மண்டல் பரிந்துரையை அமலாக்கக்கோரி நடைபெற்ற மறியல்-கைது! -1.8.1989

 

இயக்க வரலாறான தன் வரலாறு(234) : 

செப்டம்பர் 16-30 2019

உண்மை இதழ்

அய்யாவின் அடிச்சுவட்டில்

கி.வீரமணி

மண்டல் பரிந்துரையை அமலாக்கக்கோரி நடைபெற்ற மறியலில் கைதாகும்

ஆசிரியர் கி.வீரமணி மற்றும் கழகத்தினர்

 

26.7.1989 முதல் 31.7.1989 வரை ரயில் மூலம் மக்களுக்கு விழிப்புணர்வை ஏற்படுத்தி, மண்டல குழு பரிந்துரைகளைச் செயல்படுத்த பிரச்சாரம் மேற்கொண்டு தமிழகம் முழுவதும் சென்று மக்களிடத்தில் கிளர்ச்சி குறித்து விளக்கி வந்தேன்.

1.8.1989 அன்று அண்ணாசாலையில் உள்ள தந்தை பெரியார் சிலைக்கு மாலை அணிவித்து விட்டு, ஊர்வலமாக மறியலுக்குப் புறப்பட்டபோது அருகே போலிசார் தயாராக நிறுத்திவைத்திருந்த வேன்களில் கைது செய்து ஏற்றினர். அப்போது, ‘மண்டல் பரிந்துரையை அமலாக்கு!’ என்று முழக்கம் எழுப்பப்பட்டது.

முன்னதாகவே போராட்ட வீரர்களிடையே தமிழக ஜனதாதள் கட்சி முன்னணியினர் வி.எஸ்.தளபதி எம்.ஏ., பி.எல்., கலிவரதன், தமிழர் தேசிய இயக்கத்தின் தலைவர் பழ.நெடுமாறன் ஆகியோர் எனக்கு கைத்தறி ஆடை அணிவித்து வாழ்த்தி அனுப்பினர். எங்களை கைது செய்தனர்.  இதில் பெண்கள் 36, ஒரு பெண் கைக்குழந்தையுடன் கைதானார். 2.8.1989 அன்று அனைவரும் விடுதலை செய்யப்பட்டோம்.

21.2.1994 இந்தித் திணிப்பை எதிர்த்தும் - கடுமையான விலை வாசி உயர்வைக் கண்டித்தும் திராவிடர் கழகத்தின் சார்பில் மத்திய அரசு அலுவலக முன் தமிழ்நாடு முழுவதும் மறியல் போராட்டம் நடைபெற்றது.

21.2.1994 இந்தித் திணிப்பை எதிர்த்தும் - கடுமையான விலை வாசி உயர்வைக் கண்டித்தும் திராவிடர் கழகத்தின் சார்பில் மத்திய அரசு அலுவலக முன் தமிழ்நாடு முழுவதும் மறியல் போராட்டம் நடைபெற்றது.

சென்னையில் எனது தலைமையில் பெரியார் திடலிலிருந்து கண்டன ஊர்வலம் புறப்பட்டது.

இருவர் இருவராக அணி வகுத்து, இந்தி எதிர்ப்பு - விலைவாசி உயர்வுக் கண்டன முழக்கங்கள் அடங்கிய தட்டிகளையும், கழகக் கொடியையும் கரங்களில் ஏந்திக்கொண்டு, விண்ணதிர முழக்கங்களை, முழங்கிக் கொண்டு புறப்பட்டனர்.

“திணிக்காதே திணிக்காதே இந்தியைத் திணிக்காதே! இந்தித் திணிப்பா - ஆரியப் பண்பாட்டுப் படை எடுப்பா? கட்டுப்படுத்து, கட்டுப்படுத்து விலைவாசியைக் கட்டுப்படுத்து’’ என்பது போன்ற முழக்கங்களை முழங்கிக் கொண்டு மகளிரணியினரும், தோழர்களும் அணிவகுத்துச் சென்றனர். ஊர்வலம் காவல் துறையினரால் தடுத்து நிறுத்தப்பட்டு தோழர்கள் கைது செய்யப்பட்டனர். நான் 35 ஆவது முறையாகக் கைது செய்யப்பட்டு விடுதலை செய்யப்பட்டேன். “தொலைக் காட்சியில் இந்தித் திணிப்பு, முக்கிய அரசு அலுவலகங்களிலே இந்தியில் கையெழுத்து போடவேண்டும் என ஆணையை எதிர்த்து அனைத்துக் கட்சியையும் திரட்டி போராட்டம் நடத்துவோம்’’ என பத்திரிகைக்குத் தெரிவித்தேன்.

- அய்யாவின் அடிச்சுவட்டில் கட்டுரையின் ஒரு பகுதி

- உண்மை இதழ், 16-31.7.20

இந்தி எழுத்து அழிப்பு ரயில் மறியல்

மத்திய அரசின் இந்தித் திணிப்பை எதிர்த்து போராட்டம், 22.09.1985 அன்று நடைபெற்றது. நான் 18ஆம் தேதி முதல் ரயில் பயணம் மேற்கொண்டு 80க்கும் மேற்பட்ட தொடர்வண்டி நிலையங்களில் கழகத் தோழர்களை சந்தித்து போராட்ட வீரர்கள் பட்டியலைப் பெற்றுக்-கொண்டு 21.09.1985 அன்று சென்னை திரும்பினேன்.

22.09.1985 அன்று சென்னை எழும்பூர் ரயில் நிலையத்தில் என் தலைமையில் இந்தி எழுத்து அழிப்பு போராட்டத்திற்கு தி.மு.க. தலைவர் கலைஞர் அவர்கள் எனக்கு தார்சட்டி அளித்து பொன்னாடை அணிவித்து பெரியார் திடலிலிருந்து என்னை வழியனுப்பி வைத்தார்.

சென்னை சென்ட்ரல் புறநகர் ரயில் நிலையத்தில் டாக்டர் மா.நன்னன் தலைமையிலும், திருச்சியில் கழகப் பொருளாளர் கா.மா.குப்புசாமி தலைமையிலும், தஞ்சையில் பிரச்சார செயலாளர் செல்வேந்திரன் தலைமையிலும், கோவையில் இளைஞரணி செயலாளர் கு.இராமகிருஷ்ணன் தலைமையிலும், கடலூரில் தொழிலாளர் அணி செயலாளர் வழக்கறிஞர் தி.இராமதாஸ் தலைமையிலும், ஈரோட்டில் அமைப்புச் செயலாளர் நா.சேதுபதி தலைமையிலும், நெல்¬லையில் அமைப்புச் செயலாளர் டி.ஏ.தியாகராசன் தலைமையிலும், திருவாரூரில் விவசாய அணிச் செயலாளர் சு.சாந்தன் தலைமையிலும், மதுரையில் தென் மாவட்டங்கள் பிரச்சார குழு தலைவர் பே.தேவசகாயம் தலைமையிலும், ஜோலார்-பேட்டையில் மகளிர் அணிச் செயலாளர் பார்வதி தலைமையிலும் இந்தி அழிப்புப் போராட்டம் அனைத்து புகைவண்டி நிலையங்களிலும் நடைபெற்றது. கழக துணைப் பொதுச்செயலாளர் கோ.சாமிதுரை அவர்களும், தலைமை நிலையச் செயலாளர் துரைசாமியும் வெளியில் இருந்து கழகப் பணிகளை ஆற்றினர்.

தொடர்வண்டி நிலையங்களில் இந்தி எழுத்துகளை அழித்து நான் எழும்பூரில் ரயில் நிலையத்தில் கைது செய்யப்பட்டேன். இந்தியை அழிக்கச் சென்ற கழகத் தோழர்கள் மற்றும் தோழியர்கள் 5000 பேர் கைது செய்யப்பட்டு சிறையில் அடைக்கப்பட்டனர். இந்தக் கிளர்ச்சியில் 3 தம்பதிகள் சண்முகநாதன் அவரது துணைவியார் இராமலக்குமி, மதுரை மாவட்டத் தலைவர் தேவசகாயம், அவரது துணைவியார் அன்னத் தாயம்மையார், திருப்பத்தூர் ஏ.டி.கோபால் அவரது துணைவியார் சந்திரா ஆகியோர் போராட்டத்தில் ஈடுபட்டு சிறையேகினர்.

கழகம் நடத்திய இந்தி எதிர்ப்பு போராட்டத்தைத் தாங்கிக் கொள்ள முடியாமல் ஆனந்த விகடன்கள் பொறுமியது! ஆத்திரத்திலும் அவசர கோலத்திலும் தலையங்கத்தில் திராவிடர் கழகத்தின் மீது கண்டனக் கணைகளைப் பாய விட்டிருந்தது!

“இந்தியை எதிர்ப்பதற்கு நியாயமான காரணங்கள் இன்று முளைத்திருந்தாலும்கூட இந்த சமயத்தில் அதற்கான கிளர்ச்சிகளுக்குத் தமிழர்களின் ஏகோபித்த ஆதரவு ஒருபோதும் கிடைக்காது’’ என்று கூறிவிட்டு, அடுத்த வரியிலேயே “தமிழகத்தில் இந்தியைக் கட்டாயமாக நுழைப்பதற்கே வழி இல்லை’’ என்றும் எழுதியிருக்கிறது! என்று ஆனந்த விகடன் அன்று எழுதியது.

போராட்டத்தில் ஈடுபட்டு போராட் வீரர்கட்கும் வீராங்கனைகட்கும் நன்றி தெரிவித்து 25.09.1985 அறிக்கை வெளியிட்டிருந்தேன்.

- அய்யாவின் அடிச்சுவட்டில் கட்டுரையின் ஒரு பகுதி

- உண்மை இதழ், 1-15.1.19 

குடியுரிமை திருத்தச் சட்டத்தை திரும்பப் பெறக்கோரி திராவிட மாணவர் கழகத் தோழர்கள் சாஸ்திரி பவனை முற்றுகையிட்டுப் போராட்டம்!

சென்னை. டிச. 21- குடியுரிமை திருத்தச் சட்டத்தைத் திரும்பப் பெறக்கோரி, திராவிட மாணவர் கழகஜத்தின் சார் பில் சாஸ்திரி பவன் அலுவலகத்தை முற்றுகையிடும் போராட்டம் மாநில மாணவரணிச் செயலாளர் ச.பிரின்சு நன்னாரெசு பெரியார் தலைமையில் எழுச்சியுடன் நடைபெற்றது.

எதிர்க்கட்சிகளின் கடும் எதிர்ப் பையும் மீறி, நாடளுமன்றத்தின் இரு அவைகளிலும் குடிரிமைத் திருத்தத் சட்டத்தை மத்தியில் உள்ள பி.ஜே.பி அரசு நிறைவேற்றியது. இதனை எதிர்த்து நாடெங்கிலும் மாணவர்கள் கடுமையான போராட்டத்தை முன் னெடுத்தனர்! அதன் தொடர்ச்சியாக திராவிட மாணவர் கழகத்தினர், அதன் மாநிலச் செயலாளர் ச.பிரின்சு என்னாரெசு பெரியார் தலைமையில் மத்திய அரசின் அலுவலகமான சாஸ்திரிபவன் அலுவலகத்தை 19-.12.2019 காலை 11 மணி அளவில் முற்றுகையிட்டு, சாலை மறியலில் ஈடுபட்டனர்! எதிர்பாராத இந்தப் போராட்டத்தால் அந்தப்புகுதியில் சற்று நேரம், போக்குவரத்து நெரிச லும், பரபரப்பும் ஏற்பட்டது!

முற்றுகை! மறியல்! சிறை!

கல்லூரி சாலையில் உள்ள வானி யல் ஆயுவு மய்யத்திலிருந்து ஆர்ப் பாட்டம் தொடங்கியது! பிரின்சு என்னாரெசு பெரியார் மத்திய அர சைக் கண்டித்து முழக்கமிட்டபடியே வர, தோழர்களும் உணர்ச்சிபூர்வமாக முழக்கங்கள் இட்டபடியே பின் தொடர்ந்தனர்! கல்லூரி சாலையில் தொடங்கிய இந்த ஊர்வலம் ஹேடோசு சாலை வழியாக சென்று, சாசுத்திரிபவனை அடைந்தது! அங்கு சாஸ்திரிபவன் அலுவலகத்தின் முதன்மை வாயில் முன்பாக நின்று ஆர்ப்பாட்டத்தில் ஈடுபட்டனர். காவலர்கள் குவிந்தவுடன் சாலை மறியலில் ஈடுபட்டனர்! அதைத் தொடர்ந்து மறியலில் ஈடுபட்டவர் களை காவல் துறையினர் கைது செய்து, வள்ளுவர் கோட்டம் சாலை யில் நுங்கம்பாக்கம் காவல் நிலையத் திற்கு எதிரில் உள்ள, ஏபிவிபி திருக் கோயில் திருமண மண்டபத்திற்கு கொண்டு சென்றனர்.

சிறைக்குள்ளும் அறிவுரையாடல்!

கைது செய்து செய்யப்பட்டத் தோழர்கள், தாங்கள் திராவிடர் கழ கத்திற்கு எப்படி வந்தோம்  என்ப தைப்பற்றி தனிதனியாக விவரித்தனர். கழகத்தின் பேச்சாளர் சே.மெ. மதிவதனி ஆசிரியரின் சிறப்புகளைப் பற்றி மாணவரணித் தோழர்களுக்கு அறிவுறுத்தும் வகையில் பேசினார். மாணவரணித் தோழர்கள் அனை வரும் தனித்தனியாக ஒவ்வொருவரும் தங்களின் கருத்துக்களை பகிர்ந்து கொண்டனர். ஆவடி விஜய் ஜாதி, அதன் தன்மைகள், அதை மக்கள் இன்னமும் புரிந்துகொள்ளாமல் இருப்பதால் ஏற்படும் தொல்லைகள் பற்றி விரிவாகப் பேசினார். அதைத் தொடர்ந்து புழல் அறிவுமாணன் பகுத்தறிவு, மூடநம்பிகை ஒழிப்புப் பாடல்களைப் பாடி தோழர்களை உற்சாகப்படுத்தினார். இந்நிகழ்வை பெரியார் களம் தலைவர் தோழர் இறைவி நெறிப்படுத்தினார். பிற்பக லில் கைதானவர்களை பொதுச்செய லாளர் வீ.அன்புராஜ், மண்டலச் செய லாளர் தே.செ.கோபால் ஆகியோர் நேரில் வந்து வாழ்த்தினார். மாலை 6 அளவில் தோழர்கள் விடுதலை செய்யப்பட்டனர்.

ஆர்ப்பாட்டத்தில் துணைப் பொதுச் செயலாளர் ச. இன்பக்கனி, மாநில அமைப்புச் செயலாளர் வி. பன்னீர்செல்வம், தாம்பரம் மாவட் டத் தலைவர் பா.முத்தையன், செய லாளர் கோ.நாத்திகன், தாம்பரம் நகரச் செயலாளர் சு.மோகன்ராஜ், தென்சென்னை மாவட்டத் தலைவர் இரா.வில்வநாதன், பெரியார் சுயமரி யாதை திருமண நிலைய இயக்குநர் பசும்பொன் செந்தில்குமாரி,  பொன் னேரி வே.அருள், ஆவடி மாவட்ட இ¬ளைஞரணிச் செயலாளர் வி. சோபன்பாபு, தாம்பரம் ரூபன் தேவ ராஜ், புழல் அறிவுமாணன், பூந்தமல்லி சுரேசு, பூந்தமல்லி நகர அமைப்பாளர் மணிமாறன், பூவை சு.வெங்கடேசன், ஆவடி மாவட்ட மாணவரணிச் செய லாளர் வெற்றி, ஆவடி இளைஞரணித் தோழர் இ.தமிழ்மணி, திருவொற்றியூர் இளைஞரணித் தோழர் இரா.சதீசு,  மண்டல மாணவரணித் தலைவர் இர.சிவசாமி, பெரியார் களம் தலை வர் இறைவி, தென்சென்னை மாவட்ட மாணவரணித் தலைவர் வி.விசுவாசு, மாணவரணித் தோழர்கள் பொ.இ. பகுத்தறிவு, ஆவடி மாவட்ட மாண வரணித் தலைவர் செ.பெ.தொண் டறம், சென்னை மண்டல மாணவர ணிச் செயலாளர் வ.ம.வேலவன், வட சென்னை மாவட்ட மாணவரணிச் செயலாளர் சு.தமிழ்செல்வன், சி.பிர பாகரன், கோயம்பேடு மா.திருமால், மாநிலக்கல்லூரி மாணவர் வை.கு. நிரஞ்சன், சோலவரம் பா.சக்கரவர்த்தி, தரமணி கோ.மஞ்சநாதன், ஊரப் பாக்கம் பி.சீனிவாசன், சட்டக்கல்லூரி மாணவர் செ.பிரவீன்குமார், திரு வள்ளூர் மு.மேகலா, மாநில மகளிர் பாசறை அமைப்பாளர் சே.மே.மதி வதனி, செங்குன்றம் கவு.ஜெகத்விஜய குமார், ஆகியோர் கைது செய்யப்பட் டனர்.

-  விடுதலை நாளேடு, 21.12.19

காவிரி மேலாண்மை வாரியம் அமைக்கக்கோரி முழு வேலை நிறுத்தத்தால் தலைநகரம் வெறிச்சோடியது!

காவிரி உரிமை : தமிழ்நாடே நிலை குலைந்தது

சென்னை மறியல் போராட்டத்தில் தமிழர் தலைவர் ஆசிரியர்,  தளபதி மு.க. ஸ்டாலின், அனைத்துக் கட்சித் தலைவர்கள் எழும்பூர் ரயில் மறியலில் கருஞ்சட்டைத் தோழர்கள் கைது

சென்னை, ஏப்.5 காவிரி நதிநீர் உரிமையில் தமிழகம் முழுவதும் மத்திய, மாநில அரசுகளைக் கண்டித்து போராட்டங்கள் நடைபெற்றன. அனைத்துக்கட்சியினர், பொதுமக்கள் போராட் டங்களில் கலந்து கொண்டார்கள்.

ஆறு வார கால அவகாசத்திற்குள்ளாக ஸ்கீம் என்று சொல்லி காவிரி நதிநீர் மேலாண்மை வாரியம், ஒழுங்காற்றுக் குழு அமைக்க வேண்டும் என்று உச்சநீதிமன்றம் உத்தரவிட்டது. ஆறு வார கால அவகாசம்  முடிவடைகின்ற கடந்த மார்ச் மாதம் 29ஆம் தேதி அன்று மத்திய அரசு  உச்சநீதிமன்றத்தில்  ஸ்கீம் என்ற சொல்லுக்கு விளக்கம் கேட்டு மனுதாக்கல் செய்தது.

உச்சநீதிமன்ற தீர்ப்பை அமல்படுத்தாத மத்திய அரசுக்கு எதிராக தமிழக அரசு நீதிமன்ற அவமதிப்பு வழக்கை தொடர்ந்தது.

கடந்த 1.4.2018 அன்று திமுக தலைமையில் கூடிய அனைத்துக் கட்சிக் கூட்டத்தில் ஒரு நாள் (5.4.2018) முழு அடைப்புப் போராட்டம், சாலைமறியல், ரயில் மறியல் போராட்டம் நடத் துவது என்று தீர்மானிக்கப்பட்டது.  அனைத்துக் கட்சிக் கூட்டத் தைத் தொடர்ந்து, அதிரடியாக சென்னை - வள்ளுவர் கோட்டம் அருகில் ஆர்ப்பாட்டம் நடைபெற்றது. இது ஒரு தொடர் போராட்டமாக நடைபெறும் என்று திமுக செயல் தலைவர் மு.க.ஸ்டாலின் அறிவித்தார். அதன்படி, தமிழகமெங்கும் அனைத்துக் கட்சியினர் பங்கேற்று  போராட்டங்கள் தொடர்ந்து நடைபெற்று வருகின்றன.

காவிரி நதிநீர் மேலாண்மை வாரியம் அமைக்காத மத்திய அரசைக் கண்டித்தும், மத்திய அரசுக்கு துணைபோகின்ற மாநில அரசைக் கண்டித்தும் திமுக செயல் தலைவர், சட்டப் பேரவை எதிர்க்கட்சித் தலைவர் தளபதி மு.க.ஸ்டாலின் தலைமையில்   அனைத்துக்கட்சிக்கூட்டத்தில் எடுக்கப்பட்ட முடிவின்படி, இன்று 5.4.2018 ஒரு நாள் சாலை மறியல் போராட்டம், ரயில் மறியல் போராட்டம், முழு கடையடைப்பு, வேலை நிறுத்தப் போராட்டங்கள் பொதுமக்களின் பேராதரவுடன் தமிழகம் முழுவதும் எழுச்சியுடன் நடைபெற்றன. அனைத்துக் கட்சியினர் பங்கேற்ற மறியல் போராட்டம் சென்னை -- அண்ணாசாலையில்   இன்று (5.4.2018) காலை நடைபெற்றது.

சென்னை - அண்ணாசாலையில் மறியல்

மறியல் போராட்டத்தில் திமுக செயல் தலைவர் தளபதி மு.க.ஸ்டாலின்,  திராவிடர் கழகத் தலைவர் தமிழர் தலைவர் ஆசிரியர்  கி.வீரமணி, தமிழ்நாடு காங்கிரசு கட்சித் தலைவர் சு.திருநாவுக்கரசர், விடுதலை சிறுத்தைகள் கட்சித் தலைவர் எழுச்சித் தமிழர் தொல்.திருமாவளவன், மனித நேய மக்கள் கட்சித் தலைவர் பேராசிரியர் ஜவாஹிருல்லா, மதிமுக துணைப் பொதுச்செயலாளர் மல்லை சத்தியா, காங்கிரசு கட்சித் தலை வர்கள் பீட்டர்அல்போன்ஸ், தங்கபாலு, திமுக மாவட்ட செய லாளர் சட்டப் பேரவை உறுப்பினர்கள் மா. சுப்பிரமணியன், பி.கே.சேகர்பாபு, ஜெ.அன்பழகன் மற்றும் மாதவரம் சுதர்சனம், கட்டட தொழிலாளர் சங்கம் பொன். குமார், கவிஞர் சல்மா உள்பட பலர் பெருந்திரளாக கலந்து கொண்டனர். சென்னை -- அண்ணாசாலையில் அண்ணா சிலை அருகில் சாலையில் அமர்ந்தபடி  தலைவர்கள் மறியல் போராட்டத்தில் ஈடுபட்டனர். சாலைமறியல் போராட்டத்தில் அனைத்துக் கட்சியினரும் பொது மக்களும் பெருந்திரளாகப்  பங்கேற்றனர். திமுக, தி.க. மதிமுக, காங்கிரஸ் கட்சி, விடுதலை சிறுத் தைகள் கட்சி, மனித நேய மக்கள் கட்சி,   மக்கள் அதிகாரம் அமைப்பினர் உள்ளிட்ட அனைத்துக் கட்சியினரும் போராட்டத் தில் அணிஅணியாக திரண்டு ஊர்வலத்தில் பங்கேற்று, மத்திய, மாநில அரசுகளைக் கண்டித்தும், காவிரி மேலாண்மை வாரியம் அமைக்க வலியுறுத்தியும் முழக்கங்களை முழங்கினார்கள்.

அதனைத் தொடர்ந்து வாலாஜா சாலை வழியே சென்னை மெரினா கடற்கரை நோக்கி ஊர்வலமாக சென்று காமராசர் சாலையை அடைந்தார்கள். சாலையில் அனைவரும் அமர்ந்தபடி சாலைமறியல் பேராட்டத்தை தொடர்ந்து நடத்தினார்கள். காவல் துறையினர் தடுத்து நிறுத்தி அனைவரையும் கைது செய்தார்கள்.

எழும்பூர் ரயில் மறியல்

சென்னை மண்டல கழக செயலாளர் வி.பன்னீர்செல்வம் தலைமையில் எழும்பூர் ரயில் மறியல் போராட்டத்தில் கழகத் தோழர்கள் ஏராளமானவர்கள் கலந்துகொண்டனர்.

கழகத் துணைத் தலைவர் கவிஞர் கலி.பூங்குன்றன் ரயில் மறியல் போராட்டத்தைத் தொடங்கி வைத்தார். கழகப் பொதுச் செயலாளர் வீ.அன்புராஜ்  வடசென்னை மாவட்டத் தலைவர் வழக்குரைஞர் சு.குமாரதேவன் உள்ளிட்ட கழகப் பொறுப் பாளர்கள்,   சென்னை மண்டல செயலாளர் வி.பன்னீர்செல்வம் தலைமையில் தென்சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, தாம்பரம் மாவட்டச் செயலாளர் கோ.நாத்திகன், ஆவடி மாவட்டத் தலைவர் பா.தென்னரசு மற்றும் கழகப்பொறுப்பாளர்கள், இளைஞரணி, மாணவரணி,   மகளிரணியினர் ஏராளமானவர்கள் பெரியார் திடலிலிருந்து ஊர்வலமாகப் புறப்பட்டு முழக்கங்களுடன் சென்னை எழும்பூர் ரயில் நிலையத்திற்குள் சென்று சென்னை தாம்பரம் - கடற்கரை வழித்தடத்தில் செல்லும் ரயிலை மறித்து, மத்திய அரசையும், மாநில அரசையும் கண்டித்து முழக்கமிட்டபடி ரயில் மறியல் போராட்டத்தில் ஈடுபட்டனர். போராட்டத்தில் பங்கேற்ற தோழர்கள் கைது செய்யப்பட்டனர்.

 - விடுதலை நாளேடு, 5.4.18