சி.பா.ஆதித்தனாரின் 118 ஆம் ஆண்டு பிறந்த நாள்! சிலைக்கு தமிழர் தலைவர் மாலை அணிவித்து மரியாதை

   September 27, 2022 • Viduthalai

சென்னை, செப்.27 ‘தினத்தந்தி' நாளிதழின் நிறுவநரும் - தமிழ்நாடு மேனாள் அமைச்சருமான சி.பா.ஆதித்தனார் அவர்களின் 118 ஆம் ஆண்டு பிறந்த நாளான இன்று (27.9.2022) காலை எழும்பூரில் அமைந்துள்ள அவரது சிலைக்கு திராவிடர் கழகம் சார்பில் மலர்மாலை அணிவித்தும், அவரது படத்திற்கு மலர் தூவியும் திராவிடர் கழகத் தலைவர் ஆசிரியர் கி.வீரமணி அவர்கள் மரியாதை செலுத்தினார்.

இந்நிகழ்வில் திராவிடர் கழகத் துணைத் தலைவர் கவிஞர் கலி.பூங்குன்றன், பெரியார் சுயமரியாதைத் திருமண நிலைய இயக்குநர் பசும்பொன், தென் சென்னை மாவட்டத் தலைவர் இரா.வில்வநாதன், செயலாளர் செ.ரா.பார்த்தசாரதி, துணைத் தலைவர் சா.தாமோதரன், அய்ஸ்அவுஸ் அப்துல்லா,  

வே.சிறீதர், பா.சிவகுமார், க.கலைமணி, முத்துலட்சுமி, அன்பரசன், அருள், உடுமலை வடிவேல், மகேஷ், கணேஷ் மற்றும் தோழர்கள் பங்கேற்று மரியாதை செலுத்தினர்.

செப். 17: சமூக நீதி நாள் - உறுதிமொழி ஏற்பு பகுத்தறிவு பகலவன் தந்தை பெரியார் பிறந்த நாள் விழா - தென் சென்னை

   September 25, 2022 • Viduthalai

செப். 17: சமூக நீதி நாள் - உறுதிமொழி ஏற்பு

பகுத்தறிவு பகலவன் தந்தை பெரியார் பிறந்த நாள் விழா 

அறிஞர் அண்ணாவின் 114ஆம் ஆண்டு பிறந்த நாள்

 September 15, 2022 • Viduthalai

சிலைக்கு - படத்திற்கு தமிழர் தலைவர் மாலை அணிவித்து மரியாதை

சென்னை, செப். 15- அறிஞர் அண்ணா அவர்களின் 114ஆம் ஆண்டு பிறந்த நாளான இன்று (15.9.2022) காலை 11 மணியளவில் சென்னை அண்ணா சாலையில் அமைந்துள்ள அறிஞர் அண்ணா அவர்களின் சிலைக்கு மலர் மாலை அணிவித்தும், சிலைக்கு கீழே வைக்கப்பட்டிருந்த அவரது படத்திற்கு மலர் தூவியும் திராவிடர் கழகத் தலைவர் ஆசிரியர் கி.வீரமணி அவர்கள் மரியாதை செலுத்தினார்.

இந்நிகழ்வில் கழகத் துணைத் தலைவர் கவிஞர் கலி.பூங் குன்றன், கழகப் பொதுச்செயலாளர் வீ.அன்புராஜ், பொரு ளாளர் வீ.குமரேசன், பெரியார் புத்தக நிலைய மேலாளர் த.க.நடராசன், மாநில மாணவர் கழக செயலாளர் பிரின்சு என்னாரெசு பெரியார், மாநில கழக இளைஞரணி துணைச் செயலாளர் சோ.சுரேசு, கழக அமைப்புச் செயலாளர் வி.பன் னீர்செல்வம், மாநில ப.க. பொதுச்செயலாளர் ஆ.வெங்க டேசன், பெரியார் சுயமரியாதைத் திருமண நிலைய இயக்குநர் பசும்பொன், தென்சென்னை மாவட்ட செயலாளர் செ.ர.பார்த்தசாரதி, துணைத் தலைவர் டி.ஆர்.சேதுராமன், துணைச் செயலாளர் அரும்பாக்கம் சா.தாமோதரன், இளைஞரணி தலைவர் சி.மகேந்திரன், 'விடுதலை' நகர் பி.சி.ஜெயராமன், வடசென்னை மாவட்ட செயலாளர் தி.செ.கணேசன், துணைத் தலைவர் கி.இராமலிங்கம், துணைச் செயலாளர் சு.மும்மூர்த்தி, கொடுங்கையூர் கழக அமைப்பாளர் கோ.தங்கமணி, செம்பியம் கழக தலைவர் பா.கோபாலகிருஷ்ணன், பெரியார் நூலக வாசகர் வட்டம் - செல்லப்பன், தங்க.தனலட்சுமி, முத்து லட்சுமி, செ.பெ.தொண்டறம், நர்மதா மற்றும் பல தோழர்கள் பங்கேற்றனர்.

தென் சென்னை மாவட்டம் சார்பில் விடுதலை சந்தாவாக ஒரு லட்சத்து 30 ஆயிரம் வழங்கப்பட்டது

விடுதலை சந்தா

September 14, 2022 • Viduthalai

 தென் சென்னை மாவட்டத் தலைவர் இரா.வில்வநாதன் மற்றும் செயலாளர் செ.ர.பார்த்தசாரதி ஆகியோர் 05.09.2022 அன்று நண்பகல் தமிழர் தலைவர் ஆசிரியர் அவர்களை பெரியார் திடலில்(அருங்காட்சியகம்) சந்தித்து 'விடுதலை' சந்தாவிற்கு  ரூ1,00,000/-(ஒரு இலட்சம்) த்தையும் 'விடுதலை' வங்கி கணக்கு மூலம் செலுத்தப்பட்ட ரூ30,000/- (முப்பதாயிரம் )க்கான ரசீதையும் வழங்கினர். (71 ஆண்டு சந்தா மற்றும் 2 அரையாண்டு சந்தா)

மருத்துவர் மங்கையர்க்கரசி -அமுதன்சவுரிராஜன் (அடையாறு மாணவர் நகலகம்) மற்றும் சித்த மருத்துவர் திருத்தணிகாசலம் விடுதலை சந்தா தொகை வழங்கினார்

September 07, 2022 • Viduthalai

திருப்பத்தூர் கே.சி.எழிலரசன், அகிலா ஆகியோரின் மகள் மருத்துவர் மங்கையர்க்கரசி - அமுதன்சவுரிராஜன் (அடையாறு மாணவர் நகலகம்) ஆகியோர் விடுதலை சந்தா தொகை ரூ.1,00,000த்தை தமிழர் தலைவரிடம் வழங்கினர்.

 புதுக்கோட்டை மாவட்ட விசிக தோழர்கள் விடுதலை சிறுத்தைகள் கட்சியின் தலைவர் எழுச்சித் தமிழர் தொல். திருமாவளவன் மூலமாக சிறுகனூர் பெரியார் உலகத்திற்கு ரூ.20,000த்தை தமிழர் தலைவரிடம் வழங்கினார். உடன்: சரவணன். சித்த மருத்துவர் திருத்தணிகாசலம் விடுதலை சந்தா தொகை 2ஆவது தவணையாக ரூ.50,000த்தை தமிழர் தலைவரிடம் வழங்கினார். உடன்: கழகப் பொதுச் செயலாளர் துரை. சந்திரசேகரன்.

திராவிடர் கழக தலைமை செயற்குழு கூட்டத்தில் தமிழர் தலைவரிடம் தென் சென்னை சார்பில் விடுதலை சந்தா வழங்கினர்

திராவிடர் கழக தலைமை செயற்குழு கூட்டத்தில் தமிழர் தலைவரிடம் விடுதலை சந்தா வழங்கினர் (சென்னை- 6.9.2022)

   September 08, 2022 • Viduthalai

தென் சென்னை மாவட்ட தலைவர் இரா. வில்வநாதன், செயலாளர் செ.ர. பார்த்தசாரதி, ஆகியோர் விடுதலை சந்தா தொகை  ரூ.1,00,000த்தை கழகத் தலைவரிடம் வழங்கினர். மு. சண்முகப்ரியன், மணிதுரை ஆகியோர் விடுதலை சந்தா தொகை ரூ.20,000த்தை தமிழர் தலைவரிடம் வழங்கினர்.

திராவிடர் கழகத்தின் அமைப்பு முறைத் திட்டங்கள்

  September 08, 2022 • Viduthalai

கடந்த 6ஆம் தேதி சென்னையில் நடைபெற்ற திராவிடர் கழக சிறப்புத் தலைமைச் செயற்குழுக் கூட்டத்தில் கழக அமைப்புத் தொடர்பாகவும், பிரச்சாரம் தொடர்பாகவும் முக்கிய தீர்மானங்கள் நிறைவேற்றப்பட்டன.

தீர்மானம்: 6 பயிற்சிப் பட்டறைகள்

1. சொற்பொழிவுப் பயிற்சி, 2. களப் பணி பயிற்சி 3. எழுத்துப் பயிற்சிக்கான பயிற்சிப் பட்டறைகளை நடத்தி, இயக்கத்திற்கு அடுத்த தலைமுறையினரை இந்த வகையில் உருவாக்கும் அதி முக்கியத்துவம் வாய்ந்த இத்திட்டத்தை தக்க வகையில் வகுத்து செயல்படுவது என்று தீர்மானிக்கப்படுகிறது.

தீர்மானம் எண் : 7 இளைஞர்களுக்கு உரிய முக்கியத்துவம்!

இயக்க நிர்வாகிகள் பொறுப்பேற்கும் நியமனத்தில் இளைஞர் களுக்கு உரிய அளவு முக்கியத்துவம் கொடுப்பது என்று தீர் மானிக்கப்படுகிறது.

தீர்மானம் எண் : 8 கழகம் இல்லாத பகுதிகளே இருக்கக்கூடாது

கழக மகளிரணி, மகளிர் பாசறை, இளைஞரணி, மாணவர் கழக அமைப்புகளை ஒன்றிய அளவில் கட்டுவது என்றும், கழகம் இல்லாத பகுதிகளே இருக்கக் கூடாது; கழகக் கொடி பறக்காத கிராமமோ, நகரமோ இல்லை என்கிற வகையில், பொதுச் செயலாளர்கள், அமைப்புச் செயலாளர்கள், மண்டல, மாவட்டக் கழகப் பொறுப்பாளர்கள் மற்றும் நிர்வாகிகள் தீவிரமாகச் செயல் படவேண்டும் என்றும் இச்சிறப்புச் செயற்குழு கேட்டுக் கொள்கிறது.

தீர்மானம்: 9

‘விடுதலை' உரிய நேரத்தில் கிடைக்க  உரிய வகையில் செயல்படவேண்டும்!

‘விடுதலை' உள்ளிட்ட இயக்க ஏடுகள், இதழ்களின் சந்தா தாரர்களுக்கு உரிய நேரத்தில் அவை கிடைக்கின்றனவா என்பதைக் கண்காணித்து, விநியோகத்தில் குறைபாடுகள் இருக்குமேயானால், அதனை உடனடியாக தலைமைக் கழகம், அஞ்சலகப் பார்வைக்குக் கொண்டு சென்று உரிய வகையில் தீர்வு காணப்படவேண்டும் என்று கழகத் தோழர்களை இச்செயற்குழு கேட்டுக் கொள்கிறது என்று தீர்மானங்கள் நிறைவேற்றப்பட்டன.

இந்தியாவில் மட்டுமல்ல; உலகளவிலும்கூட அரசியல் கலப்பு இல்லாமல் சமூக மாற்றத்தை முன்னிறுத்திப் பாடுபடுகிற ஒரே இயக்கம் திராவிடர் கழகம் மட்டுமே!

தந்தை பெரியார் இந்த இயக்கத்தைத் தொடங்கிய நேரத்தில் "என்னை நம்பியே இந்த இயக்கத்தைத் தொடங்கினேன்" என்ற தன்னம்பிக்கையோடு தொடங்கினார்.

அமைப்பு முறைகள் என்பது பற்றிக் கூட அவர் கவலைப் பட்டதில்லை. 'குடிஅரசு' என்ற வார இதழும் அதன் முகவர்களும் வாசகர்களும் மட்டுமே இயக்கத்தினராக கருதப்பட்டார்கள்.

பிரச்சாரம்! பிரச்சாரம்!! பிரச்சாரம்!!! இதன் மூலமாகவே தமிழ்நாட்டின் மூலை முடுக்குகளிலெல்லாம் கருத்து மழையைப் பொழிந்து கொண்டே இருந்தார்.

அவர் உரையைக் கேட்க வேண்டும் என்று வந்தவர்களைவிட கூட்டத்தை நடத்த விடாமல் கலவரம் ஏற்படுத்த வந்தவர்களே அதிகம்!

அதைப்பற்றியெல்லாம் கிஞ்சிற்றும் கவலைப்பட்ட தில்லை - சின்னாளப்பட்டியில் தந்தை பெரியார் பேசிக் கொண்டிருந்தபோது சரமாரியாகக் கற்கள் வீசப்பட்டன. தோளில் போட்டிருந்த சால்வையை எடுத்து முண்டாசு கட்டிக் கொண்டு கணீர் கணீர் என்று பேசினார். கூட்டம் கேட்க வந்தவர்களைப் பார்த்து "நீங்கள் என் பேச்சைக் கேட்க விரும்பினால், நீங்களும் முண்டாசு கட்டிக் கொள்ளுங்கள் - கல் வீச்சுக்கு அஞ்சுபவர்கள் கூட்டத்தைவிட்டு வெளியேறிவிடலாம்!" என்று சொன்ன துணிவு அய்யாவைத் தவிர வேறு யாருக்கு வரும்?

செய்யாறையடுத்த வாழ்குடை என்னும் ஊரில் ஒரு திருமணத்தில் அய்ந்தரை மணி நேரம் பேசினார் என்றால் நம்ப முடிகிறதா? மயிலாடுதுறையில் பொதுக் கூட்டத்தில் நான்கு மணி நேரம் உரையாற்றி இருக்கிறார்.

எதிர்ப்பு நெருப்புக் கட்டிகளை தன் சொற்பொழிவு மழையால் அணைத்தார். அப்படி வளர்க்கப்பட்ட இயக்கம் இன்றைக்கு இந்தியாவிற்கே வழிகாட்டும் மாநிலமாக தலை தூக்கி வீறு நடைபோடுகிறது.

ஒரு சனாதன பாசிச சக்தி இந்திய ஆட்சி அதிகாரப் பீடத்தில் அமர்ந்து, ஆரிய பாசிசத்தை நிலை நிறுத்த அனைத்து வழிகளிலும் ஈடுபட்டுக் கொண்டிருக்கிறது.

இதனைத் தத்துவ ரீதியாக எதிர் கொண்டு வீழ்த்தும் சித்தாந்தத்தையும் சக்தியையும் கொண்டது திராவிடர் கழகமே!

எதிரிகளிடத்தில் இருக்கும் - ஆட்சி அதிகாரம், பண பலம், பத்திரிகைப் பலம், எளிதாக விலை போகும் விபீஷணர்களின் பலம் என்ற முறையில், தமிழ்நாட்டைக் குறி வைக்கிறார்கள்.

இந்த நிலையில் திராவிடர் கழகத்தின் அமைப்பு முறையிலும் பிரச்சாரத்திலும் காலத்துக்கேற்ற மாற்றங்கள் தேவைப்படுகின்றன.

'நம் கையில் இருக்கும் ஆயுதத்தை முடிவு செய்வது எதிரிகையில் உள்ள ஆயுதமே' என்பதை நினைவில் கொள்ள வேண்டும்.

முதியவர்கள் வழிகாட்ட இளைஞர்கள் முக்கிய பொறுப்பு களுக்குக் கொண்டு வரப்பட வேண்டும். கிராமங்கள் உள்படக் கிளைக் கழகங்கள் தொடங்கப்படவேண்டும். கழகக் கொடி பறக்காத கிராமமோ நகரமோ இருக்கக் கூடாது - எதிரிகள் பார்த்து மலைக்க வேண்டும்.

நமக்கு இருக்கும் மிகப் பெரிய பலமே தந்தை பெரியார் விட்டுச் சென்ற சித்தாந்தமே! இதற்கு முன் எந்த சக்தியும் முகம் கொடுக்க முடியாது.

பலூன் போன்ற பெரிய உருவத்துடன் எதிரிகள் தோன்றலாம். நாம் குண்டூசி போன்றவர்கள் - இதன் முனைபட்டால் போதும் சிதறிவிடும்.

அந்த அடிப்படையில் சொற்பொழிவுப் பயிற்சி, எழுத்துப் பயிற்சி, களப்பணிப் பயிற்சிகள் திட்டமிட்ட வகையில் தொடங்கப் படும்.

அப்பயிற்சிப் பட்டறைகளில் இளைஞர்களை மாணவர் களை (இருபாலர்களையும்தான்) கொண்டு வர வேண்டிய பொறுப்பு ஒவ்வொரு கழகத் தோழருக்கும் உண்டு என்பதை  நினைவில் வையுங்கள். இப்பொழுதே இவற்றிற்கான முயற்சியில் ஈடுபடுங்கள்! முக்கியம்! முக்கியம்!! முக்கியம்!!!

திராவிடர் கழகத் தலைமைச் செயற்குழுவின் தீர்மானங்கள் - சென்னை

60 ஆண்டு ‘விடுதலை' ஆசிரியராக அரும்பணியாற்றிய ஆசிரியருக்கு சந்தா சேர்க்கும் பணியில் அயராது ஈடுபட்ட அத்தனைத் தோழர்களுக்கும் பாராட்டும் - நன்றியும்!

  September 06, 2022 • Viduthalai

கழக அமைப்பு முறையில் இளைஞர்களுக்கு வாய்ப்பு!

ஜாதிவாரிக் கணக்கெடுப்புத் தேவை! தேவை!! 

நீதித்துறையிலும், தனியார்த் துறையிலும் இட ஒதுக்கீடு அவசியம்!

திராவிடர் கழகத் தலைமைச் செயற்குழுவின் தீர்மானங்கள்

இன்று (6.9.2022) சென்னை பெரியார் திடலில் திராவிடர் கழகத் தலைவர் ஆசிரியர் மானமிகு கி.வீரமணி அவர்களின் தலைமையில் நடைபெற்ற திராவிடர் கழகத் தலைமை சிறப்புச் செயற்குழுக் கூட்டத்தில் நிறைவேற்றப்பட்ட தீர்மானங்கள்.

தீர்மானங்கள் வருமாறு:

இரங்கல் தீர்மானம்: 1

புதுக்கோட்டை மாவட்ட திராவிடர் கழக மேனாள் தலைவர் - முதுபெரும் பெரியார் பெருந்தொண்டர் இரா.புட்பநாதன், காளாப்பூர் பெரிபெருமாள், அமெரிக்க வானொலி ஆறுமுகம் பேச்சிமுத்து, மலேசிய திராவிடர் கழக முன்னோடி சுங்கைப் பட்டாணி வடிவேல், திருச்சி - திருவெறும்பூர் சுரேஷ் ஆகியோரின் மறைவிற்கு இச்செயற்குழு தனது ஆழ்ந்த இரங்கலைத் தெரிவித்துக் கொள்கிறது.

இவர்களைப் பிரிந்து வாடும் குடும்பத்தினருக்கும், உற்றார் உறவினர்களுக்கும் ஆறுதலைத் தெரிவித்துக் கொள்கிறது.

தீர்மானம் எண்: 2

மகிழ்ச்சி - பாராட்டு!

88 ஆண்டு கால ‘விடுதலை' ஏட்டின் வரலாற்றில், 60 ஆண்டுகாலம் ஆசிரியராகப் பணியாற்றி உலக சாதனை புரிந்த நமது ஆசிரியர் மானமிகு கி.வீரமணி அவர்களுக்கு இச்செயற்குழு பாராட்டுகளைத் தெரிவித்து, மகிழ்ச்சி அடைகிறது. 

தீர்மானம் எண்: 3

தங்களை அர்ப்பணித்துக்கொண்ட தோழர்களுக்கு...

மதுரையில் சீரும் சிறப்புடனும் நடைபெற்ற திராவிடர் கழகப் பொதுக் குழுக் கூட்டத்தில் 60  ஆண்டு ‘விடுதலை' ஆசிரியருக்கு 60 ஆயிரம் சந்தாக்களை அளிப்பது என்ற தீர்மானத்தின் அடிப்படையில் கழகப் பொறுப்பாளர்கள், தோழர்கள் தங்களை அர்ப்பணித்துக் கொண்டு, கடும் உழைப்பில் ஈடுபட்டு, ‘விடுதலை' சந்தா சேர்க்கும் பணியில் ஈடுபட்டு கடுமையாக  உழைத்த உழைப்புத் தேனீக்களாகிய அத்தனைப் பேருக்கும் இச்செயற்குழுக் கூட்டம் தனது பாராட்டுதலையும், வாழ்த்துகளையும், நன்றியையும் தெரிவித்துக் கொளகிறது.

தீர்மானம் எண்: 4

டிசம்பர் 2 ஆம் தேதிக்குள்....

இன்று (6.9.2022) மாலை சென்னை பெரியார் திடலில் நடைபெறவிருக்கும் ‘விடுதலை' சந்தா அளிப்பு என்பதை முதல் தவணையாகக் கருதி, தமிழர் தலைவர் ஆசிரியர் மானமிகு கி.வீரமணி அவர்களின் 90 ஆம் ஆண்டு பிறந்த நாளான வரும் டிசம்பர் 2 ஆம் தேதிக்குள், ‘விடுதலை' சந்தா சேர்க்கும் பணியில் ஈடுபட்டு, இரண்டாவது தவணையாக நமது இலக்கை முற்றாக நிறைவேற்றும் வகையில் செயல் பணியில் தொடர்ந்து ஈடுபடுவது என்று தீர்மானிக்கப்படுகிறது.

தீர்மானம் எண்: 5

கிராமப்புறங்களை மய்யப்படுத்தி பிரச்சாரம்

திராவிடர் கழகப் பிரச்சார திட்டம் என்பது முக்கியமாகக் கிராமப்புறங்களை மய்யப்படுத்தி, அதற்கான திட்டங்களை வகுத்துச் செயல் படுவது என்று தீர்மானிக்கப்படுகிறது.

தீர்மானம்: 6

பயிற்சிப் பட்டறைகள்

1. சொற்பொழிவுப் பயிற்சி, 2. களப் பணி பயிற்சி 3. எழுத்துப் பயிற்சிக்கான பயிற்சிப் பட்டறைகளை நடத்தி, இயக்கத்திற்கு அடுத்த தலைமுறையினரை இந்த வகையில் உருவாக்கும் அதிமுக்கியத்துவம் வாய்ந்த இத்திட்டத்தை தக்க வகையில் வகுத்து செயல்படுவது என்று தீர்மானிக்கப்படுகிறது.

சிறப்புத் தீர்மானம்

தந்தை பெரியார் 144 ஆம் ஆண்டு பிறந்த நாளான  செப்டம்பர்17 ஆம் தேதியன்று தமிழ்நாடெங்கும் மிகச் சிறப்புடன் கொண்டாடுவது என்று தீர்மானிக்கப்படுகிறது.

பட ஊர்வலம், ஒலிபெருக்கி வழியில் பெரியார் உரை, இசைப் பாடல்கள் என்கிற வகையில், பெரும் கொள்கைப் பிரச்சார விழாவாக நடத்தவேண்டுமாய் கழகத்தினர் கேட்டுக்கொள்ளப்படுகின்றனர்.

தீர்மானம் எண் : 7

இளைஞர்களுக்கு உரிய முக்கியத்துவம்!

இயக்க நிர்வாகிகள் பொறுப்பேற்கும் நியமனத்தில் இளைஞர்களுக்கு உரிய அளவு முக்கியத்துவம் கொடுப்பது என்று தீர்மானிக்கப்படுகிறது.

தீர்மானம் எண் : 8

கழகம் இல்லாத பகுதிகளே இருக்கக்கூடாது

கழக மகளிரணி, மகளிர் பாசறை, இளைஞரணி, மாணவர் கழக அமைப்புகளை ஒன்றிய அளவில் கட்டுவது என்றும், கழகம் இல்லாத பகுதிகளே இருக்கக் கூடாது; கழகக் கொடி பறக்காத கிராமமோ, நகரமோ இல்லை என்கிற வகையில், பொதுச்செயலாளர்கள், அமைப்புச் செயலாளர்கள், மண்டல, மாவட்டக் கழகப் பொறுப்பாளர்கள் மற்றும் நிர்வாகிகள் தீவிரமாகச் செயல்படவேண்டும் என்றும் இச்சிறப்புச் செயற்குழு கேட்டுக் கொள்கிறது.

தீர்மானம்: 9

‘விடுதலை' உரிய நேரத்தில் கிடைக்க உரிய வகையில் செயல்படவேண்டும்!

‘விடுதலை' உள்ளிட்ட இயக்க ஏடுகள், இதழ்களின் சந்தாதாரர்களுக்கு உரிய நேரத்தில் அவை கிடைக்கின்றனவா என்பதைக் கண்காணித்து, விநியோகத்தில் குறைபாடுகள் இருக்குமேயானால், அதனை உடனடியாக தலைமைக் கழகம், அஞ்சலகம் பார்வைக்குக் கொண்டு சென்று உரிய வகையில் தீர்வு காணப்படவேண்டும் என்று கழகத் தோழர்களை இச்செயற்குழு கேட்டுக் கொள்கிறது.

தீர்மானம்: 10

ஜாதிவாரி கணக்கெடுப்பு நடத்திடுக!

பிரிட்டிஷார் ஆட்சியில் 1931 ஆம் ஆண்டு இந்தியாவில் அனைத்து ஜாதியினர் மற்றும் மதத்தினர் பற்றிய கணக்கெடுப்பு நடத்தப்பட்டது. ‘சுதந்திர இந்தியாவில்' எஸ்.சி., எஸ்.டி. பிரிவினர் தவிர்த்து, ஏனைய ஜாதியினர் குறித்து எந்த கணக்கெடுப்பும் நடத்தப்படவில்லை.

இட ஒதுக்கீடு குறித்த வழக்குகள் உச்ச நீதிமன்றத்தில் விசாரணைக்கு வரும் ஒவ்வொரு முறையும் இடஒதுக்கீடு செயல்படுத்தப்பட வேண்டிய சமூகங்களின் அளவிடக்கூடிய தரவுகளை மாநிலங்கள் அளிக்கவேண்டும் என்று நீதிமன்றங்கள் அடிக்கடி வலியுறுத்துகின்றன.

 ஒன்றிய அரசு ஜாதிவாரி கணக்கெடுப்பை நடத்தாத பட்சத்தில், ‘அளவிடக்கூடிய தரவு’ (ஹீuணீஸீtவீயீவீணீதீறீமீ பீணீtணீ) என்ற இந்த சட்டப்பூர்வ தேவையை எப்படி நிறைவேற்ற முடியும்?

2018 ஆம் ஆண்டு அன்றைய ஒன்றிய உள்துறை அமைச்சர் திரு.ராஜ்நாத் சிங் அவர்கள், தற்போதைய மக்கள் தொகைக் கணக்கெடுப்பில், ஓபிசி ஜாதிகளின் தரவுகளும் சேகரிக்கப்படும் என்று தெரிவித்தார். இப்போது ஏன் அரசாங்கம் பின்வாங்க வேண்டும்? நாடாளுமன்றத்தில் அதிகாரிகளோ, அமைச்சர்களோ கூறும் காரணங்கள் நம்பும்படியாக இல்லை.

தெலங்கானா, மகாராட்டிரா, ஒடிசா மற்றும் பீகார் மாநில சட்டப்பேரவைகள், ஓபிசி பிரிவினர் உள்ளிட்ட  ஜாதி வாரியான மக்கள் தொகைக் கணக்கெடுப்பை நடத்த வேண்டும் என்று ஒன்றிய அரசைக் கோரி தீர்மானங்களை நிறைவேற்றியுள்ளன, மேலும் சில மாநிலங்களில் தரவுகள் இல்லாத காரணத்தால் உள்ளாட்சித் தேர்தலில் ஓபிசி பிரிவினருக்கான இட ஒதுக்கீட்டை நீதிமன்றம் தடை செய்துள்ளது.

ஓபிசி, எஸ்.சி., மற்றும் எஸ்.டி. சமூகங்களுக்குப் அளிக்கப்படும் எந்தவொரு இடஒதுக்கீடும் சட்டரீதியான தடைகளால் பாதிக்கப்படாமல் இருக்க, ஓபிசி பிரிவினர் பற்றிய எண்ணிக்கை மிக அவசியம். வளர்ச்சி அடைந்த நாடான அமெரிக்காவில் நிலவும் இனவெறியைக் கருத்தில் கொண்டு அது குறித்த தரவுகளை மக்கள் தொகைக் கணக்கெடுப்பில் 2020 ஆம் ஆண்டு வரை அமெரிக்க அரசு நடத்தியுள்ளது.

அனைத்து ஜாதிகளின் எண்ணிக்கை பற்றிய தரவுகள் கிடைக்காத வரையில், சமூகத்தில் பின்தள்ளப்பட்ட நிலையைக் கண்டறிந்து, மக்கள் நலன் சார்ந்த  நடவடிக்கைகளையும் அரசு மேற்கொள்ள முடியாது என்பதைக் கருத்தில் கொண்டு ஒன்றிய அரசு வரும் மக்கள் தொகை கணக்கெடுப்பில் ஜாதிவாரியான கணக்கெடுப்பு நடத்திட உரிய நடவடிக்கையை எடுத்திட கழகத்தின் தலைமைச் செயற்குழு வலியுறுத்துகிறது.

தீர்மானம்: 11

பொதுத்துறை நிறுவனங்களைத் தனியார் மயமாக்காதே!

‘சுதந்திர' இந்தியாவின் முதல் அய்ந்தாண்டு திட்டத்தில் நாடு முழுவதும் அரசு பொதுத்துறை நிறுவனங்களை உருவாக்கி நாட்டின் வளர்ச்சிக்கு வித்திடப்பட்டது.

அரசின் பொதுத்துறை நிறுவனங்கள் - இரயில்வே, காப்பீட்டுக் கழகம், வங்கிகளும், அனைத்துச் சாமான்ய மக்களின் மேம்பாட்டுக்கு தங்களின் பங்களிப்பை செய்து வருகின்றன.

சமூக நீதி அடிப்படையில் ஓபிசி, எஸ்.சி., எஸ்.டி. என அனைத்து ஒடுக்கப்பட்ட மக்களுக்கும் வேலை வாய்ப்பு வழங்கப்பட்டு முன்னேற்றம் கண்டுள்ளது.

இந்நிலையில், பொதுத்துறை நிறுவனங்களை தனியார்மயமாக்கும் முடிவை ஒன்றிய அரசு  வேகமாக செயல்படுத்தி வருவது நாட்டின் வளர்ச்சிக்கும் சமூக நீதிக்கும் எதிரானதாகும். இதனை ஒன்றிய அரசு உடனே கைவிட வேண்டும் என்று இச்செயற்குழு வலியுறுத்துகிறது.

 தீர்மானம்: 12

தேசிய பிற்படுத்தப்பட்டோர் ஆணையத்திற்கு தலைவர் மற்றும் உறுப்பினர்கள் உடனடியாக நியமிக்கப்பட வேண்டும்!

1993 சட்டத்தின்படி உச்சநீதிமன்றத்தின் தீர்ப்பின் எதிரொலியாக ஒன்றிய அரசில் தேசிய பிற்படுத்தப்பட்டோர் ஆணையம் துவங்கப்பட்டது. ஆனால் ஆணையத்திற்கு இதர ஆணையங்களைப் போல் (எஸ்.சி., எஸ்.டி) அரசமைப்புச் சட்ட அதிகாரம் வழங்கப்பட வில்லை. 2017 ஆம் ஆண்டுதான் இதற்கான சட்டம் (அரசமைப்பு திருத்த மசோதா 102) நாடாளுமன்றம் நிறைவேற்றியது. சட்டம் இயற்றப்பட்டாலும், 2019 ஆம் ஆண்டுதான்  ஆணையத்திற்குத் தலைவர் மற்றும் உறுப்பினர்கள் நியமிக்கப்பட்டார்கள். அவர்களின் பதவிக் காலம் பிப்ரவரி 2022 இல் முடிவடைந்து விட்டது. ஆறு மாதங்கள் கடந்தும், இன்னமும் ஆணையம் செயல்படாத நிலையில் ஓபிசி பிரிவினருக்கான குறைகள் தீர்க்கப்படாமல் உள்ளன. ஒன்றிய அரசு மேலும் காலம் தாமதிக்காமல் தேசிய பிற்படுத்தப்பட்டோர் ஆணையத்திற்கு உடன் தலைவர், துணைத் தலைவர் மற்றும் உறுப்பினர்களை நியமிக்க வேண்டும் என ஒன்றிய அரசை தலைமைச் செயற்குழு வலியுறுத்துகிறது.

தீர்மானம்: 13

உயர்ஜாதியினருக்கு பொருளாதார அடிப்படையிலான 10% இட ஒதுக்கீடு ரத்து செய்யப்பட வேண்டும்

உயர்ஜாதியினரில் பொருளாதாரத்தில் நலிந்த பிரிவினர்க்கு, அரசின் கல்வியிலும், வேலை வாய்ப்பிலும் 10 விழுக்காடு  ஒதுக்கீடு அளித்திட வகைசெய்யும் சட்டத்தை ஒன்றிய அரசு நிறைவேற்றியுள்ளது. இந்த சட்டம் இந்திய அரசமைப்புச் சட்டத்தின் அடிப்படை கட்டமைப்புக்கு எதிரானதாகும். இந்த சட்டத்தை ஒன்றிய அரசு திரும்பப்பெற வேண்டும்.

உயர்ஜாதி பிரிவினரில் வசதி படைத்தவர், அல்லாதவர் எவருக்கும், எந்த காலத்திலும், கல்வி உள்ளிட்ட எந்த உரிமையும் மறுக்கப்படவில்லை. தீண்டாமை போன்ற சமுக இழிவுகளுக்கும் ஆட்படவில்லை.

அரசு அதிகாரத்தில் 75 விழுக்காட்டிற்கும் அதிகமாக உள்ள உயர்ஜாதியினர்க்கு, மேலும் 10 விழுக்காடு இடஒதுக்கீடு தருவது என்பது, சமுக நீதிக்கொள்கையின் தத்துவத்தையே கேலிக்குரியதாக்குகிறது.

சமுகநீதிக்காக வாழ்நாள் முழுவதும் பாடுபட்ட தந்தை பெரியார், அரசமைப்புச் சட்டத்தில் இடஒதுக்கீடு கொள்கை இடம் பெறச் செய்த பாபாசாகிப் அம்பேத்கர் ஆகியோர் வகுத்து தந்த சமுக நீதிக் கொள்கையை முற்றிலுமாக நீக்கிடும் ஓர் திட்டம்தான் அரசு அதிகாரத்தில் உள்ளவர்கள் பிறப்பித்துள்ள இந்த சட்டம்.

உயர்ஜாதியினர்க்கு 10 விழுக்காடு இடஒதுக்கீடு சட்டத்தை எதிர்த்து அனைத்து சமூக அமைப்புகளும் நீதிமன்றத்திலும், வீதிமன்றத்திலும் போராட வேண்டும் என இச்செயற்குழு வேண்டுகோள் விடுக்கிறது.

தீர்மானம்: 14

நீதித்துறையில், தனியார் துறையில் இட ஒதுக்கீடு அவசியம்!

உச்சநீதிமன்றம் மற்றும் உயர்நீதிமன்றங்களில் தற்போது இட ஒதுக்கீடு இல்லை.மாவட்ட நீதிமன்றம் என்ற அளவில் மட்டுமே உள்ளது. உச்சநீதிமன்றத்தில் தற்போது உள்ள 34 நீதிபதிகளில், எஸ்.சி. பிரிவினர் 2, ஓபிசி -1. மீதம் 31 நீதிபதிகளும் உயர்ஜாதிக்காரர்கள். இந்தியாவில் அனைத்து உயர்நீதிமன்றங்களிலும் உயர்ஜாதியினரின் ஆதிக்கம் தான் நிலவுகிறது. அந்த வகையில், உயர்நீதிமன்றங்களில் இட ஒதுக்கீடு தேவை. சமூகநீதி தேவை என்பதை வலியுறுத்தி தொடர் பிரச்சாரம், போராட்டம் நடத்துவது என்றும், ஒத்தக் கருத்துள்ளவர்களை இணைத்தும், முதற்கட்டமாக தென் மாநிலங்களில் இதற்கான கட்டமைப்பை உருவாக்குவது என்றும் இச்செயற்குழு தீர்மானிக்கிறது.

அதே போன்று, ஒன்றிய பாஜக ஆட்சியில் பொதுத்துறை நிறுவனங்கள் எல்லாம் தனியார்துறையாக மாற்றப்பட்டு வருகிறது. இது சமூக நீதியைப் பாதிக்கிறது.

எனவே, தனியார்த்துறைகளிலும் இட ஒதுக்கீடுக்கு வகை செய்யும் சட்டம் ஒன்றை உடனடியாக இயற்றவேண்டுமாய் ஒன்றிய அரசை இச்செயற்குழு வலியுறுத்துகிறது.

மேற்குறிப்பிட்டஉரிமைகளை நிலைநிறுத்த பிரச்சாரங்களையும் போராட்டங்களையும் நடத்திட அனைத்து அரசியல் சமூக அழைப்புகளுக்கும் இச்செயற்குழு அழைப்பு விடுக்கிறது.

தீர்மானம்: 15

ஓபிசி சான்றிதழ் பெறுவதற்கு தடையாக உள்ள தமிழக அரசின் அரசாணையை திரும்பப் பெறுக

ஒன்றிய அரசின் கல்வி நிலையங்களிலும் வேலை வாய்ப்புகளிலும் பிற்படுத்தப்பட்டோர் இட ஒதுக்கீடு பெறுவதற்கு இதுவரை நடைமுறையில் இருந்த அரசாணையின் படி (ஜூலை 5, 2021 வரை), வருமான வரம்பை வரையறுக்க சம்பள வருமானம், விவசாய வருமானம் கணக்கில் எடுத்துக் கொள்ளக் கூடாது என தெளிவாக குறிப்பிடப்பட்டது. இதன் காரணமாக அரசு மற்றும் பொதுத்துறை நிறுவனங்களில் பணியாற்றும் பிற்படுத்தப்பட்டோர் ‘ஓபிசி சான்றிதழ்’ பெறுவது எளிதாக இருந்தது.

இந்நிலையில் அரசின் பிற்படுத்தப்பட்டோர் நலத் துறையின் 24.8.2021 தேதியிட்ட ஆணையில், “பொதுத்துறை நிறுவனங்கள்” மற்றும் குரூப் ‘பி’ பதவியில் பணியாற்றும் பிற்படுத்தப்பட்டோர் அனைவரும் ‘கிரிமிலேயர்’ என வரையறைப்படுத்தப்பட்டுள்ளனர். இதன் காரணமாக அரசு மற்றும் பொதுத்துறையில் பணியாற்றும் அனைத்து பிற்படுத்தப்பட்டோரும் ‘ஓபிசி சான்றிதழ்’ பெற இயலாமல், ஒன்றிய அரசின் கல்வி நிலையங்களிலும், அரசுத் துறையில் சேருவதற்கு பெரும் தடை ஏற்பட்டுள்ளது.

தமிழ்நாடு அரசின் சமூக நீதிக் கொள்கைக்கு எதிரான 24.8.2021 அரசாணையை உடன் திரும்பப் பெற தலைமைச் செயற்குழு சமூக நீதிக்கான சரித்திர நாயகரான தமிழ்நாடு முதலமைச்சரை வற்புறுத்துகிறது.

ஆசிரியரிடம் 27,605 ‘விடுதலை' சந்தாக்கள் அளிப்பு!

   September 07, 2022 • Viduthalai

 88 ஆண்டுகால ‘விடுதலை' என்னும் நம் இனத்தின் போர்வாளின் ஆசிரியராக 60 ஆண்டுகாலம் தொடர்ந்து பணியாற்றிவரும் ‘விடுதலை' ஆசிரியர் மானமிகு கி.வீரமணி அவர்களிடத்தில், சுறுசுறுப்புத் தேனீக்களாகக் கடும் உழைப்பில் ஈடுபட்டுத் திரட்டப்பட்ட  27,605 ‘விடுதலை' சந்தாக்களை தலைமைக் கழகப் பொறுப்பாளர்கள் அளித்தனர். இது முதல் தவணையென்றும், ஆசிரியரின் 90 ஆம் ஆண்டு பிறந்த நாளான வரும் டிசம்பர் 2 ஆம் தேதியன்று எஞ்சிய சந்தாக்களை அளிப்பது என்றும் அறிவிக்கப்பட்டது.

60 ஆயிரம் ‘விடுதலை' சந்தா களத்தில் கருஞ்சட்டை களப்பணித் தோழர்கள்! (நா. எழிலன் எம் எல் ஏ)

  September 03, 2022 • Viduthalai

  விடுதலை சந்தா வழங்கல்

இரண்டாம் முறையாக விடுதலை 4 முழு ஆண்டு, 8 அரையாண்டு, 3 பெரியார் பிஞ்சு சந்தா தொகை ரூ. 15,250 தமிழர் தலைவர் ஆசிரியரிடம் வழக்குரைஞர் 

பா. மணியம்மை (மாநிலச் செயலாளர் திராவிட மகளிர் பாசறை) வழங்கினார்.  சட்டமன்ற உறுப்பினர் மருத்துவர் நா. எழிலன் தென் சென்னை மாவட்ட கழகத் தலைவர் இரா.வில்வநாதன் மற்றும் செயலாளர் செ.ர.பார்த்தசாரதி ஆகியோரிடம் 'விடுதலை' நாளேட்டிற்கு 10 ஆண்டு சந்தா வழங்கினார். (01.09.2022)

தென்சென்னை மாவட்டத்தில் பெரியார் 1000 (சைதாப்பேட்டை)

 August 27, 2022 • Viduthalai

தென்சென்னை மாவட்டம், சைதாப்பேட்டை, பாத்திமா சீனியர் செகன்டரி பள்ளியில், பெரியார்-1000 - வினா விடை போட்டித் தேர்வு 25.08.2022 அன்று நடைபெற்றது. பகுத்தறிவாளர் கழக மாநில துணைத்தலைவர் வேண்மாள் நன்னன் தொடக்க உரையாற்றி, தேர்வை தொடங்கி வைத்தார்.  நிகழ்ச்சியில் பள்ளி நிர்வாகி நயீம்அதர் மற்றும் முகவர் நாஸ் பர்வார் கலந்துகொண்டனர்.    பள்ளி  மாணவர்கள் 98 பேர் மிகுந்த ஆர்வத்துடன் தேர்வு எழுதினார்கள். நிகழ்ச்சி ஒருங்கிணைப்பு சர்மிளா, தமிழ்ஆசிரியை. - பகுத்தறிவாளர்கழகம், திராவிடர்கழகம் தென்சென்னை. மு. இரா. மாணிக் கம், அரும்பாக்கம்சா. தாமோதரன். 

60 ஆயிரம் ‘விடுதலை' சந்தா களத்தில் கருஞ்சட்டை களப்பணித் தோழர்கள்! -( சோமு கனிமொழி எம்பி)

  September 02, 2022 • Viduthalai

 மருத்துவர் என்.எசு. கனிமொழி (சோமு) எம்.பி., தென் சென்னை மாவட்டத் தலைவர் இரா.வில்வநாதன் மற்றும் மாவட்டச் செயலாளர் செ.ர.பார்த்தசாரதி ஆகியோர் மூலம்  'விடுதலை'  நாளேட்டிற்கு அய்ந்து ஆண்டு சந்தா வழங்கினார். (30.08.2022) 

திரைப்படக் கலைஞர் 'இனமுரசு' சத்யராஜ் அவர்கள் 'விடுதலை' சந்தாவுக்கு ரூ.50 ஆயிரம்

திரைப்படக் கலைஞர் 'இனமுரசு' சத்யராஜ் அவர்கள் 'விடுதலை' சந்தாவுக்கு ரூ.50 ஆயிரம் (காசோலை) கழகத் துணைத் தலைவர் கவிஞர் கலி. பூங்குன்றனிடம் வழங்கினார்.

  August 30, 2022 • Viduthalai