சுயமரியாதைக் குடும்ப விழா: கழகத் துணைத் தலைவர், கழகப் பொதுச் செயலாளர் பங்கேற்பு (சென்னை, 2.10.2026)

விடுதலை நாளேடு, 3.10.26

சென்னை குடும்ப விழாவில் ‘மரண சாசனம்’ வழங்கிய 50 மகளிர்

சென்னை, அக். 7- தந்தை பெரியார் அவர்களின் 148 ஆம் ஆண்டு பிறந்தநாள் மிகச் சிறப்பாக கொண்டாடப்பட வேண்டும் என்ற கழகத் தலைவர் ஆசிரியர் அவர்கள் வலியுறுத்தலின்படி இனிப்புகள் வழங்கியும் புத்தகங்களைப் பரப்பியும் சமூகநீதி ஓட்டம் நடத்தியும் பல்வேறு வகைகளில் நடைபெற்ற கொண்டாட்டங்களின் நீட்சியாக அக்டோபர் இரண்டாம் நாள் அன்று சென்னை பெரியார் திடலில் மகளிர் அணி மகளிர் பாசறை ஒருங்கிணைப்பில் கழகக் குடும்பங்களின் கலந்துறவாடல் விருந்து நிகழ்வு மிகச் சிறப்பாக நடை பெற்றது.

காலை 10 மணிக்கு நிகழ்ச்சிக்கு வருவோர் பதிவு தொடங்கியது. 10.30 மணிக்குள் 60க்கும் மேற்பட்ட சிறுவர் சிறுமியர் மகளிர் தோழர்கள் என 150 பேர் வருகை புரிந்ததால் 11.00 மணிக்கு தொடங்குவதாக அறிவித்திருந்த விளையாட்டுப் போட்டிகளை சற்று முன்னதாகவே தொடங்கியது.

கழகத்தின் துணைப் பொதுச் செயலா ளர் வழக்குரைஞர் சே.மெ.மதிவதனி கழகக் குடும்பங்களின் உறவாடல் நிகழ்ச்சியின் அவசியத்தை விளக்கிக் கூறி வரவேற்புரை ஆற்றினார்.

கழகத்தின் துணைத் தலைவர் கவிஞர் கலி.பூங்குன்றன், தந்தை பெரியார் அவர்களின் பணிகளை குழந்தைகளுக்கும் புரியும் வண்ணம் விளக்கிப் பேசி விளையாட்டுகளை தொடங்கி வைத்தார்.

விளையாட்டு நிகழ்ச்சிகளை ஓவியச் செல்வன் குழந்தைகளுக்கும் மகளிருக்கும் விளையாட்டுகளை ஒருங்கிணைத்தார். விளையாட்டுகளை நடத்தி பரிசுக்குரிய வர்களைத் தேர்ந்தெடுத்து பதிவு செய்தனர் பொன்னேரி செல்வி, மாட்சி, தேவி மற்றும் திராவிட மாணவர் கழகத் தோழர்கள்.

150 பேருடன் தொடங்கிய விளை யாட்டுகள் நிகழ்வு 350 பேராக உயர்ந்து பகல் ஒரு மணி வரை நடைபெற்றது. அனைத்து விளையாட்டுகளிலும் மிகவும் மகிழ்ச்சியுடனும் உற்சாகத்துடனும் எப்படி பெரியார் பிஞ்சுகள் கலந்து கொண்டு மகிழ்ந்தனரோ அதைப் போன்றே மகளிர் தோழர்களும் மிக்க மகிழ்ச்சி அடைந்தனர்.

நடுப்பகல் உணவு ஏற்பாடு செய்யப்பட்டிருந்தது. எதிர்பார்த்ததற்கும் மேலாக எண்ணிக்கை உயர்ந்ததால் பெரியார் சுயமரியாதை திருமண நிலைய இயக்குநர் தோழர் பசும்பொன்னின் உடனடி நடவடிக்கையால் மாற்று ஏற்பாடு செய்யப் பட்டு அனைத்துத் தோழர்களுக்கும் உணவு அளிக்கப்பட்டது.

உணவிற்குப் பின் மூன்று மணிக்கு மாநில மகளிர் பாசறைச் செயலாளர் மணியம்மை ஒருங்கிணைப்புடன் கழகத் துணைப் பொதுச் செயலாளர் பிரின்சு என்னாரெசு பெரியார் ஏற்பாடு செய்திருந்த (கஹூத்) டிஜிட்டல் முறையில் நடைபெற்ற வினாடி வினா நிகழ்ச்சியில் 50 பேர் தங்கள் செல்பேசியில் தனியாகவும் குழுவினராகவும் இணைத்துக் கொண்டு சிறப்பித்தனர். நிகழ்ச்சியில் கேட்கப்பட்ட வினாக்கள் மிகச் சிறப்பானதாக அனைத்துத் துறை அறிவினை வழங்குவதாக இருந்தது. அனைவர் பாராட்டினையும் பெற்றது.

பிற்பகல் 4.00 மணிக்கு பிரச்சாரச் செயலாளர் அருள்மொழி இயக்க கொள்கைகளை சிறந்த முறையில் பின்பற்றுபவர்கள் பெற்றோர்களா? குழந்தைகளா? என்ற தலைப்பில் ஒருங்கி ணைத்த பேச்சரங்கம் நம் குழந்தைகளுக்கு இருக்கும் கொள்கைத் தெளிவையும், சமூகப் புரிதலையும் அழகாக நமக்கு உணர்த்தியது.

காலையிலிருந்து திறந்த வெளியிலேயே அனைத்து நிகழ்ச்சிகளும் நடந்தன. மாலை நேர தேநீருடன் பிஸ்கட்டுகள் வழங்கப்பட்டதற்கு பின் பெரியார் மய்யத்தில் உள்ளரங்க நிகழ்ச்சியாக துணைத் தலைவர் கவிஞர் அவர்களின் தலைமையில் நடைபெற்ற நிகழ்ச்சியில் செயலவைத் தலைவர் வீரமர்த்தினி வரவேற்புரை ஆற்றினார்.

கழகப் பொதுச் செயலாளர் அன்புராஜ் விளையாட்டுகளிலும் பேச்சரங்கத்திலும் விழாவிலும் கலந்து கொண்ட அனைத்துக் குழந்தைகளையும் பாராட்டி பரிசுகளும், நினைவுப் பரிசு களும் வழங்கினார்.

பிரச்சாரச் செயலாளர் அருள்மொழி நிகழ்ச்சியின் சிறப்பாக அனைவராலும் பாராட்டப் பெற்ற கழகக் குடும்பங்களைச் சேர்ந்த 50 பெண்கள் இறுதி விருப்பச் சான்றிதழில் (மரண சாசனம்) குறிப்பிடப் பட்டுள்ள சொற்களை படித்துக் காட்டி விளக்கி, இந்த முறையில் தமது இறுதி விருப்பத்தினை தெரிவித்த மகளிரின் உள்ளத் துணிவினைப் பாராட்டி வாழ்த்துரை வழங்கினார்.

தலைமை ஏற்ற கழகத் துணைத் தலைவர் கவிஞர் கலி.பூங்குன்றன் அவர்களிடமிருந்து சட்டம் (Frame) இடப்பட்ட தங்கள் இறுதி விருப்பச் சான்றிதழை மிக மகிழ்ச்சியுடன் பெற்றுக் கொண்டனர் மகளிர் தோழர்கள். தன் தலைமை உரையில் நம் சமுதாயத்தில் இறுதி நிகழ்வுகளில் இன்றும் நிகழ்ந்து கொண்டிருக்கும் மூடப் பழக்க வழக்கங்கள் பற்றியும் அதனை ஒழிக்க வேண்டிய கட்டாயம் குறித்தும் நகைச்சுவையோடு குறிப்பிட்டு மிகத் தெளிவான முறையில் தங்கள் இறுதி நிகழ்வுகள் நடைபெற வேண்டும் என்பதில் உறுதியுடன் விருப்பம் தெரிவித்துள்ள மகளிர் தோழர்களைப் பாராட்டினார்.

மகளிர் அணி மகளிர் பாசறை தோழர்களின் கூட்டு முயற்சியுடன் திட்டமிடப்பட்ட இந்த நாளின் நிகழ்ச்சிகள் அனைத்தும் மிகச் சிறப்பாக நடைபெற உதவிய வெற்றிச்செல்வி, பசும்பொன், இறைவி, பெரியார் செல்வி, ஓவியச் செல்வன், பவானி, மரகதமணி, பொன்னேரி செல்வி, மாட்சி, தேவி, நா,தேன்மொழி, அருணா, உத்ரா ஆகியோருக்கும் நிகழ்ச்சியில் தாங்களும் கலந்து கொண்டு குழந்தைகளையும் உறவினர்களையும் நண்பர்களையும் அழைத்து வந்து நிகழ்ச்சி சிறக்க உதவிய அனைவருக்கும் நன்றி கூறிட நிகழ்ச்சி நிறைவாக முடிவடைந்தது.

-விடுதலை நாளேடு, 7.10.26

தந்தை பெரியார் 148 ஆம் ஆண்டு பிறந்த நாளையொட்டி சென்னையில் சமூகநீதிக்காக ‘‘பெரியார் நடை / ஓட்டம்!’’

சமூக நீதிக்காக பெரியார் நடை/ஓட்டம்

5 கிலோ மீட்டருக்கான பெரியார் நடை / ஓட்டத்தினைக் கழகப் பொதுச்செயலாளர் வீ.அன்புராஜ் கொடியசைத்துத் தொடங்கி வைத்தார்!

3 கிலோ மீட்டருக்கான பெரியார் நடை /ஓட்டத்தினைக்
கழகப் பொருளாளர் வீ.குமரேசன்
கொடியசைத்துத் தொடங்கி வைத்தார்!

பெருந்திரளானோர் பங்கேற்பு

சென்னை, அக். 4  சென்னை பெசன்ட் நகரில் இன்று (4.10.2026) சமூகநீதிக்காக  பெரியார் நடை / ஓட்டம் (5 கிலோ மீட்டர், 3 கிலோ மீட்டர்)  மிகச் சிறப்பாக  நடைபெற்றது.

தந்தை பெரியார் அவர்களின் 148 ஆம் ஆண்டு பிறந்த நாளையொட்டி, உலகெங்கும் பெரியார் நடை / ஓட்டம் நடைபெற்று வருகிறது. அமெரிக்காவின் பல மாநிலங்களிலும், கனடா, சிங்கப்பூர் போன்ற நாடுகளிலும் நடைபெற்றுவரும் பெரியார் நடை /ஓட்டம் நிகழ்வுகளில் குடும்பத்துடன் பெரியார் பற்றாளர்கள், திராவிட இயக்க ஆதரவாளர்கள் பங்கேற்று வருகின்றனர்.

தலைமைச் செயற்குழுவில் முடிவு!

கடந்த செப்டம்பர் 3 ஆம் தேதி சென்னையில் நடைபெற்ற திராவிடர் கழகத் தலைமைச் செயற்குழு வில், தந்தை பெரியார்  பிறந்தநாளைச் சிறப்பாகக் கொண்டாடும் வகையில், பல்வேறு திட்டங்கள் அறிவிக்கப்பட்டன. அதன் ஒரு பகுதியாக, தமிழ்நாடெங்கும் அனைத்துக் கழக மாவட்டங்களிலும் சமூகநீதிக்காக ‘‘பெரியார் நடை/ ஓட்டம்’’ நடத்துவதென முடிவெடுக்கப்பட்டு, கடந்த செப்டம்பர் 19 ஆம் தேதி தஞ்சாவூரில் தொடங்கி ஒவ்வொரு மாவட்டத்திலும் நடைபெற்று வருகிறது.

சென்னையில் இன்று (4.10.2026) காலை 6 மணியளவில் பெசன்ட் நகரில் உள்ள ஆல்காட் நினைவு மேல்நிலைப்பள்ளி எதிரே தொடங்கி, பல்வேறு சாலைகளின் வழியாகச் சென்று, 3 கி.மீ., 5 கி.மீ. என இருவேறு தொலைவுகளில் “பெரியார் நடை – ஓட்டம்” நடைபெறும் என்று அறிவிக்கப்பட்டிருந்தது. குறுகிய கால அறிவிப்பு எனினும், நூற்றுக்கணக்கானோர் periyarwalk.org இணையத்தின் வாயிலாகத் தங்கள் பெயரைப் பதிவு செய்துகொண்டனர். அக்டோபர் ஒன்றாம் தேதி மாலை வரை, பதிவு செய்யக் கால அளவு நிர்ணயிக்கப்பட்டிருப்பினும், தொடர்ந்து பதிவுக்கான வேண்டுகோள் வந்துகொண்டேயிருந்ததால், அக்டோபர் 2 ஆம் தேதி நண்பகல் 12 மணிவரை நீட்டிக்கப்பட்டது.

அதையடுத்து, கடந்த இரண்டு நாட்களாகத் தங்களுக்கான டி-சர்ட், பங்கேற்பு எண் அட்டை (Bib) உள்ளிட்டவற்றைப்  பங்கேற்பாளர்கள் பெரியார் திடலுக்கு வந்து பெற்றுக் கொண்டனர்.

ஜூம்பா நடனப் பயிற்சி

இன்று (4.1.2026) காலை 5 மணி முதலே பெரியார் நடை / ஓட்டம் (மினி மாரத்தான்) நடைபெறும் பெசன்ட் நகர் ஆல்காட் நினைவு மேல்நிலைப் பள்ளிக்கு எதிரே பங்கேற்பாளர்கள், கழகத் தோழர்கள், இளைஞர்கள், பொதுமக்கள், மாணவர்கள் பெருந்திரளாகக் குவியத் தொடங்கினர். தொடக்கத்தில் அனைவரின் உடலையும் இலகுவாக்குவதற்கான ஜூம்பா நடனப் பயிற்சி வழங்கப்பட்டது.

அதற்கடுத்து, பெரியார் நடை / ஓட்டம் குறித்து  திராவிடர் கழகப் பிரச்சார செயலாளர் வழக்குரைஞர் அ.அருள்மொழி அறிமுகவுரையாற்றி, அனைவருக்கும் வாழ்த்துகளைத் தெரிவித்தார்.

5 கிலோ மீட்டருக்கான நடை / ஓட்டத்தை கழகப் பொதுச் செயலாளர் வீ.அன்புராஜ் கொடியசைத்துத் தொடங்கிவைத்தார்!

அதனைத் தொடர்ந்து, சரியாக 6.15 மணியளவில், 5 கிலோ மீட்டர் தொலைவு செல்லும் பங்கேற்பாளர்களுக்கான பெரியார் நடை / ஓட்டத்தைத் திராவிடர் கழகப் பொதுச் செயலாளர் வீ.அன்புராஜ் கொடியசைத்துத் தொடங்கிவைத்தார்.

3 கிலோ மீட்டருக்கான நடை / ஓட்டம்!

அய்ந்து நிமிடங்களுக்குப் பிறகு, 3 கிலோ மீட்டர் தொலைவு செல்லும் பங்கேற்பாளர்களுக்கான பெரியார் நடை/ ஓட்டத்தைக் கழகப் பொருளாளர் வீ.குமரேசன் தொடங்கி வைத்தார். பெசண்ட் நகர் 5 ஆம் அவென்யூ, 6 ஆம் அவென்யூ, 2 ஆம் அவென்யூ வழியாக, பெசன்ட் அவென்யூ சாலை வழியாக ஆலன் பயிற்சி மய்யம் வரை சென்று, மீண்டும் அதே வழியாகத் திரும்பி தொடங்கிய இடத்தை வந்தடைந்தது. இடையிடையே பங்கேற்பாளர்களுக்குக் குடிநீர் வசதி செய்யப்பட்டிருந்தது.

கழகப் பொதுச் செயலாளர் வீ.அன்புராஜ் தலைமையில், துணைப் பொதுச்செயலாளர் ச.பிரின்சு என்னாரெசு பெரியார், மாநில  பகுத்தறிவாளர் கழகத் தலைவர் இரா.தமிழ்ச்செல்வன், திராவிடர் கழக மாநில இளைஞரணி இணைச் செயலாளர் சோ.சுரேஷ் உள்ளிட்ட குழுவினர் விரிவான ஏற்பாடுகளைச் செய்திருந்தனர்.

பங்கேற்றோர்

இந்நிகழ்வில், திராவிடர் கழக வழக்குரைஞரணி தலைவர் த.வீரசேகரன், திராவிடர் கழகச் செயலவைத் தலைவர் வழக்குரைஞர் ஆ.வீரமர்த்தினி, தலைமைச் செயற்குழு உறுப்பினர் தே.செ.கோபால், தென்சென்னை மாவட்டத் தலைவர் இரா.வில்வநாதன், செயலாளர் செ.ரா.பார்த்தசாரதி, வட சென்னை மாவட்டத் தலைவர் வழக்குரைஞர் தளபதி பாண்டியன், செயலாளர் புரசை சு.அன்புச்செல்வன், மேற்கு மாவட்டத் தலைவர் கரு.அண்ணாமலை மற்றும் மகளிரணிப் பொறுப்பாளர்கள் பேராசிரியர் பெரியார் செல்வி உள்ளிட்ட திரளான கழக நிர்வாகிகளும்,  வழக்குரைஞர் ஜீவா கிரிதரன், எழுத்தாளர் புதிய குரல் ஓவியா, இயக்குநர் கீதா இளங்கோவன், மருத்துவர் கணேஷ் வேலுச்சாமி, எழுத்தாளர் சரவணன் உள்ளிட்டோரும் பங்கேற்றனர்.

கழகத்தவர் அல்லாத மருத்துவர்கள், அரசு ஊழியர்கள், வழக்குரைஞர்கள், பொறியாளர்கள், ஆசிரியர்கள், மாணவர்கள் உள்ளிட்ட பல துறைகளைச் சார்ந்தோரும் ஆர்வத்துடன் நிகழ்ச்சியில் பங்கேற்றது குறிப்பிடத்தக்கது.

சமூகநீதிக்கான பெரியார் நடை – ஓட்டத்தில் பங்கேற்ற அனைவருக்கும் டி–சர்ட், காலை உணவு, பதக்கம், சான்றிதழ்கள் வழங்கப்பட்டன. குறுகிய காலத்தில் சிறப்பான ஏற்பாடுகள் செய்யப்பட்டிருந்ததாகப் பங்கேற்பாளர்கள் தெரிவித்தனர். அடுத்தடுத்த ஆண்டுகளில், இன்னும் ஏராளமான பங்கேற்பாளர்கள் இணைவார்கள் என்று வழக்கமாக இத்தகைய போட்டிகளில் பங்கேற்கும் வீரர்கள் தெரிவித்தனர்.

ஒருங்கிணைப்புப் பணியில் பசும்பொன் செந்தில்குமாரி, மகளிர் பாசறை த.மரகதமணி,  மு.பவானி, அன்புச்செல்வி, காவியா தமிழ்ச்செல்வன், மாணவர் கழகத் தோழர்கள் தொண்டறம், நிலவன், பாரதிதாசன், சஞ்சய்,  ஆதித் தமிழச்சி, இளைஞரணித் தோழர்கள் நா.பார்த்திபன், சென்னகிருஷ்ணன், அ.அன்பரசன், தமிழமுதன், மாறன், தினகரன், பசுபதி, அட்டி அருண், ராசுபதி, சின்னா, அபிஷேக், தினகரன், சூர்யா, சரவணன், தம்பி மண்டேலா, வெங்கடேஷ், சின்னதுரை, கிஷோர், திருவண்ணாமலை ரெங்கநாதன், பெரியார் மாணாக்கன், இராமு, முரளிகிருஷ்ணன் சின்னதுரை, ரெங்கநாதன், வஜாகத், விஜய், கலைமணி, சக்திவேல், விஜயகுமார், புகழேந்தி, யுகேஷ், பிரசாந்த், அருள், பத்மநாபன், அரியலூர் விஜய், டைசன், வெங்கடேசு, வை.கலையரசன் உள்ளிட்ட பலரும் திறம்பட ஈடுபட்டு நிகழ்ச்சி சிறக்க உழைத்தனர்.

-விடுதலை நாளேடு, 4.10.26

தென் சென்னை ஊடகப்பிரிவு

தினத்தந்தி' நாளிதழின் நிறுவனர் சி.பா. ஆதித்தனாரின் 122ஆம் பிறந்த நாள் திராவிடர் கழகத்தின் சார்பில் சிலைக்கு மாலை அணிவிப்பு

'தினத்தந்தி' நாளிதழின் நிறுவனரும், தமிழ்நாடு சட்டப் பேரவையின் மேனாள் தலைவருமான சி.பா. ஆதித்தனார் அவர்களின் 122ஆம் பிறந்த நாளான இன்று (27.9.2026) காலை 11 மணிக்கு சென்னை எழும்பூரில் உள்ள அவரது சிலைக்கு திராவிடர் கழகத் துணைத் தலைவர் கவிஞர் கலி. பூங்குன்றன் அவர்கள் தலைமையில் மாலை அணிவிக்கப்பட்டு, சிலைக்கு கீழே வைக்கப்பட்டிருந்த சி.பா. ஆதித்தனார் படத்திற்கு மலர் தூவி மரியாதை செலுத்தப்பட்டது. இந்நிகழ்வில் கழகத் துணைப் பொதுச் செயலாளர் ச. பிரின்சு என்னாரெசு பெரியார், தென் சென்னை மாவட்டக் கழகத் தலைவர் இரா. வில்வநாதன், துறையூர் சிவா, க.கலைமணி, மகேஷ், நிலவன், யுகேஷ், முரளி, பத்மநாதன் மற்றும் தோழர்கள் பங்கேற்று மரியாதை செலுத்தினர்.

- விடுதலை நாளேடு,27.09.26

பகுத்தறிவுப் பகலவன் தந்தை பெரியார் 148ஆம் பிறந்த நாள் விழா (17.9.2026) -தென் சென்னை

 

                 தியாகராயர் நகர் பெரியார் சிலைக்கு 

                                 மாலை அணிவிப்பு

தென் சென்னை மாவட்ட திராவிடர் கழகத்தின் சார்பாக தியாகராயர் நகர் தந்தை பெரியார் சிலைக்கு தென் சென்னை மாவட்ட திராவிடர் கழக தலைவர் இரா.வில்வநாதன் தலைமையிலும் மாவட்ட செயலாளர் செ.ர.பார்த்தசாரதி,  காப்பாளர் மு.ந. மதியழகன் பொதுக்குழு உறுப்பினர் கோ.வீ. ராகவன், துணைத் தலைவர் டி.ஆர். சேதுராமன் ஆகியோர் முன்னிலையிலும் மாலை அணிவிக்கப்பட்டது.

அரும்பாக்கம் சா.தாமோதரன்,எம்.டி.சி. இராஜேந்திரன், ஆட்டோ சேகர், இளைஞரணி தலைவர் ந.மணிதுரை, இளைஞர் அணி துணைச் செயலாளர் இரா. மாரிமுத்து மற்றும் அமைந்தகரை மோகன் ஆகியோர் பங்கேற்றனர்.

பெரியார் பாலம் சிம்சன் எதிரில் உள்ள தந்தை பெரியார்  சிலைக்கு மாலை அணிவிப்பு

தென் சென்னை மாவட்ட திராவிடர் கழகத்தின் சார்பாக பெரியார் பாலம் சிம்சன் எதிரில் உள்ள தந்தை பெரியார்  சிலைக்கு 17.9.26 முற்பகல் 11.45 மணி அளவில் தென் சென்னை மாவட்ட திராவிடர் கழக தலைவர் இரா.வில்வநாதன் தலைமையிலும் மாவட்ட செயலாளர் செ.ர.பார்த்தசாரதி,   பொதுக்குழு உறுப்பினர் கோ.வீ. ராகவன் ஆகியோர் முன்னிலையிலும் மாலை அணிவிக்கப்பட்டது. இனிப்பு வழங்கப்பட்டது.

சூளைமேடு நல்.இராமச்சந்திரன், மாவட்ட இளைஞரணி துணைத் தலைவர் ச.மகேந்திரன் ஆகியோர் பங்கேற்றனர்.

திருவல்லிக்கேணி அய்ஸ் அவுஸ் பகுதியில் தந்தை பெரியார் படம் வைக்கப்பட்டு மாலை அணிவிக்கப்பட்டது

தென் சென்னை மாவட்ட திராவிடர் கழகத்தின் சார்பாக திருவல்லிக்கேணி அய்ஸ் அவுஸ் பகுதியில் 17.9.26 நண்பகல் 12 .10 மணியளவில் தந்தை பெரியார் படம் வைக்கப்பட்டு மாலை அணிவிக்கப்பட்டது. தென் சென்னை மாவட்ட திராவிடர் கழக தலைவர் இரா.வில்வநாதன் இனிப்புகளை வழங்கினார். மாவட்ட செயலாளர் செ.ர.பார்த்தசாரதி, பொதுக்குழு உறுப்பினர் கோ.வீ.ராகவன், ஆகியோர் முன்னிலையிலும் மாலை அணிவிக்கப்பட்டது.

இளைஞரணி துணைத் தலைவர் ச.மகேந்திரன், இளைஞர் அணி துணைச் செயலாளர் இரா. மாரிமுத்து மற்றும் தோழர்கள் பங்கேற்றனர்.

கடற்கரை காமராஜர் சாலையில் பெரியார் படத்திற்கு மாலை அணிவிக்கப்பட்டது- நொச்சிநகர்

தென் சென்னை மாவட்ட திராவிடர் கழகத்தின் சார்பாக மயிலாப்பூர், காமராசர் சாலையில் உள்ள அனைத்து இந்திய வானொலி நிலையத்தின் வாயிலுக்கு அருகில் 17.9.26 நண்பகல் 12 .30 மணியளவில், தந்தை பெரியார் படம் வைக்கப்பட்டு மாலை அணிவிக்கப்பட்டது. தென் சென்னை மாவட்ட திராவிடர் கழக தலைவர் இரா.வில்வநாதன் தலைமையிலும், மாவட்ட செயலாளர் செ.ர.பார்த்தசாரதி, பொதுக்குழு உறுப்பினர் கோ.வீ.ராகவன், ஆகியோர் முன்னிலையிலும் மாலை அணிவிக்கப்பட்டது.

இளைஞரணி துணைத் தலைவர் ச.மகேந்திரன், இளைஞர் அணி துணைச் செயலாளர் இரா. மாரிமுத்து மற்றும் தோழர்கள் பங்கேற்றனர்.

மந்தைவெளி செயின்மேரிசு பாலம் அருகில்

மந்தைவெளி, 'வன்னியம்பதி குடியிருப்பு' பகுதியில் உள்ள தந்தை பெரியார் சிலைக்கு மாலை அணிவிப்பு, மற்றும் கழகக் கொடியேற்றம்

தென் சென்னை மாவட்ட திராவிடர் கழகத்தின் சார்பாக 17.9.26 பிற்பகல் 1.15 மணியளவில், மந்தைவெளி பகுதியை சேர்ந்த 'வன்னியம்பதி குடியிருப்பு' பகுதியில் உள்ள தந்தை பெரியார் சிலைக்கு மாவட்ட இளைஞரணி துணைச் செயலாளர் இரா.மாரிமுத்து தலைமையில், இளைஞர் அணி மாவட்ட துணைத் தலைவர் ச.மகேந்திரன் முன்னிலையில் மாவட்ட செயலாளர் செ.ர.பார்த்தசாரதி மாலை அணிவித்தார்.

பொதுக்குழு உறுப்பினர் கோ.வீ.ராகவன் தலைமையில்

தென் சென்னை மாவட்ட திராவிடர் கழக தலைவர் இரா.வில்வநாதன் கழகக் கொடியை ஏற்றி வைத்தார்.

தோழர்கள் பங்கேற்றனர்.

                  தந்தை பெரியார் நினைவிடம் -17.9.26

வட சென்னை - பெரவள்ளூர் சதுக்கம்

தந்தை பெரியார் பிறந்த நாள் விழா பொதுக்கூட்டம்

     பகுத்தறிவுப் பகலவன் தந்தை பெரியார் 148ஆம் பிறந்த நாள்

                                                      யூ டியூப் காணொலி

பகுத்தறிவுப் பகலவன் தந்தை பெரியார் 148ஆம் பிறந்த நாள் விழா (17.9.2026) கழகத் தோழர்கள் சமூகநீதி நாள் உறுதிமொழி ஏற்று மாலை அணிவித்து மரியாதை

                                         - விடுதலை நாளேடு, 26.9.2026              

                      - விடுதலை நாளேடு, 27.9.2026

                               - விடுதலை நாளேடு, 28.9.2026

தெலங்கான நாத்திக சங்கத்தினரின் இசைப் பாடலுடன் பெரவள்ளூரில் பெரியார் 148 ஆம் பிறந்தநாள் விழாப் பொதுக்கூட்டம்!

சென்னை, செப்.20 வடசென்னை மாவட்ட திராவிடர் கழகம் சார்பில், பெரம்பூர் – அகரம் – பெரவள்ளூர் சதுக்கத்தில் கடந்த 17.9.2026 அன்று மாலை 6 மணிக்கு, “உலகத் தலைவர் தந்தை பெரியாரின் 148 ஆம் பிறந்தநாள் விழா நடைபெற்றது. பெரியார் பெருந்தொண்டரும், வடசென்னை மாவட்ட கழக மகளிரணி மேனாள் தலைவருமான கு.தங்கமணி குணசீலன் நினைவாக அம்மேடை அமைக்கப்பட்டி ருந்தது.

நிகழ்வில், வடசென்னை மாவட்டச் செயலாளர் புரசை சு.அன்புச்செல்வன் அனைவரையும் வரவேற்றும், ஏன் பெரியார் பிறந்தநாள் கொண்டாட வேண்டும் என்பதையும் சுட்டிக்காட்டி உரையாற்றினார்.

நிகழ்ச்சிக்கு தலைமை வகித்து உரையாற்றிய, மாவட்டத் தலைவர் வழக்குரைஞர் தளபதி பாண்டி யன், நிகழ்ச்சியை நெறிப்படுத்தியும் சிறப்பித்தார். தலைமை செயற்குழு உறுப்பினர் வழக்குரைஞர் சு.குமாரதேவன் தொடங்கி வைத்தும், மாநில ஒருங்கிணைப்பாளர் வி.பன்னீர்செல்வம், திராவிடர் மகளிர் பாசறை மாநிலச் செயலாளர் வழக்குரைஞர் பா.மணியம்மை, வழக்குரைஞரணி மாநில துணைச் செயலாளர் வழக்குரைஞர் துரை. அருண், துணைப்பொதுச்செயலாளர் வழக்குரைஞர் சே.மெ.மதிவதனி, பிரச்சாரச் செயலாளர் வழக்குரைஞர் அ.அருள்மொழி, செயலவைத் தலைவர் வழக்குரைஞர் ஆ.வீரமர்த்தினி, பொருளாளர் வீ.குமரேசன், துணைத் தலைவர் கவிஞர் கலி.பூங்குன்றன் ஆகியோர் முன்னிலை வகித்தும் உரையாற்றினர்.

துணைப் பொதுச்செயலாளர் ச.பிரின்சு என்னாரெசு பெரியார், மாநில இளைஞரணி இணைச் செயலாளர் சோ.சுரேஷ், மாநில மகளிரணி துணைச் செயலாளர் க.இறைவி, மாநில மகளிரணி துணைச் செயலாளர் வீ.கே.ஆர்.பெரியார் செல்வி, தலைமை செயற்குழு உறுப்பினர் தே.செ.கோபால், பகுத்தறிவாளர் கழகத் தலைவர் இரா.தமிழ்ச்செல்வன், பொதுச்செயலாளர் ஆ.வெங்கடேசன், சி.வெற்றிச்செல்வி, பெரியார் சுயமரியாதைத் திருமண நிலைய இயக்குநர் பசும்பொன், மாநில மாணவர் கழக துணைச் செயலாளர் செ.பெ.தொண்டறம், முனைவர் அதிரடி க.அன்பழகன், முனைவர் த.கு.திவாகரன், தென்சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, தாம்பரம் மாவட்டத் தலைவர் ப.முத்தையன், சு.மோகன்ராஜ், தென்சென்னை மேற்கு மாவட்டத் தலைவர் கரு.அண்ணாமலை, ஆவடி மாவட்டத் தலைவர் வெ.கார்வேந்தன், செயலாளர் க.இளவரசன், கும்மிடிப்பூண்டி மாவட்டத் தலைவர் புழல் க.ஆனந்தன் ஆகியோர் முன்னிலை வகித்து சிறப்பித்தனர்.

தந்தை பெரியார்பற்றிய கொள்கைப் பாடல்கள்!

முன்னதாக, தெலங்கான நாத்திக சங்கத்தின் நிறுவனர் ஜி.டி.சாரய்யாவின் தலைமையில் பாலாஜி, ராமகிருஷ்ணன், சிறீதர், ஸ்பார்ட்டகஸ், ராஜ்குமார், ஆனந்த் மற்றும் போஸ் பாபு ஆகியோர் இந்நிகழ்வில் கலந்துகொண்டு, தெலுங்கில், தாளத்துடன் மூன்று பாடல்களைப் பாடினர். ஒன்று, பெரியார் கொள்கை எப்படிப்பட்டது என்றும், மற்றொன்று, பார்ப்பன ஆதிக்கம் எப்படிப்பட்டது என்றும், மூன்றாவது, பெரியார் அதை எப்படியெல்லாம் தகர்த்தார் என்றும் அப்பாடல்கள் அமைந்திருந்தது. கலந்து கொண்ட அனைவரும் மிகுந்த ஈடுபாட்டுடனும், உணர்ச்சி யுடனும் பாடல்களைப் பாடினர். இந்நிகழ்வில் கலந்து கொண்டு பாடிய ஸ்பார்ட்டகஸ், ஆங்கிலத்தில் மூன்று பாடல்களின் கருத்தை சுருக்கமாக விவரித்தார். மாவட்டத் தலைவர் வழக்குரைஞர் தளபதி பாண்டியன் அதைத் தமிழில் பெயர்த்துக்கூறினார்.

இயக்க நூல்கள் அறிமுகம்!

தொடர்ந்து, ‘‘பெரியார் கேட்கும் கேள்விகள்” 10 புத்தகங்கள் ரூ.200/- க்கும், ”உலகத்தலைவர் தந்தை பெரியார் வாழ்க்கை வரலாறு” 12 தொகுதிகள் ரூ.3,000/- க்கும், ”விடுதலை மலர்” ரூ.300–க்கும் அறி முகம் செய்யப்பட்டன. தோழர்கள் வரிசையாக வந்து கழகத் தலைவரிடம் புத்தகங்களை பெற்றுச் சென்றனர்.

‘‘பெரியார் உலக”த்திற்கு
நன்கொடை!

பெரியார் பெருந்தொண்டர் முத்துக்கிருஷ்ணன், ‘‘பெரியார் உலகம்” நன்கொடை ரூ.30,000/-, விடுதலை சந்தா ரூ.2,000/-, ‘‘சாமி கைவல்யம் முதியோர் இல்லம்” நன்கொடையாக ரூ.2,000/-, அன்னை நாகம்மையார் குழந்தைகள் இல்லத்திற்கு ரூ.2,000/- என மொத்தம் ரூ.36,000/- காசோலையாக, ஆவடி மாவட்டச் செயலாளர் க.இளவரசன் உடனிருக்க, கழகத் தலைவரிடம் வழங்கினார். அண்மையில் மணவிழா கண்ட வடசென்னை மாவட்ட அமைப்பாளர் ஓட்டேரி சி.பாஸ்கர் மகள் இளையமதி – சதீஷ் இணை யர்கள் ”பெரியார் உலகம்” நிதியாக ரூ.15,000/- வழங்கினர்.  பெரம்பூர் – செம்பியம் திராவிடர் கழகம் சார்பில், மாவட்டக் காப்பாளர் கி.இராமலிங்கம், கழகத் தலைவருக்குப் பயனாடை அணிவித்து, பெரியார் உலக நிதிக்கு ரூ.1000 வழங்கினார். கழகத்தின் இளைஞரணி சார்பில் தமிழர் தலைவர் ஆசிரியர் அவர்களுக்குப் பயனாடை அணிவித்து, மரியாதை செய்யப்பட்டது. சுயமரியாதைத் திருமண நிலையத்தின் இயக்குநர் பசும்பொன் செந்தில்குமாரி கழகத்தலைவருக்கு பயனாடை அணிவித்து மரியாதை செய்தார்.

மேலும், “பெரியார் எனும் வியப்பு” எனும் நூலை நூலாசிரியர் மோகன் மேடையில் அமர்ந்திருந்த வர்களுக்கு வழங்கி மகிழ்ந்தார். நிறைவாக கழகத் தலைவர் உரையாற்றினார்.

வடசென்னை மாவட்டக் காப்பாளர் கி.இராமலிங்கம் நன்றி கூறி நிகழ்ச்சியை நிறைவு செய்தார்.

முன்னதாக, கூட்ட செலவில் துண்டு விழுந்துள்ளது என்று, தலைமைச் செயற்குழு உறுப்பினர் வழக்குரைஞர் சு.குமாரதேவன், தோழர்கள் பொதுமக்களிடம் துண்டேந்தி வருவார்கள் என்று அறிவிப்பு செய்திருந்தார். அதன்படி தோழர்கள் பசும்பொன்னும், த.மரகதமணியும் துண்டேந்திச் சென்றனர். குறைந்த நேரத்தில் மக்கள், ரூ.3,200/- ரூபாயை கூட்ட செலவுக்காக வழங்கியிருந்தனர். அத்தொகை மேடையில் அறிவிக்கப்பட்டது.

இந்நிகழ்வில் மரகதமணியுடன் பா.பார்த்திபன், ந.கார்த்திக் உள்ளிட்டோர் கலந்துகொண்டனர். தோழர்கள் பெரியார் மாணாக்கன், பூவை செல்வி, ஆவடி முருகேசன், பெரியார் சமூகக் காப்பு அணி பயிற்றுநர் காமராஜ், இளைஞரணித் தோழர்கள் பூவரசன், யுகேஷ், ஊடவிலயாளர் த.பரிதின், ஆவடி ஆ.வெ.நடராஜன், இ.தமிழ்மணி, பொதுக்குழு உறுப்பினர் தி.செ.கணேசன், செம்பியம் கழக செயலாளர் டி.ஜி.அரசு, மாவட்ட துணைச் செயலாளர் வ.தமிழ்ச்செல்வன், திராவிட மாணவர் கழகச் செயலாளர் அ.புகழேந்தி, மகளிரணிச் செயலாளர் த.இளவரசி, மாவட்ட தொழிலாளர் கழகத் தோழர் க.சுமதி, அயன்புரம் துரைராஜ், செந்துறை இராசேந்திரன், சி.வாசு, பெரியார் பெருந்தொண்டர்கள் கோ.தங்கமணி, தங்க. தனலட்சுமி, அரும்பாக்கம் சா.தாமோதரன், கோவை சகா உள்ளிட்டோரும், பொதுமக்கள் ஏராளமானோரும் கலந்துகொண்டு சிறப்பித்தனர். கலந்துகொண்ட அனைவருக்கும் தந்தை பெரியார் 148 ஆம் பிறந்த நாளை முன்னிட்டு இனிப்பு வழங்கப்பட்டது.

கடைசி வரையிலும் மக்கள் கலையாமல் இருந்து கருத்துகளை உள்வாங்கிக்கொண்டனர். மொத்தத்தில் இந்நிகழ்வு திராவிடர் இயக்கத்தின் மாலை நேரக் கல்லூரியாக இருந்து மக்களுக்கு பெரியாரின் அவசியம் பற்றி மறுபடியும் கற்றுத் தந்ததாக அமைந்திருந்தது குறிப்பிடத்தக்கது.

- விடுதலை நாளேடு, 20.09.2026

தென் சென்னை திராவிடர் கழக ஊடகம்

யூடியூப் காணொலி