திருச்சி கரூரில் சென்னை கோட்டூர்புரம் பழனிச்சாமி _ சம்பூரணம் ஆகியோரின் செல்வன் ப.கவுதமனுக்கும், சென்னையைச் சார்ந்த கோவிந்தசாமி _ அம்சவேணி ஆகியோரின் செல்வி புஷ்பலதாவுக்கும் கரூர் பிரேம் மகாலில் வாழ்க்கைத் துணை நல ஒப்பந்த விழா 26.4.1998 அன்று நடைபெற்றது. இந்த ஒப்பந்த விழாவில் கலந்துகொண்டு தலைமையேற்று நடத்தினேன். மணமக்கள் இருவரையும் வாழ்க்கைத் துணைநல ஒப்பந்த விழா உறுதிமொழியினை பின்பற்றிக் கூறச் செய்து, மாலை மாற்றிக் கொள்ளச் செய்து நடத்தி வைத்தேன். விழாவின் சிறப்புரையின்-போது ஏராளமான கழகத் தோழர்கள், “கீதையின் மறுபக்கம்’’ நூலை ஆர்வமாக மேடையில் வந்து பெற்றுச் சென்றனர். மணவிழாவிற்கு பெரியார் மருந்தியல் கல்லூரி தாளாளர் மற்றும் பேராசிரியர்கள் கலந்துகொண்டனர்.
- அய்யாவின் அடிச்சுவட்டில் கட்டுரையின் ஒரு பகுதி
- உண்மை இதழ், 16-28.2.22
