சென்னை, டிச.12 திராவிடர் கழகம் சார்பில் ஜாதி ஒழிப்புப் போராட்டத்தில் உயிர் நீத்த போராளிகளுக்குத் தமிழ் நாடெங்கும் வீர வணக்கப் பொதுக்கூட்டங்கள் நடை பெற்றன.
விவரம் வருமாறு:
மயிலாப்பூர்
தென்சென்னை கழக மாவட்டம் மயிலை பகுதி சார்பில் மயிலாப்பூர் செயின்ட் மேரிஸ் பாலம், மந்தைவெளி ரயில் நிலையம் அருகில் 28.11.2022, திங்கள், மாலை 6.00 மணி அளவில் பெரியார் யுவராஜ் தலைமையில் ஜாதி ஒழிப்பு போராளிகளுக்கு வீரவணக்க நாள் பொதுக்கூட்டம் நடை பெற்றது.
மாவட்டத் தலைவர் இரா. வில்வநாதன், செயலாளர் செ.ர. பார்த்தசாரதி, துணைத் தலைவர் டி.ஆர். சேதுராமன், கோ.வீ. ராகவன், ஈ.குமார், இரா. பிரபாகரன், ச.மகேந்திரன், ந.மணி துரை, க.விஜயராஜா, அப்துல்லா ஆகியோர் முன்னிலை யேற்றனர். மந்தைவெளி பொறுப்பாளர் இரா. மாரிமுத்து வரவேற்பு உரையாற்றினார். கழக சொற்பொழிவாளர் தி. என்னாரெசு பிராட்லா, வழக்குரைஞர் ஆ. வீரமர்த்தினி (வழக்குரைஞர் அணி அமைப்பாளர்), மாவட்ட செயற்குழு உறுப்பினர் எஸ்.குமார் ஆகியோர் கருத்துரை ஆற்றினார்.
முன்னதாக நாத்திகனின் - மந்திரமா? தந்திரமா? அறிவியல் விளக்க கலை நிகழ்ச்சி நடைபெற்றது.
சோழிங்கநல்லூர் மாவட்ட தலைவர் ஆர்.டி. வீரபத்திரன், தாம்பரம் மோகன்ராஜ், ஆவடி மாவட்ட துணை செயலாளர் க.தமிழ்ச்செல்வன், ஒளிப்படக் கலைஞர் சிவக்குமார், உடுமலை வடிவேலு, பன்னீர் மற்றும் ஏராளமான பொது மக்கள் கலந்து கொண்டு சிறப்பித்தனர்.
கூட்டத்தின் முடிவில் மு.முத்து நன்றி உரையாற்றினார்.
25.11.2022 அன்று மாலை சோழிங்கநல்லூர் மாவட்ட திராவிடர் கழகம் சார்பில்”ஜாதி ஒழிப்பு போராளிகளுக்கு”வீர வணக்க நாள் பொதுக்கூட்டம் செம்பாக்கம் காமராஜபுரம் பேருந்து நிலையம் அருகில் நடைபெற்றது.
கூட்டத்திற்கு மாவட்ட தலைவர் நீலாங்கரை ஆர்.டி.வீர பத்திரன் தலைமை உரையில் ஜாதி ஒழிப்பு போராளிகளின் வீர வரலாற்றை எடுத்துரைத்தார்.
மாவட்ட செயலாளர் விஜய் உத்தமராஜ் வரவேற்புரையில் ஜாதி ஒழிப்பு போராளிகள் கொள்கை உறுதியுடன் போராட் டத்தில் மகிழ்ச்சியுடன் கலந்து கொண்டு சிறை சென்றனர் என்ற அந்த துயரம் நிறைந்த வரலாற்றை எடுத்துரைத்து ஜாதி ஒழிப்புத் போராளிகளால் மக்களுக்கு கிடைத்த பாதுகாப்பு களை எடுத்துக் கூறினார். மாவட்ட கழக துணைச் செயலாளர் வேலூர் பாண்டு, மாவட்ட ப.க. தலைவர் ஆனந்தன், மாவட்ட ப.க. அமைப்பாளர் பி.சி.ஜெயராமன், தாம்பரம் மாவட்ட கழக தலைவர் முத்தையன், மாவட்ட கழக அமைப்பாளர் குழ.செல்வராசு முன்னிலையேற்றனர்.
சி.அய்.டி.யு கட்சியின் நகர தலைவர் தோழர் அப்புனு, பா.ஜ.க ஆட்சியின் அவலங்களை எடுத்துரைத்து மக்கள் மிக எச்சரிக்கையாக வரும் தேர்தல்களில் ஒரு மாற்றத்தை ஏற்படுத்த வேண்டும் என்று உரை ஆற்றினர்.
மனிதநேய மக்கள் கட்சியின் செங்கல்பட்டு மாவட்ட தலைவர் தோழர் எஸ்.கே. ஜாகீர் உசேன் தமது உரையில் பா.ஜ.க ஆட்சியில் இஸ்லாமியர்கள் படும் துன்பங்களை எடுத்துரைத்து வரும் 2024 ஆண்டு நடைபெறும் நாடாளு மன்ற தேர்தலில் மக்கள் விழிப்பாக இருந்து பா.ஜ.க கட்சியை புறக்கணிக்க வேண்டும் என்று எடுத்துரைத்து ஜாதி ஒழிப்பு போராளிகளுக்கு வீர வணக்க நாள் உரை நிகழ்த்தி உரையை நிறைவு செய்தார்.
தொடர்ந்து செம்பாக்கம் நகர திராவிட முன்னேற்றக் கழக 39 ஆவது வட்ட செயலாளர் உடன்பிறப்பு தனவந்தன், தந்தை பெரியார் அவர்களின் சிந்தனைகளை மற்றும் ஜாதி ஒழிப்பு போராளிகளின் சிறப்புகளை எல்லாம் எடுத்துரைத்து மிக சிறப்பாக உரை ஆற்றினர்.
தொடர்ந்து திராவிடர் கழக பொதுச்செயலாளர் வீ.அன்பு ராஜ் ஜாதி ஒழிப்பு போராளிகளின் தொண்டை நாம் மதித்து எப்படி மக்கள் போற்ற வேண்டும் மற்றும் தமிழ்நாட்டில் நடைபெறும் திராவிட மாடல் ஆட்சியில் மக்களுக்கு ஏற்படும் திட்டங்களால் மக்கள் மகிழ்ச்சியில் திளைக்கிறார்கள். இந்த ஆட்சியை நம் மக்கள் தொடர்ந்து தக்கவைத்துக் கொள்ள வேண்டும் என்று சிறப்புரை ஆற்றினார்.
தொடர்ந்து தாம்பரம் செயலாளர் கோ.நாத்திகன் ஜாதி ஒழிப்பு போராளிகளுக்கு நாம் இரண்டு நிமிடம் அமைதியை கடைபிடித்து அவர்கள் நினைவை போற்றுவோம் என்று கூறினார். அதனை தொடர்ந்து மக்கள் இரண்டு நிமிடம் அமைதியை கடைபிடித்து போராளிகளின் நினைவை போற்றினர். அதனை தொடர்ந்து ஜாதி ஒழிப்பு கருத்துரை வழங்கி உரையாற்றினார்.
சிறப்புரை வழங்கிய கழக சொற்பொழிவாளர் தோழர் சே.மெ.மதிவதனி தொடர்ந்து ஒரு மணி நேரம் ஜாதி ஒழிப்பு போராளிகளின் வீர வரலாற்றை மிக துல்லியமாக எடுத் துரைத்து பொது மக்கள் சிந்திக்கும் வகையில் மிக நேர்த்தியாக ஜாதி ஒழிப்பு போராளிகளுக்கான வீர வணக்க நாள் செய்தி களை மக்களுக்கு ஏராளமாக எடுத்துக் கூறி பொதுக்கூட் டத்தை தன் கட்டுப்பாட்டுக்குள் கொண்டு வந்து வரலாற்றுச் செய்திகளை நிறைவு செய்தார்.
முடிவில் தோழர் தேவி சக்திவேல் நன்றியுரை ஆற்றினார்.
பொதுக்கூட்டத்தில் மு.நித்தியானந்தம், டி.வி.கதிரவன், தாம்பரம் சு.மோகன்ராஜ், கரசங்கால் ரெ.கதிர்வேல், மாடம் பாக்கம் அ.கருப்பையா, பெருங்களத்தூர் கோ.பழனிச்சாமி, மா.குணசேகரன், மாவட்ட பொருளாளர் கூடுவாஞ்சேரி மா.இராசு, கூடுவாஞ்சேரி மு.தினேஷ்குமார், பழைய வண்ணை ந.அரசு, செம்பாக்கம் வழக்குரைஞர் எஸ்.பிச்சை முத்து, செம்பாக்கம் சக்திவேல், பெரும்பாக்கம் மண்டேலா, திருவாரூர் அனந்தராஜ், வருண், பிரபு, கோபி கண்ணன், முத்து, பாலா, இன்பரசி மற்றும் சேஷாத்ரி ஆகியோர் மற்றும் பல கழக தோழர்கள் கலந்து கொண்டு சிறப்பித்தனர்.
கருத்துகள் இல்லை:
கருத்துரையிடுக