுப்பயணங்களுக்கிடையேயும் கழகத்தின் தலைவர் தமிழர் தலைவர் ஆசிரியர் அவர்கள் நேரம் ஒதுக்கித் தந்த 30.01.2023 (திங்கட்கிழமை) அன்று திராவிடர் கழக மகளிரணி மற்றும் திராவிட மகளிர் பாசறையின் மாநில கலந்துரையாடல் கூட்டம் சென்னை பெரியார் திடல், எம்.ஆர்.ராதா மன்றத்தில் காலை 11.30 மணி அளவில் தொடங்கி நடைபெற்றது.
கலந்துரையாடலில் வட சென்னை மாவட்ட மகளிர் பாசறை தலைவர் மரகதமணி கடவுள் மறுப்பு கூறினார். திராவிடர் கழக துணைப் பொதுச்செயலாளர் பொறியாளர் ச.இன்பக்கனி வருகை தந்த அனைவரையும் வரவேற்று உரையாற்றினார்.
திராவிடர் கழகத் தீர்மானங்கள் பின் நாட்களில் சட்டமாக வரக்கூடிய வாய்ப்பினைப் பெற்றுள்ளன. அதற்கான வரலாறுகளும் உண்டு. அந்த வகையில் அய்ந்து தீர்மானங்கள் இக்கூட்டத்தில் மகளிர் தோழர்கள் கலைமணி (வேலூர்), மணிமேகலை (சிவகங்கை), இறைவி (சென்னை), சாந்தி (திருச்சி) மற்றும் ரூபியா (திருச்சி) ஆகியோரால் முன்மொழியப்பட்டன. அத் தீர்மானங்கள் தனியாகத் தரப்பட்டுள்ளன. திராவிடர் கழக மாநில மகளிர் அணி- திராவிட மகளிர் பாசறையின் 2023ஆம் ஆண்டுக்கான வேலை திட்டங்களை திராவிட மகளிர் பாசறையின் மாநில அமைப்பாளர் வழக்குரைஞர் சே.மெ. மதிவதனி வாசித்தார்.
திராவிடர் கழக மகளிர் அணி, திராவிட மகளிர் பாசறையின் செயல்பாட்டு அறிக்கை (சென்ற கலந்துரை யாடல் கூட்டம் நடைபெற்ற 12.06.2022 முதல்) மாநில மகளிர் அணி செயலாளர் தகடூர் தமிழ்ச்செல்வி அவர்களால் பதிவு செய்யப்பட்டது.
திராவிட மகளிர் பாசறை தோழர்கள் பொன்னேரி செல்வி, சென்னை சசிமேகலா, சென்னை அருணா, தருமபுரி கோகிலா ஆகியோர் தாங்கள் இயக்கத்திற்கு வந்த பாதையையும், தந்தை பெரியார், ஆசிரியர் அவர்களால் பெற்ற பயனையும், தொடர்ந்து இயக்கத்தில் எப்படி செயல்படுவது ஆகியவை குறித்தும் சிறப்பாகப் பதிவு செய்தனர்.
திராவிடர் கழக மகளிரணி மற்றும் திராவிட மகளிர் பாசறை இணைந்து நடத்திய "கற்போம் பெரியாரியம்", "ஆசிரியரை அறிவோம்" ஆகிய காணொலி வகுப்பு களில் பங்கேற்று அதில் நடத்தப்பட்ட போட்டித் தேர்வு களில் வெற்றி பெற்ற கீழ்க்கண்ட மாணவர்களுக்குப் பரிசுத்தொகை வழங்கி, பயனாடை அணிவித்து தமிழர் தலைவர் ஆசிரியர் அவர்கள் பாராட்டினார்.
கற்போம் பெரியாரியம்:
முதல் பரிசு - ரூ.2000/- 1) டி.மரகதமணி, 2) ஜி.சிவராம கிருஷ்ணன், இரண்டாம் பரிசு - ரூ.1500 - எஸ்.சுப்ரிஜா, மூன்றாம் பரிசு - ரூ.1000 - எஸ்.சிறீதர்.
ஆசிரியரை அறிவோம்:
முதல் பரிசு - ரூ.2000/- 1) ஜெ.மேகலா, 2) கே.செல்வராணி, இரண்டாம் பரிசு - ரூ.1500 - திவ்யா வாசுகி, மூன்றாம் பரிசு - ரூ.1000 - எஸ்.சுஷ்மிதா.
(நேரில் வர இயலாத சிலருக்குப் பரிசுத்தொகை இணையம் வழியாக வழங்கப்படுகிறது)
தொடர்ந்து திராவிடர் கழகப் பொருளாளர் வீ. குமரேசன் கருத்துரை வழங்கினார். அவரது கருத்துரை யில் மகளிர் எப்படி செயல்பட வேண்டும் தந்தை பெரியாரால் பெண்களுக்குக் கிடைத்த உரிமைகள் எவ்வளவு பெரியது என்பதைப் பதிவு செய்தார்.
கழகத் துணைத் தலைவர் கவிஞர் கலி. பூங்குன்றன் தனது கருத்துரையில் திராவிடர் கழகத்தின் தீர்மானங்கள் பின் நாளில் எப்படி பெண்ணிய சட்டங்களாக வந்தது என்பதையும் பெண்களின் கல்வி உரிமை, சொத்துரிமை ஆகியவை பற்றி பெரியார் அளவிற்கு யாரும் பேசவில்லை என்பதையும் தொடர்ந்து தனது வாழ்நாள் முழுவதும் பெண்ணுரிமைக்காகப் பெரியார் போராடிய களங்களையும் விளக்கி, திராவிடர் கழகத்தில் மகளிர் அணி எவ்வளவு வலுவாகப் பயணித்தது, சுற்றுப்பயணம் மேற்கொண்டது என்பதையெல்லாம் கழக முன்னோடி களின் வாழ்க்கை அனுபவங்களைப் பகிர்ந்து அந்தப் பாதையில் இந்தத் தலைமுறையும் பயணிக்க வேண்டும் என்றார்.
தமிழர் தலைவர் ஆசிரியர் அவர்கள் தனது தலைமை உரையில் மனுதர்மம் எந்த அளவிற்குப் பெண்களைக் கொச்சைப்படுத்தி உள்ளது என்பதையும், அந்த மனுதர்மத்தில் உள்ளச் செய்திகளைப் பெண்கள் படித்து அதனை மற்றவர்களுக்கு விளக்கி, அது எவ்வளவு ஆபத்தானது என்பதையும் பரப்ப வேண்டும் என்றார். பொதுக் கூட்டங்கள் எவ்வளவு நடை பெறுகிறதோ அதைவிட தெருமுனை, திண்ணைப் பிரச்சாரங்கள், வீட்டிற்கு வீடு பிரச்சாரங்கள் அதிகப் படுத்தப்பட வேண்டும் என்றார். ஒரு இயக்கம் எவ்வளவு வலுவாக இருக்கிறது என்பது அதில் இருக்கக்கூடிய மகளிரைப் பொறுத்து அமையும், எனவே, மகளிர் தோழர்கள் சுற்றுப்பயணங்களைத் தொடர்ந்து மேற்கொள்ள வேண்டும், சுற்றுப்பயணத்தில் அனைத்து மகளிரையும் இணைத்து, அவர்களைப் பயிற்சி படுத்த வேண்டும், மேலும் பெண்களுக்கு உள்ள மனத் தடைகளை போக்க அவர்களுடன் கலந்துரையாட வேண்டும் என்றும், உடற்பயிற்சி செய்ய வேண்டியதின் அவசியத்தையும், பெண்கள் ஆரோக்கியமாக இருக்க வேண்டியதின் அவசியத்தையும் விளக்கினார். பல்வேறு வரலாற்று நிகழ்வுகளைக் குறிப்பிட்டு மகளிர் அணி மகளிர் பாசறை இன்னும் வேகமாகச் செயல்படுவதற்கான அறிவுரைகளை வழங்கினார்.
நிகழ்வின் தொடக்கத்தில் பூவுலகின் நண்பர்கள் சார்பில் சுற்றுச்சூழல் செயல்பாட்டாளர் வழக்குரைஞர் வெற்றிச்செல்வன் தொடர்ந்து வரும் சுற்றுச்சூழல் பாதிப்புகள் பற்றியும் அதை கையாள்வதற்கான நெறிமுறைகள் குறித்தும் சுற்றுச்சூழலைப் பாதுகாக்க வேண்டிய அவசியம் குறித்தும் உரையாற்றினார். அவருக்குக் கழகத் துணைத் தலைவர் கவிஞர் கலி.பூங்குன்றன் பயணாடை அணிவித்துச் சிறப்பு செய்தார்.
கழகத் தலைவர் ஆசிரியர், துணைத் தலைவர் கவிஞர், பொருளாளர் வீ.குமரேசன் ஆகியோருக்கு மகளிர் தோழர்களும், மகளிர் தோழர்கள் மருத்துவர் மீனாம்பாள், வெற்றிச்செல்வி, கலைமணி, விஜயலட்சுமி, வழக் குரைஞர் வீரமர்த்தினி, கழகப் பொறுப்பாளர்கள் பன்னீர்செல் வம், தே செ கோபால், திருவாரூர் மோகன் ஆகியோருக்கு கழகத் தலைவர் ஆசிரியர் அவர்களும் பயணாடை அணிவித்துச் சிறப்பு செய்தனர்.
தொழிலாளிகளை பங்காளியாக்குவதே நமது இலக்கு!
தமிழர் தலைவர் அறிவிப்பும் - கருத்துரையும் -திராவிடர் கழக தொழிலாளரணி மாநிலக் கலந்துரையாடலில்
16 முக்கிய தீர்மானங்கள் நிறைவேற்றம்
சென்னை, ஜன.31- திராவிடர் கழக தொழிலாளரணி மாநிலக் கலந்துரையாடல் கூட்டம் நேற்று (30.1.2023) பிற்பகல் சென்னைப் பெரியார் திடல் நடிகவேள் எம்.ஆர்.இராதா மன்றத்தில் நடைபெற்றது. 200க்கும் மேற்பட்ட பிரதிநிதிகள் பங்கேற்றனர். கூட்டத்திற்குத் தலைமை வகித்த திராவிடர் கழகத் தலைவர் ஆசிரியர் கி.வீரமணி அவர்கள் முக்கிய அறிவிப்புகளை அறிவித்தார். 16 தீர்மானங்கள் நிறைவேற்றப் பட்டன.
நிறைவேற்றப்பட்ட தீர்மானங்கள்
தீர்மானம் 1 :
அரசு போக்குவரத்துக் கழக மதுரை மண்டல திராவிடர் தொழிலாளர் சங்க மத்திய சங்க தலைவர் இராமசாமி அவர்கள் 17.12.2022ஆம் தேதி இயற்கை எய்தினார் என்பதை ஆழ்ந்த வருத்தத்துடன் இக்கூட்டம் தெரிவித்துக் கொள்கிறது. அவரை இழந்து வாடும் அவரது குடும்பத்தினருக்கு இந்தக் கூட்டம் ஆழ்ந்த இரங்கலைத் தெரிவித்துக் கொள்கிறது.
தீர்மானம் 2 :
போக்குவரத்துக் கழக ஓய்வூதியர்களுக்கு அரசு ஊழியர் போல் மருத்துவ காப்பீடு மூலம் மருத்துவ சிகிச்சை உறுதி செய்யப்பட வேண்டும். (14ஆவது ஊதிய ஒப்பந்த பேச்ச வார்த்தையின் போது இது ஏற்றுக் கொள்ளப்பட்டது).
தீர்மானம் 3 :
தமிழ்நாடு அரசு போக்குவரத்துக் கழகங்களை தனது உழைப்பால் உயர்த்திய ஓய்வு பெற்றவர்களக்கு கடந்த 7 (ஏழு ஆண்டு) ஆண்டுகளாக ஓய்வு பெற்றவர்களின் ஊதியத் துடன் காலமுறையான ஒவ்வொரு ஆறு மாதங்களுக்கு ஒரு முறை உயரும் அகவிலைப்படியினை உயர்த்தி வழங்காமல் நிலுவையில் உள்ளது. மேலும் சென்னை உயர்நீதிமன்றம் தலையிட்டு நவம்பர் 2022 முதல் அகவிலைப்படி உயர்வு வழங்க வேண்டும் என உத்ரவிட்ட பின்னரும் அதை நிறைவேற்றாமல் அரசும், ஓய்வூதிய பொறுப்பாட்சியரும், அதை எதிர்த்து தடை உத்தரவு பெற்றுள்ளனர். இந்த நடவடிக்கைகளை உணர்ந்த மாண்புமிகு தமிழ்நாடு முதல மைச்சர் அவர்கள் தலையிட்டு 208% புள்ளிகள் உயர்ந்த போதும் 119% மட்டும் பெற்றுக் கொண்டுள்ள சுமார் 86 ஆயிரம் ஓய்வு பெற்ற போக்குவரத்துத் தொழிலாளர்களின் அகவிலைப்படி உயர்வு மற்றும் நிலுவைத் தொகையை உடனடியாக வழங்கிட வேண்டும் என இக்கூட்டம் கேட்டுக் கொள்கிறது.
தீர்மானம் 4 :
கடந்த 10 ஆண்டுகளாக புதிதாக தொழிலாளர்கள் வேலைக்கு (ஓட்டுநர், நடத்துநர் தொழில்நுட்ப பணியாளர்கள், அலுவலக பணியாளர்கள்) அமர்த்தப்படவில்லை. எனவே, பணியில் இறந்த தொழிலாளர்களின் வாரிசுகளுக்கு முன் னுரிமை அளித்து உடனடியாக புதிய தொழிலாளர்களை பணியமர்த்தப்பட வேண்டும். தி.மு.க. அரசு பொறுபேற்றதற்குப் பின் சுமார் 135 பேருக்கு மட்டும் வாரிசு வேலை வழங்கப்பட்டிருப்பதை இக்கூட்டம் பாராட்டுகிறது.
தீர்மானம் 5 :
14ஆவது ஊதிய ஒப்பந்தம் சிறப்பாக முடிந்தாலும் பல போக்குவரத்து கழகங்களில் முழுமையாக நிறைவேற்றப் படவில்லை. உடனடியாக நிறைவேற்றப்பட வேண்டும். அதே போல் கழக ஓய்வூதியர்களுக்கு அரசு ஊழியர், ஆசிரியர், மின் வாரியம் போல் அனைத்து ஓய்வு கால பணப் பலன்கள் அனைத்தும் ஓய்வு பெறும நாள் அன்றே வழங் கப்பட வேண் டும் என தமிழ்நாடு அரசை இக்கூட்டம் கேட்டுக்கொள்கிறது.
தீர்மானம் 6 :
கடந்த 1.4.2022 முதல் ஓய்வு பெற்ற மற்றும் விருப்ப ஓய்வு பெற்ற மற்றும் பணியில் இறந்த தொழிலாளர்களுக்கு அவர் களின் ஓய்வு கால பணப் பலன்கள் வழங்கப்படவில்லை. அவை உடனே வழங்கப்படவேண்டும் என இக்கூட்டம் கேட்டுக்கொள்கிறது.
தீர்மானம் 7 :
14ஆவது ஊதிய ஒப்பந்தம் (12/3) பெரும்பான்மை சங்கங்களால் ஏற்றுக் கொள்ளப்பட்டுள்ளது. சிறப்பாக ஊதிய உயர்வு வழங்கிய திராவிட மாடல் தி.மு.க. அரசுக்கு நமது நன்றி. ஆனால், ஊதிய ஒப்பந்த சம்பள உயர்வு 1.9.2019 முதல் நடைமுறைப்படுத்தப்பட வேண்டும். ஆனால், ஒப்பந்தம் 24.8.2022 அன்று காலதாமதமாக நிறைவேற்றப்பட்டதால் 1.9.2019 முதல் 31.8.2022 வரை ஓய்வு பெற்றவர்களுக்கு ஊதிய உயர்வு வழங்குவதுடன் பணிக்கொடை, வருங்கால வைப்பு நிதி போன்றவை மாற்றியமைக்கப்படவேண்டும்.
தீர்மானம் 8 :
வருகின்ற 30.1.2023ஆம் தேதி அன்று தமிழர் தலைவர் ஆசிரியர் அவர்கள் தலைமையில் சென்னை பெரியார் திடலில் நடைபெறும் மாநில தொழிலாளர் அணி கலந் துரையாடல் கூட்டத்திற்கு அதிக அளவில் தொழிலாளர்கள் கலந்து கொள்வதற்கு ஏற்பாடுகள் செய்வதென இக்கூட்டத்தில் தீர்மானம் நிறைவேற்றப்படுகிறது.
தீர்மானம் 9 :
தமிழ்நாடு குடிநீர் வடிகால் வாரியத்தின் கட்டுப்பாட்டில் உள்ள பழனி பாலாறு- பொருந்தலாறு கூட்டுக் குடிநீர் திட்டம் (CWSS-175) பழனி-2010ஆம் ஆண்டு முதல் இன்று வரை தொடர்ந்து 480 நாள்கள் பணி முடித்த ஒப்பந்த பணியாளர்கள் பணி நிரந்தரம் செய்யப்பட வேண்டும்.
நிரந்தத்தன்மை வாய்ந்த பணிகளில் ஒப்பந்ததாரரை நியமனம் செய்யக் கூடாது. பணியின்போது விபத்தினால் உயிரிழந்த, ஊனமுற்ற தொழிலாளர்களின் குடும்பத்தில் ஒருவருக்கு அரசுப் பணி வழங்க வேண்டும். பணியில் இருக்கும் தொழிலாளர்களுக்கு சீருடை மற்றும் அடையாள அட்டை வழங்கப்பட வேண்டும்.
பணியாளர் பற்றாக்குறையால் பணிச் சுமை பல மடங்கு கூடுவதால் போதுமான பணியாளர்கள் நியமிக்கப்பட்டு பணி நேரம் வரைமுறைப் படுத்தப்படுவதோடு உரிய பாதுகாப்புச் சாதனங்கள் வழங்கி பணியாளர்கள் அனைவருக்கும் E.S.I., PF பிடித்தம் போன்ற வசதிகள் ஏற்படுத்தித்ததர வேண்டும் என தமிழ்நாடு அரசை இப்பொதுக்குழு கேட்டுக்கொள்கிறது.
தீர்மானம் 10 :
சேலம் காரிப்பட்டியில் செயல்படும் ஹட்சன் அக்ரோ புராடக்ட்ஸ் நிறுவனம் சுற்றுப் புறத்திலுள்ள தொழிலார்களைப் பணியமர்த்தி அவர்களுக்கு சட்டப்படியாக வழங்க வேண்டிய சம்பளம் ESI, PF போன்ற அடிப்படை வசதிகளை செய்து தராமல் தொழிலாளர்களை கொத்தடிமைகள் போல நடத்துவதை கண்டிப்பதுடன் மாசுக் கட்டுப்பாடு வாரியமும், தொழிலாளர் நல அதிகாரிகளும் ஆய்வு செய்து தொழிலாளர் களுக்கு விரோதமாக செயல்படும் ஹட்சன் அக்ரோ புராடக்ட்ஸ் நிருவாகத்தின் மீது தக்க நடவடிக்கை எடுக்கக் கேட்டுக்கொள்கிறோம்.
தீர்மானம் 11 :
ஒப்பந்ததாரரிடம் முதன்மை வேலை அளிப்பவர்கள் ஒப்பந்த தொழிலாளர் பணி வழங்குகிறார்கள். ஒப்பந்ததாரர் ஒப்பந்த உரிமம் பெற்று ஆண்டுக்கு ஆண்டு புதுப்பித்து வேலை செய்கிறார்கள். ஆனால், அரசு ஒப்பந்தத் தொழிலாளர் முறைப்படுத்துதல் மற்றும் நீக்குதல் சட்டம் 1970 (CLR&A act 1970) சட்டத்தை அவர்கள் முறைப்படுத்துவதில்லை.
மேலும் ஒப்பந்தம் அளிக்கும முதன்மை வேலையளிப்பவர் தொடர்ச்சியாக வேலைகளையும் ஒப்பந்த அடிப்படையில் வேலை வாங்குகிறார்கள். இந்த முறையை மாற்றி அமைக்க வேண்டும்.
ஒப்பந்ததாரருக்கு வழங்கும் வேறு தொடர்ச்சியில்லாத வேலைகளை மட்டும் வழங்க வேண்டும். அப்போதுதான் அரசு இயற்றியுள்ள சட்டம் தொழிலாளர்களுக்கு பயன் அளிக்கும் சட்டமாகும். ஒன்றிய - மாநில அரசுகள் இந்தச் சட்டத்தை ஒப்பந்தத் தொழிலாளர்கள் பயன்பெறும் வகையில் மாற்றி அமைக்க ஆவன செய்ய வேண்டும்.
ஒப்பந்தம் வழங்கும் முதன்மை வேலையளிப்பவர் ஒப்பந்ததாரர்களை மாற்றி ஒப்பந்தம் வழங்கும்போது ஏற்கெனவே அந்தப் பணிகளை செய்துவந்த தொழிலாளர்களுக்கு தொடர் பணிகள் வழங்குவதில்லை. எனவே, ஒப்பந்ததாரர் மாறினாலும் ஏற்கெனவே பணியாற்றிய தொழிலாளர்கள் பாதிக்காத வண்ணம் அந்தப் பணியாளர்களுக்கே வேலை வழங்கும் வகையில் ஒப்பந்தங்களை உருவாக்க வேண்டும் என்று கேட்டுக்கொள்கிறோம்.
தீர்மானம் 12 :
100 நாள் வேலையை 150 நாள்களாக உயர்த்தித் தரவேண்டும்.
100 நாள் வேலை ஊதியம் ரூ.250 ஆக உயர்த்தித் தரவேண்டும்.
ஒவ்வொரு அட்டைதாரருக்கும் கட்டாயம் 150 நாள்கள் வேலை தரவேண்டும்.
விவசாயத் தொழிலாளர்கள் விவசாயம் செய்யக்கூடிய நேரத்தில விபத்து ஏற்படும்போது அவர்களுக்கு இழப்பீடு வழங்க வேண்டும்.
ஆண் - பெண் ஊதியம் சமமாக வழங்கப்பட வேண்டும்.
60 வயதுக்கு மேற்பட்ட தொழிலாளர்களுக்கு ஓய்வூதியம் வழங்கப்பட வேண்டும்.
தீர்மானம் 13 :
ESI கார்ப்பரேசன் மூலமாக ஒப்பந்த தொழிலாளர்களுக்கு மருத்துவம் அளிக்கப்பட்டு வந்தது. தற்சமயம் ESI கார்ப்பரேசன் தொழிலாளர்களின் மாதச் சம்பளம் ரூ.20,000/-க்கு அதிகமாக உள்ளவர்களுக்கு மருத்துவ வசதி இல்லை எனக் கூறியுள்ளது. ஆகவே, ESI கவரேஜ் இல்லாத தொழிலாளர்களுக்கு அந்தந்த தொழிற்சாலைகளே மருத்துவ செலவை சரி செய்ய வழிவகை செய்ய வேண்டும்.
தீர்மானம் 14 அ:
தமிழ்நாடு பெரியார் கட்டுமான அமைப்பு சாரா தொழிலாளர் நல சங்கம் தமிழ்நாட்டில் உள்ள அனைத்து மாவட்டங்கள் மற்றும் கிராமங்களில உள்ள அனைத்து அமைப்பு சாரா கட்டுமானத் துறை சார்ந்த தொழிலாளர்களை சந்தித்து தமிழ்நாடு அரசின் நலவாரிய சமூக நலத் திட்டங்களை எடுத்து கூறி அவர்களை நமது சங்கத்தில் உறுப்பினராக சேர்த்து நல வாரிய நலத்திட்ட உதவிகளை பெற்றுத் தர நமது சங்க மாவட்டப் பொறுப்பாளர்கள் சங்கப் பணிகளை மேற்கொள்ள இக்கூட்டத்தில் வழியுறுத்தப்படுகிறது.
தீர்மானம் 14ஆ :
நமது சங்கப் பணிகளை எளிமைப்படுத்தி நமது சங்கத்தை விரிவுபடுத்தும் வகையில் மாவட்டங்களில் உள்ள கிராமப் பகுதியில் புதியதாக சேர்க்கும் உறுப்பினர்களை ஒன்று இணைக்கும் வகையில் அப்பகுதியில் 25 உறுப்பினர்களுக்கு மேல் சேர்ந்தால் அங்கு கிளை சங்கம் துவங்கி பொறுப்பாளர்களை நியமித்து அப்பகுதியில் உள்ள தொழிலாளர்கள் நலனில் கலந்து கொள்வதோடு அவர்களின் தொழில் சார்ந்த பிரச்சினைகளையும், வாழ்வாதார பிரச்சினைகளையும் தீர்த்து வைத்து பாதுகாப்பு வழங்கிடவும் இக்கூட்டத்தில் தீர்மானம் நிறைவேற்றப்படுகிறது.
தீர்மானம் 14இ :
தமிழ்நாடு கட்டுமானம் அமைப்பு சாரா தொழிலாளர்கள் நல வாரியத்தில் புதிய பதிவு, புதுப்பித்தல், கல்வி உதவித் தொகைகள், உதவித் தொகைகள் மற்றும் பென்சன் உதவி தொகைகளைப் பதிவு செய்தால் மாத கணக்கில் நலவாரிய பணிகள் நீண்ட கால தாமதம் ஆகிறது. விண்ணப்பம் செய்தால் கிராம நிருவாக அலுவலர் காலதாமதம் செய்கிறார். தமிழ்நாடு நல வாரியத்தில் பதிவு பெற்ற விண்ணப்பங்களை / தாமதப்படுத்தாமல் விரைந்து முடிக்க அரசு துறைகளை வழியுறுத்துவது என இக்கூட்டத்தில் தீர்மானம் நிறைவேற்றப்படுகிறது.
தீர்மானம் 14ஈ :
தமிழ்நாடு கட்டுமானம் அமைப்பு சாரா தொழிலாளர்கள் நல வாரியத்தில் பதிவு பெற்ற தொழிலாளர்கள் ஓய்வு பெறும வயதில் ஓய்வு ஊதியமாக ரூ.1000 என்பதை தொழிலாளர்கள் வாழ்வாதாரம் மேம்படும் வகையில் ரூ.5000ஆக உயர்த்தி வழங்க வேண்டும் என தமிழ்நாடு அரசை வலியுறுத்துவது என இக்கூட்டத்தில் தீர்மானம் நிறைவேற்றப்படுகிறது.
தீர்மானம் 14 உ :
தமிழ்நாடு கட்டுமான அமைப்புசாரா தொழிலாளர்கள் நல வாரியத்தில பதிவு செய்து அட்டை பெறும் தொழிலாளர்களுக்கு தமிழ்நாடு அரசு கொடுக்கும் மருத்துவ காப்பீட்டுத் திட்டம் போல் வாரியத்திற்கும் எளிமையான காப்பீட்டுத் திட்டத்தை அமல்படுத்தி பதிவு அட்டையை பயன்படுத்தி மருத்துவ உதவியாக ரூ.500000 (ரூபாய் அய்ந்து லட்சம் மட்டும்) வரை காப்பீடு பெற தமிழ்நாடு அரசிடம் வலியுறுத்துவது என தீர்மானம் நிறைவேற்றப்படுகிறது.
தீர்மானம் 15அ :
தமிழ்நாடு மின்சார வாரியத்தில் பணியாற்றும் அரசு மின் பணியாளர்களே மின் இணைப்புப் பணிகளுக்கு அரசு விதிகளுக்கு புறம்பாக அவர்களே ஆள் வைத்து செய்து கொள்கிறார்கள். உரிய உரிமம் பெற்று அப்பணி புரியும் தொழிலாளர்கள் மற்றும் அமைப்பு சாரா மின் பணி செய்யும் தொழிலாளர்கள் வாழ்வாதாரத்தை அழித்து வருவதைத் தடுத்து இப்பணியினை வேலை இல்லா திண்டாட்டத்தில் இருக்கும் தொழிலாளர்களிடமே வழங்கிட உதவி செய்து அவர்களின் வாழ்வாதாரத்தை காப்பாற்றிட வேண்டுமாய் தமிழ்நாடு அரசையும் மின் பகிர்மான கழகத்தையும் வலியுறுத்துவது என தீர்மானிக்கப்படுகிறது.
தீர்மானம் 15ஆ :
தமிழ்நாடு மின்சார வாரியத்திற்கு வருவாய் வருவதைத் தடுத்திடும் நோக்கில் வணிக கட்டடங்களுக்கு மின் இணைப்பு தருவது. இதனால் மிகப் பெரிய பாதிப்பு ஏற்படுகிறது. உயர்நீதி மன்றத்தில் தொடுக்கப்பட்ட வழக்கினை விரைந்து முடித்து, இதனால் பாதிக்கப்பட்ட மக்கள் பயன்பெறும் வகையில் அரசுக்கும் மின் வாரியத்திற்கும் நடவடிக்கை மேற்கொள்ள உரிய வருவாய் ஈட்டிட ஆவன செய்யுமாறு தமிழ்நாடு முதலமைச்சர் அவர்களையும் திராவிட மாடல் அரசையும் இப்பொதுக்குழு கேட்டுக்கொள்கிறது.
தீர்மானம் 16அ :
ஒன்றிய மற்றும் பொதுத்துறை நிறுவனங்களில் உள்ள காலிப் பணியிடங்கள் உடனடியாக நிரப்பப் பட வேண்டும். சமூகநீதியை ஒழித்துக்கட்டுவதற்காக பொதுத்துறை பங்குகள் விற்பதை வன்மையாக கண்டிக்கிறோம். அதை கைவிட வேண்டும் என வலியுறுத்துகிறோம். அரசுத் துறை நிறுவனங்கள் பொதுத் துறைகளாக மாற்றப்படுவதை கைவிட்டு சமூகநீதி நிலைநாட்டப்பட வேண்டும்.
தீர்மானம் 16ஆ :
ஒன்றிய அரசின் நிறுவனங்கள் மற்றும் பொதுத்துறை நிறுவனங்களில் தமிழ் வார்த்தைகளைப் பயன்படுத்தி தமிழில் பெயர்ப் பலகை வைக்க வேண்டும் என வலியறுத்துகிறோம்.
தீர்மானம் 16இ :
ஒன்றிய அரசின் நிறுவனங்களிலும், பொதுத்துறை நிறுவனங்களிலும் அதிகாரிகள் முதல் பணியாளர்கள் வரை அந்தந்த மாநிலத்தைச் சார்ந்தவர்கள் 80% பணியமர்த்ப்பட வேண்டும் என வலியுறுத்துகிறோம்.
- தீர்மானங்களை திருவாரூர் மாவட்ட திராவிடர் கழகத் தலைவர் வி.மோகன் முன்மொழிந்தார்.
