கவிஞர் கண்மதியன் அன்னையார் மறைவு! கழகத் தலைவர் இறுதி மரியாதை!

ஒன்றிய அரசின் மேனாள் அதிகாரி யும், கழகப் பற்றாளரும், கவிஞருமான கண்மதியன் அவர்களின் அன்னையார் திருமதி பாக்கியம் (வயது 102 அவர்கள் நேற்று முதல் நாள் (27.12.2022 மறை வுற்றார் என்பதை அறிவிக்க வருந்துகி றோம். இன்று (29.12.2022) காலை 8:30 ணி அளவில் கழகத் தலைவர் ஆசிரியர் கி.வீரமணி அவர்கள் திருமதி பாக்கியம் அம்மாள் அவர்களின் உடலுக்கு மாலை வைத்து இறுதி மரியாதை செலுத்தினார்.

கழகத் தலைவருடன் கழகத் துணைத் தலைவர் கலி.பூங்குன்றன், தமிழக மூதறிஞர் குழு பொருளாளர் த.கு.திவாகரன், தென்சென்னை மாவட்ட திராவிடர் கழகத் தலைவர் இரா.வில்வநாதன், மாவட்ட செயலாளர் செ.ர.பார்த்த சாரதி, துணை செயலாளர் தாமோதரன், சூளைமேடு இராமச்சந்திரன் ஆகியோர் உடனிருந்து

மரியாதை செலுத்தினர்.

பெருங்கவிக்கோ வா.மு.சேதுராமன் அவர்களும் இறுதி மரியாதை செலுத் தினார். வெளிநாடுகளிலிருந்து அம்மை யாரின் பேரன்களும், உறவினர்களும் வந்திருந்தனர். அவர்களைக் கழகத் தலைவரிடம் கவிஞர் கண்மதியன் அறிமுகப்படுத்தினார்.

எவ்வித சடங்குகளுமின்றி இன்று காலை 10 மணியளவில் அம்மையாரின் உடல் அடக்கம் செய்யப்பட்டது.

- விடுதலை நாளேடு, 29.12.22

சென்னைப் பல்கலைக்கழக வரலாற்றுத் துறை ஏற்பாட்டில் சர். வில்லியம் மெயர் நினைவு அறக்கட்டளை கருத்தரங்கம்

November 30, 2022 • Viduthalai

"சமூக நீதி - நேற்று, இன்று, நாளை"

திராவிடர் கழகத் தலைவர் தமிழர் தலைவர் கி.வீரமணி  விளக்கவுரை

சென்னைப் பல்கலைக் கழக வரலாற்றுத் துறை ஏற்பாட்டில் சர். வில்லியம் மெயர் நினைவு அறக்கட்டளை சார்பில் 29.11.2022 அன்று கருத்தரங்க நிகழ்வு நடைபெற்றது. ‘சமூகநீதி - நேற்று, இன்று, நாளை' எனும் தலைப்பில் நடைபெற்ற கருத்தரங்கில் திராவிடர் கழகத்தின் தலைவர் ஆசிரியர் கி.வீரமணி தலைமை வகித்தார். பொருளாதாரப் பேராசிரியர் மு.நாகநாதன், தமிழ்நாடு அரசின் சமூக நீதி கண்காணிப்புக் குழுவின் உறுப்பினர் கோ.கருணாநிதி ஆகியோர் பங்கேற்று சமூகநீதி வரலாற்று கருத்துகளை வழங்கினர்.

-------------------

கருத்தரங்கில் தமிழர் தலைவருக்கு 

90ஆம் ஆண்டு பிறந்த நாள் வாழ்த்து

கருத்தரங்கத்திற்கு தலைமை வகித்து உரையாற்றிய தமிழர் தலைவரின் 90ஆம் ஆண்டு பிறந்த நாள்  - டிசம்பர் 2ஆம் நாள் என கருத்தரங்கினை ஏற்பாடு செய்த வரலாற்றுப் பேராசிரியர் எஸ்.எஸ்.சுந்தரம் அறிவித்ததும் கருத்தரங்கமே மகிழ்ச்சிப் பெருவெள்ளம் கண்டது. 

90 ஆண்டு வாழ்வில் தனது 80 ஆண்டு கால பொது வாழ்க்கையினை சமூகத்திற்கு, மனிதகுலத்திற்கு - ஒட்டுமொத்த மேம்பாட்டிற்கு வழங்கிய தமிழர் தலைவருக்கு, வருகை தந்த பேராசிரியப் பெருமக்கள், கல்வியாளர்கள், சமூகநீதி செயல்பாட்டாளர்கள், மாணவ - மாணவியர் என அனைவரும் எழுந்து நின்று பெரும் கரவொலி எழுப்பி தங்களது வாழ்த்தினைத் தெரிவித்தனர். தமிழர் தலைவர் உரை வீச்சுக்குப் பின்னர் அரங்கமே கரவொலியில் எழுச்சி வெள்ளத்தில் திளைத்தது. ஒப்பில்லா சமுதாயப் பணியாற்றி வரும் தமிழர் தலைவருக்கு நன்றிப் பெருக்கினை தெரிவிக்கும் வகையில் வாழ்த்துகளை வெளிப்படுத்தி அனைவரும் மகிழ்ந்தனர்.

--------------

பல்கலைக்கழக குற்றவியல் துறை கருத்தரங்கக் கூடத்தில் காலை 11 மணிக்குத் தொடங்கிய நிகழ்வில் சென்னைப் பல்கலைக் கழகத்தின் பல துறைகளின் தலைவர்கள், பேராசிரியர்கள், மேனாள் கல்விப் பணி ஆற்றிய அறிஞர் பெருமக்கள் மற்றும் மாணவர்கள் பெரும் அளவில் பங்கேற்றுச் சமூகநீதிக் கருத்து உரை வெள்ளத்தில் தோய்ந்து மகிழ்ந்து நல் ஆக்கம் பெற்றனர்.

கருத்தரங்கிற்கு வருகை தந்தோரை வரவேற்று தனது முகப்புரையினை பல்கலைக்கழக இந்திய வரலாற்றுத் துறைத் தலைவர் பேராசிரியர் முனைவர் எஸ்.எஸ்.சுந்தரம் வழங்கினார். 

பேராசிரியர் மு.நாகநாதன்

பொருளாதார வல்லுநரும், தமிழ்நாடு அரசின் திட்டக் குழு மேனாள் துணைத் தலைவருமான பேராசிரியர் மு.நாகநாதன் தமது உரையில் சமூக நீதி வரலாற்றுப் போரில நேர் கொண்ட அறைகூவல்கள், விளைவுகள், சமூகம் அடைந்த மேம்பாடு என பல செய்திகளை, பல தரவுகளை மேற்கோள் காட்டி உரையாற்றினார்.

சென்னை மாகாணத்தில் நீதிக் கட்சி ஆட்சியில் வழங்கப்பட்ட வகுப்புரிமை ஆணை செல்லாது என உயர்நீதிமன்றமும், உச்சநீதிமன்றமும் தீர்ப்பு வழங்கிய நிலையில், தந்தை பெரியார் மக்கள் மன்றத்தில் வகுப்புரிமை தொடர்வதற்குப்  அனைவரையும் ஒன்று திரட்டி, ஒருங்கிணைத்து பெரும் போராட்டத்தினை நடத்தினார். டில்லி ஆட்சியாளர்களின் கவனத்தை ஈர்த்து, முதல் முறையாக அரசமைப்புச் சட்டம் திருத்தப்பட்டு புதிய விதி 15(4) சேர்க்கப்பட்டு இடஒதுக்கீடு வழிமுறை தொடர்ந்திடச் செய்தார். இதுகுறித்த முழுமையான வரலாற்றுச் செய்திகளை பொதுவெளியில் சமூகநீதியால் பயன்பெறுபவர்கள் கூட அறிந்திடாத நிலைமைகள் நிலவுகின்றன.

சிள்தன் சந்திரசூட் எழுதிய "The Cases that India forgot"  (இந்தியா மறந்துவிட்ட நீதிமன்ற வழக்குகள்) எனும் நூலில் அரிய பல செய்திகள் உள்ளன.

கடந்த கால சமூகநீதி வரலாற்றை முழுமையாக தெரிந்து கொண்டால்தான் வருங்கால அறைகூவல்களை நேர்கொண்டு இடஒதுக்கீடு தொடர்ந்திட, உரியவர்க ளுக்கு சமூகநீதி கிடைத்திட வழி ஏற்படும்.

சமூக நீதி எதிர்ப்பாளர்கள் விழிப்பாக உள்ளனர், சமூக நீதியால் பயன்பெறுபவர்களைவிட, சமூக நீதி பற்றிய சரியான புரிதலை உரியவர்கள் அறிந்து கொள்ள வேண்டும். திரிபுவாத, திசை திருப்பல் நடவடிக்கைகளை அப்பொழுதுதான் முறியடிக்க முடியும்.

இடஒதுக்கீடு மக்களை பிளவுபடுத்துவதாக எதிர்ப் பாளர்கள் பேசி வருகின்றனர். ஏற்கெனவே ஆதிக்கம் செலுத்தியவர்களால் உருவாக்கப்பட்ட ஏற்றத் தாழ்வு களை, பாகுபாட்டினை போக்குவதற்குத்தான் "இடஒதுக் கீடு" தொடர வேண்டும் என்பது பரவலாக அறியப்பட வேண்டும்‘ இது பற்றிய கருத்துப் பரவலை சமூக அறிஞர்கள் பலர் எளிதாக எடுத்துரைத்துள்ளனர்.

நோபல் பரிசு பெற்ற பொருளாதார அறிஞர் அமர்த் தியா சென், இடஒதுக்கீடு பற்றிய புரிதலை, விளக்கத்தினை எளிதாகக் கூறுகிறார். அனைவருக்கும் விளங்கிடும் வகையில் கூறுகிறார். 

"இடஒதுக்கீட்டை ஓடும் நதியில் உள்ள ஒரு வளைவை மட்டும் வைத்து புரிந்து கொள்ளக்கூடாது. நதியின் தொடக்கம் முதல், கடலில் கலக்கும் வரை உள்ள நதியின் போக்கு - பலவித நிலைகளைக் கொண்டு புரிந்து கொள்ள வேண்டும்".

கோ.கருணாநிதி

அனைத்திந்திய பிற்படுத்தப்பட்ட ஊழியர் நலச் சங்கக் கூட்டமைப்பின் பொதுச் செயலாளர் தமது உரையில் நாடு தழுவிய அளவில் சமூக நீதி வளர்ச்சி பெற்ற நிலைகளை எடுத்துரைத்தார்.

1800களின் மத்தியில் மராட்டிய மாநிலத்தில் ஜோதிபா பூலே சமூகநீதிக்கு அழுத்தமான குரல் எழுப்பி, களம் இறங்கிச் செயல்பட்டார். சமூகத்தின் பல்வேறு எதிர்ப்பு களைச் சந்தித்து பெண்கள் கல்வி கற்க தனிப்பள்ளிக் கூடங்களைத் தொடங்கியவர். தனது மனைவி சாவித் திரிபா பூலே அவர்களுக்கு கற்பித்து அவரையே ஆசிரி யராகக் கொண்டு பெண்கல்விக்கு புரட்சி கண்டார்.

1902அம் ஆண்டில் மராட்டிய மாநில கோல்காபூர் சமஸ்தானத்தில் மன்னர் சத்ரபதி சாகுமகாராஜ் சமூகநீதி பற்றிய முதல் அரசாணையை வெளியிட்டார். அரசுப் பணிகளில் பார்ப்பனர் அல்லாதாருக்கு 50 விழுக்காடு வழங்கிய முதல் சமூகநீதிப் போராளி சாகுமகாரஜ் ஆவார்.

1918இல் மைசூர் சமஸ்தானத்தில் ஒடுக்கப்பட்ட மக்கள் உரிமைக்கு, சமூகநீதி கிடைக்க மில்லர் குழு முன்மாதிரியாக அமைக்கப்பட்டு, அதன் பரிந்துரைகள் நடைமுறைக்கு வரத் தொடங்கின.

பிரிட்டிஷ் ஆட்சியில் அலெக்சாண்டர் கார்டியூ மக்கள் தொகை கணக்கு பற்றிய தனது அறிக்கையில் சென்னை மாகாணத்தில் பெரும்பாலான அரசுப் பணி களில் பார்ப்பனர்களே உள்ளனர்; ஒரே குடும்பத்தைச் சார்ந்தோரே உள்ளனர். அனைவருக்கும் - அனைத்துப் பிரிவினருக்கும் பணி வாய்ப்பு வழங்கப்பட வேண்டும் என பரிந்துரைத்தார்.

அவர்தம் பரிந்துரைகளை உள்வாங்கி, பார்ப்பனர் அல்லாதார் இயக்கமாக உருவெடுத்த நீதிக்கட்சி சென்னை மாகாணத்தில் 1920இல் ஆட்சிக்கு வந்து, 1921லும், 1922லும் வகுப்புரிமைக்கான ஆணைகளைப் பிறப்பித்தது, ஆனால் ஆணைகள் நடைமுறைக்கு வராமல் ஆதிக்க வாதிகள் முட்டுக்கட்டையாக இருந்த னர். பின்னர் 1928ஆம் ஆண்டில்தான் வகுப்புரிமை ஆணை நடை முறைக்கு வந்தது. அன்று முதல் நடைமுறையில் இருந்த ஆணை, 1950ஆம் ஆண்டு இந்திய அரசமைப்புச் சட்டம் நடைமுறைக்கு வந்த பொழுது, ‘வகுப்புரிமை ஆணை செல்லாது' என நீதிமன்றங்கள் தீர்ப்பளித்தன. தந்தை பெரியார் மக்களைத் திரட்டி பெரும் போராட்டத்தினை நடத்தி அரசமைப்புச் சட்டத்தினை திருத்த வைத்து சமூகநீதி - இடஒதுக்கீடு தொடர்ந்திட காரணமாக இருந்தார்.

பின்னர் படிப்படியாக இடஒதுக்கீடு அளவு உயர்த்தப்பட்டு மொத்த இடஒதுக்கீடு 69 விழுக்காடு என வந்த நிலையில் - அதற்கு ஆபத்து வந்த நிலையில் அதனைப் பாதுகாக்க உரிய ஆலோசனை சட்ட வடிவினை வழங்கி, முதன்முறையில் சட்டம் இயற்றி, அரசமைப்புச் சட்டத்தினை திருத்தி, 69 விழுக்காடு இடஒதுக்கீட்டை பாதுகாத்தவர் தமிழர் தலைவர் ஆசிரியர் கி.வீரமணி ஆவார்.

1992 மய்ய அரசிலே பிற்படுத்தப்பட்டவர் பணிகளில் 27 விழுக்காடு இடஒதுக்கீடு மண்டல் பரிந்துரை மூலம் நடைமுறையானது. 

2006ஆம் ஆண்டு மத்திய பல்கலைக் கழகங்கள், உயர் கல்வி நிலையங்களில் பிற்படுத்தப்பட்டவர்களுக்கு 27 விழுக்காடு என அரசாணை பிறப்பிக்கப்பட்டாலும், ஒவ்வொரு ஆண்டும் 9 விழுக்காடு என மூன்று ஆண்டு களில் நடைமுறைப்படுத்தப்படவேண்டிய இடஒதுக்கீடு 5, 6 ஆண்டுகளாக நீட்டிக்கப்பட்டது.

ஆனால் 2019ஆம் ஆண்டில் ஒன்றிய பா.ஜ.க. அரசு கொண்டு வந்த உயர் ஜாதியினரில் ஏழைகளுக்கான 10 விழுக்காடு இடஒதுக்கீடு, ஒரு வார காலத்தில் அமைச்சரவை ஒப்புதல் அளித்து, நாடாளுமன்றத்தில் சட்ட மசோதா தாக்கல் செய்யப்பட்டு, குடியரசுத் தலை வர் ஒப்புதல் பெறப்பட்டு அரசாணையும் பிறப்பிக்கப் பட்டது. நடைமுறைக்கும் வந்தது.

அதுவரை இடஒதுக்கீடு நடைமுறைக்கு இருந்த வந்த தடைக் கற்கள், 10 விழுக்காடு இடஒதுக்கீட்டிற்கு இல்லாத நிலை சமூகநீதியின் உண்மையான புரிதலை மடை மாற்றும் விதமாக உள்ளதை ஒடுக்கப்பட்ட மக்கள் உணர்ந்து கொள்ள வேண்டும். நேற்றைய வரலாற்றை உணர்ந்ததால்தான் வருங்கால சமூகநீதிப் பயணம் சரியாக இருக்க முடியும். சமூக நீதியில் பயன்பெறுவோர் விழிப்புணர்வுடன் இருக்க வேண்டும்.

தமிழர் தலைவர்

கருத்தரங்கில் நிறைவாக தமிழர் தலைவர் ஆசிரியர் அவர்கள் எளிமையாக மாணவ - மாணவியர் சமூகநீதிக் கருத்துகளை புரிந்து கொள்ளும் வகையில் வகுப்பில் பாடம் சொல்லிக் கொடுப்பது போல விளக்கமளித்துப் பேசினார். கருத்துகளை எளிமைப்படுத்திச் சொல்வது கடினமானது. எளிமைப்படுத்திச் சொல்லும் கடினக் கலையில் வல்லவரான ஆசிரியர் அவர்கள் மாணவ மாணவியரை கேள்வி கேட்டு பதில் பெற்று கருத்து வழங்கிடும் வகையில் உரையாற்றினார்.

தொடக்கத்தில், தான் சிதம்பரம் அண்ணாமலை பல்கலைக் கழகத்தில் பொருளாதார பட்ட மாணவனாக பயின்ற காலத்தில் தேர்வில் முதல் இடம் பெற்று சர் வில்லியம் மெயர் அறக்கட்டளை வழங்கிய தங்கப்பதக் கத்தை பெற்றதை நினைவு கூர்ந்தார். அவர் பெயரிலான சென்னைப் பல்கலைக்கழகத்தில் அறக்கட்டளை கருத்தரங்கில் உரையாற்றுவது மிகவும் மகிழ்ச்சியான தருணம் - பெருமையாகக் கருதுகிறேன்.

இதே சென்னைப் பல்கலைக்கழகத்தில் பல ஆண்டு களுக்கு முன்பு போராடிய ஆசிரியப் பெருமக்களிடம் நான் ஆற்றிய உரையும், அண்ணாமலைப் பல்கலைக் கழகத்தில் சமூகநீதி பற்றி ஆற்றிய உரையும் சேர்த்து ‘சமூகநீதி‘ எனும் தலைப்பில் புத்தகமாக வெளி வந்துள்ளது.

சில ஆண்டுகளுக்கு முன்பு மதுரையில் ஒரு சமூகநீதி பற்றிய கூட்டத்தில் பங்கேற்க  நேர்ந்தது. அதில் உச்சநீதிமன்ற மேனாள் நீதிபதியும் பங்கேற்று உரையாற்றினார். அந்த நீதிபதி இடஒதுக்கீடு வழங்கிட பொருளாதார அளவு கோல் கூடாதென்று சென்னை உயர்நீதிமன்றத்தில் தீர்ப்பு அளித்தவர். அவர் உரை யாற்றும் பொழுது தன்னிடம் இடஒதுக்கீடு வழக்கு விசா ரித்திட வந்த நிலையில் சமூகநீதி பற்றிய முழுமையான புரிதலை தான் அறிந்து கொள்ள கி.வீரமணி எழுதிய ‘சமூகநீதி‘ புத்தகம் பெரிதும் உதவியாக இருந்தது எனக் குறிப்பிட்டார். இன்று கூட நானும் கருத்தரங்கில் அறிஞர்கள் ஆற்றிய உரைகளும் புத்தகமாக வெளிவந்து பலரும் படித்துப் பயன் பெற விரும்புகிறேன்.

இப்படியாகக் கூறி தமிழர் தலைவர் மாணவ மாணவி யரைப் பார்த்து "உங்களில் எத்தனைக் குடும்பத்தில் தாத்தாமார்கள் பட்டதாரியாக இருந்தனர்?" என்ற கேள்வியை எழுப்பினார்.

5 பேர் கை உயர்த்தினர். பின்னர் "எத்தனை குடும்ப பாட்டிமார்கள் பட்டதாரிகள்?" என்றபொழுது ஒருவர் மட்டும் கை தூக்கினார்.

இன்று நீங்கள் பட்டப்படிப்பு, முதுநிலை படிக்க வந்துள்ளீர்கள். இதுதான் சமூகநீதி நேற்று - இன்று என்பது கல்விக்கு கடவுளான சரஸ்வதியின் பெயரைக் கொண்ட பல பாட்டிமார்கள் எழுதப் படிக்கத் தெரியாத வர்களாக இருந்தனர் என்பதுதான் கடந்த கால நிலை. கல்வி கற்காமல் தடுத்தது எது? இதுதான் மாணவர்கள் தெரிந்து கொள்ள வேண்டியது.

தான் சொல்லிக் கொடுக்காமலே வில்வித்தையை கற்றுக் கொண்ட நிபுணத்துவம் பெற்ற ஏகலைவனிடம் "குருதட்சணை" அவனது கட்டை விரலைக் கேட்ட துரோணாச்சாரியார் இன்றும் பெருமையாகக் கருதப்படு கின்றார்.  விளையாட்டுக் கலை கற்பித்தலில் சிறந்தோ ருக்கு "துரோணாச்சாரியார் விருது" பல ஆண்டுகாலமாக ஒன்றிய அரசால் வழங்கப்பட்டு வருகிறது. விருது வழங் கப்படலாம். விருதின் பெயர் சமூகநீதியைச் சிதைக்கும் வெளிப்பாடுதான்.

இளைய தலைமுறையினர் சமூக நீதி பற்றிய உரிய கருத்ததுகளை அறிந்து கொள்ள முன் வர வேண்டும். 

தொடர்ந்து, கல்விக்கென போராடி ஒடுக்கப்பட்ட வர்களுக்கான சமூகநீதியினை இடஒதுக்கீடு அளவு உயர்வின் மூலம் பெற்று வந்துள்ளோம். அதன் நடை முறை இன்னும் முழுமையாகவில்லை. ஆனால் சமூக நிதியின் முறையான பயணத்தை திசை திருப்பிடும் வகையில் ஆட்சியாளர்கள் உள்ளனர். உயர்ஜாதி ஏழைகளுக்கு 10 விழுக்காடு இடஒதுக்கீடு செல்லும் என உச்சநீதிமன்றம் தீர்ப்பு வழங்கியுள்ளது.

இடஒதுக்கீடு சமூகநீதியில், கல்வி ரீதியில் பின்தங்கிய வர்களுக்குத்தான் வழங்கப்பட வேண்டும் என இந்திய அரசமைப்புச் சட்டம் கூறுகிறது. பொருளாதார அளவு கோள் கூடாது. துணிக் கடையில் வேண்டப்படும் துணியின் அளவினை உலோக, மர அளவுகோலால் அளந்து வாங்க வேண்டும்; விற்க வேண்டும். ரப்பர் அளவுகோல் பயன்படுத்தினால் சரியாக இருக்காது. ரப்பர் அளவு நிலையானது அல்லவே. நிலையில்லாத பொருளாதார அளவுகோல் கொண்டு சமூகத்தில் நிலைத் திருக்கும் ஏற்றத் தாழ்வுகளை அளந்திட வேண்டும்.

எம்.ஜி.ஆர். முதல்வராக இருந்தபொழுது தமிழ் நாட்டில் பிற்படுத்தப்பட்டோர் இடஒதுக்கீடு பெற ஆண்டு வருமான வரம்பு ரூ.9000 என உத்தரவு பிறப் பித்தார். அதனை எதிர்த்து ஒராண்டு காலம் போராட்டம் நடத்தினோம். அடுத்து நடைபெற்ற நாடாளுமன்ற தேர்தலில் பெரும் தோல்வியை அவரது கட்சி தழுவியது. அனைத்துக் கட்சியைக் கூட்டினார். அதில் பங்கேற்றிட திராவிடர் கழகத்திற்கு அழைப்பு வந்தது. கூட்டத்தில் முதல்வர் தொடர்ந்து எதிர்த்து வரும் கி.வீரமணி அவர்கள் பேசட்டும் என கூறினார். புரிந்து கொள்ளும் வகையில் எளிமையாக அறிக்கையும் கொடுத்தோம். கூட்டத்தில் விளக்கமும் அளித்தோம். வருமான வரம்பு எனும் பொருளாதார அளவீடு சமூக நீதிக்கு எதிரானது. பல்லாயிரம் ஆண்டுகளாக கல்வி மறுக்கப்பட்டு - அதாவது வேலை வாய்ப்பு மறுக்கப்பட்ட ஒடுக்கப்பட்ட மக்கள் ஏற்றம் பெற வந்ததே இடஒதுக்கீடு வழி முறை. பொருளாதார நிலை என்பது நிலையில்லாதது எனக் கூறி ஓர் எடுத்துக்காட்டைச் சுட்டிக் காட்டினோம்.

அரசு பணிபுரியும் ஒருவர் செங்கல்பட்டு அல்லது அடுத்த கிராமத்தில் பணிபுரியும் பொழுது வீட்டு வாடகை படி குறைவு. ஒட்டுமொத்தமாக ஆண்டு வருமானம் ரூ.9000க்குள் வரும். அவரது ஒரு பிள்ளைக்கு இடஒதுக்கீடு கிடைக்கும். அதே பணியாளர் சென்னைக்கு மாற்றலாகி வந்தால் வீட்டு வருமானப்படி, நகர குடியிருப்புப் படி என கூடுதலாக வருமானம் கிடைத்து ஆண்டு வருமானம் ரூ.9000க்கு மேலே அதிகரிக்கக் கூடும். சென்னைக்கு பணி மாறுதலில் வந்த பணியாளர் தனது அடுத்த பிள்ளைக்கு இடஒதுக்கீட்டுப் பலன் மறுக்கப்படுவார். ஒரே குடும்பத்தில் ஒருவருக்கு இடஒதுக்கீடு, சில காலம் கழித்து அடுத்தவருக்கு இடஒதுக்கீடு மறுப்பது. இது நியாயமா? பொருளாதார அளவு கோலை இடஒதுக்கீடடில் திணித்ததால் விளை வது அநியாயமல்லவா? இடஒதுக்கீட்டிற்கு வருமான வரம்பு சரியாகாது. நாம் சொன்னதும் ‘பளிச்‘ என்று எம்.ஜி.ஆர். புரிந்து கொண்டார். ஒரு சில நாள்களில் இடஒதுக்கீட்டிற்கான வருமான வரம்பு ஆணை திரும்பப் பெறப்பட்டது. பிற்படுத்தப்பட்டவர்களுக்கான இடஒதுக்கீடு 31 லிருந்து 50 விழுக்காடாக உயர்த்தப்பட்டது.

இன்று உச்சநீதிமன்றம் தீர்ப்பளித்த பொருளாதார அளவுகோலிலான இடஒதுக்கீடு செல்லும் என்ற தீர்ப்பு விரைவில் மக்கள் மன்றத்தில் தனிக் கவனத்துடன் எடுத்துச் செல்லப்படும். சமூகநீதிப் பயணத்தைத் திசை திருப்பிடும் வேலைகள் முறியடிக்கப்படும். அத்தகைய சவால்களை இளைய தலைமுறை சந்திக்க வேண்டும். பாடுபட வேண்டும். சமூகநீதியை வென்றெடுக்க வேண்டும்.

இவ்வாறு தமிழர் தலைவர் தனது நிறைவுரையில் குறிப்பிட்டார். (முழுப் பேச்சு விரைவில் ‘விடுதலை'யில் வெளிவரும்).

கருத்தரங்கின் நடவடிக்கைகளை பேராசிரியர் தினேஷ் வெகு நேர்த்தியாக தொகுத்தளித்தார். நிறை வாக பேராசிரியர் லட்சமணன் நன்றி கூறினார்.

கருத்தரங்க நிகழ்விற்கு, தமிழ்நாடு மாநில தாழ்த்தப் பட்டோர் பழங்குடியினர் குழுவின் உறுப்பினர் முனை வர் ச.தேவதாஸ், திராவிடர் வரலாற்று ஆய்வு மய்யத்தின் தலைமைப் பேராசிரியர் பெ.ஜெகதீசன், செயலாளர் அ.கருணானந்தன், திராவிடர் கழகப் பொருளாளர் வீ.குமரேசன், கழகத் தோழர்கள், பல்கலைக் கழகப் பேராசிரியர்கள், உதவிப் பேராசிரியர்கள், கல்வியா ளர்கள், அனைத்திந்திய பிற்படுத்தப்பட்ட ஊழியர் நலக் கூட்டமைப்பின் தோழர்கள், சமூகநீதி ஆர்வலர்கள் - செயல்பாட்டாளர்கள் மாணவப் பெருந்திரள் என பலரும் வருகை தந்திருந்தனர். கருத்தரங்க நிகழ்வு சமூகநீதி பற்றிய கருத்து விருந்தாக, கருத்துக் களஞ்சிய விளக்கமாக சிறப்பாக நடந்தேறியது.

- தொகுப்பு: வீ.குமரேசன்

தந்தை பெரியார் 49ஆம் ஆண்டு நினைவு நாள் அமைதிப் பேரணி - கருத்தரங்கம்

  December 24, 2022 • Viduthalai

சென்னை,டிச.24- தந்தை பெரியார் 49ஆம் ஆண்டு நினைவு நாள் இன்று (24.12.2022) அவர் பணியைத் தொடர்ந்து முடித்திட உறுதியேற்கும் நாளாக தமிழினத்தால் நன்றியுடன் நினைவு கூரப்பட்டது.

தமிழ்நாடு முழுவதும் திராவிடர் கழகத்தின் சார்பிலும், பல்வேறு கட்சிகள், அமைப்புகளின் சார்பிலும் தந்தை பெரியார் சிலைக்கு மாலை அணிவிக்கப்பட்டு மரியாதை செலுத்தப்பட்டது.

திருச்சியில் தமிழர் தலைவர்

திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் தலைமையில் திருச்சியில் கழகத் தோழர்கள் புடைசூழ தந்தைபெரியார் சிலைக்கு மாலை அணிவித்து மரியாதை செலுத்தப்பட்டது.

சென்னையில் அமைதி ஊர்வலம்-கருத்தரங்கம்

சென்னையில் கழகத்துணைத் தலைவர் கவிஞர் கலி.பூங் குன்றன் தலைமையில் பெரியார் படங்களுடன் கழகக் கொடி யேந்தி அமைதி ஊர்வலம் நடைபெற்றது. கழகப்பொதுச் செயலாளர் வீ.அன்புராஜ், பொருளாளர் வீ.குமரேசன், பிரச்சாரச் செயலாளர் வழக்குரைஞர் அ.அருள்மொழி, துணைப் பொதுச்செயலாளர் பொறியாளர் ச.இன்பக்கனி, அமைப்புச் செயலாளர் வி.பன்னீர்செல்வம், சென்னை மண்டல செயலாளர் தே.செ.கோபால் மற்றும் கழகப்பொறுப்பாளர்கள்  அமைதி ஊர்வலத்தில் அணிவகுத்துச்சென்றனர். பெரியார் பிஞ்சுகள் பெரியார் படம் ஏந்தி அமைதி ஊர்வலத்தில் கலந்துகொண்டனர்.

சென்னை அண்ணாசாலை (சிம்சன் அருகில்) தந்தை பெரியார் சிலை அருகிலிருந்து தொடங்கி சிந்தாதிரிப்பேட்டை வழியே பெரியார் ஈ.வெ.ரா. நெடுஞ்சாலை அடைந்து அன்னை மணியம்மையார் சிலைக்கு கழக மகளிரணித் தோழர்கள் மாலை அணிவித்து எழுச்சி முழக்கமிட்டனர்.

பெரியார் திடலில் அமையப்பெற்றுள்ள தந்தைபெரியார் 21 அடி முழு உருவச்சிலை அருகில் கழகப் பொறுப்பாளர்கள், தோழர்கள், பல்வேறு அமைப்பினர் திரண்டு மலர் வளையம் வைத்து மலர் தூவி மரியாதை செலுத்தினர்.

தந்தைபெரியார் நினைவிடத்தில் கழகத் துணைத் தலைவர் கவிஞர் கலி.பூங்குன்றன் தலைமையில் மலர் வளையம் வைக்கப்பட்டது. கழகத் துணைத் தலைவர் உறுதிமொழி கூற கழகப்பொறுப்பாளர்கள், தோழர்கள் அனைவரும் உறுதி யேற்றனர்.

கழக மகளிரணி சார்பில் அன்னை மணியம்மையார் நினை விடத்தில் மலர் வளையம் வைத்து மரியாதை செலுத்தப்பட்டது.

"சுயமரியாதைச் சுடரொளிகள்" நினைவிடத்தில் மலர் வளையம் வைத்து மரியாதை செலுத்தப்பட்டது.

மகளிரணி

மோகனா வீரமணி, பெரியார் பன்னாட்டமைப்பு அமெரிக்கா, பொருளாளர் அருள் வீரமணி, சி.வெற்றிச்செல்வி, மருத்துவர் மீனாம்பாள், பெரியார் நூலக வாசகர் வட்டத் தலைவர் வழக்குரைஞர் ஆ.வீரமர்த்தினி, பெரியார் களம் இறைவி, மகளிர் பாசறை மாநில செயலாளர் வழக்குரைஞர் பா.மணியம்மை, பெரியார் செல்வி, பெரியார் சுயமரியாதைத் திருமண நிலைய இயக்குநர் பசும்பொன், பூவை செல்வி, வி.வளர்மதி, அஜந்தா  உள்ளிட்ட மகளிர் அணித் தோழர்கள், பகுத்தறிவாளர் கழக பொதுச்செயலாளர் ஆ.வெங்கடேசன், பேராசிரியர் ந.க.மங்களமுருகேசன்,ஓய்வுபெற்ற நீதிபதி பரஞ்ஜோதி, வழக்குரைஞர் சு.குமாரதேவன், பத்திரிகையாளர் அண்ணாதுரை, ஆடிட்டர் இராமச்சந்திரன், சென்னை மண்டல தலைவர் தி.இரா.இரத்தினசாமி, தென்சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, தாம்பரம் மாவட்டத் தலைவர் ப.முத்தையன், செயலாளர் கோ.நாத்திகன், சோழிங்கநல்லூர் மாவட்ட தலைவர் ஆர்.டி.வீரபத்ரன், செயலாளர் விஜய் உத்தமராஜ், வடசென்னை மாவட்ட செயலாளர் தி.செ.கணேசன், ஆவடி மாவட்ட செயலாளர் க.இளவரசன், தி.வே.சு.திருவள் ளுவன் உள்பட ஏராளமானவர்கள் கலந்துகொண்டனர்.

பெரியார் நினைவு நாள் கருத்தரங்கம்

கழகப்பொதுச்செயலாளர் வீ.அன்புராஜ் தலைமையில் ‘தலைமுறைகள் கடந்து தந்தை பெரியார்’ என்ற தலைப்பில் கருத்தரங்கம் நடிகவேள் எம்.ஆர்.இராதா மன்றத்தில் நடை பெற்றது. மாநில இளைஞரணி செயலாளர் சோ.சுரேஷ் வரவேற்றார். மாநில மகளிர் பாசறை செயலாளர் வழக்குரைஞர் பா.மணியம்மை தொடக்க உரையாற்றினார்.

கருத்தரங்கம் குறித்து கழகத்துணைத் தலைவர் கவிஞர் கலி.பூங்குன்றன் குறிப்பிடுகையில், 

தமிழர் தலைவர் ஆசிரியர் அவர்கள் வெளியூர் நிகழ்ச்சியில் பங்கேற்கும் நிலையில் இந்த நிகழ்ச்சியை எப்படி நடத்துவது என்று இருந்தோம். அடுத்த தலைமுறைக்கு தந்தைபெரியாரைக் கொண்டு செல்லும் இளைஞர் படை உள்ளது என்பதன் அடையாளமாக இந்த மேடையில் வெவ்வேறு கட்சிகளில் இருந்தாலும், திராவிடர் கழகத்தில் உறுப்பினராக இல்லா விட்டாலும், தந்தைபெரியார் கொள்கையை முன்னெடுத்துச் செல்லும் சிந்தனையாளர்களாக உள்ளார்கள். கருத்தரங்கில் கழகப்பொதுச்செயலாளர் அன்புராஜ் தலைமை ஏற்றிருக்கிறார். அத்துணைப்பேருக்கும் பாராட்டுகள் என்றார். 

‘தலைமுறைகள் கடந்து தந்தை பெரியார்’ கருத்தரங்கம்

"பெண்ணுரிமைப் பேரிகையாய்..." தலைப்பில் திராவிட மகளிர் பாசறை மாநில அமைப்பாளர் வழக்குரைஞர் சே.மெ.மதிவதனி, "சம உரிமைச் சமூகப் படைப்பில்..." தலைப்பில் இந்தியக் கம்யூனிஸ்ட் கட்சி மாநில துணைச் செயலாளர் 

மு.வீரபாண்டியன், "ஜாதி ஒழிப்புச் சமர்க்களத்தில்..." விடுதலைச் சிறுத்தைகள் கட்சித் துணைப் பொதுச் செயலாளர் வன்னி அரசு, "மொழி இன உரிமைப்போரில்...". தலைப்பில் தி.மு.க. மாணவர் அணித் தலைவர் இரா.ராஜீவ் காந்தி ஆகியோர் பங்கேற்று கருத்தரங்கத்தில் எழுச்சி உரையாற்றினர். சிறப்பு விருந்தினர்கள் உள்ளிட்ட கருத்தரங்கில் உரையாற்றிய அனைவருக்கும் கழகத் துணைத் தலைவர் கவிஞர் கலி.பூங்குன்றன் இயக்க வெளியீடுகளை வழங்கி சிறப்பு செய்தார். கவிஞர் காசி.முத்து மாணிக்கம், திராவிடர் வரலாற்று ஆய்வு மய்யம் பேராசிரியர் அரங்கசாமி, மூதறிஞர் குழு தலைவர் பேராசிரியர் தேவதாஸ், பொருளாளர் பொறியாளர் முனைவர் த.கு.திவாகரன், விடு தலைச் சிறுத்தைகள் கட்சி கு.செல்வம், அமைப்புச்செயலாளர் வி.பன்னீர்செல்வம்,பெரியார் நூலக வாசகர் வட்டப் பொறுப்பா ளர்கள் புரவலர் கி.சத்தியநாராயணன், கு.தென்னவன், செல்லப்பன், தென்மாறன், சனார்த்தனன் உள்பட பலர் நிகழ்வில் பங்கேற்றனர்.

பல்வேறு அமைப்புகளின் சார்பில் நினைவிடத்தில் மரியாதை

பெரியார் நினைவிடத்தில் பல்வேறு அமைப்புகளின் சார்பில்  மலர் வளையம் வைத்து மரியாதை செலுத்தப்பட்டது.

மதிமுக

மதிமுக பொதுச்செயலாளர் வைகோ தலைமையில் மதிமுக பொறுப்பாளர்கள் துரை வைகோ, மல்லை சத்யா, ஜீவன், சுப்பிரமணி, இராஜேந்திரன், மாவை மகேந்திரன், பூவை பாபு, சிக்கந்தர், தென்றல் நிசார் உள்ளிட்ட பொறுப்பாளர்கள்.

விடுதலைச் சிறுத்தைகள் கட்சி

துணைப்பொதுச்செயலாளர் வன்னியரசு தலைமையில் கு.செல்வம், மகளிரணி ஆதிமொழி, சாந்தி,பெருநகர சென்னை மாநகராட்சி மாமன்ற உறுப்பினர் அம்பேத்வளவன், இராவணசங்கு உள்ளிட்ட பொறுப்பாளர்கள்

தமிழ்நாடு காங்கிரசு

தமிழ்நாடு காங்கிரசு கமிட்டி சார்பில் பட்டியலினப்பிரிவு மாநில தலைவர் ரஞ்சன்குமார் தலைமையில் பொறுப்பாளர்கள்

சிபிஅய்

சிபிஅய் மாநில துணைச் செயலாளர் மு.வீரபாண்டியன் தலைமையில் பொறுப்பாளர்கள் 

அதிமமுக

அண்ணா திராவிட மக்கள் முன்னேற்றக் கழகம் சார்பில் வழக்குரைஞர் பசும்பொன் பாண்டியன் தலைமையில் அக் கட்சிப்பொறுபபாளர்கள்

பிற்படுத்தப்பட்டோர் கூட்டமைப்பு

அகில பிற்படுத்தப்பட்டோர் கூட்டமைப்பு சார்பில் பொதுச் செயலாளர் கோ.கருணாநிதி, துணைத் தலைவர் ஏ.ராஜசேகரன், சென்சஸ் துறை ராஜ்குமார், லோகநாதன், யூனியன் வங்கி ஓபிசி அமைப்பின் நிர்வாகிகள் எஸ். நடராசன், ஞா.மலர்க்கொடி, பி.லோகேஷ் பிரபு, எஸ்.சேகரன், பி.வேலாயுதம், கே.சந்திரன், எஸ்.சத்தியமூர்த்தி, ஏ.கோபு ஆகியோர்.

டிச. 24: தந்தை பெரியார் 49ஆவது நினைவு நாள் தமிழ்நாடெங்கும் கழகத் தோழர்கள் மாலை அணிவித்து மரியாதை

  December 24, 2022 • Viduthalai

கழக மணம் வீசிய திருப்பத்தூர்!

  December 18, 2022 • Viduthalai

சோலையார்பேட்டை ரயில் நிலையத்தில் தமிழர் தலைவருக்கு உற்சாக வரவேற்பு

 December 18, 2022 • Viduthalai

திருப்பத்தூரில் (வ.ஆ.) "சுயமரியாதைச் சுடரொளி" மானமிகு ஏ.டி. கோபால் நூற்றாண்டு நிறைவு விழா, தமிழர் தலைவர் ஆசிரியர் மானமிகு கி. வீரமணி அவர்களின் 90ஆம் ஆண்டு பிறந்த நாள் விழா, 'விடுதலை' சந்தா அளிப்பு விழா (இரண்டாம் தவணை) ஆகிய முப்பெரும் விழாக்கள் நேற்று (17.12.2022) வெகு சிறப்புடன் நேர்த்தியாக நடைபெற - திருப்பத்தூர் நகரமோ திராவிடர் கழக மயமாகக் காட்சியளித்தது.

விழாவிற்கு வருகை தந்த ஆசிரியர் கி.வீரமணி அவர்களை ஜோலார்பேட்டை இரயில் நிலையத்தில் மாவட்டக் கழகத்தலைவர் கே.சி. எழிலரசன் தலைமையில் நூற்றுக்கணக்கான தோழர்கள் திரண்டு வந்து வரவேற்றனர். தாரை - தப்பட்டை முழங்க ஆசிரியர் அவர்களை வரவேற்று, திருப்பத்தூர் வரை இரு சக்கர வாகனங்களிலும், கார்களிலும் சைக்கிள்களிலும் வழி நெடுக வரவேற்று அழைத்துச் சென்ற காட்சி பொது மக்களிடையே பரபரப்பையும், ஈர்ப்பையும் ஏற்படுத்தியது. 

கழகத் தலைவர் தங்கிய விடுதியில் சாரை சாரையாகக் கழகத் தோழர்களும், கழகக் குடும்பத்தினரும் வருகை தந்து சால்வைகள் அளித்தும், கனிகளை அளித்தும் தங்கள் தலைவருக்கு அன்பைப் பொழிந்தனர்.

பல்வேறு அரசியல் கட்சிகளைச் சேர்ந்தவர்களும், சமுதாய அமைப்புகளைச் சார்ந்தவர்களும் கழகத் தலைவரைச் சந்தித்து சால்வைகள் அணிவித்து தங்கள் மரியாதையை வெளிப்படுத்தினர்.

முப்பெரும் விழாவையொட்டி ஊரே விழாக் கோலம் பூண்டிருந்தது.

சுவர் எல்லாம் முப்பெரும் விழாவின் முழக்கங்களாகவும் -  சாலைகளின் இரு பக்கங்களிலும் விழாவுக்கான பதாகைகளாகவும் அலங்கரித்தன.

சாலையின் இரு மருங்கிலும் திராவிடர் கழகக் கொடிகள் பட்டொளி வீசிப் பறந்தன. மற்ற கட்சிகள் சும்மா இருக்குமா? தி.மு.க., காங்கிரஸ், விடுதலைச் சிறுத்தைகள் கட்சிகளின் கொடிகளும் காற்றில் அசைந்தாடி, திருப்பத்தூர்  முப்பெரும் விழாவிற்கு வருகை தந்தவர்களை வரவேற்றன. 

அழகுக் குலுங்கும், சித்திரக் கூடமோ என்று வியக்கும் வகையில் மன்றல் சூடும் மணமகள்(ன்) போல முப்பெரும் விழாவின் விழாப் பந்தல் கண்டோரின் கண்களைக் குளிரச் செய்தது. பிரமாண்டமான மேடை! மாநில மாநாட்டையேகூட அறிவித்து நடத்தியிருக்கலாமே என்று நினைக்கத் தோன்றியது.

மாநிலக் கழகப் பொறுப்பாளர்கள், மாநில அமைப்பாளர் உரத்தநாடு இரா. குணசேகரன், மாநில அமைப்புச் செயலாளர் ஊமை செயராமன், கழகச் சொற்பொழிவாளர் பெரியார் செல்வன், மாவட்டக் கழகப் பொறுப்பாளர்கள் பெ. கலைவாணன், சி.எ. சிற்றரசன், அண்ணா. சரவணன் உள்ளிட்ட தோழர்களும் கடந்த பத்து நாள்களாகக் கண் துஞ்சாது, பசி நோக்காது, கருமமே கண்ணெனக் கொண்டு பாடுபட்டதன் நேர்த்தியை நிச்சயமாகக் காண முடிந்தது.

முப்பெரும் விழா ஏற்புரையில், கழகத் தலைவர் ஆசிரியர் முப்பெரும் விழாவிற்கு வெகுவாகப் பாடுபட்ட தோழர்களுக்குப் பாராட்டு மழை பொழிந்து, அந்த உழைப்புத் தேனீக்களின் மனங் குளிர வைத்தார்.

தமிழர் தலைவர் பிறந்த நாள் விழாவில் 'விடுதலை' சந்தாக்களை வழங்கினர் (தென் சென்னை)

  December 18, 2022 • Viduthalai

 

கழகப் பொதுச்செயலாளரிடம் விடுதலை சந்தா ரூ.1 லட்சம் உதயநிதி ஸ்டாலின் வழங்கல் (தென் சென்னை)

  December 14, 2022 • Viduthalai

திமுக இளைஞரணி செயலாளர் உதயநிதி ஸ்டாலின் கழகப்பொதுச்செயலாளரிடம் விடுதலை சந்தாவுக்காக ரூ.1 லட்சம் வழங்கினார். இதுகுறித்து அவர் தம் டிவிட்டர் பதிவில் குறிப்பிட்டுள்ளதாவது: பகுத்தறிவு, சமூகநீதிக் கொள்கைகளைக் கொண்டு சேர்க்கும் பெரும் பணியைத் தொய்வின்றிச் செய்து வரும் 'விடுதலை' நாளிதழுக்கு எனது சிறு பங்களிப்பாக ரூ.1 லட்சத்திற்கான காசோலையை ஆயுள் சந்தாவாக திராவிடர் கழகப் பொதுச் செயலாளர் அண்ணன் அன்புராஜ் அவர்களிடம் இன்று வழங்கினேன். வாழ்க பெரியார்! இவ்வாறு அவர் குறிப்பிட்டுள்ளார். தென் சென்னை மாவட்ட திராவிடர் கழகத் தலைவர் இரா. வில்வநாதன், செயலாளர் பார்த்தசாரதி ஆகியோர் உடன் சென்றிருந்தனர்.

விடுதலை' சந்தா சேர்ப்பு இயக்கம் இரண்டாம் கட்ட பணி - பார்வதி நன்னனின் மகள் அவ்வை - தமிழ்ச்செல்வன் இணையர் விடுதலை வாழ்நாள் சந்தா வழங்கினர்.

தமிழர் தலைவர் ஆசிரியர் அவர்களின் 90 ஆவது ஆண்டு பிறந்தநாள் பரிசாக வழங்கப்படும் 'விடுதலை' சந்தா சேர்ப்பு இயக்கம் இரண்டாம் கட்ட பணி - சந்தா வழங்கினர்

 December 09, 2022 • Viduthalai

தமிழர் தலைவர் ஆசிரியர் கி.வீரமணி அவர்களிடம், உரத்தநாடு ஒன்றிய திராவிடர் கழகம் சார்பில், ஒன்றிய தலைவர் த.ஜெகநாதன் தலைமையில், மூன்றாவது தவணையாக, விடுதலை சந்தாவுக்கான தொகை ரூ.2,00,000 வழங்கப்பட்டது.

வீட்டு வசதி மற்றும் நகர்ப்புற வளர்ச்சித் துறை அமைச்சர்   சு.முத்துசாமி  "100 விடுதலை" நாளிதழ் ஆண்டுச் சந்தா ரூ.2,00,000த்தை (இரண்டு லட்சம்) பொதுச் செயலாளர் இரா.ஜெயக்குமார், அமைப்புச் செயலாளர் ஈரோடு த. சண்முகம், மாவட்ட தலைவர் 

கு.சிற்றரசு, மண்டல தலைவர் இர. நற்குணன், மாவட்ட செயலாளர் மா.மணிமாறன், தொழிற்சங்க செயலாளர் தே.காமராஜ், கோ.திருநாவுக்கரசு ஆகியோரிடம் வழங்கினார்.

ஒரத்தநாடு நகர திராவிடர் கழகத்தின் சார்பில், வாழ்நாள் சந்தா (6)  1, 20,000, ஓராண்டு சந்தா (10) 20,000, மொத்தம் 1,40,000த்தை, தஞ்சை மண்டல  தலைவர் மு.அய்யனாரிடம் 30.11.2022 மாலை 5 மணி அளவில் தஞ்சை பெரியார் இல்லத்தில், ஒரத்தநாடு நகர   தலைவர், பேபி ரெ.ரவிச்சந்திரன் தஞ்சை மாவட்ட  செயலாளர் அ.அருணகிரி, தஞ்சை மாவட்ட  துணைச் செயலாளர் அ.உத்திராபதி, ஒரத்தநாடு நகர இளைஞரணி தலைவர் பேபி ரெ.ரமேஷ் ஆகியோர்  பெருமையுடன் வழங்கினர்.

 திருவள்ளூர் கிழக்கு மாவட்ட அதிமுக செயலாளரும், மேனாள் சட்டமன்ற உறுப்பினருமான வி.அலெக்சாண்டர் விடுதலை வாழ்நாள் சந்தா ரூ.20,000த்தை மாநில அமைப்பாளர் உரத்தநாடு இரா.குணசேகரனிடம் வழங்கினார். உடன்: மாநில அமைப்புச் செயலாளர்கள் ஊமை.செயராமன், வி.பன்னீர் செல்வம், ஆவடி மாவட்டச்செயலாளர் க.இளவரசன், மாவட்ட தொழிலாளர்அணி தலைவர் கி.ஏழுமலை ,அம்பத்தூர் பகுதி தலைவர் பூ.இராமலிங்கம்.

 சோழிங்கநல்லூர் மாவட்டத்தலைவர் ஆர்.டி.வீரபத்திரனிடம் தென்சென்னை தெற்கு மாவட்ட திமுக பிரதிநிதி கோவிலம்பாக்கம் டாக்டர்  ஏ.அரங்கநாதன் விடுதலை வாழ்நாள் சந்தாவிற்கு ரூ.20,000த்தை வழங்கினார். உடன்: மாநில அமைப்பாளர் உரத்தநாடு இரா.குணசேகரன், மாநில அமைப்புச் செயலாளர்கள் ஊமை.செயராமன், வி.பன்னீர்செல்வம்.மாவட்டச் செயலாளர் விசய் உத்தமன், மாவட்ட அமைப்பாளர் குழ.செல்வராசு, மாவட்ட பகுத்தறிவாளர் கழக அமைப்பாளர்  விடுதலைநகர் பி.சி.செயராமன்.

 தி.மு.க தஞ்சை வடக்கு ஒன்றிய செயலாளர் வழக்குரைஞர் ச.முரசொலி   விடுதலை வாழ்நாள் சந்தா ரூ.20,000த்தை பொதுச் செயலாளர் இரா.ஜெயக் குமாரிடம் வழங்கினார். உடன்: மண்டலத் தலைவர்  மு.அய்யனார், மாவட்டத் தலைவர் சி.அமர்சிங், மாநகரத் தலைவர் பா.நரேந்திரன், மாநகர செயலாளர் அ.டேவிட் (21-11-2022)

நீலாங்கரை ஆர்.டி.வீரபத்திரனிடம் மாவட்ட பகுத்தறிவாளர் கழக அமைப்பாளர் பி.சி.செயராமன் விடுதலை வாழ்நாள் சந்தாவிற்கு ரூ.20,000த்தை வழங்கினார்.  

பெரியார் திடல் வாகன ஓட்டுநர்கள் கே.என்.மகேஷ்வரன், கு.அசோக் குமார், எம்.முத்துராஜ், உ.அருள்மணி ஆகியோர் தமிழர் தலைவருக்கு பயனாடை அணிவித்து பிறந்த நாள் வாழ்த்துகளைத் தெரிவித்து நன்கொடை வழங்கினர்.  

சிவகங்கை கழக மாவட்டம் மானாமதுரை சட்டமன்றத் தொகுதியில் விடுதலை வாழ்நாள் சந்தா தொகை ரூ.20,000த்தை மேனாள் அமைச்சர் மானாமதுரை சட்டமன்ற உறுப்பினர் ஆ. தமிழரசி மாநில தொழிலாளரணி செயலாளர் மு.சேகரிடம் வழங்கினார்.மாநில மாணவர் கழக அமைப்பாளர் இரா.செந்தூர பாண்டியன்,சிவகங்கை மண்டல செயலாளர் அ.மகேந்திரராசன், சிவகங்கை மாவட்டம் தலைவர் வழக்குரைஞர் ச. இன்பலாதன், சிவகங்கை மாவட்ட செயலாளர் பெரு. ராசாராம், பொதுக்குழு உறுப்பினர்  வேம்பத்தூர் அ.வீ. செயராமன், சிவகங்கை நகர தலைவர் இரா. புகழேந்தி, மாவட்ட பகுத்தறிவாளர் கழகம் ஆசிரியர் நி. இளங்கோ ஆகியோர். (12.11.2022)

திண்டிவனம் கழக மாவட்ட "சுயமரியாதைச் சுடரொளி" கந்தசாமி அவர்களின் மகள் மலர்விழி  அய்ந்து விடுதலை ஆயுள் சந்தாவுக்காக ரூ. ஒரு லட்சத்தை (ரூ.1,00,000) கழகப் பொதுச் செயலாளர் முனைவர் துரை. சந்திரசேகரனிடம் வழங்கினார்.

காவல்துறை ஓய்வு பெற்ற கூடுதல் இயக்குநர் எஸ்.ராமநாதன் விடுதலை சந்தாவுக்காக ரூ.25,000த்தை தமிழர் தலைவர் ஆசிரியர் கி.வீரமணி அவர்களிடம் வழங்கினார். உடன்: சோழிங்கநல்லூர் மாவட்ட தலைவர் நீலாங்கரை  ஆர்.டி. வீரபத்திரன். (பெரியார் திடல் - 3.12.2022)

தென்சென்னை   மாவட்டத் தலைவர்  இரா. வில்வநாதன் தலைமையில் மாவட்டச் செயலாளர்  செ.ர.பார்த்தசாரதி முன்னிலையில் பார்வதி நன்னனின்  மகள் அவ்வை -தமிழ்ச்செல்வன் இணையர் விடுதலை வாழ்நாள் சந்தாவிற்கு  ரூ.20,000த்தை மாநில அமைப்பாளர் உரத்தநாடு இரா.குணசேகரனிடம் வழங்கினர். உடன்: மாநில அமைப்புச் செயலாளர்கள் வி.பன்னீர்செல்வம், ஊமை.செயராமன்.

தஞ்சை பேராசிரியர் நா.பெரியசாமி விடுதலை வாழ்நாள் சந்தா ரூ.20,000த்தை  கழகப் பொதுச் செயலாளர் இரா.ஜெயக்குமாரிடம் வழங்கினார். உடன்:  மாவட்டத் தலைவர் சி. அமர்சிங்,மாவட்ட செயலாளர் அ.அருணகிரி, மாவட்ட துணைச் செயலாளர் அ.உத்திராபதி மாநகரத் தலைவர் பா.நரேந்திரன் (19-11-2022)

நீடாமங்கலம் ஒன்றியம், தி.முக வடக்கு ஒன்றிய செயலாளர் கே.வி.கே.ஆனந்த் விடுதலை வாழ்நாள் சந்தா ரூ.20,000த்தை பொதுச்செயலாளர் இரா.ஜெயக்குமாரிடம் வழங்கினார். உடன்:  மாவட்டத் தலைவர் ஆர்.பி.எஸ்.சித்தார்த்தன், மாவட்ட செயலாளர் கோ.கணேசன், நீடாமங்கலம் நகரத் தலைவர் பி.எஸ்.ஆர்.அமிர்தராஜ், பகுத்தறிவு ஆசிரியரணி மண்டல அமைப்பாளர் சி.இரமேஷ், மாவட்ட ப.க செயலாளர் உ.கல்யாணசுந்தரம், மாவட்ட இளைஞரணி செயலாளர் க.இராஜேஷ், நீடா ஒன்றிய செயலாளர் சக்திவேல் சே.சுருளிராஜன், (17-11-2022).

தமிழர் தலைவர் ஆசிரியர் அவர்களின் 90 ஆவது ஆண்டு பிறந்தநாள் பரிசாக வழங்கப்படும் 'விடுதலை' சந்தா சேர்ப்பு இயக்கம் இரண்டாம் கட்ட பணி - சந்தா வழங்கினர் (கு.க.செல்வம் வாழ்நாள் சந்தா வழங்கினார்)

தமிழர் தலைவர் ஆசிரியர் அவர்களின் 90 ஆவது ஆண்டு பிறந்தநாள் பரிசாக வழங்கப்படும் 'விடுதலை' சந்தா சேர்ப்பு இயக்கம் இரண்டாம் கட்ட பணி - சந்தா வழங்கினர்

 December 10, 2022 • Viduthalai

திருப்பூர் மாவட்ட செயலாளர் யாழ்.ஆறுச்சாமி திரட்டிய  விடுதலை சந்தா ரூ.15,700த்தை பொதுச் செயலாளர் இரா.ஜெயக்குமாரிடம் வழங்கினார். உடன்:  கழக அமைப்பு செயலாளர் ஈரோடு த.சண்முகம் (24-11-2022).

தென் சென்னை மாவட்டத் தலைவர் இரா. வில்வநாதன் மாவட்டச் செயலாளர் செயலாளர்  செ.ர.பார்த்தசாரதி  ஆகியோரிடம்  மேனாள் சட்டமன்ற திமுக உறுப்பினர்    கு.க.செல்வம்  வாழ்நாள் விடுதலை சந்தா ரூ.20,000த்தை வழங்கினார். உடன்: மாநில அமைப்பாளர் உரத்தநாடு இரா.குணசேகரன், மாநில அமைப்புச் செயலாளர்கள் ஊமை.செயராமன்,வி.பன்னீர்செல்வம்.

காரைக்கால் மண்டல திராவிடர்  கழகம் சார்பாக நல்லாத்தூர் துவக்கப்பள்ளி தலைமை ஆசிரியர் செ. அமுதன்  விடுதலை சந்தா தொகை ரூ.20,000த்தை  புதுச்சேரி மாநில கழகத் தலைவர் சிவ. வீரமணியிடம் வழங்கினார். உடன்: காரைக்கால் மண்டல  கழக தலைவர் குரு. கிருஷ்ணமூர்த்தி, காரைக்கால் மண்டல  கழக செயலாளர்  பொன். பன்னீர்செல்வம். 

ஈரோடு சேவா பேப்பர் மார்ட் உரிமையாளர்  காசி, அவரது மகன் செந்தில்குமார் ஆகியோர்  விடுதலை ஆயுள் சந்தா ரூ.20,000த்தை அமைப்புச் செயலாளர் ஈரோடு த.சண்முகத்திடம் வழங்கினர். (இவர்கள் 10 ஆண்டுகளுக்கு மேலாக விடுதலை வாசகர்கள் என்பது குறிப்பிடத்தக்கது).

திருப்பூர் மாநகராட்சி 3-ஆம் மண்டலத் தலைவர் மேனாள் சட்டமன்ற உறுப்பினர் சி.கோவிந்தசாமி (தி.மு.க) விடுதலை சந்தா ரூ.10,000த்தை பொதுச் செயலாளர் இரா.ஜெயக்குமாரிடம் வழங்கினார். உடன்:  கழக அமைப்பு செயலாளர் ஈரோடு த.சண்முகம், மாவட்டச்செயலாளர் யாழ்.ஆறுச்சாமி (24-11-2022).

திருச்சி சட்டமன்றத் தொகுதியில் விடுதலை சந்தா தொகை ரூ.10,000த்தை திருச்சி தொழிலதிபர் ஜான்சன் குமார் மாநில தொழிலாளரணி செயலாளர் மு.சேகரிடம் வழங்கினார். உடன்: மாவட்டத் தலைவர் ஞா.ஆரோக்கியராஜ், பீம நகர் பகுதி செயலாளர் முபாரக் , ஜெயராஜ், விடுதலைச்சந்திரன் ஆகியோர்.(18.11.2022) 

சோழிங்கநல்லூர் மாவட்டத் தலைவர் ஆர்.டி.வீரபத்திரனிடம்  கோவிளம்பாக்கம் பொறியாளர் சி.மணிமாறன் (அ.இ.அ.திமுக) விடுதலை வாழ்நாள் சந்தாவிற்கு  ரூ.20,000த்தை வழங்கினார். உடன்: மாநில அமைப்பாளர் உரத்தநாடு.இரா.குணசேகரன், மாநில அமைப்புச் செயலாளர்கள் ஊமை.செயராமன், வி.பன்னீர்செல்வம்.மாவட்டச்செயலாளர் விசய் உத்தமன், மாவட்ட அமைப்பாளர் குழ.செல்வராசு, மாவட்ட பகுத்தறிவாளர் கழக அமைப்பாளர்  விடுதலைநகர் பி.சி.செயராமன்.

  மாவட்டத்தலைவர் நீலாங்கரை ஆர்.டி.வீரபத்திரன், மகள் இரமணாதிலகம் ஆகியோர் விடுதலை வாழ்நாள் சந்தாவிற்கு  ரூ.20,000த்தை மாநில அமைப்பாளர் உரத்தநாடு.இரா.குணசேகரனிடம் வழங்கினார். 

 நாங்குநேரி காங்கிரஸ் சட்டமன்ற உறுப்பினர் ரூபி.ஆர். மனோகரன் விடுதலை வாழ்நாள் சந்தாவிற்கு  ரூ.20,000த்தை மாநில அமைப்பாளர் உரத்தநாடு இரா.குணசேகரனிடம் வழங்கினார்.  

 கோவை வடக்கு தி.மு.க. மாவட்ட செயலாளர் தொ.அ.ரவி   விடுதலை சந்தா ரூ.20,000த்தை பொதுச் செயலாளர் இரா.ஜெயக்குமாரிடம் வழங்கினார். உடன்:  கழக அமைப்பு செயலாளர் ஈரோடு த.சண்முகம்,மாவட்டத் தலைவர் ம.சந்திரசேகரன், மாநில இளைஞரணி அமைப்பாளர் ஆ.பிரபாகரன், போத்தனூர் வெங்கடேஷ், குறிச்சி ஆவின் சுப்பையா (28-11-2022)

சந்தா தொகை ரூ.20,000த்தை ஊராட்சி மன்ற தலைவர் வடமதுரை.ரேவதி நாகராஜ்   மாநில தொழிலாளரணி செயலாளர் மு.சேகரிடம் வழங்கினார்.உடன் மாநில மாணவர் கழக அமைப்பாளர் இரா.செந்தூர பாண்டியன், திண்டுக்கல் மாவட்டத் தலைவர் இரா. வீரபாண்டியன், மண்டல தலைவர் மு.நாகராஜன்,  தொழிலாளர் கழக பேரவை தலைவர் அ.மோகன்,மாநில இளைஞரணி துணை செயலாளர் நா.கமல்குமார் ஆகியோர்(21.11.2022)

 உடுமலை 27ஆவது வார்டு நகராட்சி மன்ற உறுப்பினர் ரீகன் (தி.மு.க)  அய்ந்து விடுதலை ஆண்டு சந்தா ரூ.10,000த்தை  பொதுச்செயலாளர் இரா.ஜெயக்குமாரிடம் வழங்கினார். உடன்  கழக அமைப்பு செயலாளர் ஈரோடு த.சண்முகம், வழக்குரைஞரணி மாநில துணைத்தலைவர் உடுமலை ஜெ.தம்பிபிரபாகரன், தி.மு.க மாவட்ட இலக்கிய அணி அமைப்பாளர் கோ.இளங்கோவன், மாவட்டத் தலைவர் கணியூர் க.கிருஷ்ணன், மாவட்டச் செயலாளர் ஆ.முனிஸ்வரன், பொதுக்குழு உறுப்பினர் நா.சக்திவேல், மாவட்ட பகுத்தறிவு ஆசிரியரணி தலைவர் பு.முருகேசு,மடத்துக்குளம் ஒன்றியதலைவர் மா.தங்கவேல் (28-11-2022) 

 திருவெறும்பூர்    சட்டமன்றத் தொகுதியில் விடுதலை சந்தா தொகை ரூ.16,000த்தை திருவெறும்பூர்  ஒன்றிய தலைவர் மாரியப்பன்  மாநில தொழிலாளரணி செயலாளர் மு. சேகரிடம் வழங்கினார்.(15.11.2022)

விழுப்புரம் மாவட்ட கழக செயலாளர் அரங்க. பரணிதரன் பொதுச் செயலாளர் முனைவர் துரை.சந்திரசேகரனிடம் 13 ஆண்டு சந்தாக்கள் 10 அரையாண்டு சந்தாக்களுக்கான தொகையினை வழங்கினார்.

 ஊராட்சி மன்றத் தலைவர் நாஞ்சி கி.வ.சத்தியராஜ்   விடுதலை வாழ்நாள் சந்தா ரூ.20,000த்தை  பொதுச் செயலாளர் இரா.ஜெயக்குமாரிடம் வழங்கினார். உடன்:  மண்டலத் தலைவர்  மு.அய்யனார், மாவட்டத் தலைவர் சி.அமர்சிங், மாநகரத் தலைவர் பா.நரேந்திரன்,மாநகர செயலாளர் அ.டேவிட் (21-11-2022)

அய்ந்து விடுதலை ஆண்டு சந்தாக்களுக்காக விழுப்புரம் ஆர்.அலெக்ஸ் ரூபாய் பத்தாயிரத்தை கழகப் பொதுச் செயலாளர் முனைவர் துரை.சந்திரசேகரனிடம் வழங்கினார். உடன்: நகர திமுக செயலாளர் சக்கரை.