60 ஆயிரம் ‘விடுதலை' சந்தா களத்தில் கருஞ்சட்டை களப்பணித் தோழர்கள்! - தென்சென்னை களப்பணி

  August 29, 2022 • Viduthalai

சென்னை மண்டல இளைஞரணி அமைப்பாளர் மு. சண்முகபிரியன், தென்சென்னை இளைஞரணி செயலாளர் ந. மணிதுரை ஆகியோர் வி.ஜி.பி. நிறுவனத்தின் தலைவர் வி.ஜி.சந்தோசம் அவர்களை நேரில் சந்தித்து 60000 விடுதலை சந்தாக்கள் வசூலிப்பதை விவரமாக எடுத்துரைத்தனர். விடுதலை சந்தா அவசியம் நான் கொடுக்க வேண்டும் என தெரிவித்து விடுதலை சந்தா தொகை ரூ.25,000 வழங்கினார். இயக்க நூல்களை வழங்கி நன்றி தெரிவித்தனர்.

குழந்தைகள் நல மருத்துவர் திட்டக்குடி செந்தில்குமார் தமிழர் தலைவரை சந்தித்து 3 விடுதலை சந்தாக்களுக்கான தொகை ரூ.6000அய் வழங்கினார். தமிழ்நாடு முற்போக்கு வழக்குரைஞர் சங்க பொதுச்செயலாளர் மார்க்ஸ் ரவீந்திரன் மற்றும் தாயுமானவர் ஆகியோர் தமிழர் தலைவரை சந்தித்து 1 விடுதலை சந்தா வழங்கினர். வழக்குரைஞர்கள் தோழர் துரை அருண், தோழர் தளபதி பாண்டியன் ஆகியோர் 3 விடுதலை சந்தாக்கள் வழங்கினர். (27-08-2022, பெரியார் திடல்) திருப்பூர் அரசு வழக்குரைஞர் அ.வே.விவேகானந்தன் கழகப் பொதுச்செயலாளர் இரா.ஜெயக்குமார், மாவட்ட செயலாளர் யாழ். ஆறுச்சாமி, தாராபுரம் மாவட்ட துணைத்தலைவர் முத்து.முருகேசன், மைனர் ஆகியோரிடம் விடுதலை சந்தா வழங்கினார் (29-08-2022) 

கா.புதூர் லாரி உரிமையாளர் அ.அப்பர் அரையாண்டு சந்தா மற்றும் தஞ்சாவூர் மத்திய கூட்டுறவு வங்கி செயலாளர் தனசேகர் ஓர் ஆண்டு விடுதலை சந்தாக்களை தஞ்சை தெற்கு ஒன்றிய செயலாளர் நெல்லுப்பட்டு இராமலிங்கத்திடம் வழங்கினர். மருத்துவர் இளமதி ராதா, தென் சென்னை மாவட்ட திராவிடர் கழகத் தலைவர் இரா.வில்வநாதன் மற்றும் செயலாளர் செ.ர. பார்த்தசாரதி ஆகியோரிடம் 'விடுதலை' நாளேட்டிற்கு இரண்டு ஆண்டு சந்தாக்களை வழங்கினார் (26.08.2022). கொ.இரமேஷ் (திமுக) ஓராண்டு  விடுதலை சந்தா தொகை ரூ.2000த்தை மா.செல்லதுரை இளைஞரணி மாநில துணை செயலாளர், மா.முனியப்பன் கர்நாடக மாநில மாணவர் கழக தலைவர் ஆகியோரிடம் வழங்கினார்.

கன்னியாகுமரிக்கு வருகை தந்த கழக மாநில அமைப்பாளர் உரத்தநாடு இரா.  குணசேகரனிடம் விடுதலை நாளிதழுக்கான சந்தா தொகை ரூ.13000அய் குமரிமாவட்ட தலைவர் மா.மு.சுப்பிரமணியம் மாவட்ட செயலாளர் கோ.வெற்றி வேந்தன், துணைத் தலைவர் ச.நல்ல பெருமாள் ஆகியோர் வழங்கினர். திருவள்ளூர் மாவட்டம், வெங்கத்தூர் கிராமத்தைச் சார்ந்த, சென்னை உயர்நீதி மன்ற வழக்குரைஞர் ஆர்.சசிக்குமார் ஓராண்டு விடுதலை சந்தாவினை கழக மாவட்ட துணை செயலாளர் இரா.ஸ்டாலினிடம் வழங்கினார். இலால்குடி மாவட்ட செயலாளர் அங்கமுத்து, மண்டல இளைஞரணி செயலாளர் வீ.அன்புராஜா, மாவட்ட பகுத்தறிவு ஆசிரியரணி தலைவர் சண்முகம், மண்ணச்சநல்லூர் நகரத் தலைவர் முத்துசாமி, மண்ணச்சநல்லூர் நகர செயலாளர் பாலசந்திரன், இலால்குடி ஒன்றிய செயலாளர் பிச்சைமணி, மாவட்ட இளைஞரணி துணைச் செயலாளர் பெருவளப்பூர் வீரமணி ஆகியோர் விடுதலை சந்தா ரூ 33, 200அய் கழகப் பொதுச் செயலாளர் இரா.ஜெயக்குமாரிடம் வழங்கினர்.

இலால்குடி மாவட்டச் செயலாளர் அங்கமுத்து, மண்டல இளைஞரணி செயலாளர் வீ.அன்புராஜா ஆகியோர் விடுதலை சந்தாவை கழகப் பொதுச் செயலாளர் இரா.ஜெயக்குமாரிடம் வழங்கினர். கரூர் மாவட்டத் தலைவர் ப.குமாரசாமி, மாவட்ட செயலாளர் ம.காளிமுத்து, பொதுக்குழு உறுப்பினர் உ.வைரன், நகர செயலாளர் க.நா.சதாசிவம், மாவட்ட இளைஞரணி அமைப்பாளர் எஸ். குமார், மாவட்ட இளைஞரணி துணைச் செயலாளர் நைஸ் சபாபதி, மாணவர் கழக தமிழ்செல்வன் ஆகியோர் விடுதலை சந்தா ரூ 15,950அய் கழகப் பொதுச் செயலாளர் இரா.ஜெயக்குமாரிடம் வழங்கினார்கள் (28.8.2022). தமிழ்நாடு ஆதிதிராவிடர் மற்றும் பழங்குடியினர் ‌நல ஆணைய உறுப்பினர் வழக்குரைஞர் பொ.இளஞ்செழியன், மாவட்டச் செயலாளர் இரா.வேல்முருகனிடம் விடுதலை சந்தா வழங்கினார். உடன்: திராவிட இயக்கத் தமிழர் பேரவை பொறுப்பாளர் பேராசிரியர் பாபு.

தாராபுரம் மாவட்ட த் தலைவர் கணியூர் கிருஷ்ணன், பொதுக்குழு உறுப்பினர் வழக்குரைஞர் சக்திவேல், மண்டல இளைஞரணி செயலாளர் முனீஸ்வரன், மாரியப்பன், மாரிமுத்து, சித்திக் ஆகியோர் சந்தா ரூ.4,650அய் கழகப் பொதுச் செயலாளர் இரா.ஜெயக்குமாரிடம் வழங்கினார் (28-08-2022). பகுத்தறிவு கலைத்துறை மாநில செயலாளர் மாரி கருணாநிதியிடம் மோளையானூர் ஊராட்சி மன்ற தலைவர் துரை பாண்டியன் மற்றும் வெங்கட சமுத்திரம் ஊராட்சி மன்ற தலைவர் மலர் மாரப்பன் ஓராண்டு சந்தாக்களை வழங்கினார். தென் சென்னை மாவட்ட திராவிடர் கழக காப்பாளர் எம்.பி.பாலு அவர்களை உடல் நலன் விசாரிக்க சென்றபோது மாவட்ட செயலாளர் செ.ர. பார்த்தசாரதி மற்றும் துணைச் செயலாளர் கோ.வீ. ராகவன் ஆகியோரிடம் விடுதலை நாளேட்டிற்கு ஓராண்டு சந்தா மற்றும் அரையாண்டு சந்தா ஒன்றும் வழங்கினார். (25.08.22).

விடுதலை' சந்தா - அமைச்சர் க. பொன்முடி

  August 11, 2022 • Viduthalai

 தி.மு.க. துணைப் பொதுச் செயலாளரும், தமிழ்நாடு உயர்கல்வித் துறை அமைச்சருமான பேராசிரியர் முனைவர் க.பொன்முடி ‘விடுதலை' சந்தாவாக ரூபாய் ஒரு லட்சம் - கழகத் துணைத் தலைவர் கவிஞர் கலி.பூங்குன்றனிடம் அளித்தார். (9.8.2022) அருகில் கழக அமைப்புச் செயலாளர் வி.பன்னீர்செல்வம். இதையும் சேர்த்து கலி.பூங்குன்றன் மூலம் வரவு ரூ.3 லட்சம்.

விடுதலை வளர்ச்சி நிதி - சா.தாமோதரன்-மு.வெண்மதி சுயமரியாதைத் சீர்திருத்த வாழ்விணை யேற்பு நாளை முன்னிட்டு

  August 20, 2022 • Viduthalai

அறிவுவழி காணொலி இயக்கம் 2ஆம் ஆண்டு நிறைவு விழா (20.8.2022)-மூன்றாம் ஆண்டு துவக்க விழா மற்றும் அரும்பாக்கம் சா.தாமோதரன்-மு.வெண்மதி சுயமரியாதைத் சீர்திருத்த வாழ்விணை யேற்பு நாளை (21.8.2022) முன்னிட்டு கழகத் துணைத் தலைவர் கவிஞர் கலி.பூங்குன்றனிடம்  விடுதலை வளர்ச்சி நிதியாக ரூ.500 வழங்கினர்.

அரும்பாக்கத்தில் பெரியார் 1000

 பெரியார் 1000

  August 21, 2022 • Viduthalai

அரும்பாக்கத்தில் பெரியார் 1000

சென்னை, ஆக. 21- 18.08.2022 மதியம் 2.30 மணியளவில், அரும்பாக்கம் நேஷனல் ஸ்டார் மெட்ரிகுலேஷன் பள்ளியில்,  தென்சென்னை மாவட்ட பகுத்தறிவாளர் கழகத்தின் சார்பில் பெரியார் 1000  வினா-விடை போட்டித்தேர்வு நடைபெற்றது. இந்நிகழ்வை,  மாநில மாணவர் கழக செயலாளர் பிரின்சு என்னாரெசு பெரியார் தொடங்கி வைத்தார்.  

மாநில பகுத்தறிவாளர் கழக பொதுச்செயலாளர் ஆ. வெங்கடே சன், தென்சென்னை மாவட்ட பகுத்தறிவாளர்  கழகத் தலைவர் மு. இரா. மாணிக்கம்,  திராவிடர் கழக தென் சென்னை  மாவட்ட தலைவர் இரா.வில்வநாதன், மாவட் டச் செயலாளர்  செ.ர. பார்த்த சாரதி,  மாவட்டத் துணைச் செய லாளர் அரும்பாக்கம் சா. தாமோ தரன், ஆவடி மாவட்ட துணைச் செயலாளர் தமிழ்செல்வம்,  தாம் பரம் மாவட்ட துணை செயலாளர் குணசேகரன், க.கலைமணி மற்றும் தோழர் படப்பை சந்திரசேகர் அனைவருடைய ஒத்துழைப்புடன், நிகழ்ச்சி சிறப்பாக நடைபெற்றது. மாணவர்கள் அனைவரும் ஆர்வ மாக தேர்வில் பங்கேற்றனர். தேர்வில் கலந்து கொண்ட மாணவ-மாணவிகளுக்கும், பள்ளி சார்பாக தேர்வு நடத்த உதவிய ஆசிரியர்க ளுக்கும், பள்ளி தாளாளருக்கும், மாவட்ட பகுத்தறிவாளர் கழகத் தின் சார்பில் சிறப்பு செய்யப்பட் டது. நிகழ்ச்சி அரும்பாக்கம்  

சா. தாமோதரன் ஒருங்கிணைத்தார்.

 

தமிழர் தலைவரிடம் விடுதலை சந்தா

  August 21, 2022 • Viduthalai

வழக்குரைஞர் சித்தார்த்தன், தமிழர் தலைவர் ஆசிரியர் கி.வீரமணி அவர்களை சந்தித்து விடுதலை சந்தா ரூ.50,000 வழங்கினார்.  பெரியார் நூலக வாசகர் வட்டம் சார்பாக வழக்குரைஞர் ஆ.வீரமர்த்தினி, தமிழர் தலைவர் ஆசிரியர் கி.வீரமணி அவர்களை சந்தித்து 2 ஆண்டு விடுதலை சந்தா ரூ.4000 வழங்கினார். உடன்: வழக்குரைஞர் பா.மணியம்மை. (19-08-2022, பெரியார் திடல்)

பெரியார் பெருந்தொண்டர் சி. ஏழுமலை சந்தா அளிப்பு

40 நாள்களில் 60ஆயிரம் ‘விடுதலை’ களத்தில் கருஞ்சட்டை களப்பணித் தோழர்கள்!

  August 18, 2022 • Viduthalai

13.08.2022 அன்று மாலை தி.மு.க. மாநிலங்களவை உறுப்பினர் பி.வில்சன் கழகத் துணைத் தலைவர் கவிஞர் கலி.பூங்குன்றன், தென் சென்னை மாவட்ட தலைவர் இரா.வில்வநாதன் மற்றும் மாவட்ட செயலாளர் செ.ர. பார்த்தசாரதி ஆகியோரிடம் விடுதலை நாளேட்டிற்கு 25 ஆண்டு சந்தா (ரூ.50,000) காசோலை வழங்கினார். 13.08.2022 அன்று 91 வயது பெரியார் பெருந்தொண்டர் தியாகராயர் நகர் சி.ஏழுமலை அவர்களை திராவிடர் கழக தென்சென்னை மாவட்ட தலைவர் இரா.வில்வநாதன் மற்றும் செயலாளர் செ.ர.பார்த்தசாரதி ஆகியோர் அவரது இல்லத்திற்கு சென்று சந்தித்து நலம் விசாரித்தனர். அப்பொழுது விடுதலை நாளேட்டிற்கு அரையாண்டு சந்தா வழங்கினார்.

ஆத்தூர், சென்னையில் நடைபெற்ற கலந்துரையாடலில் தமிழர் தலைவரிடம் விடுதலை சந்தாக்கள் வழங்கப்பட்டன

  August 16, 2022 • Viduthalai

ஆத்தூர்  மாவட்டம் சார்பில் விடுதலை சந்தாக்கள் வழங்கப்பட்டன

சேலம்-கள்ளக்குறிச்சி  மாவட்டங்கள் சார்பில் விடுதலை சந்தாக்கள் வழங்கப்பட்டன

மேட்டூர்  மாவட்டம் சார்பில் விடுதலை சந்தாக்கள் வழங்கப்பட்டன

அறிவுவழி வாசகர் வட்டம் சார்பில்  விடுதலை சந்தா வழங்கினர்  சென்னை முனைவர் ஜானகி விடுதலை சந்தா வழங்கினார்

ஆத்தூர் கலந்துரையாடல் கூட்டம் (14.8.2022) 

1. கா.நா. பாலு ரூ.8,000

2. அ.ச. இளவழகன் (காசோலை) ரூ.20,000 

3. அ.இ. தமிழர் தலைவர் ரூ.1,250

4. வீரமணி ராஜு, சேலம் ரூ.20,000

5. அரங்க. இளவரசன் (காசோலை) ரூ.2000

6. பா. வைரம், சேலம் (காசோலை) ரூ.10,000

7. ஆத்தூர் சுரேசு ரூ.10,000

8. பழனி. புள்ளையண்ணன் ரூ.18,000

9. மேட்டூர் கிருட்டினமூர்த்தி ரூ.4,000

10. ப.க. மேட்டூர் ரூ.6,000

11. ஆத்தூர் செல்வம் ரூ.2000

12. நீ. சேகர் ஆத்தூர் ரூ.4,000

13. வாழப்பாடி கூத்தன் ரூ.4,000

14. கள்ளக்குறிச்சி மாவட்டம் ரூ.29,700

சென்னை கலந்துரையாடல் கூட்டம் (15.8.2022) 

1. சிவ சுப்பரமணியன் (காஞ்சிபுரம்) ரூ.2,000

2. பகுத்தறிவாளர் கழகம் ரூ.2,000

   (காசோலை 2000+14000+2000)

3. ஆவடி கழக மாவட்டம் ரூ. 47,000

  (காசோலை 9.950)

4. வெற்றிச்செல்வி கலிபூங்குன்றன் ரூ. 10,000

5. இன்பக்கனி, மகளிரணி, வடசென்னை ரூ. 10,000

6. வடசென்னை மாவட்டம் ரூ. 33,000

7. தென்சென்னை (காசோலை 50,000) ரூ. 27,100

8. அறிவுவழி காணொலி இயக்கம்,தென்சென்னை ரூ. 20,000

9. வடசென்னை, புரசை அன்புச்செல்வன் ரூ. 2,000

      (காசோலை 2000)

10. தென்மாறன், சூளை ரூ. 1,000

11. ஜனார்த்தனன், செங்கல்பட்டு ரூ.2,000

12. கும்மிடிப்பூண்டி, பொன்னேரி ரூ. 44,000

13. சோழிங்கநல்லூர் (காசோலை 12,000) ரூ. 14,000      

14. தாம்பரம் மாவட்டம் (காசோலை 40,000) ரூ. 20,000

15. கோ.நாத்திகன், தாம்பரம் ரூ. 12,000

16 பெரம்பிரான், திருவண்ணாமலை  ரூ.4,000

17. ராணிப்பேட்டை ரூ. 7,000

   (காசோலை 50,000)

18. காஞ்சிபுரம் மாவட்டம் (காசோலை 2,000) ரூ. 1,16,160

19. செங்கல்பட்டு கழக மாவட்டம் ரூ. 40,100

20. வஜ்ரவேல் (விடுதலை வளர்ச்சி), ஆவடி ரூ. 500

21. கவிஞர் கலி.பூங்குன்றன் (விடுதலை வளர்ச்சி) ரூ. 500

22. நெய்வேலி ஞானசேகரன்            ரூ. 10,000

சென்னை-காஞ்சி மண்டல கழகக் கூட்டத்தில் தமிழர் தலைவர் ஆசிரியர் உரை

   August 16, 2022 • Viduthalai

ஏவுகணையைவிட சக்தி வாய்ந்த ‘விடுதலை’ ஏட்டை நமக்குக் கொடுத்துச் சென்றுள்ளார் தந்தை பெரியார்!

பாதிக்கப்பட்டோர் எங்களுக்கான செய்திகள் ‘விடுதலை’யில் வந்தால் எங்களுக்குப் பலன் கிட்டும் என்பார்கள்!

''60 ஆயிரம் சந்தாக்களைக் கொடுப்போம்'' என்ற உறுதியோடு வாய்ப்புகளை உருவாக்குங்கள் தோழர்களே!

சென்னை, ஆக.16  பாதிக்கப்பட்ட மக்களுக்காகக் குரல் கொடுக்கும் ஏடு - ஏவுகணையை விட சக்தி வாய்ந்த ஏடு ‘விடுதலை’ - 60 ஆயிரம் சந்தாக்களைச் சேர்க்க ஆயத்த மாகுங்கள் என்று வேண்டுகோள் விடுத்துள்ளார் திரா விடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

பெரியார் திடலில் நடைபெற்ற  சென்னை - காஞ்சி  மண்டல கலந்துரையாடல்

நேற்று (15.8.2022) அன்று காலை 60 ஆயிரம் ‘விடுதலை' சந்தா திரட்டுவது குறித்து சென்னை பெரியார் திடலில் உள்ள அன்னை மணியம்மையார் அரங்கத்தில் நடைபெற்ற சென்னை- காஞ்சி  மண்டல திராவிடர் கழக கலந்துரையாடலில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் சிறப்புரையாற்றினார்.

அவரது சிறப்புரை வருமாறு:

ஒவ்வொரு மணியும் - 

மணித்துளியும் நமக்கு முக்கியம்!

சென்னை - காஞ்சி  மண்டல திராவிடர் கழக கலந்துரையாடல் கூட்ட நிகழ்ச்சியில், ‘விடுதலை' சந்தா சேர்ப்பு - 60 ஆயிரம் சந்தாக்கள் என்பதை மய்யப்படுத்தி இங்கே சிறப்பாகக் கருத்துகளை எடுத்து வைத்து, செயலூக்கிகளாக நம்முடைய தோழர்கள் - நாட்கள் வெகுகுறைவாக இருக்கின்ற காரணத்தினால், ஒவ்வொரு மணியும், மணித்துளியும் நமக்கு முக்கியம் என்ற அளவில், செயல்படவேண்டிய இந்த அவசியத்தை வலியுறுத்தி இங்கு உரையாற்றிய கழகத் துணைத் தலைவர் மானமிகு கவிஞர் கலி.பூங்குன்றன்  அவர்களே,

கழகப் பொதுச்செயலாளர் இரா.ஜெயக்குமார் அவர் களே, கழகப் பொதுச்செயலாளர் வீ.அன்புராஜ் அவர் களே, கழகப் பொருளாளர் வீ.குமரேசன் அவர்களே,

மாநில அமைப்பாளர் இரா.குணசேகரன் அவர்களே, துணைப் பொதுச்செயலாளர் பொறியாளர் இன்பக்கனி அவர்களே, அமைப்புச் செயலாளர்கள் வி.பன்னீர் செல்வம் அவர்களே, ஊமை.ஜெயராமன் அவர்களே, மாநில மகளிரணி செயலாளர் தகடூர் தமிழ்ச்செல்வி அவர்களே, மாநில மகளிர் பாசறை செயலாளர் வழக் குரைஞர் பா.மணியம்மை அவர்களே, அமைப்பாளர் வழக்குரைஞர் மதிவதனி அவர்களே,

பகுத்தறிவாளர் கழக மாநிலத் தலைவர் தமிழ்ச் செல்வன் அவர்களே, சென்னை மண்டல தலைவர் தோழர் இரத்தினசாமி அவர்களே, செயலாளர் கோபால் அவர்களே, காஞ்சி மண்டல தலைவர் தோழர் எல்லப்பன் அவர்களே, காஞ்சி மண்டல செயலாளர் காஞ்சி கதிரவன் அவர்களே, வடசென்னை மாவட்டத் தலைவர் மோகன் அவர்களே, செயலாளர் கணேசன் அவர்களே, தென்சென்னை மாவட்டத் தலைவர் இரா.வில்வநாதன் அவர்களே, செயலாளர் பார்த்தசாரதி அவர்களே, திருவள்ளூர் மாவட்டத் தலைவர் கிருஷ்ண மூர்த்தி அவர்களே, செயலாளர் அறிவுச்செல்வன் அவர் களே, தாம்பரம் மாவட்டத் தலைவர் தோழர் முத்தையன் அவர்களே, செயலாளர் நாத்திகன் அவர்களே,

ஆவடி மாவட்ட செயலாளர் தோழர் இளவரசன் அவர்களே, செங்கல்பட்டு மாவட்ட தலைவர் தோழர் சுந்தரம் அவர்களே, காஞ்சிபுரம் மாவட்டத் தலைவர் தோழர் அசோகன் அவர்களே, இந்நிகழ்வில் கலந்து கொண்டு சிறப்பாகப் பங்களிப்பை செய்துகொண்டிருக்கக் கூடிய ராணிப்பேட்டை மாவட்டத் தலைவர் தோழர் லோகநாதன் அவர்களே,

சோழங்கநல்லூர் மாவட்ட அமைப்பாளர் குழ.செல்வராசு அவர்களே, மாவட்டத் துணை செயலாளர் தோழர் பாண்டு அவர்களே, பொன்னேரி நகர தலைவர் தோழர் அருண் அவர்களே, பெரியார் நூலக வாசகர் வட்டத்தலைவர் வழக்குரைஞர் வீரமர்த்தினி அவர் களே, மாநில இளைஞரணி துணை செயலாளர் சுரேஷ் அவர்களே, தோழர்களே உங்கள் அனைவருக்கும் என்னுடைய அன்பான வணக்கத்தினைத் தெரிவித்துக் கொள்கிறேன்.

எல்லா செய்திகளையும் சொல்லி, நம்முடைய துணைத் தலைவர் அவர்கள் சொன்னதுபோன்று அதிகம் பேசவேண்டிய தேவையில்லை.

ஏனென்றால், நீங்கள் மற்றவர்களுக்கு எடுத்துச் சொல்லக்கூடியவர்கள்.

கடுமையான உழைப்பு இருந்தாலொழிய, 

நாம் வெற்றியடைய முடியாது!

நாட்கள் வெகு குறைவாக உள்ளன; அதற்குள் நம் இலக்கை முடித்துவிட முடியுமா? என்று சொன்னால், கடுமையான உழைப்பு இருந்தாலொழிய, நாம் வெற்றியடைய முடியாது.

இதுதான் எதார்த்தம் - இதுதான் உண்மை நிலை.

ஆகவே இங்கே உரையாற்றிய தோழர்கள் இலக்கை முடித்துவிடுவோம் என்று சொன்னீர்கள்;

அது உற்சாகமான, நம்பிக்கையூட்டக் கூடிய செய்தி யாகும்.

அடுத்து, தெம்பூட்டக்கூடிய ஒரு செய்தியை இங்கே பேசிய தோழர்கள் அத்துணை பேரும் எடுத்துச் சொன்னார்கள்.

அது என்னவென்றால்,

இதுவரையில் நாம் தமிழ்நாடு முழுவதும் ‘விடுதலை’ சந்தா திரட்டியிருக்கின்ற அளவில், எல்லா மாவட்டக் கலந்துரையாடல்களை முடித்துவிட்டுத்தான் இங்கே வந்திருக்கிறேன். அடுத்ததாக கடலூர், புதுச்சேரி கலந் துரையாடல் மட்டும்தான் இருக்கிறது.

ஆகவே, இங்கே தோழர்கள் சொன்ன கருத்திலே ஒரு பொதுவான கருத்து என்னவென்று சொன்னால்,

‘‘நாங்கள் ‘விடுதலை' சந்தா கேட்டு சென்றபொழுது, எதற்காக சந்தா கொடுக்கவேண்டும்? என்று யாரும் மறுப்பே சொல்லவில்லை. மகிழ்ச்சியாக ஒப்புக்கொண்டு கொடுத்திருக்கிறார்கள்’’ என்று குறிப்பிட்டார்கள்.

இது முதல் வெற்றி நமக்கு!  இதைவிட பெரிய முதலீடு வேறு இருக்க முடியாது.

பொதுமக்களின் விவாதமும் - 

தோழர்களின் விளக்கமும்!

கழகத் தோழர்கள் நன்கொடை வாங்கச் செல்லும் பொழுது, ஒரு விவாதம்கூட நடந்திருக்கிறது. 

பெரியாரிடம் இல்லாத பணமா?

உங்கள் இயக்கத்தில் இல்லாத சொத்தா?

அதையே நீங்கள் செலவழிக்கலாமே? என்று கேட்க,

நம்முடைய ஆட்களுக்கு இதுதான் வாய்ப்பு என்று நினைத்து, ‘‘ஏங்க, வெங்கடாசலபதிக்கிட்ட இல்லாத பணமா? ஏன் மறுபடியும், மறுபடியும் உண்டியலில் பணம் போடுகிறார்கள்?''

நாங்கள் என்னென்ன காரியங்கள் செய்கிறோம் தெரியுமா?

எவ்வளவு பெரிய உற்சாகமான பணிகள் நடை பெறுகின்றன. குழந்தைகள் இல்லத்திலிருந்து, பள்ளிக் கூடங்கள், கல்லூரிகள், பல்கலைக் கழகங்கள் வரை இருக்கிறது’’ என்று ஒரு விளம்பரம் போன்று, விவாதத் தைத் தொடங்கியவுடன், அந்த விவாதத்தின்மூலமாக பிரச்சாரம் போன்று அந்த நிகழ்வு அமைந்துவிடுகிறது.

மறுப்பேதும் சொல்லாமல், சந்தா கொடுக்கிறோம் என்று சொல்கிறார்கள்

நன்கொடை திரட்டச் சென்றபொழுது, கேள்வி கேட் டார்கள்; ஆனால், ‘விடுதலை' சந்தா கேட்டுச் சென்ற பொழுது, மறுப்பேதும் சொல்லாமல், கொடுக்கிறோம் என்று சொல்கிறார்கள்.

அப்படியென்றால், முதல் வெற்றி நமக்கு - அது ஒரு அடித்தளம்.

இங்கே நண்பர்கள் சுட்டிக்காட்டினார்கள், பொதுச் செயலாளர் சுட்டிக்காட்டினார்.

‘விடுதலை' நாளிதழின் 50 ஆண்டுகால ஆசிரியர் என்ற ஒரு வாய்ப்பாக வைத்து, அதை ஒரு குறியீடாக வைத்து, கடந்த 10 ஆண்டுகளுக்கு முன்பு, கமிட்டி போட்டு, 50 ஆயிரம் விடுதலை சந்தாக்களைத் திரட்டவேண்டும் என்ற முடிவெடுத்து, அந்த முயற்சியில் வெகுவேகமாக அன்றைக்கு ஈடுபட்டு, சொன்னதற்கு மேல், கொஞ்சம் கூடுதலாகவே செய்தீர்கள் என்ற புள்ளி விவரத்தினை சொன்னார்கள்.

நம் இயக்கத்திற்கு செல்வாக்கு 

பெருகியிருக்கிறதா? குறைந்திருக்கிறதா?

இது எப்பொழுது கடந்த 10 ஆண்டுகளுக்கு முன்பு.

தோழர்கள் நம்பிக்கையோடு இறங்குவதற்கு உதாரணமாக - இப்பொழுது நான் உங்களை அன்போடு கேட்டுக்கொள்வது என்னவென்றால்,

10 ஆண்டுகளுக்கு முன்பு இருந்ததைவிட, நம் இயக் கத்திற்கு செல்வாக்கு பெருகியிருக்கிறதா? குறைந் திருக்கிறதா?

(கழகத் தோழர்கள் அனைவரும் பெருகியிருக்கிறது என்று குரல் கொடுத்தனர்).

நமக்கு ஆதரவு, நம்முடைய தேவைகளை உணர்ந்த மக்கள், முன்பு இருந்ததைவிட இப்பொழுது இருக் கிறார்களா? இல்லையா?

(இருக்கிறார்கள் என்று கழகத் தோழர்கள் குரல் கொடுத்தனர்).

கவிஞர் அவர்கள் இங்கே உரையாற்றும்பொழுது சொன்னதுபோன்று, இன்றைய காலகட்டத்தில் தி.மு.க. ஆட்சி, பாராளுமன்றத்திலிருந்து பஞ்சாயத்து வரையில் உறுப்பினர்களாக இருக்கிறார்கள் - கொள்கையாளர் களாக இருக்கிறார்களே - இந்த வாய்ப்பு இதற்கு முன்பு எப்பொழுதுதாவது இருந்திருக்கிறதா?

அதாவது கடந்த 10 ஆண்டுகளுக்கு முன்பு - 50 ஆயிரம் சந்தா திரட்டும்பொழுது, சுமூகமான வாய்ப்பு - ஒரு சூழல் இருந்ததா?

இல்லை.

இப்பொழுது கிடைத்திருப்பது அரிய வாய்ப்புதானே?

இப்பொழுது முடியவில்லை என்றால், 

வேறு எப்பொழுது முடியும்?

இப்பொழுது செய்ய முடியவில்லை என்றால், வேறு எப்பொழுது முடிக்க முடியும்?

இதற்கான பதிலை உங்களுடைய செயல்மூலம் எதிர்பார்க்கிறேன்.

இப்பொழுது செய்யவில்லை என்றால், எப்பொழுதும் செய்ய முடியாது.

நாம் பேசவேண்டிய அவசியமே இல்லை.

இங்கே உரையாற்றிய ஊமை.ஜெயராமன் சொன் னார் -

தோழர்களுக்கு அந்தப் ஃபார்மூலாவை ஒவ்வொரு கமிட்டியிலும் சொல்லியிருக்கிறேன்.

கூச்சம், வெட்கத்தைவிட்டு களத்தில் இறங்க வேண்டும்.

இறங்கினால் என்னாகும்? இறங்கினால் நம்மால் செய்ய முடியுமா? என்று இறங்காமலேயே சொல்லிக் கொண்டிருந்தவரின் கதை போன்று அல்லாமல், நாம் களத்தில் இறங்கவேண்டும்.

நாம் வெற்றி பெற்றே தீருவோம் என்ற உணர்ச்சியோடு!

60 ஆயிரம் சந்தாவா? என்று நினைக்கவேண்டிய அவசியமே இல்லை.

அப்படி நினைத்தால், அவர்கள் போர்க் குணத்தை இழக்கிறார்கள் என்று அர்த்தம்.

துப்பாக்கியைப் பிடிக்கின்ற போர் வீரன், எதை நினைத்துத் துப்பாக்கியைப் பிடிக்கிறான்?

நாம் வெற்றி பெற்றே தீருவோம் என்ற உணர்ச்சி யோடுதான்.  அதேபோன்று இலக்கை அடைந்தே தீருவோம் - நம்மால் முடியும் என்று செயலில் இறங்க வேண்டும்.

இங்கே நம்முடைய அசோகன் அவர்கள் சொன்னதுபோன்று, 

‘‘நம்மால் முடியாதது வேறு யாராலும் முடியாது -

வேறு யாராலும் முடியாதது நம்மால் மட்டுமே முடியும்'' என்பதற்கு அடையாளம்  - வேறு எங்கேயும் போகவேண்டாம் -

88 ஆண்டுகாலம் எதிர்ப்பிலே 

நடத்தப்படுகின்ற நாளேடு!

88 ஆண்டுகாலம் இவ்வளவு எதிர்ப்பிலே ஒரு நாளேடு நடத்தப்படுகிறதே, இதுபோன்று வேறு இடத்தில் உண்டா?

ஒரு கொள்கை ஏடு -

கவர்ச்சியில்லாத ஏடு -

மக்கள் எதை விரும்புகிறார்களோ, அதைத் தராத ஏடு -

மக்கள் பின் சென்று, நாம் விடுதலையைக் கொடுப்பது இல்லை. நமக்குப் பின்னால் வர வேண்டும் என்பதற்காகத்தான் ‘விடுதலை' பேராயு தமாக, போராயுதமாகப் பயன்படுத்துகிறோம்.

ஆகவே, இப்பொழுது இறங்கி வேலை செய்யவேண்டும் என்பதுதான் மிகவும் முக்கியம்.

ஒவ்வொருவரும் நம்மால் முடியும் என்று உள்ளூரில் இறங்கவேண்டும்.

ஒருவர் 10 சந்தா என்றால், 6 ஆயிரம் பேர் களத்தில் இறங்கவேண்டும். 10 சந்தாவிற்கு என்ன வழிமுறை என்று இங்கே ஊமை.ஜெயராமன் சொன்னாரே!

ஒன்று உங்களுக்கு -

மூன்று சந்தா - உறவினர்களுக்கு

அடுத்த மூன்று சந்தா - நண்பர்களுக்கு

மற்ற மூன்று - பொதுவான அமைப்புகளுக்கு.

இப்படி ஒரு அணுகுமுறையை நாம் அமைத்துக் கொண்டால்,  ஒரு 10 பேர்கூட செல்வாக்குள்ளவர்கள் நமக்கு இல்லை என்று சொல்ல முடியுமா? உறவி னர்கள் இல்லை என்று யாராவது சொல்ல முடி யுமா? நாம் வரதட்சணை வாங்குபவர்களா? மொய் எழுதுங்கள் என்று கேட்பவர்களா? இல்லையே!

தடுப்பூசி போட்டுக் கொள்ளுங்கள், முகக்கவசம் அணிந்துகெள்ளுங்கள் என்று சொல்வது நமக்காகவா?

நாம் கருத்தைப் பரப்புவதற்காகக் கேட்கிறோம்.

எப்படி தடுப்பூசிக்கு முகாம் நடத்துகிறார்களோ - 

முகக்கவசம் எல்லோரும் போடவேண்டும் என்று சொல்கிறார்களோ -

ஏனென்றால், கரோனா தொற்றிலிருந்து இன்று குரங்கம்மை வரைக்கும் வந்துவிட்டாயிற்று.

இவ்வளவு பெரிய ஆபத்துகள் இருக்கிறது - தடுப்பூசி போட்டுக் கொள்ளுங்கள், முகக்கவசம் அணிந்து கொள்ளுங்கள் என்று யாருக்காகச் சொல்கிறோம் - மக்களுக்காகச் சொல்கிறோம் - சமுதாயத்திற்காகச் சொல்கிறோம்.

கவிஞர் இங்கே சொன்னார் -

நிறைய பத்திரிகை அடிக்க அடிக்க நமக்கு நட்டம் அதிகமாகும். உங்களில் நிறைய பேருக்குத் தெரியாது - காகித விலை அதிகமாகிவிட்டது. 

நிறைய பத்திரிகை போகும் மற்ற பத்திரிகைகளுக்கு எப்படி இலாபம் வருகிறது என்று நீங்கள் கேட்கலாம்.

விளம்பரங்கள் இல்லாமல்தான் 

‘விடுதலை’ வெளிவருகிறது!

மற்ற பத்திரிகைகளுக்கு விளம்பரம் வருகிறது - எல்லா வகையான விளம்பரங்களும் வருகிறது. ஏமாற்றுகிறவன் விளம்பரமும் வருகிறது. ஏமாந்த வர்கள் சங்கம் வைத்த விளம்பரமும் வருகிறது. ஏமாந்தவர்கள், ஏமாற்றப்பட்டவர்கள் எல்லா விளம்பரங்களும்.

நமக்கு அப்படி இல்லை. விளம்பரங்கள் இல்லாமல்தான் ‘விடுதலை’ வெளிவருகிறது.

நட்டத்தில்தான் நாம் ‘விடுதலை'யை நடத்திக் கொண்டிருக்கின்றோம். என்ன நோக்கத்திற்காக நாம் ‘விடுதலை'யை நடத்திக் கொண்டிருக்கின் றோம்?

எதற்காக 60 ஆயிரம் ‘விடுதலை' சந்தாக்களைத் திரட்டுகிறோம் என்று இங்கே சொன்னார்களே தோழர்கள்,

எனக்கு நன்றி காட்ட என்று -

என்னை பாராட்ட அல்லது உற்சாகம் ஊட்ட என்று.

நான் ‘விடுதலை’யை விட்டு 

ஓடிப்போய்விடுவேனா?

நீங்கள் 60 ஆயிரம் ‘விடுதலை' சந்தா கொடுக்க வில்லை என்றால், நான் ‘விடுதலை'யை விட்டு ஓடிப் போய்விடுவேனா?

வாழ்நாள் முழுவதும் அய்யா பணித்த பணி அது.

என்னையும், ‘விடுதலை’ விடாது -

‘விடுதலை’யையும் நான் விடமாட்டேன்.

இதை நான் பெருமைக்காகவோ, உங்களுடைய கைதட்டலுக்காகவோ, உற்சாகத்திற்காகவோ, மகிழ்ச்சிக் காகவோ சொல்லவில்லை.

தந்தை பெரியாரின் வாசகத்தைப் படியுங்கள்!

தந்தை பெரியார் அவர்கள் 1928 இல் ஒரு வாசகம் சொல்கிறார்.

‘‘எனக்கு நினைவு தெரிந்த நாள்முதல் இந்தக் கொள் கையைத்தான், இந்தப் பணியைத்தான் செய்வேன்.'' என்று சொல்லிவிட்டு,

இந்த வரிகளை எல்லோரும் சாதாரணமாக சொல்வது தான். ஆனால், அதற்கு அடுத்த வாக்கியத்தைப் படித்தால், ஒவ்வொருவருக்கும் கண்ணீர் வரும்.

‘‘எனக்கு நினைவு தப்பும் வரையில் இதுதான்.'' என்றார்.

இப்பொழுது இருக்கிற ஆபத்து போன்று, நம்முடைய நாட்டு வரலாற்றில், நம்முடைய இனத்தின் வரலாற்றில் முன் எப்பொழுதும் கிடையாது.

அதுதான் ஆர்.எஸ்.எஸ்., அதுதான் காவி. தொற்று நோய் பரவுவதுபோன்று, பரவுகிறது. வித்தை காட்டு கிறார்கள்.

பண பலம், இன பலம், பத்திரிகை பலம், கார்ப்பரேட் பலம் இப்படி எல்லாமே அவர்களுடைய கைகளில் இருக்கின்றன.

அவற்றை எதிர்ப்பது என்பது சாதாரணமானதல்ல. மற்றவர்கள் அவற்றிற்கு மண்டியிடுகிறார்கள்; மற்ற மாநிலத்தைச் சேர்ந்தவர்கள் சரணாகதி அடைகிறார்கள்; மற்ற மாநிலங்களை சாப்பிட்டு ஏப்பம் விடுவதில் முயற்சி செய்து, அதில் சில வெற்றிகளையும் பெற்றிருக்கிறார்கள்.

அவர்களுடைய வித்தை எடுபடாத ஒரே மாநிலம் - தமிழ்நாடு - பெரியார் மண்தான்!

ஆனால், அவர்களுடைய வித்தை எடுபடாத ஒரே மாநிலம் - தமிழ்நாடு. இந்த மண்தான் - பெரியார் மண் தான் - சமூகநீதி மண்தான் - திராவிட மாடல் ஆட்சி நடைபெறுகிற மண்தான்.

இது எப்படி முடிந்தது?

10 ஆண்டுகளாக நாம் வியூகம் அமைத்து, எல்லோ ரையும் சேர்த்து - அதற்கு எந்த கருவி பயன்பட்டது?

‘விடுதலை' நாளேடுதானே!

மேடைப் பேச்சின்போதுகூட, ‘விடுதலை'யின் கருத்தைத்தானே சொல்கிறார்கள்.

‘விடுதலை’யில் என்ன வருகிறதோ, 

அதைப் பார்த்துத்தான் 

நாங்கள் பல முடிவுகளை எடுப்போம்!

நேற்று பள்ளிக்கல்வித் துறை அமைச்சர், தோழர் ஆத்தூர் தங்கவேலு நூற்றாண்டு விழா நிகழ்ச்சியில் அவர் உரையாற்றும்பொழுது, ‘விடுதலை'யில் என்ன வருகிறதோ, அதைப் பார்த்துத்தான் நாங்கள் பல முடிவு களை எடுப்போம்; அவர்கள் ஏதாவது சொன்னார்கள் என்றால், அதை நாங்கள் திருத்திக் கொள்வோம்.

பள்ளிக் குழந்தைகளுக்கு காலைச் சிற்றுண்டி போடுவதில், வேறு அமைப்புகள் ஊடுருவல் என்று ‘விடுதலை'யில் அறிக்கை வெளிவந்தது. நாங்கள் சென்று நேரில் ஆராய்ந்து பார்த்ததில், அதுபோன்றுதான் இருந்தது. பிறகு நாங்கள் எங்களை சரிப்படுத்திக் கொண்டோம்; திருத்திக்கொண்டோம். ‘விடுதலை' என்ன சொல்கிறது பார்த்து, திராவிடர் கழகம் காட்டும் வழிகாட்டுதலின்படிதான் நாங்கள் செயல்படுவோம் என்று சொல்லியிருக்கிறார்.

இதுபோன்ற வாய்ப்பு ‘விடுதலை' ஏட்டைத் தவிர, வேறு எந்த ஏட்டிற்கு உண்டு?

பாதிக்கப்பட்ட அரசு ஊழியர்களுக்கோ - மற்றவர்களுக்கோ  பரிகாரம் கிடைப்பது ‘விடுதலை’யால்தான்!

‘விடுதலை' ஏடு பல இடங்களுக்குப் போகாமல் இருக்கலாம். ஆனால், பாதிக்கப்பட்ட அரசு ஊழியர்கள், மற்றவர்கள் எல்லாம்-

‘‘எங்களுடைய கோரிக்கைகள்பற்றி ‘விடுதலை' யில் செய்தி வெளிவந்தால், உடனே அரசாங்கத்தின் கவனத்திற்குப் போகும்; உடனே எங்களுக்குப் பரிகாரம் கிடைக்கும்’’  என்று சொல்கிறார்கள்.

இந்த சக்தி வேறு எந்த ஏட்டிற்காவது உண்டா? என்று நினைத்துப் பாருங்கள் தோழர்களே!

நம் பெருமைக்காக இதைச் சொல்லவில்லை. உண்மையின் அடிப்படையில் நாம் பத்திரிகை நடத்துகின்றோம்.

எந்தத் தொல்லைகள் ஏற்பட்டாலும், அதை எதிர்கொள்ளக் கூடிய அளவிலே இருக்கிறோம் - நெருக்கடிகாலம் முதற்கொண்டே!

ஏவுகணையைவிட சக்தி வாய்ந்த கருவியை நமக்குக் கொடுத்திருக்கிறார்!

பிறக்கும்பொழுதே அடக்குமுறையில்தான் பிறந்தது!

அய்யா என்ற பேராசான், ஒரு பெரிய பாசறை நடத்தி, நமக்கு ஒரு கருவியைக் கொடுத்துவிட்டுப் போயி ருக்கிறார். போர்ப் பயிற்சியையும் நமக்கு அளித்தி ருக்கிறார். அதோடு, ஏவுகணையைவிட சக்தி வாய்ந்த கருவியை நமக்குக் கொடுத்திருக்கிறார்.

அந்தக் கருவி யாராலும் பறிக்கப்பட முடியாத கருவியாகும் - ‘விடுதலை' என்ற போர்க் கருவி.

அந்த விடுதலை நாளிதழ் எல்லாவற்றையும் தாங்கியி ருக்கிறது. எதிரிகளை அதுதான் அச்சுறுத்திக் கொண்டிருக்கிறது.

காலையில்கூட தி.மு.க. எம்.பி. ஜெகத்ரட்சகன் அவர்கள் எங்கள் தெருவில் வசிப்பவர் - ஒவ்வொரு பிறந்த நாளின்போதும், அவருடைய இல்லத்திற்குச் சென்று, வாழ்த்திவிட்டு வருவேன்.  அதேபோல், இன்றும் வாழ்த்திவிட்டு வெளியே வரும்பொழுது, என்னுடைய கையைப் பிடித்து ‘வணக்கம்'ங்க என்றார். யார் என்று பார்த்தால், துக்ளக் ரமேஷ் - நாமம் போட்டுக் கொண்டிருப்பவர்.

‘‘உங்களைத் திடலில் வந்து பார்க்கிறேங்க’’ என்றார்.

‘‘என்னய்யா, எப்படி இருக்கீங்க, நல்லா இருக் கீங்களா?’’ என்று கேட்டுவிட்டு,

‘‘உங்கள் ஆசிரியர், ‘விடுதலை'யைப் பார்ப்பேன், படிப்பதில்லை என்று சொல்லியிருக்கிறார். அவ்வளவு பயப்படவேண்டாம், தாராளமாகப் படிக்கச் சொல்லுங்கள்’’ என்றேன்.

எதிரிகள் உள்ளே நுழைந்துகொண்டிருக்கிறார்கள்!

நம்முடைய ஏடு எல்லா துறைகளிலும் அதனுடைய வேலையைச் செய்கிறது.

ஆகவே, இப்பொழுது இருக்கின்ற நெருக்கடியில் எதிரிகள் உள்ளே நுழைந்துகொண்டிருக்கிறார்கள். ‘ட்ரோஜன் குதிரை' போன்று - ஏமாற்று வேலை.

இவை எல்லாவற்றையும் நாம்தான் எடுத்துச் சொல்ல முடியும்; செய்ய முடியும்.

அரசியல்வாதிகளுக்கும், மற்ற ஏடுகளுக்கும் - நமக்கும் என்ன வேறுபாடு?

‘விடுதலை’ ஏடு ஸ்கேன் மிஷின் போன்றது!

நம்முடைய  விடுதலை ஏடு ஸ்கேன் மிஷின் - உடைந்த எலும்பை உடைந்த எலும்பாகத்தான் காட்டும். எங்கே புற்றுநோய்க் கிருமி இருக்கிறதோ, அதை அப்படியே காட்டும். நமது ஏடு சமுதாயத்தினுடைய அளவுகோல் ஆகும்.

மற்றவை அப்படியில்லை - போட்டோ கிராஃபி போன்றது - ஓவியரின் ஓவியம் போன்றது.

போட்டோ கிராஃபியில் எடுத்த படத்தை, கொஞ்சம் ‘டச்‘சப் செய்து கொடுங்கள் என்று சொல்வார்கள்.

ஸ்கேன் மிஷினில் எடுக்கப்பட்ட ரிப்போர்ட்டில், கொஞ்சம் ‘டச்' பண்ணி கொடுங்கள் என்று யாராவது கேட்க முடியுமா?

அதற்கு என்ன பரிகாரமோ அதனை செய்வது; மருத்துவ உதவியை மேற்கொண்டு, சிகிச்சை அளித்து வாழ வைப்பதுதான்.

ஸ்கேன் செய்வது எதற்காக? நோயிலிருந்து காப்பாற்றி ஒருவரை வாழ வைப்பதுதானே!

அறுவை சிகிச்சை எதற்காக?

நோய்க் கிருமியை முற்றிலும் ஒழிப்பதற்குத்தானே!

ஆகவே, சமுதாய நோய்களை ஒழிக்க, இவை அத்த னையும் செய்யக்கூடிய ஏடு நம்முடைய ஏடு!

தமிழ்நாட்டை காவி மண்ணாக்கவேண்டும் என்று முயற்சி செய்கிறார்கள்!

இன்றைய காலகட்டத்தில் சமுதாய நோய்க் கிருமிகள் வேகமாகப் பரவி, தமிழ்நாட்டை எப்படியாவது குறி வைத்து, இதை காவி மண்ணாக்கவேண்டும் என்று முயற்சி செய்கிறார்கள். இதற்கு, கார்ப்பரேட் காவி கூட்டணி உள்ளது.

கடந்த 10 ஆண்டுகாலத்தில் வெற்றிடம் என்று சொன்னார்கள்; அப்படியில்லை என்பதற்கு அடையா ளமாக நாடாளுமன்றத் தேர்தலில் வெற்றி - சட்டப் பேரவை தேர்தலில் வெற்றி - ஊராட்சி மன்றத் தேர்தலில் வெற்றி பெற்றுள்ளோம்.

இதை காவிகளால் பொறுத்துக் கொள்ள முடிய வில்லை; பணத்தை வாரி இறைக்கிறார்கள்;  ரவுடித் தனத்தை கட்டவிழ்த்துவிடுகிறார்கள்; எல்லாவிதமான கீழ்த்தரமான வேலைகளிலும், வித்தைகளிலும் இறங்கியிருக்கிறார்கள்.

திராவிடர் கழகம் ஒன்றால்தான் முடியும் என்று சொல்கிறார்கள்!

ஆனால், அதை கவுண்ட்டர் பண்ணவேண்டும் என்றால், அதை சந்திக்கவேண்டும் என்றால், திராவிடர் கழகம் ஒன்றால்தான் முடியும் என்கிற கருத்து இருக்கிறதே - இதை நம்முடைய பெரு மைக்காக சொல்லவில்லை - இதைத்தான் எல்லாக் கட்சி நண்பர்களும் சொல்கிறார்கள்.

உங்களால்தான் முடியும் - நீங்கள்தான் செய்ய வேண்டும் என்று சொல்கிறார்கள்.

அவர்களுக்கு இல்லாத வீரம் நம்மிடம் இருக்கிறது என்று அர்த்தமா?

அல்லது அவர்களைவிட அறிவு நமக்கு அதிகமாக இருக்கிறது என்று அர்த்தமா?

இல்லை.

யாருக்கும் இல்லாத துணிச்சல் 

நம்மிடம் இருக்கிறது!

அவர்களுக்கு இல்லாத துணிச்சல், நம்மிடம் இருக்கிறது என்பதுதான் உண்மை.

என்ன அந்தத் துணிச்சல்?

துறவிக்கு வேம்பும், துரும்பு!

நாம் எல்லாம் துறவி போன்றவர்கள் - ‘‘பெரியார் தொண்டர்கள் துறவி போன்றவர்கள்’’ என்று அய்யா சொன்னார்.

எனவேதான், அடக்கு முறை இல்லை - நாம் இறங்கிப் பணியாற்றவேண்டும்.

60 ஆயிரம் ‘விடுதலை’ சந்தாவினுடைய அடிப்படை என்னவென்றால், எல்லாப் பகுதிகளிலும் விடுதலை பரவவேண்டும். கிராமப்புறங்களில் ‘விடுதலை’யைக் கொண்டு சேர்க்கவேண்டும் என்று இங்கே சொன்னார்கள்.

இங்கே பேசிய தோழர்கள்,  நாங்கள் முடித்துவிடுவோம், எல்லா இடங்களுக்கும் சென்று சந்தாக்களை கேட்போம் என்றெல்லாம் சொன்னீர்கள்.

ஆரியூர் கிராமப்புற மக்கள் 

113 சந்தாக்களைக் கொடுத்தனர்!

ஓர் அறிமுகமும் நம்மிடம் கிடையாது; ஒரு கல்லூரியில் பேராசிரியராக இருக்கக்கூடிய திரு மாமணி என்ற அம்மையார் அவர்கள் விழுப்புரம் பக்கத்திலுள்ள ஆரியூரைச் சேர்ந்தவர். அதற்கு முன்பு அறிமுகம் கிடையாது நமக்கு. அவருடைய தந்தையார் பேராசிரியர் ஜெகதீசன், ஓய்வு பெற்ற அரசு ஊழியர்.

அவர் ஒரு புத்தகம் எழுதி, அதை பெரியார் திடலுக்கு வந்து அந்தப் புத்தகத்தை என்னிடம் கொடுத்தார்கள்.

அன்றைக்கு வெளிவந்த ‘விடுதலை’யில் விடுதலை சந்தா திரட்டிக் கொடுங்கள்; ‘விடுதலை’ பரவவேண்டும் என்று மதுரையில் தீர்மானம் போட்டதை படித்துவிட்டு,

113 ‘விடுதலை’ சந்தாக்களை ஆரியூர் கிராமத் தைச் சேர்ந்தவர்கள் கொடுத்தார்கள்.

‘‘வீடுதோறும் விடுதலை’’ என்பதை அப்படியே நடத்திக் காட்டியிருக்கிறார்கள்.

‘‘இல்லந்தோறும் விடுதலை’’ என்ற கருத்து அப்படியே நடைமுறைப்படுத்தப்பட்டது!

இது வெறும் அழகுச் சொல் இல்லை - அலங் காரச் சொல் இல்லை - பெருமைக்கான சொல் அல்ல;

‘‘இல்லந்தோறும் விடுதலை - மக்கள்

உள்ளந்தோறும் பெரியார்’’ என்ற கருத்து அப்படியே நடைமுறைப்படுத்தப்பட்டது.

இதைப் பார்த்து நானும், கவிஞர் அவர்களும் இன்ப அதிர்ச்சி அடைந்தோம். அதைப் பாராட்டி விடுதலையில் எழுதினோம்.

விழுப்புரம் மாவட்டத் தோழர்கள் நேரில் சென்று அவர்களைப் பாராட்டியபொழுதுகூட, 

நன்றி உணர்ச்சியோடு நாங்கள் இந்தப் பணியை மேற்கொண்டோம் என்றனர்!

எங்களைப் பாராட்டவேண்டிய அவசியம் இல்லீங்க; ‘விடுதலை’யைப் படித்தோம், நன்றி உணர்ச்சியோடு நாங்கள் இந்தப் பணியை மேற்கொண்டோம்’’ என்று அடக்கமாகப் பதில் சொல்லியிருக்கிறார்கள்.

அதற்கு அடுத்து சில நாள்கள் கழித்து (4.8.2022) அலுவலகத்திற்கு நான் வரும்பொழுது, வெளியில் பறையிசை கருவிகளுடன் சிலர், திருநங்கைகள் சிலர் இருந்தார்கள்; இன்னும் சில தோழர்களுடன் திருமாமணி அம்மையாரும் இருந்திருக்கிறார்.

சரியாக நான் கவனிக்கவில்லை. ஏதோ மனு கொடுக்க வந்திருக்கிறார்கள் என்று நினைத்தேன்.

உள்ளே சென்ற பிறகு, அவர்களை உள்ளே வரச் சொன்னேன்.

அலமேலுபுரத்தை சேர்ந்தவர்கள் 

134 ‘விடுதலை’ சந்தாக்களைக் கொடுத்தனர்!

அப்பொழுது, அந்த அம்மையார் ஒரு பெரிய பட்டியலைக் கொடுத்தார்கள்; விழுப்புரம் மாவட் டத்தில் உள்ள அலமேலுபுரத்தைச் சேர்ந்தவர்கள் கொடுத்த 134 ‘விடுதலை’ சந்தாத் தொகைக்கான காசோலையை வழங்கினார்.

விழுப்புரம் மாவட்ட அலமேலுபுரம் ‘விடுதலை’ நாளிதழுக்கான சந்தாதாரர்கள் விவரம் என்ற தலைப்பில் அந்தச் செய்தி ‘விடுதலை’யில் வெளி வந்ததை நீங்கள் எல்லோரும் பார்த்திருப்பீர்கள்.

எனக்கு உள்ளபடியே 

அவ்வளவு பெரிய உற்சாகம்

முதல் முறை 113 விடுதலை சந்தாக்கள்; இரண்டாம் முறை 134 விடுதலை சந்தாக்களைக் கொடுத்தனர்.

1. திருநங்கைகள் 41 பேர்

2. நரிக்குறவர் காலனி 6 பேர்

3. சுயஉதவிக் குழு மகளிர் 17 பேர்

4. இருளர்கள் (பழங்குடியினர்) 8 பேர்

5. பறையடிப்போர் சங்கம் 6 பேர்

6. புரதவண்ணார்கள் 11 பேர்

7. கிராமக் கோவில் பூசாரிகள் 9 பேர்

8. டாக்டர் அம்பேத்கர் ஆட்டோ ஓட்டுநர் சங்கம் 12 பேர்

9. துப்புரவுப் பணியாளர்கள் 9 பேர்

10. தேநீர்க் கடைக்காரர்கள் 2 பேர்

11. வேடம்பட்டு மாரியம்மன் கோவில் தெரு (காலனி) 10 பேர்

12. அறிஞர் அண்ணா மூட்டைத் தூக்கும் தொழி லாளர் சங்கம்  3 பேர்

ஆகக் கூடுதல் 134 சந்தாக்கள்!

இதைப் பார்த்த எனக்கு உள்ளபடியே அவ்வளவு பெரிய உற்சாகம் ஏற்பட்டது.

எல்லாத் தரப்பு மக்களிடமும் ‘விடுதலை’ நாளிதழ் போகவேண்டும் என்று சொல்கிறேமோ, அது இதுதான்.

இந்த 60 ஆண்டுகால ஆசிரியர் பணியில், நான் ‘விடுதலை’யில் இருந்து சம்பளம் வாங்கியது இல்லை.

இது பெருமையல்ல - அது கொள்கை ரீதியாக எடுக்கப்பட்ட முடிவு.

சிறப்பு மதிப்பூதியம் வேறு எதுவும் கிடையாது

ஆனால், ஆரியூர், அலமேலுபுரம் கிராமங்களைச் சேர்ந்தவர்கள் கொடுத்த ஊதியம் இருக்கிறதே -  அதைவிட சிறப்பு மதிப்பூதியம் வேறு எதுவும் கிடையாது - என்னுடைய உழைப்புக்குப் பணிக்கு!

நம்மால் முடியும் என்பதற்கு உதாரணம்தான் - ஒரு சாதாரண கிராமத்தில், அடையாளம் தெரியாத ஒரு பெண்மணி - ஒரு குடும்பத்தினர் முன்னணியில் இருந்து, பணி செய்து இப்பெரும் பணியை செய்திருக்கிறார்கள். 

எவ்வளவோ அறிமுகம் உள்ள உங்களால், இடையில் உள்ள 10 நாள்களுக்கும் இலக்கை முடிக்க முடியுமா? முடியாதா?

அந்தத் தன்னம்பிக்கையோடு களத்தில் இறங்க வேண்டும்.

60 ஆயிரம் சந்தாக்களுக்கு மேலும் கொடுப்போம் என்ற வாய்ப்புகளை உருவாக்கவேண்டும்!

60 ஆயிரம் சந்தாக்கள் அல்ல - அதற்கும் மேல் 61 ஆயிரம் சந்தாக்களாகக் கொடுப்போம் என்ற அளவிற்கு வாய்ப்புகளை உருவாக்கிக் காட்டவேண்டும் நீங்கள்.

அப்படி இல்லையென்றால், இப்பொழுது இருக்கின்ற ஆபத்து, புதிய கல்வி கொள்கை என்ற பெயராலே குலதர்மக் கல்வித் திட்டம் - நீட் தேர்வு - கியூட் தேர்வு என்று புதிய உருவில் வருகின்றன.

மனுதர்மம் கோலோச்சுகிறது. மாநில உரிமைகள் பறிக்கப்பட்டு இருக்கின்றன

நம்முடைய கல்வி, மனுதர்மக் கல்வியாகிவிட்டது - மனுதர்மம் கோலோச்சுகிறது. மாநில உரிமைகள் பறிக்கப்பட்டு இருக்கின்றன.

நீதிக்கட்சித் தலைவர்களும், அய்யாவும், அண்ணா வும், கலைஞரும் பெற்றுக் கொடுத்து, இன்றைக்குத் ‘திராவிட மாடல்’ ஆட்சி தனித்தன்மையோடு தமிழ் நாட்டில் இருந்து கொண்டிருக்கின்ற நேரத்தில், அதை அப்படியே தலைகீழாக்க வேண்டும் என்று நினைக்கிறார்கள்.

விபீஷணர்கள் தயாராக இருக்கிறார்களே...!

இந்த மண்ணில் யாரும் காலூன்ற முடியாது என்று சொல்லிக் கொண்டிருக்கும் நேரத்தில், உள்ளே நுழைகிறானே? நம்மாள் துரோகி கிடைக்கின்றானே - விபீஷணர்கள் தயாராக இருக்கிறார்களே - தன்னை விற்றுக்கொள்ளக் கூடியவர்களின் கூட்டம், நம் மக்கள் மிக அதிகமாக இருக்கிறதே!

அப்படிப்பட்ட சூழ்நிலையில், அதைத் தடுக்கக் கூடிய ஒரே சக்தி - ‘விடுதலை’ ஏடு, திராவிடர் கழகத்திற்குத்தான் உண்டு.

இதில் நாம் கோட்டை விட்டுவிட்டோம் என்றால், நம்மீது பெரிய பழி ஏற்படும்.

எதிர்கால சந்ததியினருக்காக பெரியார் பெற்றுக் கொடுத்தார் - நம்முடைய இயக்கத் தலைவர்கள் எல்லாம் பாடுபட்டார்கள் - நீதிக்கட்சி காலத்திலிருந்து - மறுபடியும் மனுதர்மம் கோலோச்சிவிடும். அம்பேத் கருடைய அரசமைப்புச் சட்டத்திற்கு இடமிருக்காது; நம்முடைய ஜனநாயகத்திற்கு இடமிருக்காது.

இந்த ஆபத்துகளை விளக்கி, அதனால்தான் அய்யா உங்களிடம் ‘விடுதலை’  சந்தா கேட்கிறோம். 

நாம் அறிவுபூர்வமாக அணுகுகின்றோம்!

ஆறு மாத சந்தா என்றால், 1000 ரூபாய் கொடுங் கள்; ஓராண்டு சந்தா என்றால், 2000 ரூபாய் கொடுங் கள். நீங்கள் ஒரு நான்கு பேரிடம் சொல்லுங்கள் என்று சொல்லுங்கள்.

நாம் அறிவுபூர்வமாக அணுகப் போகிறோமே தவிர, பழைய காலம்போன்று ‘‘திருப்பதி நோட் டீசை 12 பேருக்கு அச்சடித்துக் கொடுக்கவேண்டும்; இல்லையென்றால் நரகத்திற்குப் போவீர்கள்; பாம்பு கடிக்கும் என்றெல்லாம் பயப்படுத்தப் போகி றோமோ’’ என்றால், கிடையவே கிடையாது.

ஆகவே, இதனை உணர்ந்துகொள்ளுங்கள் என்று சொல்லி, வாய்ப்பளித்த உங்களுக்கு நன்றி கூறுகிறேன்.

25 ஆம் தேதிக்குள் இலக்கை முடிக்கவேண்டும்

10 நாள்களுக்கு உங்களுக்கு வேறு சிந்தனையே இருக்கக்கூடாது - அப்படி செயல்பட்டால்தான், 25 ஆம் தேதிக்குள் இலக்கை முடிக்கவேண்டும்; அப்படி முடித் தால்தான், 27 ஆம் தேதி  நிகழ்ச்சி நடத்தவேண்டி இருக்கும்.

மற்றவர்கள் வேறு விதமாகச் சொல்வார்கள் - நாம் உண்மைக்கு மாறாக நடந்துகொள்வதில்லை.

விடுதலை சந்தா கேட்டுச் செல்கிறவர்கள் எல்லாம் கொடுக்கிறேன் என்றுதான் சொல்கிறார்கள்; இன் றைக்குத் விடுதலை சிறுத்தைகள் கட்சித் தலைவர் தொல்.திருமாவளவன் அவர்கள் 200 விடுதலை சந்தாக்களை கொடுக்கிறேன் என்று அறிவித்து, நாளை நடைபெறும் அவருடைய பிறந்த நாள் விழாவில் கொடுக்கிறேன் என்று சொல்லியிருக்கிறார்.

ஒவ்வொரு தலைவரும் உற்சாகத்தோடு ‘விடுதலை’ சந்தாக்களைக் கொடுக்கிறார்கள். அதை நாம் பயன் படுத்திக் கொள்ளவேண்டும்.

உழைப்போம்! வெற்றி பெறுவோம்!

உழைப்பைக் கொடுத்து, உரம் போட்டு அறுவடை செய்த நெல்லை பாதுகாப்பாக களத்து மேட்டுக்குக் கொண்டு சென்று, வீட்டிற்குக் கொண்டு வரும் காலகட்டம் வருகின்ற 10 நாள்களும்!

ஆகவே, கவனமாக இருங்கள்!

உழைப்போம்! வெற்றி பெறுவோம்!

சந்திப்போம்!

வாழ்க பெரியார்!

வளர்க விடுதலை!

நன்றி, வணக்கம்!

 - இவ்வாறு  திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் சிறப்புரையாற்றினார்.

விடுதலை' ஆசிரியராக தமிழர் தலைவர் ஆசிரியர் 60 ஆண்டு பணியையொட்டி 60 ஆயிரம் விடுதலை சந்தாக்கள் வழங்கும் விழா

   August 03, 2022 • Viduthalai

 ஆக.27இல் சென்னையில்!

சென்னை, ஆக.3 ‘விடுதலை' ஆசிரியராகப் பொறுப்பேற்று 60 ஆண்டுகள் ஆன நிலை யில், 60 ஆயிரம் ‘விடுதலை' சந்தாக்களை, ‘விடுதலை' ஆசிரியர் மானமிகு கி.வீரமணி அவர்களிடம் சென்னையில் ஆகஸ்டு 27 ஆம் தேதி அன்று நடைபெறும் விழாவில் வழங்குவது என்று முடிவு எடுக்கப்பட்டது.

திராவிடர் கழகத்தின் மாநிலப் பொறுப் பாளர்கள், சிறப்பு அழைப்பாளர்களின் கலந்துரையாடல் கூட்டம், சென்னை பெரியார் திடலில் அன்னை மணியம்மையார் அரங்கில், திராவிடர் கழகத் தலைவர் ஆசிரியர் கி.வீரமணி அவர்களின் தலைமையில் நேற்று (2.8.2022) முற்பகல் 10.30 மணிக்கு நடைபெற்றது.

அக்கூட்டத்தில் எடுக்கப்பட்ட முடிவு வருமாறு:

ஒரு பத்திரிகையில் ஆசிரியராக 60 ஆண்டுகளாகப் பணியாற்றி சாதனை படைத்தவர் - வரலாறு படைத்தவர் ‘விடுதலை' ஆசிரியரும், திராவிடர் கழகத் தலைவருமான கி.வீரமணி அவர்கள் ஆவார்.

50 ஆண்டுகள் ‘விடுதலை' ஆசிரியராகப் பணிபுரிந்ததை முன்னிட்டு, 50 ஆயிரம் ‘விடுதலை' சந்தாக்களை அளித்ததுபோல், 60 ஆண்டுகளாக ஆசிரியராகப் பணியாற்றி வரும் தலைவருக்கு 60 ஆயிரம் ‘விடுதலை' சந்தாக்களை அளிப்பது என்றும், அதற்கான விழாவை ஆகஸ்டு 27 ஆம் தேதியன்று சென்னையில் நடத்துவது என்றும் கூட்டத்தில் முடிவெடுக்கப்பட்டது.

கீழ்க்கண்ட ஒருங்கிணைப்பாளர்களின் குழுவும் அமைக்கப்பட்டது.

குழு ஒன்று:

திராவிடர் கழகத் துணைத் தலைவர் கவிஞர் கலி.பூங்குன்றன், கழகப் பொருளாளர் வீ.குமரேசன்,  கழகப் பொதுச்செயலாளர் வீ.அன்புராஜ், கழக அமைப்புச் செயலாளர் வி.பன்னீர்செல்வம், கழக வழக்குரைஞரணி தலைவர் வழக்குரைஞர் த.வீரசேகரன், சென்னை மண்டல செயலாளர் தே.சே.கோபால், கழக வெளியுறவுத் துறை செயலாளர் கோ.கருணாநிதி, ப.க. தலைவர் தமிழ்ச்செல்வன், ப.க. பொதுச்செயலாளர் ஆ.வெங்கடேசன், கழகத் துணைப் பொதுச் செயலாளர் ச.இன்பக்கனி, மாணவர் கழக மாநில செயலாளர் பிரின்சு என்னாரெசு பெரியார், மாநில மகளிர் பாசறை அமைப்பாளர் வழக்குரைஞர் சே.மெ.மதிவதனி, மாநில மகளிர் பாசறை செயலாளர் வழக்குரைஞர் பா.மணியம்மை ஆகியோருக்கு ஒதுக்கப்பட்ட மாவட்டங்கள் வருமாறு:

கும்மிடிப்பூண்டி, வடசென்னை, தென் சென்னை,  ஆவடி,  தாம்பரம், சோழிங்கநல்லூர், திருவள்ளூர்.

குழு இரண்டு

திராவிடர் கழகப் பொதுச்செயலாளர் முனைவர் துரை.சந்திரசேகரன், புதுச்சேரி மாநில தலைவர் சிவ.வீரமணி, கழக இளை ஞரணி மாநில செயலாளர் த.சீ.இளந்திரையன், ஆடிட்டர் ரஞ்சித்குமார்,  மாநில மருத்துவரணி செயலாளர் டாக்டர் கோ.சா.குமார், தம்பி பிரபாகரன் ஆகியோருக்கு ஒதுக்கப்பட்ட மாவட்டங்கள் வருமாறு:

புதுச்சேரி,  கடலூர்,  சிதம்பரம், விருத் தாசலம், விழுப்புரம், திண்டிவனம், கல்லக் குறிச்சி, பெரம்பலூர், அரியலூர், திருவண்ணா மலை

குழு மூன்று

திராவிடர் கழகப் பொதுச்செயலாளர் 

இரா.ஜெயக்குமார், அமைப்புச் செயலாளர் ஈரோடு த.சண்முகம், தொழிலாளரணிச் செய லாளர் மு.சேகர், குடவாசல் வீரையன், திருவாரூர் சிவக்குமார், கோபு.பழனிவேல், பெரியார் வீர விளையாட்டுக் கழக செயலாளர் நா.இராம கிருஷ்ணன் ஆகியோருக்கு ஒதுக்கப்பட்ட மாவட்டங்கள் வருமாறு:

நீலமலை, மேட்டுப்பாளையம், கோவை, தாராபுரம், கோபி, ஈரோடு, திருப்பூர், நாமக்கல், கரூர், திருச்சி, லால்குடி, தஞ்சாவூர், பட்டுக் கோட்டை, மன்னார்குடி, திருவாரூர், மயிலாடு துறை, நாகப்பட்டினம், காரைக்கால், காரைக்குடி, சிவகங்கை, இராமநாதபுரம்.

குழு நான்கு

கழக மாநில அமைப்பாளர் இரா.குண சேகரன், அமைப்புச் செயலாளர் ஊமை.ஜெயராமன், அமைப்புச் செயலாளர் 

வே.செல்வம், மாணவர் கழக அமைப்பாளர் செந்தூர்பாண்டியன், பகுத்தறிவு ஆசிரியரணி மாநில தலைவர் வா. தமிழ்பிரபாகரன், அண்ணா.சரவணன், மகளிரணி செயலாளர் தகடூர் தமிழ்ச்செல்வி, தேன்மொழி, 

பழ.ஜெகன்பாபு, வா.நேரு, மாரி.கருணாநிதி ஆகியோருக்கு ஒதுக்கப்பட்ட மாவட்டங்கள் வருமாறு:

காஞ்சிபுரம், இராணிப்பேட்டை, வேலூர், செய்யாறு, ஓசூர், திருப்பத்தூர், கிருஷ்ணகிரி, தருமபுரி, சேலம், மேட்டூர், ஆத்தூர், புதுக்கோட்டை, அறந்தாங்கி, திண்டுக்கல், பழனி, கம்பம், தேனி, மதுரை மாநகர், மதுரை புறநகர், விருதுநகர், தூத்துக்குடி, தென்காசி, திருநெல்வேலி, கன்னியாகுமரி, செங்கல்பட்டு.

கூட்டத்தில் பங்குகொண்டு 

கருத்துத் தெரிவித்தோர்

சென்னை பெரியார் திடலில் உள்ள அன்னை மணியம்மையார் அரங்கில் திராவிடர் கழக மாநிலப் பொறுப்பாளர்கள் கலந்துரையாடல் கூட்டம் நேற்று (2.8.2022) காலை 10.30 மணிக்குத் தொடங்கி பகல் 2 மணிவரை நடைபெற்றது.

திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்களின் தலைமையில் நடைபெற்ற கலந்துரையாடல் கூட்டத்தில், 60 ஆயிரம் ‘விடுதலை'  சந்தாக் களை விரைந்து திரட்டுவது குறித்தும், ‘விடுதலை'  ஏன் பரவவேண்டும்? என்பது குறித்தும் விரிவாகப் பேசப்பட்டது.

இதில், கழகத் துணைத் தலைவர் கவிஞர் கலி.பூங்குன்றன் முன்னிலை வகித்து கூட்டத்தின் நோக்கம் குறித்தும், ‘விடுதலை' யை பரப்பும் விதம் குறித்தும் பேசினார்.

இதனையடுத்து பொதுச்செயலாளர்கள் முனைவர் துரை.சந்திரசேகரன், வீ.அன்புராஜ், இரா.ஜெயக்குமார், பொருளாளர் வீ.குமரேசன், வெளியுறவுச் செயலாளர் கோ.கருணாநிதி, கழக அமைப்பாளர் இரா.குணசேகரன், அமைப்புச் செயலாளர்கள் ஊமை.ஜெய ராமன், பொன்னேரி வி.பன்னீர்செல்வம், ஈரோடு த.சண்முகம், தொழிலாளரணிச் செயலாளர் மு.சேகர், மகளிரணி செயலாளர் தகடூர் தமிழ்ச்செல்வி, மாநில மகளிர் பாசறை செயலாளர் வழக்குரைஞர் பா.மணியம்மை, மாநில இளைஞரணி செயலாளர் த.சீ.இளந் திரையன், திராவிட மாணவர் கழக செயலாளர் ச.பிரின்சு என்னாரெசு பெரியார், பெரியார் வீர விளையாட்டுக் கழகத் தலைவர் ப.சுப்பிர மணியன், பெரியார் வீர விளையாட்டுக் கழக செயலாளர் நா.இராமகிருஷ்ணன், பெரியார் அறக்கட்டளை உறுப்பினர் அய்யாதுரை, மாநில மருத்துவரணி செயலாளர் 

கோ.சா.குமார், பகுத்தறிவு ஆசிரியரணி மாநில தலைவர் வா.தமிழ்ப்பிரபாகரன் உள்ளிட்டோர் ‘விடுதலை'  சந்தா சேர்ப்பு வழிமுறைகள் குறித்துப் பேசினர்.

இதில் மாநில வழக்குரைஞரணி தலைவர் வழக்குரைஞர் த.வீரசேகரன், மண்டலத் தலைவர் தே.சே.கோபால், கூடுவாஞ்சேரி மா.இராசு, வடசென்னை மாவட்டத் தலைவர் வெ.மு.மோகன், தென்சென்னை மாவட்டச் செயலாளர் செ.ர.பார்த்தசாரதி, ப.க. பொதுச் செயலாளர் ஆ.வெங்கடேசன், ஆவடி மாவட்ட அமைப்பாளர் உடுமலை வடிவேல், மாநில இளைஞரணி துணை செயலாளர் சோ.சுரேஷ், பகுத்தறிவு ஆசிரியரணி ச.வினோத்குமார், வடசென்னை மாவட்ட செயலாளர் தி.செ. கணேசன், வடசென்னை மாவட்ட இளை ஞரணி செயலாளர் சுகுமார் உள்ளிட்டோர் கலந்துகொண்டனர்.

தென்சென்னை மாவட்டத் தலைவர் 

இரா.வில்வநாதன் நன்றி கூறினார்.

நூல்களின் ஆதிக்கத்தை அறுக்கும் நூலாசிரியர் சுதாகர் பிச்சைமுத்துவின் நோக்கவுரை

  July 24, 2022 • Viduthalai

நூல் வெளியீட்டு விழா ஒரு கருத்தரங்கமாக நடைபெற்ற முத்திரை இந்நிகழ்ச்சிக்கு கிடைத்திருப்பது தனிச் சிறப்பு.

கருத்தரங்கில் பேசிய கவுதம்ராஜ் தேர்தல் அறிக்கை என்ற ஒன்றை முதன் முதலில் அறிமுகப்படுத்தியவர் அறிஞர் அண்ணா என்றார்.

கனிமொழி சோமு எம்.பி.

நூலினை வெளியிட்ட மாநிலங்களவை உறுப்பினர் டாக்டர் கனிமொழி சோமு அவர்கள் சுருக்கமாகக் கருத் துரைத்ததாவது:

ஒரு காலம் இருந்தது. நமது திராவிட இயக்கக் கூட்டங்களில்கூட வேட்டி, சட்டையோடு தரையில் அமர்ந்து கூட்டங்களைக் கேட்பார்கள். இன்று பேண்ட், டீ சர்ட், கோட் அணிந்து குளிரூட்டப்பட்ட மண்டபங்களில் நாற்காலிகளில் அமர்ந்து உரைகளைக்கேட்கும் நிலைக்கு உயர்ந்துள்ளோம். இதுவும் ஒரு வளர்ச்சிதான் - 'திராவிட மாடல்' ஆட்சியின் பங்களிப்பும் இதில் உண்டு.

இலவச திட்டங்களைப் பற்றிக் குறை கூறுவோரும் இருக்கிறார்கள். இலவச திட்டங்கள் பாதிப்பை ஏற்படுத்தவில்லை - வளர்ச்சிப் பாதைக்கு இழுத்துச் சென்றுள்ளன. இதன் அருமையை அயல் நாட்டவர்களும், அயல்நாடு சென்று பணியாற்றும் முனைவர் சுதாகர் பிச்சைமுத்து  போன்றவர்களும் உணர்ந்து ஆய்வு நூல்களை எழுதுவது எவ்வளவு சிறப்பு!

என்னுடைய தந்தையார் என்னிடம் எனது சிறிய வயதுமுதல் சொல்லிச் சொல்லி வளர்த்தது என்ன தெரியுமா?

தந்தை பெரியார் கடற்கரையில் பேசுவார். பெரிய கூட்டமெல்லாம் இருக்காது; ஆங்காங்கே தனித் தனியாக அமர்ந்துகேட்பார்கள். ஆனாலும் அதைப் பற்றி எல்லாம் கவலைப்படாமல் தன் உரையைத் தந்தை பெரியார் நிகழ்த்திக் கொண்டே இருப்பார். அப்படி எல்லாம் வளர்ந்ததுதான் இந்த திராவிடர் இயக்கம்.

இன்றைக்குப் பழங்குடி சமூகத்தைச் சேர்ந்த ஒருவரை குடியரசுத் தலைவராக ஆக்கி விட்டதாக ஒன்றிய பிஜேபி அரசு பெருமையாகக் கூறிக் கொண்டுள்ளது. இது ஓர் ஏமாற்று வித்தை.

9ஆம் வகுப்புப் படிக்கும் பழங்குடியினத்தைச் சேர்ந்தவர்களுக்கு 3000 ரூபாய் நிரந்தர வைப்பு நிதியில் வைக்கப்பட்டு 18 வயது வரும்போது வட்டியோடு பணம் கொடுக்கப்பட்டு வந்தது. அத்திட்டத்தை நிறுத்தியது இன்றைய பிஜேபி அரசு. இவர்கள்தான் பழங்குடி சமூகத்தைச் சேர்ந்தவரைக் குடியரசுத் தலைவராகக் கொண்டு வந்து விட்டதாகப் பெருமையடித்துக் கொள்கிறார்கள். இதைக் கண்டு எல்லாம் மக்கள் ஏமாந்துவிட மாட்டார்கள்.

தந்தை பெரியார், அறிஞர் அண்ணா, கலைஞர், ஆசிரியர் போன்ற திராவிட இயக்க முன்னோடிகளுக்கு வணக்கம். நன்றி கூறி முடிக்கிறேன் என்றார்.

முனைவர் சுதாகர் பிச்சைமுத்து

 M.Sc., M.Phil, Ph.D., FRSC   - நோக்கவுரை

இவர் எழுதிய நூல்தான் "அய்க்கிய நாடுகளின் வளம் குன்றா குறிக்கோள் பார்வையில் திமுக தேர்தல் அறிக்கை 2021" - என்பதாகும்.

இவர் தன் நோக்கவுரையாகக் கருத்தரங்கில் குறிப்பிட்டதாவது:

திராவிட மாடல் என்பது சுயமரியாதை  'Self Respect'  என்பதன் தொடர்ச்சியாகும்.

2015ஆம் ஆண்டு அய்க்கிய நாடுகள் சபையில் அங்கம் வகிக்கும் நாடுகள் 'வளம் குன்றா வளர்ச்சிக் குறிக்கோள்  (Sustainable Development Goals)  என்று 17 இலக்குகளை அடையாளப்படுத்தி அவற்றை முன்னிலைப்படுத்தி திட்டங்கள், திட்ட வரைவுகள் என்று 2030க்குள் அவற்றினை எட்ட வேண்டிய வேலைகளைச் செய்கின்றன.

உண்மை என்னவென்றால் இந்தத் திட்டங்களை நாம் முடித்து விட்டோம் என்பதுதான். கரோனா காலத்தில் விளையாட்டுத் திடல் பக்கம் மாணவர்கள் செல்ல முடியாத சூழலில் அவர்களுக்குக் கால் ஷுவை இலவசமாக அணிவித்து விளையாட்டில் ஆர்வத்தை ஊட்டியது பிரிட்டன் அரசு.

(இந்திய பிரதமரும், வெளியுறவுத் துறை அமைச்சரும் இலவசங்களைக் கொடுத்த தமிழ்நாடு பொருளாதாரத்தில் பின்னுக்குத் தள்ளப்பட்டதாகக் கூறுவதைக் கண்டு வயிறு குலுங்குக் குலுங்க சிரித்துத் தொலையுங்கள்)

தமிழ்நாட்டை இந்திய மாநிலங்களோடு ஒப்பிடக் கூடாது; உலக நாடுகளுடன் ஒப்பிட வேண்டும்.

கட்டணமில்லாப் பேருந்து பயணம் பெண்களுக்கு என்பது சாதாரணமா? ஒவ்வொரு நாளும் இதனால் பொருளாதார பலன் அடைகிறார்கள் - பெண்களுக்கான வேலை வாய்ப்பு அதிகரிக்கிறது.

அரசு தொடக்கப்பள்ளிகளில் முதல் மற்றும் இரண்டாம் வகுப்புகளில் 75 விழுக்காடு பெண் ஆசிரியர்கள் நியமிக்கப்பட்டுள்ளனர். 2006  -2011ஆம் ஆண்டிற்கு இடையில் எடுக்கப்பட்ட புள்ளிவிவரப்படி 100 ஆண் ஆசிரியர்களோடு ஒப்பிடும் போது பெண் ஆசிரியர் களின் விகிதம் 288 ஆக உயர்ந்துள்ளது. இது ஆண் ஆசிரியர்களைவிட பெண் ஆசிரியர்களின் எண்ணிக்கை உயர்வு  2 புள்ளி 8 மடங்காகும். இதற்குக் காரணம் பெண்களுக்கு 30 விழுக்காடு இடஒதுக்கீடு என்று முதல் அமைச்சர் கலைஞர் அவர்களால் கொண்டு வரப்பட்ட சட்டத்தின் பலனாகும்.

12ஆம் வகுப்பில் 'தோற்றேன்!'

நான் 12ஆம் வகுப்பில் தோற்றேன். இதனால் நான் என்ன கெட்டு விட்டேன்?

நம்மை ஆண்ட வெள்ளைக்கார பரம்பரையினருக்கு வகுப்பு நடத்தும் பேராசிரியராக உயரவில்லையா? (பலத்த கரஒலி) (மெரிட் என்றும் - மார்க்கு தான் அதற்கு அடையாளம் என்றும் கொக்கரிப் போரின் மூக்கு இந்த இடத்தில் உடைபடவில்லையா?)

Welfare State என்ற சமூக நலத் திட்டங்களுக்கு முதலீடு செய்வதுதான் முக்கியம் என்பதை நமது திராவிட மாடல் உருவாக்கியதன் விளைவு சாதாரணமானதல்ல - இது பொருளாதார வளர்ச்சிக்கும் உறுதுணையாக இருக்கும் என்றார்.

கலைஞர் நினைவு நாளான இன்று (7.8.2022) அவரது நினைவிடத்தில் கழகத் தோழர்கள் புடைசூழ மலர்வளையம் வைத்து மரியாதை செலுத்தினார் தமிழர் தலைவர் ஆசிரியர்

     August 07, 2022 • Viduthalai

கலைஞர் நினைவு நாளான இன்று (7.8.2022) அவரது நினைவிடத்தில் கழகத் தோழர்கள் புடைசூழ மலர்வளையம் வைத்து மரியாதை செலுத்தினார்  தமிழர் தலைவர் ஆசிரியர் .

தமிழ்நாடு கற்றிடமாக இருக்கிறதே தவிர, மற்றவர்கள் சொன்னதைப்போல, வெற்றிடமாக ஒருபோதும் திகழவில்லை

  August 07, 2022 • Viduthalai

ஜனநாயகப் பாதுகாப்பிற்கும் 'திராவிட மாடல்' ஆட்சிதான் கலங்கரை விளக்கம்

செய்தியாளர்களிடையே தமிழர் தலைவர் ஆசிரியர்

சென்னை, ஆக.7 தமிழ்நாடு கற்றிடமாக இருக்கிறதே தவிர, மற்றவர்கள் சொன்னதைப்போல, வெற்றிடமாக ஒருபோதும் திகழவில்லை; ஜனநாயகப் பாதுகாப்பிற்கும் திராவிட மாடல் ஆட்சிதான் கலங்கரை வெளிச்சமாக இருக்கப் போகிறது என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள். . 

முத்தமிழ் அறிஞர் கலைஞர் அவர்களின் 4 ஆம் ஆண்டு நினைவு நாளான இன்று (7.8.2022) சென்னை கடற்கரை காமராசர் சாலையில் உள்ள அவரது நினைவிடத்தில் மலர்வளையம் வைத்து மரியாதை செய்த திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர்களுக்குப் பேட்டி யளித்தார்.

அப்பேட்டியின் விவரம் வருமாறு:

தந்தை பெரியார் அவர்களுடைய 

குருகுலத்தில் பயின்றவர்

‘மானமிகு சுயமரியாதைக்காரன்' என்று தம்மை ஒரு வரியில் விமர்சனம் செய்துகொண்ட முத்தமிழ் அறிஞர் கலைஞர் அவர்கள், வாழ்நாள் முழுவதும் எதிர்நீச்சல் போட்டு வெற்றி பெற்றவர் - தந்தை பெரியார் அவர்களுடைய குருகுலத்தில் படித்ததன் பயனாக.

'திராவிட மாடல்' 

ஆட்சிக்கு முன்னோட்டம்!

அவர் அமைத்த ஆட்சி முழுக்க முழுக்க ‘திராவிட மாடல்' என்ற இந்த ஆட்சிக்கு மிகப்பெரிய முன் னோட்டமாக அமைந்தது மட்டுமல்லாமல், ‘திராவிட மாடலுடைய' ஆட்சி நூறாண்டுக்கு முன்னால், திராவிட ஆட்சி - நீதிக்கட்சி ஆட்சியாக மலர்ந்த காலத்திலிருந்து, அண்ணா அதன் தொடர்ச்சி என்றார். அண்ணாவின் ஆட்சி, அதனுடைய தொடர்ச்சிதான் என்னுடைய ஆட்சி என்று கலைஞர் சொன்னார். கலைஞருடைய ஆட்சி, திராவிடர் ஆட்சி, ‘திராவிட மாடலாக' இன்றைக்கும் தொடர்ந்து கொண்டிருக்கின்றது.

அது தமிழ்நாட்டிற்கு மட்டுமல்ல, இந்தியாவிற்கே இப்பொழுது தேவைப்படுகின்ற ஒன்றாக ஆக்கப்பட்டு இருக்கின்றது. காரணம், ஜனநாயகம் கேள்விக் குறியாக ஆக்கப்பட்டு இருக்கிறது. தீவிர சிகிச்சைப் பிரிவில் அனுமதிக்கப்படக் கூடிய அளவிற்கு, நாடாளுமன்ற ஜனநாயகம் கொச்சைப்படுத்தப்பட்டு வருகின்ற இந்த நேரத்தில், கலைஞர் அவர்கள் எப்படி மிகப்பெரிய எதிர்நீச்சல் போட்டார்களோ, அதுபோல, அனைவரையும் அணைத்து, அனைவருக்கும் அனைத்தும் தந்து, புதியதோர் திருப்பத்தை ஏற்படுத் துவதற்கு கலைஞருடைய உழைப்பு, அவர் வகுத்த வியூகம் இவை அத்தனையும் இன்றைய முதலமைச்சர் அவர்கள் தெளிவாகக் கற்றுக் கொண்டிருக்கிறார்.

வழிகாட்டும் நெறியாக அமையட்டும்!

எனவேதான், தமிழ்நாடு கற்றிடமாக இருக்கிறதே தவிர, மற்றவர்கள் சொன்னதைப்போல, வெற்றிடமாக ஒருபோதும் திகழவில்லை என்று காட்டக்கூடிய வாய்ப்பு இன்றைக்கு ஏற்பட்டு இருக்கிறது.

எனவேதான், தமிழ்நாடு, பெரியார் மண், சமூகநீதி மண்ணாக மலர்ந்தது மட்டுமல்ல; ஜனநாயகப் பாதுகாப்பிற்கும் இதுதான் கலங்கரை வெளிச்சமாக இருக்கப் போகிறது என்பதற்கு இந்தச் சூளுரையே நமக்கு மிக முக்கியமான வழிகாட்டும் நெறியாக அமையட்டும்.

கலைஞர் மறையவில்லை; 

வாழ்ந்து கொண்டிருக்கின்றார்

கலைஞர் மறையவில்லை; வாழ்ந்து கொண்டிருக் கின்றார் - கொள்கை ரீதியாக! அதன்மூலம்தான் ஜன நாயகத்தை வாழ வைக்க முடியும்; அதன்மூலம்தான் சுயமரியாதையை, பகுத்தறிவை, சமூகநீதியைக் காக்க முடியும் என்பது வரலாற்றுப்பூர்வமான உண்மை.

எனவே, அந்த சூளுரையை அவருடைய நினைவு நாளான இன்று புதுப்பிப்போம்!

வாழ்க கலைஞர்!

வளர்க திராவிடம்!

வெல்க நம்முடைய மாநில உரிமைகள்!

நன்றி, வணக்கம்!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தி யாளர்களுக்கு அளித்த பேட்டியில் கூறினார்.

நினைவிடத்தில் கழகத் தலைவர் 

மலர் வளையம் வைத்து மரியாதை

முத்தமிழ் அறிஞர் மானமிகு கலைஞர் அவர்களின் நான்காம் ஆண்டு நினைவு நாளான இன்று அவ ரது நினைவிடத்தில் கழகத் தலைவர் மலர் வளையம் வைத்து மரியாதை செலுத்தினார்.

முத்தமிழ் அறிஞர் மான மிகு கலைஞர் அவர்களின் நான்காம் ஆண்டு நினைவு நாளான இன்று (7.8.2022) காலை 10.30 மணியளவில் சென்னை கடற்கரை காமராசர் சாலை அறிஞர் அண்ணா நினைவிடம் அருகில் உள்ள கலைஞர் நினைவிடத்தில் திரா விடர் கழகத் தலைவர் ஆசிரியர் கி.வீரமணி அவர்கள் மலர் வளையம் வைத்தும், அருகில் வைக்கப்பட்டிருந்த கலைஞரின் படத்திற்கு மலர் தூவியும் மரியாதை செலுத்தினார்.

இந்நிகழ்வில் திராவிடர் கழக துணைத் தலைவர் கவிஞர் கலி.பூங்குன்றன், பொதுச் செயலாளர் வீ.அன்புராஜ், பொருளாளர் வீ.குமரேசன், மாநில மகளிரணி செயலாளர் தகடூர் தமிழ்ச்செல்வி, மாநில அமைப் புச் செயலாளர் வீ.பன்னீர்செல் வம், திராவிட மாணவர் கழக மாநில செயலாளர் ச.பிரின்சு என்னாரெசு பெரியார், பெரியார் புத்தக நிலைய மேலாளர் த.க.நடராசன், வழக்குரைஞர் சு.குமாரதேவன், நெய்வேலி வெ.ஞானசேகரன், சிவகங்கை மண்டல தலைவர் இராமேசு வரம் சிகாமணி, மாநில ப.க. துணைச் செயலாளர் தரும.வீரமணி, மாநில இளைஞரணி துணைச் செயலாளர் சோ. சுரேஷ், பூவை செல்வி, செ.பெ.தொண்டறம், த.மரகதமணி, தென்சென்னை மாவட்ட தலைவர் இரா.வில்வநாதன், செயலாளர் செ.ர.பார்த்த சாரதி, துணைத் தலைவர் டி.ஆர்.சேதுராமன், துணைச் செயலாளர் கோ.வீ.இராகவன், சென்னை மண்டல இளைஞரணி அமைப்பாளர் சண்முகப் பிரியன், தென்சென்னை மாவட்ட இளைஞரணி தலைவர் ச.மகேந் திரன், திராவிட தொழிலாள ரணி பாலு, தாம்பரம் மாவட்ட தலைவர் ப.முத்தையன், செய லாளர் கோ.நாத்திகன், குணசேகரன், கதிர்வேல், சந்திர சேகரன், வழக்குரைஞர் உத்திர குமார், பாலகிருட்டிணன், வட சென்னை மாவட்ட தலைவர் வெ.மு.மோகன், துணைத் தலைவர் கி.இராமலிங்கம், அமைப்பாளர் புரசை அ.அன்புச்செல்வன், செம்பியம் தலைவர் பா.கோபாலகிருட்டிணன், சி.காமராஜ், வட சென்னை மாவட்ட இளைஞரணி துணைத் தலைவர் நா. பார்த் திபன், துணைச் செயலாளர் அரவிந்த் குமார் அரியலூர் மாவட்ட இளைஞரணி தலைவர் அறிவன், துணைச் செயலாளர் திராவிட வித்து, சென்னை மண்டல மாணவர் கழக செயலாளர் தமிழ்ச்செல்வன், க.கலைமணி, வை.கலையரசன்,  பிரவீன் குமார், பூவரசன், அன்பரசன், மகேஷ், அசோக்குமார், கமலேஷ் குமார், இராமண்ணா, ஆவடி கார்த்திகேயன், வேலுச்சாமி, விடுதலை நகர் பி.சி.ஜெயராமன், வேலூர் பாண்டு, பெரியார் நூலக வாசகர் வட்ட பொருளாளர் ஜனார்த்தனம், செல்லப்பன், ஆகியோர் இந்நிகழ்வில் பங் கேற்றனர்.

அரியலூர் திறந்தவெளி இளைஞரணி மாநாட்டு முழக்கங்கள்

   July 31, 2022 • Viduthalai

 என் தந்தையார் திராவிடர் கழகத்தவர்; நானும் மானசீகமாக உங்களோடுதான் இருக்கிறேன் - அமைச்சர் சிவசங்கர்

தோளில் துண்டு போட்டு நடக்கும் உரிமையை வாங்கித் தந்தவர் தந்தை பெரியார் - அமைச்சர் சி.வெ.கணேசன்

நமது இலட்சியத்தை அடையும் கருவி ‘விடுதலை'

அதை எங்கெங்கும் கொண்டு சேர்ப்போம்! - தமிழர் தலைவர் ஆசிரியர்

அரியலூர், ஜூலை 31- திராவிடர் இயக்கத்தின் கொள்கை, தேவை, தந்தை பெரியார் தம் தொண்டின் பலன் ‘விடுதலை' என்னும் பேராயுதம் குறித்து, திராவிடர் கழகத் தலைவர் மற்றும் அமைச்சர் பெருமக்கள் அரியலூரில் நடைபெற்ற மாநாட்டில் முழக்கமிட்டனர்.

ஜூலை 30 அரியலூர் அண்ணா சிலை அருகில் திராவிடர் கழக மாநில இளைஞரணி சார்பில் திறந்தவெளி மாநாடு சிறப்புடன் நடைபெற்றது.

அரியலூர் மாவட்ட இளைஞரணி தலைவர் சு.அறிவன் வரவேற்புரை நிகழ்த்த மாநில இளைஞரணி துணைச் செயலாளர் ரா. வெற்றிக்குமார் தலைவரை முன்மொழிய நிகழ்வு தொடங்கியது.

மாநாட்டு வெற்றிக்கு பெரிதும் காரணமாய் அமைந்த கழகப் பொதுச் செயலாளர் இரா.ஜெயக்குமார் தொடக்க உரை நிகழ்த்தினார்.

இளைஞர் பட்டாளத்தின் 

கோட்டையான அரியலூர்

அவரது உரையில் ஒருபுறம் விடுதலை 60,000 சந்தாக்கள் சேகரிப்புப் பணி, மற்றொருபுறம் இளைஞரணி மாநாடு என்ற நிலையில், இளைஞர்கள் வருவார்களா? மாநாடு வெற்றி பெறுமா? என்ற சந்தேகத்தில் இருந்தோம். ஆனால், இளை ஞர் பட்டாளத்தின் கோட்டையாக இன்று அரியலூர் மாறி, மாநாடு வெற்றியை நிரூபித்துள்ளது என்று கூறி  நிகழ்விற்கு ஒத்துழைப்பு தந்த அமைச்சர்களுக்கு நன்றியினைத் தெரிவித்தார். கிராமம் சார்ந்த மண், காவி கூட்டம் கையகப்படுத்த நினைக்கும் மண். இந்த மண்ணில் காவிக்கு இடமில்லை என்று, பெரியார் நமக்குத் தந்த சொத்து, தமிழர் தலைவர் ஆசிரியர் தலைமையில் எந்தவித சபலங்களுக்கும் ஆளாகாமல், பெரியார் போட்டுத் தந்த பாதையில், அவரின் பணி முடிப்போம் என்று இளைஞர்களுக்கு அறைகூவல் விடுத்து தொடக்க உரை நிகழ்த்தி தொடங்கி வைத்தார்.

இனத்தினை காக்கும் தலைவர் ஆசிரியர்

மாநாட்டு வெற்றிக்கு அயராது உழைத்து, உழைப்பின் உருவம் த.சீ. இளந்திரையன் என்று, தமிழர் தலைவரால் மாநாட்டு மேடையிலேயே பாராட்டப்பட்ட மாநில இளைஞர் அணி செயலாளர் த.சீ. இளந்திரையன் தலைமை உரை ஆற்றினார். அவரது தலைமை உரையில், தமிழர் தலைவர் வரிக்குதிரையை போன்ற தலைவர். வரிக்குதிரைக்கு இருக்கும் ஒற்றைக் குணம், மற்ற வரிக்குதிரைகள் அதன் வேலையை பார்த்துக் கொண்டிருக்கிறபோதும், ஒற்றை வரிக் குதிரை மட்டும் தனது இனத்தை காக்கும். மற்ற வரிக்குதிரைகளை காக்கும் பணியினை செய்யும். அப்படி நம் இனத்தை அழிக்கும் எதிரிகளை கண்காணிக்கும் உயரிய குணம் படைத்த தமிழர் தலைவர் அவர்களை யாராலும் அசைக்க முடியாது. காரணம், சிங்கம் புலியை கூட சர்க்கஸ் கூடாரத்தில் பழக்கப்படுத்த முடியும். ஆனால், இதுவரை வரிக்குதிரையை பழக்கப்படுத்த முடியவில்லை. அதுபோல் மதவாத, பயங்கரவாத, பாசிசம் என்று எவற்றாலும் இந்த தலைவரை மட்டும் அசைக்க முடியாது என்று உணர்ச்சிப் பெருக்குடன் தனது உரையை தொடங்கி, 30.4.2022 அன்று சென்னையில் இந்தி அழிப்புப் போராட்டத்தில் கலந்து கொண்ட இளைஞர்கள், இன்று பேரணியில் தலைவரின் தலைமையில் நாங்கள் இருக்கிறோம் என்று கட்டியம் கூறும் மாநாடாக அமைந்தது என்று கூறி, தந்தை பெரியாரின் அறிவுரையை மேடையில் வாசித்து, இனத்தைக் காக்க எங்கள் தலைவர் இருக்கிறார். ஜாதி, மதவாதம், இந்தித் திணிப்பு அவற்றை அழிக்க கட்டளை இடுங்கள்; இன்னுயிர் தரவும் நாங்கள் தயார்! தயார்! என்று ஒட்டுமொத்த கருஞ்சட்டை  இளைஞர்களின் குரலாய் பேசி அமர்ந்தார்.

திராவிட இயக்க உணர்வும், 

அரியலூரும் பிரிக்க முடியாத ஒன்று

திராவிட முன்னேற்றக் கழக மாநில உறுப்பினர்கள் சார்பில், மாநில சட்டத் திட்ட குழு உறுப்பினர் சுபாஷ் சந்திரசேகர் உரையாற்றினார். அவரது உரையில், அரியலூர் முழுவதுமே திராவிட இயக்க உணர்வோடு இருக்கும் பகுதி. அதிலும், குறிப்பாக செந்துறை மண் திராவிட இயக்க உணர்வோடு பிரிக்க முடியாத ஊர் என்பதை பதிவு செய்து, யாரும் செய்ய முன் வராததை தன் தோளில் சுமந்து பெரியார் செய்த போது அவரது எண்ணங்களை ஈடேற்றும் வகையில் அண்ணாவும் கலைஞரும் அரசியலில் திகழ்ந்த விதத்தை விவரித்து, 90 வயதில் யாரும் எண்ணிப் பார்க்காத முடியாத செயலை  ஆசிரியர்  செய்கிறார் என்றார். இன உணர்வை ஊட்டுவது ஆசிரியராகவும், அல்லும் பகலும் அதனை ஈடேற்ற முதலமைச்சர் உழைக்கிறார். முழு அதிகாரமும், முழு ஆணவத்தோடும் இருக்கிற பாசிசத்திற்கு எதிராக நம்பிக்கை பெற்ற தலைவராக தளபதி இருக்கிறார் என்று உரையாற்றினார்.

திராவிட மாடலை பார்த்தால் 

பிஜேபிக்கு எரிச்சல்!

சட்டமன்ற உறுப்பினர் கா.சொ.க. கண்ணன் வாழ்த்துரை வழங்கினார். அவரது, திராவிடர் இயக்கக் குடும்பப் பின் புலத்தை விவரித்து, தனது தந்தை கா.சொ. கணேசன், தாத்தா அணைக்கரை டேப் தங்கராசு ஆகியோர் வாழ்நாள் முழுவதும் எப்படி பெரியார் மீது பற்றும், திராவிட உணர்வும் பெற்றிருந்தார்கள் என்பதை அழுத்தமாக கூறினார். அவரது தந்தை காலத்தில் திறக்க முடியாத பெரியாரின் வெண்கல சிலையை, 2012இல் அவர் திறந்து வைத்ததையும் பதிவு செய்தார். "நானும் கடவுள் மறுப்பாளர் தான்" என்று மாநாட்டு மேடையில் கொள்கை உணர்வுடன் வெளிப்படுத்தினார். தினமலர் தனது நாலாம் பக்க கட்டுரையில் வழக்கம் போல் தேர்தலின் போது ஆரத்தி எடுத்தனர், கடவுளை ஏற்றுக் கொண்டனர். இப்போது கடவுள் மறுப்பு பேசுகிறார் என்ற போது, அவர் சொன்ன பதில்: மக்களை கடவுளாய் நினைத்துக் கும்பிட்டேன். மக்களுக்கு நன்மை செய்யவே தேர்தலில் நின்றேன் என்று சொன்னதைப் பதிவு செய்தார். எந்தக் கோயில் திருவிழாவுக்கும் நான் செல்லாதவன். ஆனால், மக்களுக்கு நன்மை செய்வேன் என்றார். திராவிடர் கழகமும், திராவிட முன்னேற்றக் கழகமும் இரட்டைக் குழல் துப்பாக்கிகள்! இன்று நடக்கும் திராவிட மாடல் ஆட்சியை பார்த்தால், பிஜேபிக்கு எரிச்சல். காரணம், இந்த ஆட்சி பெரியார், அண்ணா, கலைஞர் சிந்தனையை நிறைவேற்றுகிறது. பெரியாரின் மறு உருவமாக திகழும் ஆசிரியர், தளபதிக்கு ஆலோசனையை வழங்கி, வழிநடத்த வேண்டும். இன்னும் நூறு ஆண்டுகள் வாழ வேண்டும் என்று உணர்ச்சி பெருக்குடன் பதிவு செய்தார்.

அனைவருக்கும் பெரியார் தேவை

சட்டமன்ற உறுப்பினர் வழக்குரைஞர் கு.சின்னப்பா (மதிமுக) தனது வாழ்த்துரையில்: தந்தை பெரியார், திராவிடர் கழகத்திற்கு மட்டும் தலைவர் அல்ல. ஆரிய, கலாச்சார பண்பாட்டை எதிர்த்து நேரில் போர் செய்தவர். இந்த மாநாடு பெரும் நம்பிக்கையை தரும் மாநாடு. இன்று தமிழ்நாடு மட்டும்தான் பிஜேபியிடம் தப்பித்துள்ளது. அதனால், நேரடியாக பிஜேபி போர் தொடுக்க தொடங்கியுள்ளது. அந்த சூழலில், இந்த மாநாடு நம்பிக்கையை தரும் மாநாடாக அமைந்துள்ளது. பெரியார், திராவிடர் கழகத்திற்கு மட்டும் சொந்தமில்லை. காரணம், காங்கிரசிலும் கம்யூனிஸ்டிலும் எந்த  தளபதியாக இருந்தாலும் பெரியாரால் தயாரிக்கப் பட்டவர்கள். இந்த வயதிலும் தமிழர் தலைவர் போராடுகிறார். தமிழ்நாடு அரசுக்கு ஆலோசகராக இருக்கிறார். தமிழ்நாட் டிற்கு பெரியார் இல்லாத குறையை தீர்த்து வைக்கிறார். அவரை அழைத்து காந்தி சிலையை திறக்க, எதிர்ப்பு வந்தது. அவர் ஏன் திறக்க வேண்டும்? என்ற கேள்வி எழுந்தது. ஆசிரியர் அவர்கள் தான் திறக்க வேண்டும் என்று உறுதியாய் சொன்னேன். எங்களையும் பெரியாரையும் பிரிக்க முடியாது என்றார் பேரறிஞர் அண்ணா. ஆம், தன்மானத்தோடு வாழ, தேவை பெரியார்! தமிழ்நாட்டிற்கு தேவை பெரியார், அனைவருக்கும் தேவை பெரியார் என்று கூறி முடித்தார்.

எல்லாமும் மக்களுக்கு கிடைக்க எங்களை இழக்கத் தயார்

கழகப் பொதுச் செயலாளர் முனைவர் துரை சந்திரசேகரன் அவர்கள் அவரது உரையில், அரியலூர் என்ற சின்ன ஊர் இந்த மாநில மாநாட்டினை தாங்குமா என்று நினைத்தபோது, கருங் கடலாக இன்றைக்கு அரியலூர் மாவட்டம் காட்சியளிக்கிறது. அரியலூர் மண்ணுக்கு ஒரு வரலாறு இருக்கிறது. வரலாற்று சிறப்பு வாய்ந்த மண், 12 கோடி ஆண்டுகளுக்கு முன் கல் மரமாக ஆன வரலாறு, கல்மரப் பூங்கா அதன் அடியில் கடல் உள்ளது என்பதை இன்றைக்கு கண்டுபிடித்திருக்கிறார்கள். பழைமையான நாகரீகமுடைய மண்ணில், இன்று மதவாதம் அதை சுரண்டும் போக்கு உள்ளது. அந்தச் சூழலில், இந்த மாநாடு அறிவிக்கப்பட்டபோது, நன்கொடை திரட்ட அவர்கள் சென்ற நிலையில், திராவிட முன்னேற்றக் கழக அரியலூர் மாவட்ட செயலாளர் போக்குவரத்து துறை அமைச்சர். எஸ் எஸ் சிவசங்கர் அவர்கள், ஜெயங்கொண்டம் சட்டமன்ற உறுப்பினர் கா.சொ.க,கண்ணன் அவர்கள், அரியலூர் சட்டமன்ற உறுப்பினர் வழக்குரைஞர் சின்னப்பா அவர்கள் தொடங்கி ஒன்றிய செயலாளர், வணிகப் பெருங்குடி மக்கள், பொதுமக்கள், கடைவீதி வசூல் என்று அனைத்து ஊர்களிலும் கிடைத்த வரவேற்பினை அப்படியே காட்சிப்படுத்தி விவரித்தார். அரியலூரை மாநாட்டிற்கு தலைவர் தேர்ந்தெடுத்து இருக்க இரண்டு காரணங்கள் இருக்கக்கூடும். ஒன்று, சமூக நீதியை பாதுகாக்க, நீட்டை எதிர்த்து போராட்டம் நடத்தி, முதல் களப்பணி நீட்டுக்கு எதிராக மரணித்த குழுமூர் அனிதா பிறந்த மண் அரியலூர். அந்த மண்ணில் நீட்டை ஒழிக்கும் வரை போராட்டம் தொடரும் என்ற அறைகூவலை விடுக்கவும், இரண்டு, மதவாத கும்பல் தங்களுக்கு உரியதாக அரியலூர் மண்ணை ஆக்கிக் கொள்ள முயற்சி செய்வதாக கூலிப்படைகளை, அனுமார்களை திரட்டும் பணியில் இருப்பதாக வந்த செய்தியின் அடிப்படையில் ஜாதி, மதவெறி ஆகியவற்றுக்கு முற்றுப்புள்ளி வைக்கவும், இந்த இரண்டு காரணத்திற்காகவும் அரியலூரைத் தலைவர் தேர்ந்தெடுத்து இருக்கலாம் என்பதை கூறினார். மிகவும் பிற்படுத்தப்பட்ட, பிற்படுத்தப்பட்ட, தாழ்த்தப்பட்ட மக்கள் வாழும் அரியலூர் மண்ணில், கல்வி, வேலைவாய்ப்பில் உரிமை பெற தொடர்ந்து போராடுவோம், பயணிப்போம் என்றார். அரியலூர் மண் மிகப் பெரிய ஆதரவை வழங்கி இருக்கிறது. வெற்றிடம் வெற்றிடம் என்று கலைஞர் மறைவுக்குப் பிறகு கூச்சலிட்டவர்களுக்கு, இது வெற்றிடம் அல்ல கற்றிடம் என்று முதல்வர் காட்டியுள்ளார் என்றார் ஆசிரியர். அரிய அரசியல் ஞானியாக தளபதி விளங்குகிறார். அவருக்கு எல்லா வகையிலும் ஆலோசகராக, ஆலோசனை வழங்கி வருகிறார் தமிழர் தலைவர். எல்லாமும் மக்களுக்குக் கிடைக்க எங்களை இழக்கத் தயார். தலைவரே! ஆணையிடுங்கள் பணி முடிக்க நாங்கள் தயார் என்ற உணர்ச்சிமிகு வரிகளுடன் நிறைவு செய்தார்.

இந்தியா எனும் துணைக்கண்டம்

கழக செயலவைத் தலைவர் சு.அறிவுக்கரசு அவர்கள் தனது உரையில்: சிறப்பான நேரத்தில் இந்த மாநாடு ஏற்பாடு செய்யப்பட்டிருப்பதை விவரித்து, ஒரே மதம், ஒரே கல்விமுறை, ஒரே வாழ்க்கை முறை,ஒரே நாடு இந்தியா என்கிறார்கள். சொல்லப்போனால், இந்தியா நாடே அல்ல. பேரறிஞர் அண்ணா சொன்னதைப் போல இந்தியா ஒரு துணை கண்டம் (subcontinent). 1957இல் நாடாளுமன்றத் திற்கு முதன் முதலாக திராவிட முன்னேற்றக் கழக உறுப்பினர்கள் சென்ற போது, அங்கே :  "India is not only lingual state but multinational state also"  என்று தோழர் சம்பத் அவர்கள் பதிவு செய்தார் என்றார். தொடர்ந்து,  சூத்திரனுக்கு எதை கொடுத்தாலும் கல்வியைக் கொடுக்காதே என்கிறது மனுதர்மம். அதன் வடிவம் தான் தேசிய கல்விக் கொள்கை. இன்றைக்கு நடைபெறும் அனைத்து பட்டமளிப்பு விழாக்களிலும் தேசிய கல்விக் கொள்கையை பற்றி பேசி, பிஜேபி கொள்கை பிரச்சாரமாக பட்டமளிப்பு விழாக்களை பயன்படுத்திக் கொண்டிருக்கிறது. இளைஞர்களையும் மாணவர்களையும் மிகப்பெரிய அளவில் பாதிக்கும் திட்டம் இது. இதனை முளையிலேயே கிள்ளி எறிய வேண்டும் என்று தான் தமிழர் தலைவர் ஆசிரியர் அவர்கள் இந்த மாநாட்டை உரிய நேரத்தில் அறிவித்திருக்கிறார். பொதுச்செயலாளர் சந்திரசேகர் அவர்கள் கூறியதைப் போல் தலைவர் ஆணைக் காக தான் அனைவரும் காத்திருக்கிறார்கள் ஆணையிடுங்கள் என்று உணர்வு பெருக்கோடு உரையாற்றினார்.

இந்தியா முழுமைக்கும் கொண்டு செல்லப்பட வேண்டிய தீர்மானங்கள்

கழகத் துணைத் தலைவர் கவிஞர் கலி.பூங்குன்றன் அவர்கள் தனது உரையில், புவியியல் ரீதியாக எப்படி அரியலூர் கடல் சார்ந்த பூமி ஆக இருந்தது என்பதையும், இன்று அதே அரியலூர், மக்கள் கடலாக மாறி இருப்பதை சொல்லி தனது உரையை தொடங்கினார். அங்கொன்றும், இங்கொன்றும் கருப்புச் சட்டைகள் இருப்பார்கள் என்று இனி யாரும் சொல்ல முடியாது. ஆசிரியருடன், மாலை நடந்த பேரணியை போக்குவரத்து துறை அமைச்சர் எஸ் எஸ் சிவசங்கர் அமர்ந்து கண்டு களித்தார். ஏதோ, வயதானவர்கள் இருப்பார்கள் என்பதை இனி நிச்சயம் மாற்றி சொல்ல வேண்டும். நூறாண்டு, நூறாண்டு, நூறாண்டு கடந்தும் இந்த இயக்கம் இருக்கும் என்பதை தீர்க்கமாக பதிவு செய்தார்.  தனது உரையில் காலையில் நிறைவேற்றப்பட்ட 19-ஆவது தீர்மானத்தை விளக்கினார். 1929இல் செங்கல்பட்டு மாநாட்டில் நிறைவேற்றப்பட்ட தீர்மானங்கள் இன்றும் பேசு பொருளாக இருப்பது போல், காலையில் நிறைவேற்றப்பட்ட தீர்மானத்தின் ஒரு பகுதியான ஒரே நாடு, ஒரே மொழி, ஒரே ரேஷன் என்று சொல்பவர்கள் ஒரே ஜாதி என்று கூற முன் வருவார்களா? என்ற ஆசிரியரின் கேள்வி இன்று மம்தா வரை சென்றடைந்து இருக்கிறது என்பதைக் கூறி, காலையில் நிறைவேற்றப்பட்ட தீர்மானங்கள் இந்தியா முழுவதற்கும் கொண்டு செல்லப்பட வேண்டிய தீர்மானங்கள்  என்றார். தமிழ்நாடு எப்படிப்பட்ட மண் என்றால் கடந்த முறை பிரதமர் தமிழ்நாட்டுக்கு வருகை தந்த போது ‘குட் ஈவினிங் சென்னை' என்றார், கைதட்டல். வணக்கம் சென்னை என்றார் கைதட்டல். நமஸ்தே சென்னை என்றார், ஒருவரும் கைத்தட்டவில்லை. இதை யாரும் சொல்லிக் கொடுத்து வரவில்லை. இதுதான் திராவிட மாடல். நூற்றாண்டு கண்ட இயக்கம் திராவிடர் இயக்கம் என்று தனது உரையை நிறைவு செய்தார்

மானசீகமாக உங்களோடு தான் இருக்கிறேன்

‌போக்குவரத்து துறை அமைச்சர் மாண்புமிகு எஸ்.எஸ்.சிவசங்கர் அவர்கள் தனது உரையில்:  பகுத்தறிவு நம்பிக்கையாக திகழும் ஆசிரியர் என்று தொடங்கினார். தனது தந்தை எஸ்.எஸ். சிவசுப்பிரமணியம் அவர்கள் பெரியாரை அழைத்து மாநாடு நடத்தினார். இன்று ஆசிரியர் அருகில் அமர்ந்து மாநாட்டில் பங்கேற்பதை குறிப்பிட்டு, மாலை பேரணியில் இளைஞர்கள் முழக்கமிட்டு வந்ததைப் பார்த்து அமைச்சர் க.பொன்முடியும், சபாபதி மோகனும் இப்படி முழக்கமிட்டவர்கள், இன்று எங்கள் பிரதிநிதியாக இருப்பதாக ஆசிரியர் சொன்னதை சொல்லி, திமுகவில் நான் இருந்தாலும், பேரணிக்கு வரவில்லை என்றாலும், மானசீகமாக உங்களோடு தான் இருக்கிறேன் என்பதை பதிவு செய்தார். 2011 இல் 'இந்த அரசியலுக்கு, சட்டமன்றம் வரை நாங்கள் வர காரணம் பெரியார்' என்று தான் சொன்னது அவைக்குறிப்பில் இருந்து நீக்கப்பட்டது என்றும், இன்று மேடையில் அதையே நாங்கள் பதிவு செய்ய முடிகிறது என்றால், இதை தான் திராவிட மாடல் என்கிறோம். இந்திய ஒன்றியத்திற்கு மாற்று சித்தாந்தம் திராவிடம். அதை எடுத்துச் செல்லும் பணி முதலமைச்சருக்கு இருக்கிறது. நீட் தேர்வுக்கு எதிராக மறைந்த அனிதாவை, தான் முதன் முதலில் சந்தித்த இடம் அரியலூரில் திராவிடர் கழகத்தின் சார்பில் நடைபெற்ற ‘நீட்' தேர்வு எதிர்ப்பு ஆர்ப்பாட்டம். வெளி உலகத்திற்கு கொண்டு வந்தது அந்த ஆர்ப்பாட்டம் தான். ஆசிரியர் எழுப்பிய முக்கிய வினா ஒரே ஜாதி என்று கூற முடியுமா என்று சொன்னது அனைவருக்கும் போய் சேர வேண்டிய செய்தி. திராவிடர் கழகம் தேவை, அதன் பணி இன்றும் தேவை, தமிழர் தலைவரின் பணி என்றும் தேவை என்றார்  கழக இளைஞர்களை நோக்கி, "வீரர்,வீராங்கனைகளே! உங்களை சுற்றி இருப்பவர்களை அரசியல் படுத்துங்கள்" என்றார். இந்த மேடை என்பது அனைவருக்குமான மேடை. காங்கிரஸ் பாலகிருஷ்ணன் விபூதி வைத்து அமர்ந்திருக்கிறார். திராவிடர் கழகம் இந்துக்களுக்கு எதிரான கட்சி அல்ல  - இதனை உணராத சங்கிகள் உளறிக் கொண்டிருக்கிறார்கள். 

முதலமைச்சர் எடுக்கும் முக்கிய முடிவுகளுக்கு ஆசிரியரி டம் ஆலோசனை பெறுகிறார். கலைஞர் வழியில் முதலமைச்சர் இருப்பாரா என்ற சந்தேகம் அனைவருக்கும் இருந்தது. ஆனால், இன்று திராவிடத்தை யாராலும் தொட்டுப் பார்க்க முடியாது என்ற நிலையில் இருக்கிறார். ஊர்வலத்தில் தீச்சட்டி ஏந்தியவர்கள் ஆசிரியர் கையில் கொடுத்த போது அதை நான் தாங்கிப் பிடிக்கச் சென்றேன். நீங்கள் பிடிக்க வேண்டாம் பத்திரிகைகள் வேறு விதமாக எழுதுவார்கள் என்று ஆசிரியர் எச்சரித்தார். உண்மைதான். சிவன் கோவில் சுவற்றில் திராவிடர் கழக மாநில மாநாடு செய்தி இடம் பெற்றிருந்தது. அதைப் பார்த்து திராவிடர் கழகத்தை யாரும் கேள்வி கேட்கவில்லை. திராவிடர் கழகம் இதனை நீக்காவிட்டால், எஸ்.எஸ்.சிவசங்கர் வீட்டை முற்றுகையிடுவோம் என்றனர். காரணம், நாங்கள் திராவிடர் கழகப் பிள்ளைகள். கடவுள் நம்பிக்கை இருக்கா? இல்லையா? என்பது பிரச்சனை இல்லை. மக்களுக்கு நன்மை செய்கிறோமா,இல்லையா அதுதான் முக்கியம். இந்துத்துவா தமிழ்நாட்டை கையகப்படுத்த துடிக்கும் நேரம். பல்வேறு எதிர் அணியினர் அவர்களுக்கு இருக்கிறார்கள். ஆனால், பிஜேபியை கொள்கை ரீதியாக எதிர்க்கும் அரசியல் கட்சி திமுக மட்டும் தான். ஆசிரியர், முக்கியமாக நினைக்கும் கொள்கையை தான் நாங்கள் செய்கிறோம். பகுத்தறிவுப் பிரச்சாரம், தெருமுனைப் பிரச்சாரங்களை தொடர்ந்து முன்னெடுக்க வேண்டும் உண்மையை நாம் சொல்வோம். மீண்டும், மீண்டும் சொல்வோம். அவர்கள் சினிமாக்காரர்கள் , ஐபிஎஸ் அதிகாரிகள் எல்லாவற்றையும் கொண்டு வரட்டும் அவற்றை முறியடிக்க , ஆசிரியர் வழியில் செயல்படுவோம். விடுதலையை அனைவருக்கும் கொண்டு செல்வோம் அதன் அறிக்கைகள், அறிவியல் செய்திகள் எல்லோருக்கும் போய் சேர வேண்டும் எனவே விடுதலையை கொண்டு சேர்ப்போம் என்று சொல்லி முடித்தார்.

‌அடையாளம் தெரியாமல் இறந்தவர்களை அடையாப்படுத்திய மேடை

தொழிலாளர் நலத்துறை அமைச்சர் கணேசன் அவர்கள் தனது உரையில், தான் தாமதமாக வருகை தந்ததற்கு வருத்தத்தை தெரிவித்து உரையை தொடங்கினார்.ஆசிரியர் மீது தனக்கு எப்போதும் பெரிய மதிப்பும், மரியாதையும் உண்டு. இந்த மேடை சிறப்புக்குரிய மேடை!  அடையாளம் தெரியாமல் இருந்தவர்களை, அடையாளப்படுத்திய மேடை. தனது அப்பா, சித்தப்பா இடுப்பில் இருந்த துண்டை, தோளில் போட வைத்த மேடை! கணேசனையும் மேடையில் பேச வைத்த இயக்கம் திராவிடர் இயக்கம் என்று உணர்ச்சி பெருக்கோடு பதிவு செய்தார்.  பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட மக்கள் அனைவருக்கும் கல்வியில், சாலையில் நடக்க என்று அனைத்து உரிமைக்கும் அடித்தளமிட்ட தலைவர் பெரியார்.  அதைத் தொடர்ந்து நடத்திக் காட்டியவர் கலைஞர் என்றார். தமிழர் தலைவர் அவர்கள் எப்படி 90 வயதிலும் 19 வயது இளைஞரை போல் இயங்குகிறார் என்பதை வியந்து சொன்னார்.  பெரியாரின் கொள்கைகளான பெண்களுக்கு சொத்துரிமை, உள்ளாட்சியில் இட ஒதுக்கீடு, ஆகியவற்றை கலைஞர் எப்படி சட்ட மயமாக்கினார் என்பதை விவரித்தார். மகாராஷ்டிராவில், அம்பேத்கர் பிறந்த மண்ணில், அம்பேத்கர் பெயரை பல்கலைக்கழகத்திற்கு சூட்ட முடியாத போது, தமிழ்நாட்டில் அம்பேத்கர் பெயரை பல்கலைக்கழகத்திற்கு வைத்தது தலைவர் கலைஞர் என்பதை எல்லாம் விவரித்து, ஜாதிப் பேர் கொண்ட தெருக்கள் இருந்த மண்ணில், சமத்துவபுரங்கள் கண்ட கலைஞர், அனைத்து ஜாதியினரும் அர்ச்சகர் ஆகும் திட்டத்திற்கு சட்ட வடிவம் தந்த கலைஞர். காரணம், பெரியாரின் இலட்சியங்களை நிறைவேற்றுவதே அவரின் குறிக்கோள். இன்றும் பெரியாரின் லட்சியங்களை நிறைவேற்ற, முதல்வர் கிடைத்திருக்கிறார். ஆசிரியர் அவர்கள் திட்டக்குடி வந்தபோது, அவரது உரையை கேட்டு, எப்படி அவரின் தீவிர ரசிகராக மாறினேன் என்பதை சொல்லி, திராவிடர் கழகம் புத்தகங்கள் வந்தால் உடனே வாங்கி படித்து விடுவேன் அந்த அளவிற்கு இந்த கொள்கைகள் தனக்கு பிடிக்கும் என்பதை விவரித்து மாநாட்டுக்கு வாழ்த்து தெரிவித்து அமர்ந்தார்.

லட்சியத்தை அடையும் கருவி ‘விடுதலை‘

தமிழர் தலைவர் ஆசிரியர் அவர்கள் அதே மேடையில் ஒரு சுயமரியாதைத் திருமணம், ஒரு தாலி அகற்றும் நிகழ்ச்சி அனைத்தையும் நடத்தி வைத்து அதன் பிறகு தனது உரையை தொடங்கி, பேசிக் கொண்டிருந்த நேரத்தில் தொழிலாளர் நலத்துறை அமைச்சர் கணேசன் அவர்களின் வருகையால் தனது பேச்சை இடையிலே நிறுத்தி, மீண்டும் தொடங்கி இன எழுச்சி உரையினை வழங்கினார். ஆசிரியர் தனது உரையில், மேடையில் அமர்ந்திருப்பவர்கள் நம்முடைய குடும்பத்துப் பிள்ளைகள். திராவிடர் கழக குடும்பத்துப் பிள்ளைகள். சமூக நீதிப் போராளி பாலகிருஷ்ணன் போன்றவர்கள் அமர்ந்திருக்க கூடிய மேடை என்று சொல்லி, தனது உரையை தொடங்கினார். வருகின்ற போது 89 ஆக இருந்த தனது வயது, மாநாட்டில் இருந்து திரும்பும் நேரத்தில் 29 ஆக குறைந்து இருக்கும் என்றார். மாவட்டத் தலைவர் விடுதலை நீலமேகம் அவர்கள் ஒரு சிறப்பான தொண்டர். செய்யுங்கள் என்று சொன்னால், செய்து முடிப்பவர். அவர் மட்டுமல்ல, அரியலூரில் இருக்கக்கூடிய அனைத்துப் பொறுப்பாளர்களும் ஒருங்கிணைத்து, சிறப்பான மாநாட்டை நடத்தி இருப்பதை அவர்களையெல்லாம் பாராட்டி, அரியலூரை தேர்ந்தெடுத்தது 100 சதவீதம் அல்ல 200 சதவிகிதம் வெற்றி என்பதை பதிவு செய்தார். அரியலூர் காவிக் கோட்டை என்ற ஒரு கதையைப் பரப்பினர். அந்தக் கனவை, இனி காணாதீர்கள். காரணம், இது வரலாறு படைத்திருக்கும் மாநாடு. 45 நிமிட பேரணி எந்தவித சிக்கலும் இல்லாமல், சட்ட ஒழுங்கு பிரச்சினைகளும் இல்லாமல் ராணுவ கட்டுப்பாட்டோடு இருக்கும் இயக்கம் என்பதை நிரூபித்திருக்கிறது என்றார். 

அவர் உரையின் தொடர்ச்சியில் மீண்டு வருகிற இனத்தின் எழுச்சியை சொல்ல, மீண்டும் வருகிறேன் என்று தொடங்கினார். இந்த திராவிட இயக்கம் என்பது நீதிக்கட்சியின் தொடர்ச்சி. அந்த தலைவர்களின் பதாகைகள் தாங்கிய வாகனம் ஊர்வலத்தில் வந்ததை பதிவு செய்தார். தொடர்ந்து, சென்னை மாநிலக் கல்லூரியில் நீதிக்கட்சி ஆட்சியின் போது, பார்ப்பனர் அல்லாத மாணவர்கள் படிக்க முடியாத சூழ்நிலையில், கட்டாயம் பார்ப்பனர் அல்லாத மாணவர்களை கல்லூரியில் சேர்க்கப்பட வேண்டும் என்ற அரசாணையை நீதிக் கட்சி வெளியிட்டதை விவரித்து, ஆய்வாளர் தொ. பரமசிவன் அவர்கள் எழுதிய "பண்பாட்டு அசைவுகள்" என்ற நூலில் வீடும் வாழ்வும் என்ற அத்தியாயத்தில், எப்படி பார்ப்பனர்களுக்கும் பார்ப்பனர் அல்லாதவருக்கும் இருந்த வேறுபாட்டை விளக்கி, சுட்ட செங்கலில் வீடு கட்ட கூட உரிமை இல்லாத நிலை என விவரித்தார். அதுதான் சனாதனம், மனுதர்மம் என்றார். இந்த சமயத்தில்தான், பெரியார் எனும் பேராயுதம் பல நாடுகளில் ஏற்றுக்கொள்ளப்பட்டிருக்கிறார். 

பெரியார் என்பவர் மருந்து, தீர்வு. அவர் கட்டாயம் தேவைப்படுவார். அவரின் தத்துவத்தை, அதிகாரப்படுத்த முதல்வருக்கெல்லாம் முதல்வர் முத்துவேல் கருணாநிதி ஸ்டாலின் ஆட்சி அமைந்திருக்கிறது. எல்லோரும் படிக்க வேண்டும் என்பது திராவிடம்; எல்லோரும் படிக்கக் கூடாது என்பது ஆரியம். இன்று ஆளுநர் பஜனை மடம் நடத்துவது போல் நடத்தி வருகிறார். அவர் தொடர்ந்து சனாதனமா?திராவிடமா? என்று விவாதத்தை கிளப்புகிறார். எதுவெல்லாம் சனாதனம், அந்த சனாதனம் மாற்றத்திற்கு உட்பட்டது அல்ல. அப்படி என்றால், இன்று வருகின்ற மாற்றங்கள் எல்லாவற்றையும் நீங்கள் நிராகரிக்க தயாரா? என்று அடுக்கடுக்காக, இந்த மண்ணில் ஏற்பட்ட காணொளி காட்சி, பேனா, அறிவியல் சாதனங்கள் என்று தொடங்கி இன்று குடியரசு தலைவராக இருக்கக்கூடிய ஒரு பெண் இதற்கு உங்கள் சனாதனம் அனுமதிக்கிறதா? என்ற கேள்விகளை அடுக்கினார். எங்கள் பணி என்பது நாங்கள் முன்னே சென்று கண்ணிவெடிகள் எதுவும் இருக்கிறதா என்பதைப் பார்த்து, அதை அகற்றும் பணி எங்களுடையது. இன்று 2000 இளைஞர்கள் இங்கே வருகை தந்திருக்கிறார்கள். அவர்கள் யாரும் பஞ்சாயத்து போர்டு பதவிக்குக் கூட போக முடியாது.காரணம், திராவிடர் கழகம் அதற்கு அனுமதிக்காது. ஆனாலும், அவர்கள் ஏன் இங்கு வர வேண்டும்? காவி கட்சியைப் போல் பணம் கொடுத்து அழைத்து வரப்பட்ட கூட்டமா? இல்லை! அங்கே போனாலும் காலியாக தான் இடம் இருக்கும். அங்கே இருப்பவர்கள் யார் என்றால் தேடப்படும் குற்றவாளிகள். அப்படி எல்லாம் இருக்கும் நிலையில், இங்கே தூக்கு கயிற்றை முத்தமிடவும், கொள்கைக்காக நாங்கள் தயார் என்று இளைஞர்கள் இருக்கிறார்கள். இந்த இயக்கம் எங்களுக்கானதல்ல; உங்களுக்கானது! மக்களுக்கானது! என்றார். தமிழ்நாடு ஏன் இன்றைக்கு தனியாக இருக்கிறது என்றால், தந்தை பெரியாரால்தான்.

 படிக்காதே என்றது மனதர்மம். அனைவரையும் படிக்க வைத்தது திராவிடம். ஒவ்வொரு முறையும் மதக் கலவரங்கள், மதவாதம் இந்தியாவை அச்சுறுத்துகிற போது, தமிழ்நாடு மட்டும் எப்படி அமைதி பூங்காவாக இருந்தது என்பதை ஆசிரியர் விவரித்தார். தற்போது ஆஸ்திரேலியாவிலிருந்து ஞானகுரு என்பவரால் எழுதப்பட்டிருக்கும் "அறியப்படாத இந்து மதம்" என்ற நூலினை அனைத்து இளைஞர்களுக்கும் தெரியப்படுத்தி, அந்நூலில் 'சனாதனத்தின் நீட்சியே நீட் தேர்வு' என்ற ஒரு கட்டுரையில் வரும் செய்திகளை எல்லாம் தொகுத்து சொல்லி, சமஸ்கிருதம் படித்தால் தான் ஒரு காலத்தில் மருத்துவம் என்றவர்கள், இன்று நீட் என்கிறார்கள். குலக்கல்வித் திட்டத்தை ஒழித்த மகிழ்ச்சியில் இருந்தால், இன்றைக்கு தேசிய கல்விக் கொள்கை என்கிறார்கள்.  இந்த சூழ்ச்சியை எல்லாம் தமிழ்நாடு மட்டும்தான் கண்டறிய முடியும். காரணம், நாம் அணிந்திருப்பது பெரியாரின் கண்ணாடி, நுண்ணாடி என்றார். தமிழ் மொழிக்கு எவ்வளவு மதிப்பு தற்போது இருக்கிறது? செம்மொழி தமிழ் மொழி என்ற அந்தஸ்து கலைஞரால் பெறப்பட்டது. ஆனால் இன்றைக்குத் தேசியக் கல்விக் கொள்கையில் தமிழ் மொழியின் நிலை என்ன என்ற கேள்வியை எழுப்பினார். இந்த இயக்கம் பகுத்தறிவு இயக்கம். பகுத்தறிவைப் பரப்புங்கள் என்று முதல்வர் அண்ணா பல்கலைக்கழகத்தில் நடந்த பட்டமளிப்பு விழாவில் பேசியிருக்கிறார்.

நாகரீகத்தோடு மட்டுமல்ல, நயத்தக்க நாகரிகத்தோடு முதல்வர் பேசியிருக்கிறார். ஒருபுறம் பிரதமர், அவருக்கு அருகில் ஆளுநர். அவர்கள் முன்னிலையில் நீங்கள் படித்திருக்கலாம், பட்டம் பெற்றிருக்கலாம் ஆனால், அதனைத் தாண்டி பகுத்தறிவைப் பரப்புங்கள், பகுத்தறிவை நம்புங்கள் என்று பேசியிருக்கிறார். பேசிய அமைச்சர் கணேசன் அவர்கள் நன்றி உணர்ச்சியோடு அவற்றை சொன்னாலும் கூட, அவர் சொன்ன செய்திகள் எவ்வளவு அப்பட்டமான உண்மை. இந்த திராவிடர் இயக்கம் எதையெல்லாம் சாதித்து இருக்கிறது என்பதை விவரித்தார். இதுதான் திராவிடர் கழகம், திராவிடர் இயக்கம், திராவிட முன்னேற்றக் கழகம் என்றார். இந்த புரட்சியை மேலை நாடுகளில் நடத்திக் காட்டுவதற்கு ரத்தம் சிந்த தேவை இருந்தது. ஆனால், ரத்தம் சிந்தாத, துளி ரத்தம் சிந்தாத மாற்றத்தை இன்றைக்கு தமிழ்நாடு பெற்று இருக்கிறது. காரணம், நாம் ஏந்தியது அறிவாயுதம். தந்தை பெரியார் கொடுத்த அறிவாயுதம். அந்த அறிவாயுதத்தின் ஒரு வடிவம் தான் விடுதலை நாளிதழ். எண்ணிக்கைக்காக விடுதலையை நாம் பரப்பவில்லை. மாறாக, லட்சியத்தை பரப்புவதற்காக, கொள்கையை பரப்புவதற்காக விடுதலை அனைவரையும் சென்றடைய வேண்டும். புரட்சியாளர் அம்பேத்கர் சொன்னதைப் போல இளைஞர்களுக்கு, "தான் ஏற்றுக்கொண்ட இயக்கத்தின் லட்சியம் மாத்திரம் தெரிந்தால் போதாது, அதை அடைவதற்கான நடைமுறைகளை, கருவிகளை தெரிந்து செயல்பட வேண்டும்" என்றார். அதுபோல், நமது லட்சியத்தை அடையும் கருவி தான் விடுதலை. அதை அனைவருக்கும் கொண்டு சேர்ப்போம். சிறப்பாக நடைபெற்ற இந்த மாநாட்டுக்கு பாராட்டு! பாராட்டு!

 வாழ்க பெரியார்!

 வளர்க திராவிட மாடல் ஆட்சி!

என்று ஆசிரியர் தனது உரையை நிறைவு செய்தார்.

தொகுப்பு: வழக்குரைஞர் மதிவதனி