ஒடுக்கப்பட்ட மக்களின் உரிமையைப் பறிக்கும் ஒன்றிய ஆர்.எஸ்.எஸ். – பா.ஜ.க. ஆட்சியைக் கண்டித்து சமூகநீதிக்கான பெரும் போராட்டத்தில் பங்கேற்றோர்

சென்னை, மார்ச் 5– ஒன்றிய ஆர்.எஸ்.எஸ்.-பா.ஜ.க. ஆட்சி, ஒடுக்கப்பட்ட மக்களின் உரிமையைப் பறித்து அதிகாரப் பதவிகளை உயர்ஜாதியினரின் ஏகபோகமாக்கும் அநீதியைக் கண்டித்து 3.3.2026 அன்று சென்னை நுங்கம்பாக்கம் சாஸ்திரி பவன் முன்பு திராவிடர் கழகத் தலைவர் ஆசிரியர் கி.வீரமணி அவர்கள் தலைமையில் நடைபெற்ற ஆர்ப்பாட்டத்தில் பங்கேற்றோர் விவரம் வருமாறு:-

திராவிடர் கழகத் துணைத் தலைவர் கவிஞர் கலி.பூங்குன்றன், பொதுச் செயலாளர் வீ.அன்புராஜ், திராவிடர் கழக வழக்குரைஞரணித் தலைவர் த.வீரசேகரன், கழக செயலவைத் தலைவர் வழக்குரைஞர் ஆ.வீரமர்த்தினி, கழக வெளியுறவுச் செயலாளர் கோ.கருணாநிதி, மாநில ஒருங்கிணைப்பாளர் வி.பன்னீர்செல்வம், மாநில கழக மகளிரணிச் செயலாளர் தகடூர் தமிழ்ச்செல்வி, மாநில கழக கிராமப்புற பிரச்சார செயலாளர் முனைவர் அதிரடி அன்பழகன், துணைப் பொதுச் செயலாளர்கள் வழக்குரைஞர் ச.பிரின்சு என்னாரெசு பெரியார், வழக்குரைஞர் சே.மெ.மதிவதனி, பகுத்தறிவாளர் கழக பொதுச் செயலாளர் ஆ.வெங்கடேசன், தலைமை செயற்குழு உறுப்பினர் தே.செ.கோபால், பொறியாளர் ச.இன்பக்கனி, மாநில மாணவர் கழக துணைச் செயலாளர்கள் செ.பெ.தொண்டறம், பொறியாளர் தேவ.நர்மதா..

வடசென்னை

மாவட்ட கழகத் தலைவர் வழக்குரைஞர் தளபதி பாண்டியன், மாவட்ட கழகச் செயலாளர் புரசை சு.அன்புச்செல்வன், காப்பாளர் கி.இராமலிங்கம், தி.செ.கணேசன், நா.பார்த்திபன், சி.பாசுகர், ப.கோபாலகிருஷ்ணன், அயன்புரம் துரைராசு, ஆ.பாஸ்கர், புரசை பாலா, இரா.எம்ரோஸ், ஓட்டேரி சேகர், பழ.சேரலாதன், வழக்குரைஞர் ஜெ.துரை, சி.காமராஜ், ஓ.இராமச்சந்திரன், சி.சித்தார்த்தன், வ.தமிழ்ச்செல்வன், அ.புகழேந்தி, பா.பார்த்திபன், சஞ்சய், பார்த்தீஸ்வரன், விஸ்வா, கோகுல், ச.விஜய், இரா.அருள், ம.பூவரசன், சி.முரளிகிருஷ்ணன்.

தென் சென்னை

மாவட்ட கழகத் தலைவர் இரா.வில்வநாதன், மாவட்ட கழகச் செயலாளர் செ.ர.பார்த்தசாரதி,கோ.வீ.ராகவன், மு.சண்முகப்பிரியன், இரா.மாரிமுத்து, ந.இராமச்சந்திரன், ச.மாரியப்பன், நுங்கம்பாக்கம் சஞ்சய், ச.ஆனந்தன், பா.இராசேந்திரன்,எம்..டி.சி, ச.மகேந்திரன், அ.அன்பு, எம்.ஆனந்தன், உதயசூரியன், எஸ்.அப்துல்லா, ச.சந்தோஷ், வே.சித்தார்த்தன்.

மேற்கு சென்னை

மாவட்ட கழகத் தலைவர் கரு.அண்ணாமலை, மாவட்டக் கழகச் செயலாளர் க.சுப்பிரமணியன், நெய்வேலி வெ.ஞானசேகரன், மு.ரா.மாணிக்கம், அரும்பாக்கம் தாமோதரன், ச.ஜனார்த்தனன், சு.ஜெயசீலன், ஈக்காட்டுத்தாங்கல் மு.சேகர், அருள், தம்பி சேகுவாரா, ஜான்.

தாம்பரம்

மாவட்டக் கழகத் தலைவர் ப.முத்தையன், மாவட்ட கழகச் செயலாளர் கோ.நாத்திகன், வழக்குரைஞர் ஆர்.உத்திரகுமாரன், சு.மோகன்ராஜ், கருப்பையா, குணசேகரன், சன் சரவணன், இர.சிவசாமி, கார்த்திக், பழனிசாமி, மதியழகன், தனசேகரன், ராமண்ணா, ஆறுமுகம், பாலமுரளி, ஆதித்யா.

ஆவடி

மாவட்ட கழகத் தலைவர் வெ.கார்வேந்தன், மாவட்டக் கழகச் செயலாளர் க.இளவரசன், ரகுபதி, பூவை.தமிழ்ச்செல்வன், கோ.முருகன் இ.தமிழ்மணி, வேல் முருகன், பெரியார் மாணாக்கன், சுந்தர்ராஜ், சு.வெங்கடேசன், இனியன், நன்னன், சேத்பட் நாகராஜ், சதீஷ், கண்ணன், முகபேர் முரளி, தங்க ரவி, அ.சரவணன், பாசறை கோபால், பட்டரவாக்கம் ரவிச்சந்திரன், ஆ.வெ.நடராசன், முத்துகிருஷ்ணன், உடுமலை வடிவேல், வேல்சாமி, இரணியன், பன்னீர்செல்வம், சி.வச்சிரவேல், ஆதிரன், அண்ணாதுரை.

கும்மிடிப்பூண்டி

மாவட்ட கழகத் தலைவர் புழல் ஆனந்தன், வடகரை ஜெகத் விசயகுமார், வடகரை உதயக்குமார், பொன்னேரி அருள், சக்கரவர்த்தி, கஜேந்திரன், பெரியபாளையம் ஆகாஸ், அருணகிரி, செல்வராஜ், க.ச.க.இரணியன்.

சோழிங்கநல்லூர்

மாவட்ட கழகத் தலைவர் வேலூர் பாண்டு, மாவட்ட கழக செயலாளர் நங்கநல்லூர் தமிழினியன், காப்பாளர் இரா.தே.வீரபத்திரன், பி.சி.ஜெயராமன, நித்தியானந்தன்.

திருவொற்றியூர்

மாவடட கழகத் தலைவர் வெ.மு.மோகன், மாவட்ட கழகச் செயலாளர் ந.இராசேந்திரன், மா.சேகர், கோ.தங்கமணி, சி.வாசு.

மகளிரணி

சி.வெற்றிச்செல்வி, வி.கே.ஆர்.பெரியார்செல்வி, பசும்பொன், தங்க.தனலட்சுமி, பூவை செல்வி, வி.வளர்மதி, பி.அஜந்தா, த.மரகதமணி, நர்மதா, அறிவுமதி, சி.மெர்சி ஆஞ்சலாமேரி, சி.அமலசுந்திரி, வி.கே.மகிழினி, அன்புச்செல்வி, கீதா ராமதுரை, சுகந்தி தமிழ்மணி, எல்லம்மாள், தேன்மொழி, வள்ளி, முகபேர் செல்வி, இனியன், நாகவள்ளி, அருணா, மீனாம்பாள், நன்னன், புஷ்பா பன்னீர்செல்வம், நந்தினி அண்ணாதுரை, நதியா, வெண்ணிலா, த.இளவரசி, யாழ் தமிழ், திராவிட எழில்,  வெண்ணிலா, ராணி ரகுபதி (ஆவடி) ஆகியோர் பங்கேற்றனர்.

 - விடுதலை நாளேடு, 5.3.2

போராட்டத்தில் தென் சென்னை மாவட்டத்தில் இருந்து கலந்து கொண்டோர் பட்டியல்

1.இரா.வில்வநாதன், (மாவட்ட தலைவர்)

2.செ.ர.பார்த்தசாரதி ,(மாவட்ட செயலாளர்)

3.கோ.வீ.ராகவன்(பொதுக்குழு உறுப்பினர்),

4.மு.சண்முகப்பிரின் (துணைத்தலைவர்)

5.இரா.மாரிமுத்து(இளைஞர் அணி துணைச் செயலாளர்)

6.ந.இராமச்சந்திரன்,

7.ச.மாரியப்பன்

8.நுங்கம்பாக்கம் சஞ்சய்

9.ச.ஆனந்தன்

10.பா.இராசேந்திரன்,எம்..டி.சி

11.ச.மகேந்திரன் (மாவட்ட இளைஞரணி துணைத்தலைவர் ) 

12.அ.அன்பு (மாவட்ட இளைஞரணி துணைத்தலைவர் ) 

13.வி.வளர்மதி,(மாவட்ட மகளிரணி தலைவர்)

14.பி.அஜந்தா (மாவட்ட மகளிர் பாசறை செயலாளர்) 

15.உதயசூரியன்

16.எஸ்.அப்துல்லா

17.ச.சந்தோஷ்

18.வே.சித்தார்த்தன்

19.ஆ.வீரமர்த்தினி(கழக செயலவைத் தலைவர்) 

20. த.வீரசேகரன் (வழக்குரைஞர் அணி தலைவர்)

21. சே.மெ.மதிவதனி துணைப் பொதுச் செயலாளர்)

,

சென்னையில் ‘சாஸ்திரிபவன்’ முன்பு பெருந்திரள் ஆர்ப்பாட்டம்: தமிழர் தலைவர் ஆசிரியர் உள்பட தோழர்கள் கைது!

சமூகநீதிக்கான பெரும் போராட்டம் தமிழ்நாடு அளவில்!
ஒடுக்கப்பட்ட மக்களின் உரிமையைப் பறிக்கும் ஒன்றிய ஆர்.எஸ்.எஸ். – பா.ஜ.க. ஆட்சி
அய்.ஏ.எஸ்., அய்.பி.எஸ்., அய்.எஃப்.எஸ். பதவிகளில் பார்ப்பனர்– உயர் ஜாதியினரின் ஆதிக்கத்தைக் கண்டித்து திராவிடர் கழகம் ஆர்ப்பாட்டம்!

தமிழர் தலைவர் ஆசிரியர் கி.வீரமணி அவர்கள்
57 ஆவது முறையாகக் கைது!

சென்னை, மார்ச் 3- ஒன்றிய ஆர்.எஸ்.எஸ். – பா.ஜ.க. ஆட்சி, ஒடுக்கப்பட்ட மக்களின் உரிமையைப் பறித்து அதிகாரப் பதவிகளை உயர்ஜாதியினரின் ஏகபோகமாக்கும் அநீதியைக் கண்டித்து இன்று (3.3.2026) தமிழ்நாடு முழுவதும் மாவட்ட தலைநகங்களில் திராவிடர் கழகம் சார்பில் ஒன்றிய அரசு அலுவலகங்கள் முன்பு மாபெரும் கண்டன ஆர்ப்பாட்டம் நடைபெற்றது.

சென்னையில் நுங்கம்பாக்கம் சாஸ்திரி பவன் முன்பு தமிழர் தலைவர் ஆசிரியர் கி.வீரமணி அவர்களின் தலைமையில் பெருந்திரள் ஆர்ப்பாட்டம் மிகுந்த எழுச்சியுடன் நடைபெற்றது.

தொடக்கத்தில் கழகத் துணைத் தலைவர் கவிஞர் கலி.பூங்குன்றன் ஆரப்பாட்டத்தின் நோக்கம் குறித்து உரையாற்றினார்.

ஆர்ப்பாட்டத்தின் இறுதியாக ஆர்ப்பாட்டத்திற்குத் தலைமை வகித்த தமிழர் தலைவர் திராவிடர் கழகத் தலைவர் ஆசிரியர் கி.வீரமணி அவர்கள் காவல் துறை யினரால் கைது செய்யப்பட்டார். அவர் கைதாவது 57 ஆவது முறையாகும்.

கடந்த மாதம் நாடாளுமன்றத்தில் ஒன்றிய அரசு தந்த தகவலின்படி, இந்திய ஆட்சிப் பணி (IAS), இந்திய காவல் பணி (IPS), இந்திய அயல் தொடர்புப் பணி (IFS) உள்ளிட்ட அகில இந்திய சேவைகளில் அனுமதிக்கப்பட்ட மொத்தப் பணியிடங்கள் மற்றும் தற்போதைய பணியில் உள்ள அதிகாரிகள் பற்றிய சேவை வாரியான, மாநில வாரியான விவரங்கள் பின்வருமாறு:

மொத்தம் அனுமதிக்கப்பட்டுள்ள 6,877 இந்திய ஆட்சிப் பணி, 5,099 இந்திய காவல் பணி, 3,193 இந்திய அயல் நாட்டுப் பணி ஆகியவற்றில் முறையே 5,577, 4,594, 2,164 இடங்கள் நிரப்பப்பட்டுள்ளதாக பிரதமர் அலுவலக இணை அமைச்சர் டாக்டர் ஜிதேந்திர சிங் மாநிலங்களவையில் தெரிவித்துள்ளார்.

கடந்த அய்ந்து ஆண்டுகளில் 2020 முதல் 2024 வரை நடத்தப்பட்ட குடிமைப் பணி தேர்வுகளில் நேரடி நியமனமாக IAS, IPS, IFS சேவைகளில் சேர்க்கப்பட்டுள்ள பட்டியலின்படி, அட்டவணை ஜாதி  (SC), அட்டவணை பழங்குடி (ST), பிற்படுத்தப்பட்ட வகுப்புகள் (OBC) சார்ந்த அதிகாரிகளின் எண்ணிக்கை யும் தரப்பட்டுள்ளன.

01.01.2025 நிலவரப்படி, IAS,. IPS, IFS சேவை களில் மாநிலக் கட்டமைப்பு வாரியாக உள்ள காலிப் பணியிட விவரங்கள் சிவில் லிஸ்ட் (Civil List) அடிப்படையில் தொகுக்கப்பட்டுள்ளதாக ஒன்றிய அமைச்சர் தெரிவித்துள்ளார்.

இதன்படி, 1,300 இந்திய ஆட்சிப் பணியிடங்களும், 505 இந்திய காவல் பணியிடங்களும், 1,029 இந்திய அயலுறவுப் பணியிடங்களும் காலியாக இருப்பதாக ஒன்றிய அமைச்சர் தெரிவித்துள்ளார்.

அகில இந்திய சேவைகளில் சமூக நீதி, சமச்சீர் பிரதிநிதித்துவம் மற்றும் நிர்வாகத் திறன் ஆகியவை குறித்து தொடர்ந்து விவாதங்கள் எழுந்து வரும் நிலையில், இந்தத் தகவல்கள் அரசின் அதிகாரப்பூர்வ பதிலாகப் பதிவாகியுள்ளன.

ஒன்றிய அரசு தந்துள்ள இந்த தகவல்களின்படி, சமூகநீதி முற்றிலும் புறக்கணிக்கப்பட்டிருப்பது தெரிய வந்துள்ளது.

அய்.ஏ.எஸ்.சில் 8 சதவீதம், அய்.பி.எஸ்.சில் 10 சதவீதம், அய்.எஃப்.எஸ்.சில் 17.28 சதவீதம் மட்டுமே பிற்படுத்தப்பட்ட, தாழ்த்தப்பட்ட பிரிவு அதிகாரிகள் இருப்பதும் எஞ்சியுள்ள 82 சதவீதம் முதல் 92 சதவீதம் வரையிலான இடங்கள் பார்ப்பனர் உள்ளிட்ட உயர்ஜாதியினரால் அபகரிக்கப்பட்டிருப்பதும் வெளிச்சத்திற்கு வந்துள்ளது.

இந்தியாவின் அதிகாரப்பிடி இன்னும் பார்ப்பனர்களின் கைகளில்தான் இருக்கிறது என்ற சுடும் உண்மையை ஒளிக்கப் பார்க்கிறார்கள்.

இந்தியாவின் திட்டங்களை வகுக்கும் பிரதமர் அலுவலகத்தின் அய்.ஏ.எஸ். அதிகாரிகளில் 90 சதவீதத்திற்கும் மேல் பார்ப்பனர்களும், உயர் ஜாதியினரும்தான் என்கிறார்கள் தகவலறிந்த வட்டாரத்தினர்.

பார்ப்பன – உயர்ஜாதி ஆதிக்கத்தைப் பாரீர்!

2022 ஜனவரி 1-ஆம் தேதி நிலவரப்படி, 75 அமைச்சகம் மற்றும் அரசுத் துறைகளில் பணியாற்றும் செயலாளர்கள், இணைச் செயலாளர்களின் எண்ணிக்கை 322 பேர்.
இதில்,
எஸ்.சி (பட்டியல் ஜாதியினர்) – 16
எஸ்.டி (பழங்குடியினர்) – 19
ஓ.பி.சி (பிற்படுத்தப்பட்டோர்) – 39
மட்டும் தான்!
உயர் அதிகாரமிக்க செயலாளர்கள் என்று மட்டும் எடுத்துக்கொண்டால்,
2019-ஆம் ஆண்டு நிலவரப்படி,
மொத்தமுள்ள 89 செயலாளர்களில்,
பழங்குடியினர் (ST) – 3
ஒடுக்கப்பட்டோர் (SC) – 1
இதர பிற்படுத்தப்பட்டோர் (OBC) – 0
ஆம், ஒருவர் கூட பிற்படுத்தப்பட்டவர் இல்லை. ஒரே ஒருவர் தான் ஒடுக்கப்பட்ட சமூகத்தவர்!

இந்தியாவின் உயர் அதிகாரம் அனைத்தும் பார்ப்பனர், உயர்ஜாதியினரின் கைகளிலேயே இருக்கிறது என்பதற்கு இதற்குமேல் என்ன ஆதாரம் வேண்டும்! பாரீர், பாரீர்! பார்ப்பன உயர்ஜாதி ஆதிக்கத்தைப் பாரீர்!

எனவே, சமூக நீதிக்கு எதிராக செயல்பட்டு வரும் இந்த ஒன்றிய பிஜேபி அரசைக் கண்டித்து இன்று (3.3.2026) தமிழ்நாடு முழுவதும் மாவட்ட தலைநகரங்களில் திராவிடர் கழகத் தோழர்கள் ஒன்றிய அரசின் அலுவலகங்கள் முன் மாபெரும் கண்டன ஆர்ப்பாட்டத்தை நடத்தினர்.

தமிழர் தலைவர் பங்கேற்பு

சென்னையில் இன்று (3.3.2026) காலை 11 மணியளவில் ஒன்றிய அரசின் அலுவலகமான சாஸ்திரி பவன் முன்பு திராவிடர் கழகத் தலைவர் ஆசிரியர் கி.வீரமணி அவர்களின் தலைமையில் நடைபெற்ற பெருந்திரளான ஆர்ப்பாட்டத்தில் கழகத் தலைவர் கண்டன முழக்கங்களை ஒலித்து கண்டன உரையாற்றினார்.

ஆர்ப்பாட்டத்தின் இறுதியில், காவல் துறையினரால் தமிழர் தலைவர் ஆசிரியர் கி.வீரமணி அவர்கள் கைது செய்யப்பட்டார்.

காவல் துறையினரால் கைது செய்யப்பட்ட தமிழர் தலைவரும், கழகத் தோழர்களும் முதற்கட்டமாக ஷெனாய் நகர் சமூக நலக் கூடத்தில் காவலில் வைக்கப்பட்டனர்.

முன்னதாக இந்த ஆர்ப்பாட்டத்தில் திராவிடர் கழகத் துணைத் தலைவர் கவிஞர் கலி.பூங்குன்றன், பொதுச் செயலாளர் வீ.அன்புராஜ், திராவிடர் கழக வழக்குரைஞரணித் தலைவர் த.வீரசேகரன், திராவிடர் கழக செயலவைத் தலைவர் வழக்குரைஞர் ஆ.வீரமர்த்தினி, வெளியுறவு செயலாளர் கோ.கருணாநிதி, துணைப் பொதுச் செயலாளர்கள் வழக்குரைஞர் ச.பிரின்சு என்னாரெசு பெரியார், வழக்குரைஞர் சே.மெ.மதிவதனி, பகுத்தறிவாளர் கழக பொதுச் செயலாளர் சு.வெங்கடேசன், நெய்வேலி ஞானசேகரன், பேராசிரியர் பூ.சி.இளங்கோவன், சி.வெற்றிச்செல்வி, பொறியாளர் ச.இன்பக்கனி க.பெரியார் செல்வி, பசும்பொன் உள்ளிட்டோர் மற்றும் வடசென்னை, தென்சென்னை, தாம்பரம், ஆவடி மாவட்டக் கழக நிர்வாகிகள் – தோழர்கள் பெருந்திரளானோர் ஆர்ப்பாட்டத்தில் பங்கேற்றனர்.

ஆர்ப்பாட்டத்தில் எழுப்பப்பட்ட
ஒலி முழக்கங்கள்!

வாழ்க வாழ்க வாழ்கவே சமூகநீதிப் போராளிகள் வாழ்கவே! வெல்லட்டும்! வெல்லட்டும்! சமூகநீதி வெல்லட்டும்! வீழட்டும்! வீழட்டும்! ஆரிய ஆதிக்கம் வீழட்டும்! உறுதி செய், உறுதி செய்! ஒன்றிய அரசே உறுதி செய்! உயர் அதிகாரப் பதவிகளில் ஒடுக்கப்பட்டோர், பிற்படுத்தப்பட்டோர் இடஒதுக்கீட்டை உறுதி செய்! தேவை! தேவை! அனைத்துத் துறைகளிலும் இடஒதுக்கீடு தேவை!

 

ஒன்றிய ஆர்.எஸ்.எஸ் – பா.ஜ.க அரசே! ஏமாற்றாதே, ஏமாற்றாதே! இடஒதுக்கீட்டைப் பின்பற்றாமல் ஏமாற்றாதே, ஏமாற்றாதே! எங்கே எங்கே இடஒதுக்கீடு? உயர் பதவிகளில் இடஒதுக்கீடு! அமல்படுத்து! அமல்படுத்து! மண்டல் கமிஷன் பரிந்துரையை   முழுமையாக அமல்படுத்து!

நடைமுறைப்படுத்து! நடைமுறைப்படுத்து! இடஒதுக்கீட்டை நடைமுறைப்படுத்து! உயர் அதிகாரப் பதவிகளில் ஒடுக்கப் பட்டோருக்கும்,    பிற்படுத்தப் பட்டோருக்கும் சட்டப்படி இடஒதுக்கீட்டை  முழுமையாக வழங்கிடு!

ஒன்றிய அரசே, ஒன்றிய அரசே! வெளியிடு, வெளியிடு! வெள்ளை அறிக்கை வெளியிடு! ஒன்றிய அரசின் பதவிகளில் உயர் அதிகாரப் பதவிகளில் இடஒதுக்கீட்டு விவரங்களை முழுமையாக வெளியிடு!

 

அமைத்திடு, அமைத்திடு! சமூகநீதியைக் கண்காணிக்க அதிகாரமிக்க ஆணையத்தை அமைத்திடு, அமைத்திடு!       ஒன்றிய அரசே அமைத்திடு!

பின்பற்று! பின்பற்று! திராவிட மாடலைப் பின்பற்று! ஒன்றிய பாஜக மோடி அரசே! சமூகநீதியை நிலைநாட்டுவதில்   திராவிட மாடலைப் பின்பற்று! கற்றுக் கொள்! கற்றுக்கொள்!     பெரியார் மண்ணாம் தமிழ்நாட்டிலிருந்து ‘அனைவருக்கும் அனைத்தும்’ என்ற சமூகநீதியைக் கற்றுக் கொள்!

 

EWS என்ற பெயரால் 10 சதவிகித இடங்களை அபகரிக்கும் பார்ப்பனச் சதியை முறியடிப்போம், முறியடிப்போம்! எங்கள் தந்தை பெரியாரும் பாபாசாகேப் அம்பேத்கரும் தமிழர் தலைவர் ஆசிரியரும் பெற்றுத் தந்த சமூகநீதியை அழிக்கத் துடிக்கும் ஆரியத்தை விடமாட்டோம், விடமாட்டோம்! போராடுவோம், வெற்றிபெறுவோம் வெற்றிகிட்டும் வரை போராடுவோம்!

ஞ

மண்டல் பரிந்துரையை அமுல்படுத்தக்கோரி ஆசிரியர் கி.வீரமணி மற்றும் சந்திரஜித், பிரம்பிராகஷ் ஆகியோர் தலைமையில் டில்லியில் ஒரு வாரம் நடைபெற்ற ஆர்ப்பாட்டம் (8-10-86).

 

இயக்க வரலாறான தன் வரலாறு(224) : 

ஏப்ரல் 16-30 2019

உண்மை உண்மை இயழ்

அய்யாவின் அடிச்சுவட்டில்…

கி.வீரமணி

26.09.1986 அன்று சென்னை அயன்புரம் ஜாயின்ட் ஆபிஸ் முன்பு தந்தை பெரியார் 108ஆவது பிறந்த நாள் விழா மற்றும் டெல்லியில் நடைபெறவிருக்கும் மண்டல் குழு பரிந்துரை செயல்பாட்டுப் போராட்ட விளக்கம் மற்றும் ரயில்வேயின் பிற்படுத்தப்பட்ட ஊழியர் சங்கம் எட்டாம் ஆண்டு விழாப் பொதுக்கூட்டமும் மிகச் சிறப்பாக நடைபெற்றது. அந்தக் கூட்டத்தில் டில்லியில் நடக்கவுள்ள சமுகநீதிப் போர் வரலாற்றில் பெரும் திருப்பமாக அமையும். ஒடுக்கப்பட்ட தோழர்களும் இளைஞர்களும் பங்கேற்க வேண்டுகோள் விடுத்தேன்.

மேலும், அக்டோபர் ஒன்றாம் தேதி முதல் எட்டாம் தேதி வரையும் டில்லியில் கிளர்ச்சி, நாள்தோறும் ஆயிரம் பேர் பங்கேற்பு, மண்டல் குழு பரிந்துரைகளைச் செயல்படுத்தவும், நாடு முழுக்க ஒரே சீரான கல்விக்கும், டாக்டர் அம்பேத்கர் பெயரில் பல்கலைக்கழகம் அமையவும், சிறுபான்மையினர் இடஒதுக்கீட்டை அதிகரிக்கவும் டில்லியில் தொடர் போராட்டம் என அடுக்கடுக்கான பிரசாரப் பயணத்தைப் பற்றி கூட்டத்தில் தெரிவித்து உரையாற்றினேன்.

மண்டல் பரிந்துரையை அமுல்படுத்தக்கோரி ஆசிரியர் கி.வீரமணி மற்றும் சந்திரஜித், பிரம்பிராகஷ் ஆகியோர் தலைமையில் டில்லியில் நடந்த ஆர்ப்பாட்டம் (8-10-86).

மண்டல் குழு அறிக்கையை நிறைவேற்றவும் மலைவாழ் மக்களின் இடஒதுக்கீட்டை அதிகரிக்கவும், டில்லியில் ஒரு வாரம் நடைபெற்ற போராட்டத்தில் கலந்து கொண்டேன். 08.10.1986 அன்று டெல்லி நோக்கி _ கருஞ்சட்டைப் படை இளைஞரணி, மாணவர் அணி மற்றும் கழகத் தோழர்களுடன் புறப்பட்டு சென்றேன். இப்போராட்டத்தில் கலந்து கொள்ள தமிழ்நாடு எக்ஸ்பிரஸ் ரயில் மூலம் 04.10.1986 அன்று கழக துணைப் பொதுச் செயலாளர் வழக்கறிஞர் சாமிதுரை அவர்கள் தலைமையில், அன்றைய தினம் ஏழாவது நாளான போராட்டத்தில் மாநில மாணவர் அணி செயலாளர் துரை.சந்திரசேகரன், மாநில மகளிர் அணி செயலாளர் க.பார்வதி, புதுவை மாநிலத் தலைவர் காரை சி.மு.சிவம், மதுரை மாநகர மாவட்டத் திராவிடர் கழகத் தலைவர் கல்வி வள்ளல் பே.தேவசகாயம், முக்குலத்தோர் சங்கத் தலைவர் தியாகராஜ காடுவெட்டியார் உள்ளிட்ட பல்வேறு இயக்கங்களைச் சார்ந்த தலைவர்களும், இளைஞர்களும் கலந்து கொண்டார்கள்.

ஒரு வாரப் போராட்டத்தில் 50,000 பேர்  பங்கேற்றுக் கைதானார்கள் என்பது குறிப்பிடத்தக்கது. தாழ்த்தப்பட்டோர், பிற்படுத்தப்பட்டோர் உரிமைப் போராட்டத்தில் இது ஒரு சரித்திரத் திருப்புமுனையை உருவாக்கியது.

மண்டல் பரிந்துரையை அமலாக்கக்கோரி நடைபெற்ற மறியல்-கைது! -1.8.1989

 

இயக்க வரலாறான தன் வரலாறு(234) : 

செப்டம்பர் 16-30 2019

உண்மை இதழ்

அய்யாவின் அடிச்சுவட்டில்

கி.வீரமணி

மண்டல் பரிந்துரையை அமலாக்கக்கோரி நடைபெற்ற மறியலில் கைதாகும்

ஆசிரியர் கி.வீரமணி மற்றும் கழகத்தினர்

 

26.7.1989 முதல் 31.7.1989 வரை ரயில் மூலம் மக்களுக்கு விழிப்புணர்வை ஏற்படுத்தி, மண்டல குழு பரிந்துரைகளைச் செயல்படுத்த பிரச்சாரம் மேற்கொண்டு தமிழகம் முழுவதும் சென்று மக்களிடத்தில் கிளர்ச்சி குறித்து விளக்கி வந்தேன்.

1.8.1989 அன்று அண்ணாசாலையில் உள்ள தந்தை பெரியார் சிலைக்கு மாலை அணிவித்து விட்டு, ஊர்வலமாக மறியலுக்குப் புறப்பட்டபோது அருகே போலிசார் தயாராக நிறுத்திவைத்திருந்த வேன்களில் கைது செய்து ஏற்றினர். அப்போது, ‘மண்டல் பரிந்துரையை அமலாக்கு!’ என்று முழக்கம் எழுப்பப்பட்டது.

முன்னதாகவே போராட்ட வீரர்களிடையே தமிழக ஜனதாதள் கட்சி முன்னணியினர் வி.எஸ்.தளபதி எம்.ஏ., பி.எல்., கலிவரதன், தமிழர் தேசிய இயக்கத்தின் தலைவர் பழ.நெடுமாறன் ஆகியோர் எனக்கு கைத்தறி ஆடை அணிவித்து வாழ்த்தி அனுப்பினர். எங்களை கைது செய்தனர்.  இதில் பெண்கள் 36, ஒரு பெண் கைக்குழந்தையுடன் கைதானார். 2.8.1989 அன்று அனைவரும் விடுதலை செய்யப்பட்டோம்.

ஐநாவிடம் அளிக்க திராவிடர் கழகத்தின் சார்பில் ஒரு கோடி பேரிடம் கையெழுத்து

ஈழத்தில் நடக்கும் இனப் படுகொலையைக் கண்டித்து _ தமிழகம் முழுவதும் திராவிடர் கழகத்தின் சார்பில் ஒரு கோடி பேரிடம் கையெழுத்து வாங்கி அய்.நா.வின் மனித உரிமைக் கமிஷனுக்கு அனுப்ப கழகம் திட்டமிட்டு, சென்னை மாநகரத்தில் 20 நாள்களாக 170 தெருமுனைப் பிரச்சாரக் கூட்டங்களை கழக இளைஞரணியினர் நடத்தி கையொப்பங்களைப் பெற்றனர். அப்படிப் பெறப்பட்ட பத்து லட்சம் கையொப்பங்களை கழக பொதுச் செயலாளர் என்னும் முறையில் என்னிடம் ஒப்படைக்க பொதுக் கூட்டத்திற்கு புதுப்பேட்டை காவல்நிலையத்தில் அனுமதி கேட்டனர். அதற்கு காவல் துறையினர் ‘வினாயகர் சிலைகள்’ வைத்திருப்பதாகக் கூறி பொதுக் கூட்டத்திற்கு அனுமதி மறுத்த நிலையில், தடையை மீறி 31.8.1995 அன்று திட்டமிட்ட இடத்தில் கூட்டம் நடைபெறும் என அறிக்கை வெளியிட்டு, காரியத்தில் இறங்கினோம். பெரியார் திடலுக்கு ஏராளமான கழகத் தோழர்கள் உணர்ச்சியோடு திரண்டனர். வெளியே போலீசார் குவிக்கப்பட்டிருந்தனர்.

பொதுக்கூட்டத்திற்கு கழகத் தோழர்களின் அணிவகுப்போடு தலைமை ஏற்று, “தந்தை பெரியார் வாழ்க! கருத்துரிமையை பறிக்காதே! மனித உரிமைகளுக்குக் குரல் கொடுக்கவும் தடையா? என்ற முழக்கங்கள் விண்ணைப் பிளந்தன. அப்போது போலீசார் எங்களைத் தடுத்து நிறுத்தினர். அப்படியே சாலையில் அமர்ந்தோம். போக்குவரத்துகள் நிறுத்தப்பட்டன. அப்போது தோழர்களிடம் உரையாற்றுகையில், “ஈழத்தில் நடக்கும் இனப் படுகொலையைக் கண்டித்து ஒரு கோடி கையொப்பங்களைப் பெற்று, அய்.நா.மனித உரிமைக் குழுவுக்கு அனுப்ப நாம் திட்டமிட்டு புதுப்பேட்டையில் நிறைவு விழா கூட்டத்திற்கு காவல் அனுமதி தர மறுப்பது கண்டிக்கத்தக்கது. புதுப்பேட்டை பகுதி என்றாலே _ அது இந்து முன்னணிக்கே குத்தகைக்கு விடப்பட்டு அவர்களுக்கே தாரை வார்த்துக் கொடுத்தது போல் காவல்துறை நடந்துகொள்வது எதனால்?

ஈழத்தில் நடைபெற்ற இனப்படுகொலையைக் கண்டித்து  தடையை மீறி பொதுக்கூட்டம் நடத்தி கைதாகும் ஆசிரியர் மற்றும் கழகத்தினர்

இந்த ஆட்சியில் உள்துறை செயலாளராக ஒரு பார்ப்பனர், தலைமைச் செயலாளராக ஒரு பார்ப்பனர், சென்னை மாநகர காவல்துறை அதிகாரியாக ஒரு மலையாளி. இப்படி தமிழர் அல்லாதவர்களை காவல் துறையில் நியமித்துக் கொண்டு வருகிறார்கள். காவல் துறையில் உள்ள தமிழர் அதிகாரிகள் நாதியற்றுப் போய்விட்டார்கள் என்று தமிழ்நாடு அரசு கருதுகிறதா? இது முடிவானதல்ல, இதுதான் துவக்கம். மீண்டும் சட்டப் போராட்டம் செய்து வென்று இதே இடத்தில் இந்த தடை செய்யப்பட்ட பொதுக்கூட்டத்தை நடத்துவோம்’’ என பல கருத்துகளை எடுத்துக் கூறினேன். 200க்கும் மேற்பட்ட கழகத் தோழர்கள் என்னோடு கைது செய்யப்பட்டு, இரவு 10:00 மணியளவில் அனைவரும் விடுதலை செய்யப்பட்டோம்.

- அய்யாவின் அடிச்சுவட்டில் கட்டுரையின் ஒரு பகுதி,

- உண்மை இதழ், 1-15.3.21

குடியரசு தலைவர் ஆர்.வெங்கட்ராமனுக்கு கருப்புக்கொடி!

காவிரி நீர்ப் பிரச்சினையில் தமிழ்நாட்டுக்குத் துரோகம், மண்டல் கமிஷன் பிரச்சினையில் மத்திய அரசின் துரோகம்,  குடியரசுத் தலைவர் ஆர்.வெங்கட்ராமன் ஆரம்பத்திலிருந்தே போட்டு வந்த முட்டுக்கட்டை, குடியரசுத் தலைவரை சந்திக்கச் சென்ற தாழ்த்தப்பட்ட சமூகத்தைச் சேர்ந்த நாடாளுமன்ற உறுப்பினர்கள் அனைவரையும் சந்திக்க மறுத்த அநீதி ஆகியவற்றைக் கண்டிக்கும் வகையில் திராவிடர் கழகத்தின் சார்பில் குடியரசுத் தலைவர் வெங்கட்ராமனுக்கு கருப்புக் கொடி காட்ட 9.11.1991 அன்று என் தலைமையில் அனைத்து மாவட்டங்களி லிருந்தும் தோழர்கள் பெருந்திரளாகக் கலந்து கொண்டனர். இந்தக் கண்டன ஆர்ப்பாட்டத்திற்கு தலைமை வகித்து ஆர்ப்பாட்டத்திற்கான காரணங்களை விளக்கிப் பேசினேன். கழகத் தோழர்களுடன் கைதாகி சிறை சென்றேன்.

 காவிரி நீர்ப் பிரச்சனையில் தமிழக நாடாளுமன்ற உறுப்பினர்களைச் சந்திக்க மறுத்த குடியரசுத்தலைவருக்கு ஆசிரியர் கி.வீரமணி தலைமையில் கருப்புக் கொடி காட்டும் காட்சி.

 கைதாகி மீனம்பாக்கம் முத்து திருமண மண்டபத்தில் இருந்த போது பெரியார் பேருரையாளர் பேராசிரியர் அ.இறையன் _ திருமகள் ஆகியோரின் செல்வன் இசையின்பன் மதுரை முனியசாமி _ பொன்னுத்தாய் ஆகியோரின் மகள் செந்தில்குமாரி(தற்போதைய பெரியார் சுயமரியாதை திருமண நிலைய இயக்குநர்) ஆகியோரின் திருமணத்தை நடத்தி வைத்தேன். உரிமைப் போரில் கைது செய்யப்பட்டிருந்த போது நடைபெற்ற இந்தத் திருமணம் ஏடுகளில் பரபரப்பானது.

 இசையின்பனுக்கு செந்தில்குமாரி மோதிரம்

அணிவிக்கும் காட்சி

- அய்யாவின் அடிச்சுவட்டில் கட்டுரையின் ஒரு பகுதி, 

- உண்மை இதழ், 1-15.1.20

செத்த மொழி' சமஸ்கிருதத்தில் சென்னை தொலைக்காட்சியில் (தூர்தர்ஷன்) செய்தி ஒளிபரப்பா? கண்டன ஆர்ப்பாட்டம், கைது

'

December 07, 2020 • Viduthalai

தந்தை பெரியார் சிலைக்கு கழகப் பொதுச் செயலாளர் வீ. அன்புராஜ் மாலை அணிவித்தார். போராட்ட நிறைவில் கழகத் துணைத் தலைவர் கவிஞர் கலி. பூங்குன்றன் விளக்கவுரையாற்றினார். (7.12.2020)

சென்னை தொலைக்காட்சி (தூர்தர்ஷன்) நிலையம்முன் திராவிடர் கழகம் தடையை மீறி ஆர்ப்பாட்டம் - கைது!

December 07, 2020 • Viduthalai

செத்த மொழி சமஸ்கிருதத்துக்கு சிங்காரமா - ஆரிய ஆட்சியின் அகங்காரமா?

செத்த மொழி சமஸ்கிருதத்தில் செய்தி ஒளிபரப்பா?

சென்னை, டிச.7 செத்த மொழியாம் சமஸ்கிருதத்தில் செய்தி ஒளிபரப்புவதைக் கண்டித்து சென்னை தொலைக்காட்சி (தூர்தர்ஷன்) நிலையம் முன்பு இன்று (7.12.2020) மாபெரும் கண்டன ஆர்ப்பாட்டம் செய்ய முற்பட்ட கழகத் தோழர்கள் அண்ணா சாலை, பெரியார் பாலம் சிம்சன் அருகே  தடுத்து நிறுத்தப்பட்டு, காவல்துறையினரால் கைது செய்யப்பட்டனர்.

‘‘அனைத்து மக்களின் வரிப் பணத்தில் இயங்கும் தூர்தர்ஷன் என்ற அரசு தொலைக்காட்சியில், கேட்பாரற்ற, கேட்டாலும் புரிவார் இல்லாத, நடைமுறையில் தேவை சிறிதுமற்ற செத்துச் சுண்ணாம்பாகிப் போன சமஸ்கிருதத்தை தங்களுக்குள்ள அதிகாரத்தைப் பயன்படுத்தி - திட்டமிட்டே திணிப்பது ஜனநாயகம் ஆகாது; பச்சைப் பாசிச முறையாகும்!

22 மொழிகளில் இது வெகுமக்களுக்குச் சம்பந்தமில்லாத ‘‘தேவ பாஷை'' என்ற மகுடம் சூட்டிக்கொண்ட ஒரு மொழி.

இந்தித் திணிப்பைவிட மிக மோசமான திணிப்பு. மற்ற 21 மொழிகளை ஆட்சி மொழியாக்கி அந்தந்த வட்டங்கள், மாநிலங்களில் அந்தந்த மொழிகளில், ஆட்சிப் பணியில் - மத்திய அரசு தகவல் பரிமாற்றங்கள் நடைபெறுவதே அனை வருக்கும் மனநிறைவளிக்கும் முறை!

தேவையின்றித் திணிக்கும் சமஸ்கிருத திணிப்பைத் திரும்பப் பெற வேண்டும் - நாட்டின் ஒருமைப்பாட்டை காப்பாற்ற வேண்டி மத்திய அரசு இதுபோன்ற திணிப்புகளால் அதற்கு வெடி வைத்துத் தகர்த்திடும் முயற்சிக்கு முன்னுரை எழுதுகிறது!

வன்மையான கண்டனத்தைத் தெரிவிக்கும் வகையில் சென்னை தொலைக்காட்சி நிலையத்திற்கு முன்பு திராவிடர் கழகம் கண்டன ஆர்ப்பாட்டத்தை நடத்தும்'' என திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் 30.11.2020 அன்று அறிக்கை விடுத்தார்.

அதன்படி இன்று (7.12.2020) காலை 11 மணியளவில் சென்னை அண்ணா சாலை பெரியார் பாலம் அருகில் உள்ள தந்தை பெரியார் சிலைக்கு கழகப் பொதுச்செயலாளர் வீ.அன்பு ராஜ் மாலை அணிவித்தார். திராவிடர் கழகத் துணைத் தலைவர் கவிஞர் கலி.பூங்குன்றன், கழகப் பொதுச்செயலாளர் வீ.அன்புராஜ் ஆகியோர் ஆர்ப்பாட்ட கண்டன உரையாற் றினர்.

கழகத் தோழர்கள் எழுப்பிய ஒலி முழக்கங்கள்

‘‘மத்திய அரசே, பி.ஜே.பி. அரசே!

திணிக்காதே... திணிக்காதே,

சமஸ்கிருதத்தைத் திணிக்காதே!

செத்த மொழிக்குச் சிங்காரமா?

ஆரிய ஆட்சியின் அகங்காரமா?

அனுமதியோம், அனுமதியோம்

பொதிகைத் தொலைக்காட்சியில்

சமஸ்கிருதத்தில் செய்தியா?

அனுமதியோம், அனுமதியோம்!

செம்மொழித் தமிழ் என்றால் இளக்காரமா?

செத்த மொழிக்குச் சிங்காரமா?

அரசுத் தொலைக்காட்சியா?

ஆர்.எஸ்.எஸ்.சின் தொலைக்காட்சியா?

போராடுவோம், போராடுவோம்

மொழியுரிமைக்குப் போராடுவோம்!

கண்டிக்கிறோம், கண்டிக்கிறோம்

மொழித் திணிப்பைக் கண்டிக்கிறோம்!

எட்டாம் அட்டவணையில் 22 மொழிகள்

ஆதிக்கம் செலுத்துவது இரண்டே

மொழிகளா?

சமஸ்கிருதம் தேவ பாஷையா?

தமிழ் உங்களுக்கு நீச பாஷையா?

எங்கள் நாடு தமிழ்நாடு!

மொழித் திணிப்பைப் பொறுக்காது!

இந்தியையும், சமஸ்கிருதத்தையும்

எங்கள் நாடு ஏற்காது!

எச்சரிக்கை, எச்சரிக்கை

மத்திய அரசுக்கு எச்சரிக்கை!

போராடுவோம், வெற்றி பெறுவோம்!

வெற்றி கிட்டும்வரை போராடுவோம்!

நிதியில்லை, நிதியில்லை

செம்மொழித் தமிழாய்வு நிறுவனத்துக்கு

நிதியில்லை, நிதியில்லை!

பல்லாயிரம் கோடி ரூபாய்களை

செத்த மொழிக்குக் கொட்டி அழுவதா?

அனுமதியோம், அனுமதியோம்'' போன்ற முழக்கங்கள் எழுப்பப்பட்டன.

பின்னர் ஊர்வலமாகச் செல்ல அனுமதி மறுக்கப்பட்டு பெரியார் பாலம்  அருகே தோழர்களை காவல்துறையினர் கைது செய்து புதுப்பேட்டை வீரபத்திரன் தெருவிலுள்ள சமுதாய நலக் கூடத்தில் வைத்துள்ளனர்.

திராவிட மாணவர் கழக மாநிலச் செயலாளர் பிரின்சு என்னாரெசு பெரியார் தலைமையில் நடைபெற்ற இந்த ஆர்ப்பாட்டத்திற்கு தென்சென்னை மாவட்டத் தலைவர் இரா.வில்வநாதன் வரவேற்புரையாற்றினார்.

திராவிடர் கழகப் பொருளாளர் வீ.குமரேசன், திராவிடர் கழக துணைப் பொதுச்செயலாளர் பொறியாளர் ச.இன்பக்கனி, அமைப்புச் செயலாளர் வி.பன்னீர்செல்வம், மண்டலச் செயலாளர் தே.செ.கோபால், தாம்பரம் மாவட்டத் தலைவர் ப.முத்தையன், ஆவடி மாவட்டத் தலைவர் பா.தென்னரசு, திருவொற்றியூர் மாவட்டத் தலைவர் எண்ணூர் வெ.மு.மோகன், திராவிட மகளிர் பாசறை மாநில செயலாளர்  வழக்குரைஞர் பா.மணியம்மை, திராவிட மகளிர் பாசறை மாநில அமைப்பாளர் சே.மெ.மதிவதினி, மண்டல மாணவர் கழக செயலாளர் வேலவன் ஆகியோர் இந்த ஆர்ப்பாட்டத் திற்கு முன்னிலை வகித்தனர்.

மாநில இளைஞரணி துணைச் செயலாளர் பொழிசை கண்ணன் நன்றி கூறினார்.

சென்னையில் வருணாசிரம, சனாதனத்தை வலியுறுத்துகின்ற மனுதர்மம் எரிப்பு

சுயமரியாதை உணர்வுத் தீ கொழுந்துவிட்டது!

சென்னை, பிப். 7- திராவிடர் கழகத்தின் சார்பில் தமிழகம் முழுவதும் மனுதர்ம எரிப்புப் போராட்டம் எழுச்சியு டன் நடைபெற்றது. சென்னையில் இன்று (7.2.2019) காலை நடைபெற்ற மனுதர்ம எரிப்புப் போராட்டத்தில்  திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர் கள் தலைமையேற்று   54ஆம் முறையாக கைது செய்யப் பட்டார். கழகத் தலைவருடன் ஏராளமான தோழர்கள் சிறைபுகுந்தனர். தமிழகம் முழுவதும் மனுதர்மத்தை கொளுத்திய கழகத் தோழர்கள் கைது செய்யப்பட்டு உள்ளனர்.

மனுதர்ம எரிப்புப் போராட்டம் நடத்தப்படம் நேரம் முற்பகல் 11 என்றே குறிப்பிடப்பட்ட நிலையில், சென்னை வேப்பேரி பெரியார் திடலில் அணி அணியாக தோழர்கள் ஆர்வத்துடன் திரண்டனர். கழகக் கொடி களுடன் கருஞ்சட்டைப் போர்ப்படையின் சிப்பாய்களாக குடும்பத்துடன் சிறையேக திரண்டார் கள். பெரியார் திடலில் அமைந்துள்ள 21 அடி உயர தந்தை பெரியார் சிலை முன்பாக குழுமினர்.

மனுதர்மம் எரிப்புப் போராட்டம் குறித்து திரா விடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் 2.2.2019 அன்று அறிக்கை  விடுத்தார். தமிழகமெங்கும் மனுதர்மம் எரிப்போர் பட்டியல் தயாரானது. காவல்துறை அனுமதி மறுத்தாலும், தடையை மீறி, மனுதர்மத்தை எரித்து சிறையேகிட ஆயத்தமானார்கள் இருபால் தோழர்கள்.

சுயமரியாதை உணர்வு கொந்தளிப்பின் வெளிப் பாடாக மனுதர்ம எரிப்புப்போராட்டம் வெடித்துள் ளது. ஆரிய ஆதிக்கத்துக்கு சாவுமணி அடிக்கப்பட்டது. தந்தை பெரியார் கொளுத்திய சுயமரியாதைத் தீ கனன்றுகொண்டு  பலமுறை மனுதர்மத்தை எரித்து சாம்பலாக்கி  வருகிறது.  7.2.2019 நாளான மனுதர்மம் இன்றும் சாம்பலாக்கப் பட்டது. சென்னையில் பெரியார் ஈ.வெ.ரா.சாலையில் அன்னை மணியம்மையார் சிலை அருகில் திராவிடர் கழகத் தலைவர் தமிழர் தலைவர்  ஆசிரியர் கி.வீரமணி அவர்கள் தலைமையில் மனுதர்ம எரிப்புப் போராட்டம் எழுச்சியுடன் நடைபெற்றது. கழகப்பொறுப்பாளர்கள்,  இருபால் கழகத்தோழர் கள் மனுதர்ம எரிப்பு போராட்டத்தில் கலந்துகொண்டு  கைது செய்யப்பட்டு அணிஅணியாக காவல்துறை வாகனத்தில் ஏற்றப்பட்டனர். சென்னை மண்டல கழக மாவட்டங்களாகிய தென் சென்னை, வடசென்னை,   தாம்பரம், சோழிங்க நல்லூர், திருவொற்றியூர், ஆவடி, கும்மிடிப்பூண்டி மாவட்டங்களி லிருந்து போராட்டத்தில் ஏராளமானவர்கள் கலந்து கொண்டனர்.

மனுதர்ம எரிப்புப்போராட்டம் அரசியல் ஆதாயத் துக்கான போராட்டமல்ல. சமூகத்தில் மாற்றத்தை ஏற் படுத்துகின்ற உரிமைப்போராட்டம் என்பதை நிரூபிக் கின்ற வகையில், கருப்பு மெழுகுவர்த்திகளாம் கழகத் தோழர்கள் எழுச்சியுடன் பங்கேற்றார்கள்.

மனுதர்மத்தை கழகம் கொளுத்திச் சாம்பலாக்குவது முதல் முறையல்ல. மக்களின் தன்மான உணர்வு பொங்க, ஆரிய, சனாதனத்தின் ஆதிக்கத்தை வேரோ டும், வேரடி மண்ணோடும் கிள்ளி எறிந்திட வேண் டும் என்றால், வருணாசிரமதர்மத்துக்கு அடிப்படை யான மனுதர்மம் எரித்து சாம்பலாக்கப்பட வேண்டும் என்று களம் கண்டனர் தோழர்கள்.

தமிழர் தம் மான மீட்பு இயக்கத்தின் தலைவர் வன்முறையை தூண்டவில்லை. சுயமரியாதை உணர் வைத் தட்டி எழுப்பியுள்ளார். அறவழியில் போராட் டத்துக்கான அழைப்பை விடுத்தார். கழகத் தலைவரின் ஆணையின்படி, இராணுவத்தையும் தாண்டிய கட் டுப்பாடு காக்கின்ற கழகத் தோழர்கள் பெருவிருப்புடன் சிறையேகப் புறப்பட்டனர். வில்லிலிருந்து புறப்பட்ட கணைகளாக, சீறிப்பாயும் புலியென வீறு கொண்டு புறப்பட்டது இருபால் கருஞ்சட்டைப் பட்டாளம்.

தமிழகம் முழுவதுமிருந்து வருணாசிரம மனுதர் மம் சாம்பலான செய்தி குவிந்துகொண்டிருக்கிறது. ஆரிய சனாதனம் ஆட்டம் கண்டு வருகிறது. கழகத் தோழர் களால் சிறைச்சாலைகள் நிரப்பப்பட்டு வருகிறது. கழகத் தலைவரின் கட்டளைக்கிணங்க, தன்னல மறுப்புடன் கருப்பு மெழுகுவர்த்திகள் களத்தில் அணி வகுத்தார்கள். மனுதர்ம எரிப்பு ஆரிய ஆதிக்கத்தைத் தகர்த்து, சமத்துவம் மற்றும் பெண்ணுரிமை மீட்புக் கான போராட்டம் வெடித்துக்கிளம்பியது.

ஊரெங்கும் இதே பேச்சு. ஆரிய வலையில் சிக்குண் டவர்களுக்கும் சேர்த்து பகுத்தறிவு வெளிச்சம் பாய்ச்சப் பட்டுள்ளது. ஆரிய, ஆர்.எஸ்.எஸ். கூட்டம் இருக்கும் இடம் தெரியாமல் ஓடி ஒளிந்துகொண்டது.

மனு தர்மமா? அது என்ன? என்று கேட்பவர் களுக் கும்  கழகத்தின் போராட்டத்தால்  அனலென சுயமரி யாதை உணர்வுத் தீயாகப் பற்றிக்கொண்டது.

தமிழக மாநில உரிமைகளைப்பறித்து தமிழர்களை வஞ்சித்து வரும் பாஜக, ஆர்.எஸ்.எஸ். சங்பரிவாரங் கள்   எதிர்வரும் பொதுத்தேர்தலில் எளிதில் மக்களை சந்தித்துவிட முடியுமா?

ஏமாளிகளாக தமிழர்கள் இறுமாந்து இருந்தால் அரசியலிலும் அறுவடை செய்துவிடலாம் என்று அதற் காக வஞ்சகக் காவிக்கூட்டம் ஆயத்தமாகிவரும் சூழ லில், ஆர்.எஸ்.எஸ். கூட்டத்தின் ஆணிவேர் தகர்க்கப்பட் டுள்ளது. கழகத் தலைவரின் கட்டளை யால் மனுதர்மம் சாம்பலாக்கப்பட்டது. மனுதர்மத்தை அரசமைப்புச் சட்டமாக வேண்டும் என்று கூறும் மனுதர்ம சங்பரிவார் பாஜக கூட்டத்துக்கு இது ஒரு தக்க பதிலடியாகும்.

சென்னை வேப்பேரி பெரியார்  திடலில் அமைந் துள்ள 21 அடி உயர தந்தை பெரியார் சிலை அருகிலி ருந்து திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்களின் தலைமையில் கழ கத் தோழர்கள் மனுதர்மத்தை எதிர்த்து முழக்கமிட்ட படி ஊர்வலமாக சென்றனர். ஈ.வெ.கி.சம்பத் சாலை வழியே பெரியார் ஈ.வெ.ரா. சாலையை அடைந்து அன்னை மணியம்மையார் சிலை அருகில் தோழர்கள் குவிந்தனர். கழகத் துணைத் தலைவர் கவிஞர் கலி.பூங்குன்றன், கழகப்பொதுச்செயலாளர் வீ.அன்புராஜ், பொருளாளர் வீ.குமரேசன், துணைப் பொதுச் செயலாளர் ச.இ.இன் பக்கனி, அமைப்புச் செயலாளர் வி.பன்னீர்செல்வம், திராவிடர் இயக்க ஆய்வு மய்யத்தின் செயலாளர் பேராசிரியர் ந.க.மங்களமுருகேசன், தலைமைக்கழக சொற்பொழிவாளர் பெரியார் செல்வன் உள்பட பலர் கலந்துகொண்டனர்.

மனுதர்ம நூலில் கூறப்பட்டுள்ள  பெண்களை இழிவு படுத்துகின்ற பகுதிகளையும்,  வருணாசிரம ஜாதி இழிவு களைக் கொண்டுள்ள பகுதிகளையும் சுட்டிக்காட்டி, மனுதர்ம நூல் எரிக்கப்பட வேண்டிய தன் அவசியம் குறித்தும், போராட்ட நோக்கங்கள் குறித்தும் எடுத்து ரைத்தார். அதன்பின்னர் கழகத் தலைவர் மனுதர்ம நூலை எரித்தார். கழகத் தோழர்கள் எழுச்சி முழக்கங் களுடன் மனுதர்மத்தை தீயிட்டுக் கொளுத்தினார்கள்.

திராவிடர் கழகத் தலைவர் தமிழர் தலைவர் ஆசிரி யர் அவர்கள் 54ஆம் முறையாக கைது செய்யப்பட்டார். காவல்துறையின் வாகனங்களில் அனைவரும் ஏற் றப்பட்டு, சென்னை புரசைவாக்கம் அழகப்பா பள்ளி அருகில் உள்ள கம்மாவர் மண்டபத்தில் அடைக்கப் பட்டனர். தமிழகமெங்கும் மாவட்டத் தலைநகரங்க ளில் மனுதர்ம எரிப்புப் போராட்டம்  நடைபெற்றது. மனுதர்மத்தை எரித்து கழகத் தோழர்கள் கைதாயினர்.

சென்னையில் தமிழர் தலைவர் தலைமையில் நடை பெற்ற போராட்டத்தில்  சென்னை மண்டல கழகத்தின் கழக மாவட்டங்களிலிருந்து ஏராளமான தோழர்கள் கலந்துகொண்டு கைதானார்கள்.

சென்னையில் தமிழர் தலைவர் தலைமையில் மனுதர்ம சாஸ்திர நகலை எரிக்க எழுந்தது காண் கருஞ்சட்டைப் படை!

-  விடுதலை நாளேடு, 7.2.19

தமிழர் தலைவர் 54 ஆம் முறை கைது; தீ மூட்டி எரித்தார் மனுதர்மத்தை!

ஜாதி அழியவேண்டும்;  தீண்டாமை ஒழியவேண்டும்; பெண்கள் உரிமைப் பாதுகாக்கப்படவேண்டும்

இந்திய அரசியல் சட்டத்திற்குப் பதிலாக மனுதர்மமா?

வேரடி மண்ணோடு வீழ்த்துவோம்! வீழ்த்துவோம்!!

மனுதர்ம எரிப்புப் போராட்டத்தில் தமிழர் தலைவர் முழக்கம்!

சென்னை பிப்.7 இந்திய அரசியல் சட்டத்திற்குப் பதிலாக, மீண்டும் மனுதர்மத்தைக் கொண்டு வருவோம் என்று சொல்லுகின்ற எண்ணம் வேரடி மண்ணோடு அகற்றப்படவேண்டும் என் பதற்காகத்தான் இன்றைய இந்தப் போராட்டம். இந்தப் போராட்டம் ஒரு தொடக்கம் என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

இன்று (7.2.2019) சென்னையில் நடைபெற்ற மனுதர்ம எரிப்புப் போராட்டத்திற்குத் தலைமை யேற்ற  திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர்களைச் சந்தித்தார்.

அவ்விவரம் வருமாறு:

மனுதர்மம்தான் ஜாதியைப் பாதுகாத்துக் கொண்டிருக்கின்றது

உலகில் எங்கும் இல்லாத கொடுமையான ஜாதிய அமைப்பு, வருணாசிரம தர்மத்தைக் காப்பாற்றுகின்ற இந்து மதம், அதனுடைய மிக முக்கியமாக சாஸ்திரமாக இருக்கக்கூடிய மனுதர்மம்தான் ஜாதியைப் பாதுகாத்துக் கொண் டிருக்கின்றது.

மனுதர்ம அடிப்படையில்தான், இந்து லா சட்டங்கள் இருக்கின்றன. அந்த மனுதர்மத்தைப் பொருத்தவரையில், உயர்ந்த ஜாதி - தாழ்ந்த ஜாதி, தொடக்கூடிய ஜாதி - தொடக்கூடாத ஜாதி, பார்க்கக்கூடாத ஜாதி - பார்க்கக்கூடிய ஜாதி என்று பிரித்திருப்பதோடு மட்டுமல்லாமல், பெண்களை மிகக் கேவலமாக சித்தரித்து, பிறவியில் ஆண்கள் எஜமானர்கள்; பெண்கள் அடிமைகள்; எந்தக் காலத்திலும் பெண்கள் சுதந்திரமாக இருக்கத் தகுதியற்றவர்கள்; கல்வி அறிவு பெறக்கூடாதவர்கள் என்பதை வலியுறுத்துவதோடு, சூத்திரர்கள் என்று மிக பெரும்பாலான உழைக்கின்ற மக்களை, காலங்காலமாக, பல்லாயிரக்கணக்கான ஆண்டு களாக ஆக்கி வைத்துள்ளது மனுதர்மமே! அதனுடைய அடிப்படையில்தான் சட்டம் கொண்டு வரவேண்டும் என்று சொல்கிறார்கள்.

மனுதர்மம் என்ன சொல்லுகிறது?

8 ஆவது அத்தியாயம்; 415 ஆம் சுலோகத்தில் மனுதர்மத்தில் உள்ள செய்தியை உங்களுக்குச் சொல்கிறோம்.

யுத்தத்தில் ஜெயித்துக் கொண்டு வரப்பட் டவன்

பக்தியினால் வேலை செய்கிறவன்

தன்னுடைய தேவடியாள் மகன்

விலைக்கு வாங்கப்பட்டவன்

ஒருவனால் கொடுக்கப்பட்டவன்

குலவழியாகத் தொன்றுதொட்டு வேலை செய்கிறவன்

குற்றத்திற்காக வேலை செய்கிறவன் என்று சூத்திரர்களுக்குப் பொருள் சொல்லியிருக் கிறார்கள்.

இதைவிட மானக்கேடு, இதைவிட அவ மானம் வேறு இருக்க முடியுமா?

ஆகவேதான், மனுதர்மம் ஜாதியைப் பாதுகாப்பது, நம்முடைய பெரும்பாலான உழைக்கின்ற மக்களான தாழ்த்தப்பட்ட, ஒடுக்கப்பட்ட, பிற்படுத்தப்பட்ட மக்களுக்கு சூத்திரர்கள், பஞ்சமர்கள் என்று பெயர் சொல்லி, அவர்களை காலங்காலமாக அடக்கி வைத்ததினுடைய விளைவுதான் - நம்முடைய மக்கள் இந்த மண்ணுக்குரியவர்களாக, பெரும் பான்மை மக்களாக  இருந்தும்கூட, அவர்கள் மேலே வர இயலாத ஒரு சூழல் அடக்குமுறை ஏற்பட்டு இருக்கிறது.

அதுமட்டுமல்ல நண்பர்களே, இன்னொரு மிக முக்கியமான ஒரு செய்தி; மனுதர்மத்தை எரிப்பதற்குக் காரணம் என்னவென்று உங் களுக்குச் சொல்கிறேன்.

மனுதர்மத்தைத்தான் அரசியல் சட்டமாகக் கொண்டு வரவேண்டுமாம்!

நாளைக்கு மீண்டும் பெரும்பான்மையோடு மத்தியில் மோடி அரசு - பா.ஜ.க. அரசு - ஆர்.எஸ்.எஸ். அரசு ஆட்சிக்கு வருமேயானால், அவர்கள் ஏற்கெனவே சொன்னபடி, அரசியல் சட்டத்தை எடுத்துவிட்டு, மதச்சார்பின்மை, ஜனநாயகம், சோசலிசம் ஆகியவற்றை சொல் லுகின்ற இன்றைய அரசியல் சட்டத்தைத் தூக்கி எறிந்துவிட்டு, இந்த மனுதர்மத்தைத்தான் அரசியல் சட்டமாக வைக்கவேண்டும் என்று தீர்மானம் போட்டிருக்கிறார்கள்; ஏற்கெனவே எழுதி வைத்திருக்கிறார்கள். அவர்களின் குரு நாதர் கோல்வால்கரும் அதைத்தான் சொல்லி யிருக்கிறார்.

எனவேதான், இந்த ஆபத்தை உணர்த்து வதற்காக, மனு அநீதி, மனுதர்மம் மனித தர்மத்திற்கு விரோதமானது என்பதை எடுத்துக் காட்டுவதற்காகத்தான் தமிழ்நாடு முழுவதும் இந்த மனுதர்ம எரிப்பு நடைபெறுகிறது.

டில்லியிலுள்ள மாணவர்களும், இளைஞர்களும்...!

அண்மையில் டில்லிக்குச் சென்றபொழுது, அங்கே இருக்கின்ற மாணவர்கள், இளைஞர்கள் எல்லாம் இதுபற்றி கேட்டார்கள்; நாங்களும் பின்பற்றவிருக்கிறோம் என்று அவர்கள் தெளிவாகச் சொன்னார்கள்.

இங்கு வைத்தது  ஜாதிக்கு வைத்த தீ!

வருணாசிரம தர்மத்திற்கு வைத்த தீ!

அநீதிக்கு வைத்த தீ!

எனவேதான், நாங்கள் பொதுச்சொத்துக்கு நாசமில்லாமல், பொது அமைதிக்குப் பங்கமில் லாமல், மிகத் தெளிவாக இங்கே ஒரு பக்கெட்டில் தண்ணீரைக் கொண்டு வந்து வைத்திருக்கிறோம்; இன்னொரு பக்கெட்டில் மணலைக் கொண்டு வந்து வைத்திருக்கிறோம்.

எங்களுக்கு ஜாதி அழியவேண்டும். தீண்டாமை ஒழியவேண்டும்

இந்த மனுதர்ம எரிப்பினால், அரசு உடை மைகளுக்கோ, பொதுமக்களுக்கோ எந்த விதமான இடையூறும் இருக்கக்கூடாது என்பதற்காகத்தான் நாங்கள் முன்னேற்பாடோடு தந்தை பெரியார் அவர்கள் எப்படி அமைதியாக எரிப்புப் போராட்டத்தினை நடத்துவார் களோ, அதேபோன்று இந்த எரிப்புப் போராட்டத்தினை நடத்தியிருக் கின்றோம். காவல்துறையை எதிர்ப்பது எங்கள் நோக்கமல்ல. தமிழக அரசின்மீதோ, மத்திய அரசின்மீதோ உள்ள வெறுப்பினாலும் அல்ல - எங்களுக்கு ஜாதி அழியவேண்டும். தீண்டாமை ஒழியவேண்டும்; பெண்கள் உரிமைப் பாதுகாக்கப்படவேண்டும். அதுமட்டுமல்ல, இந்திய அரசியல் சட்டத்திற்குப் பதிலாக, மீண்டும் மனுதர்மத்தைக் கொண்டு வருவோம் என்று சொல்லுகின்ற எண்ணம் வேரடி மண்ணோடு அகற்றப்படவேண்டும் என்பதற்காகத்தான் இன் றைய இந்தப் போராட்டம். இந்தப் போராட்டம் ஒரு தொடக்கம்! ஜாதியை ஒழிக்க, கடைசி அடையாளம் ஜாதிக்கு இருக்கின்ற வரையில், போராடு வோம், போராடுவோம், போராடுவோம்! வெற்றி பெறுவோம்!

வாழ்க பெரியார்! வாழ்க அம்பேத்கர்!!

வளர்க சமூக நீதி! ஒழிக ஜாதிகள்!!

நன்றி, வணக்கம்!!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர் களிடையே கூறினார்.

-  விடுதலை நாளேடு, 7.2.19

ஏழு தமிழரை விடுதலை செய்ய வலியுறுத்தி ஆளுநர் மாளிகை முன்பாக முற்றுகைப் போராட்டம்: 53 ஆம் முறையாக தமிழர் தலைவர் கைது

சென்னை, டிச.4 கடந்த 28ஆண்டுகளாக சிறை யில் வாடும் ஏழு தமிழர்களை விடுதலை செய்ய வலியுறுத்தி சென்னை வேளச்சேரி சாலை சைதாப்பேட்டை பகுதியில் ஆளுநர் மாளிகை முற்றுகைப் போராட்டம் நேற்று (3.12.2018) காலையில் தொடங்கி நடைபெற்றது.

போராட்டத்தினை தமிழர் தலைவர் தொடங்கி வைத்தார்

மதிமுக பொதுச்செயலாளர் வைகோ தலைமையில் நடைபெற்ற போராட்டத்தினை திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் தொடங்கி வைத்து உரையாற்றினார்.

ஏராளமானோர்...

மதிமுக, திமுக, திராவிடர் கழகம், விடுதலை சிறுத்தைகள் கட்சி, இந்திய கம்யூனிஸ்ட் கட்சி, இந்திய மார்க்சிஸ்ட் கம்யூனிஸ்ட் கட்சி, மனித நேய மக்கள் கட்சி, இந்திய தேசிய லீக், எஸ்டிபிஅய் கட்சி, பெருந்தலைவர் மக்கள் கட்சி, தமிழ்த் தேசியக் கட்சி, தற்சார்பு விவசாய சங்கம், மே 17 இயக்கம் உள்ளிட்ட பல்வேறு அமைப்புகளின் சார்பில் ஏராளமானவர்கள் போராட்டத்தில் கலந்துகொண்டனர்.

திமுக  மாநிலங்களவை உறுப்பினர் டி.கே.எஸ்.இளங்கோவன், சட்டமன்ற உறுப்பினர்கள் மா.சுப்பிரமணியன், பி.கே. சேகர்பாபு,  விடுதலை சிறுத்தைகள் கட் சித் தலைவர் எழுச்சித் தமிழர் தொல்.திருமாவளவன், இந்திய கம்யூனிஸ்ட் கட்சி மாநில செயலாளர் இரா.முத்தரசன், இந்திய மார்க்சிஸ்ட் கட்சி பொறுப்பாளர் பாக்கியம், பெருந்தலைவர் மக்கள் கட்சித் தலைவர் என்.ஆர்.தனபாலன், தற்சார்பு விவசாய சங்கத் தலைவர் பொன்னையன், மே 17 இயக்க ஒருங்கிணைப்பாளர் திருமுருகன் காந்தி, தமிழக வாழ்வுரிமைக் கட்சி நிறு வனர் தி.வேல்முருகன், மனிதநேய மக்கள் கட்சி அப்துல் சமது, தேசிய லீக் கட்சி பஷீர் அகமத், தியாகு உள்ளிட்ட தலைவர்கள் பொறுப்பாளர்கள் பலரும் போராட்டத்தில் கலந்துகொண்டனர்.

மதிமுக அமைப்புச் செயலாளர் ஆ.வந் தியத்தேவன், துணைப் பொதுச்செயலாளர்கள்  மல்லை சத்யா, செஞ்சி ஏ.கே.மணி, மாவட்டச் செயலாளர் டி.ஆர்.ஆர்.செங்குட்டுவன்,  மாநில இளைஞரணி துணை செயலாளர் செக்கடிக்குப்பம் அ.பெரியார் உள்ளிட்ட மாநில, மாவட்ட பொறுப்பாளர்கள் கலந்து கொண்டனர்.

விடுதலை சிறுத்தைகள் கட்சி சார்பில் செல்வம், செல்வதுரை உள்ளிட்ட பொறுப் பாளர்கள் கலந்து கொண்டனர். ஆளுநர் மாளிகை முற்றுகைப் போராட் டத்தில் ஈடுபட்டவர்களை காவல்துறையினர் கைது செய்து கிண்டி ரேஸ்கோர்ஸ் மைதானத் திற்குக் கொண்டு சென்றனர்.

53 ஆம் முறையாக தமிழர் தலைவர் கைது

திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் 53 ஆம் முறையாக கைது செய்யப்பட்டார்.

திராவிடர் கழகப் பொறுப்பாளர்கள்

திராவிடர் கழகத் துணைத் தலைவர் கவிஞர் கலி.பூங்குன்றன், பொதுச்செயலாளர் இரா.செயக்குமார், மாணவரணி மாநில செயலாளர் ச.பிரின்சு என்னாரெசு பெரியார், துணை செயலாளர் யாழ்திலீபன், அமைப்புச் செயலாளர்கள் வி.பன்னீர்செல்வம், த.சண் முகம்,  வேலூர் மண்டல செயலாளர் கு.பஞ்சாட்சரம், இல.திருப்பதி, இரா.வில்வநாதன்,  தாம்பரம் ப.முத்தையன், வழக்குரைஞர் ஆ.வீரமர்த்தினி, சே.மெ.மதிவதனி, தளபதி பாண்டியன்,  கோ.நாத்திகன், சு.மோகன்ராஜ், சீ.இலட்சுமிபதி, மா.குணசேகரன், அனகை ஆறுமுகம், போளூர் பன்னீர்செல்வம், கவுதமன், கொடுங்கையூர் கோ. தங்க மணி, சேலம் மொட்டையன், ஆவடி மாவட்ட இளைஞரணி அமைப்பாளர் க.கலைமணி, அருள், சைதை தென்றல்,  கோபால், பவன்குமார், ஸ்டீபன், சீர்த்தி, பெரியார் மாணாக்கன், பூவை செல்வி, தங்க.தனலட்சுமி, செஞ்சி ந.கதிரவன், இளைஞரணி க.ச.கஇரணியன் உள்பட ஏராளமானவர்கள் போராட்டத்தில் கலந்து கொண்டனர்.  கைது செய்யப்பட்ட அனைவரும் மாலை  5 மணியளவில் விடுதலை செய்யப் பட்டனர்.

-  விடுதலை நாளேடு, 4.12.18