மதுரை பொதுக்குழுவில் அறிவிக்கப்பட்ட புதிய பொறுப்பாளர்கள்

  June 26, 2022 • Viduthalai

மதுரையில் 25-06-2022 அன்று நடைபெற்ற திராவிடர் கழக பொதுக்குழுவில் கழகத் தலைவரின் ஒப்புதலுடன் அறிவிக்கப்பட்ட பொறுப்பாளர்கள் 

திருச்சி மண்டலம்: 

மண்டலத் தலைவர்: ப. ஆல்பர்ட், 

மண்டலச் செயலாளர்: ச.மணிவண் ணன், துறையூர், 

காப்பாளர்: மு. நற்குணன், திருச்சி.

சிவகங்கை மண்டலம்: 

மண்டலத் தலைவர்: கே.எம். சிகாமணி, இராமேசுவரம், 

மண்டலச் செயலாளர்: அ. மகேந்திரராசன், மானாமதுரை.

காரைக்குடி மாவட்டம்: 

பொதுக்குழு உறுப்பினர்: சாமி.திராவிடமணி.

வேலூர் மாவட்டம்: 

மாவட்டத் தலைவர்: இரா. அன்பரசன், 

மாவட்டச் செயலாளர்: உ.விசுவ நாதன், 

பொதுக்குழு உறுப்பினர்: வி.இ.சிவக்குமார்.

வேலூர் மாநகரம்:

மாநகர தலைவர்: ந. சந்திரசேகரன், 

மாநகர செயலாளர்: அ.மொ.வீரமணி.

சேலம் மாவட்டம்: 

காப்பாளர்: கே.ஜவகர், 

மாவட்டத் தலைவர்: அ.இ. இளவழகன்,

மாவட்டச் செயலாளர்: பா.வைரம்.

சேலம் மாநகரம்: 

மாநகர தலைவர்: அரங்க.இளவரசன், 

மாநகர செயலாளர்: ச.வெ.இராவண பூபதி.

திருவள்ளூர் மாவட்டம்: 

மாவட்டத் தலைவர்: கோ.கிருட்டினமூர்த்தி, 

மாவட்டச் செயலாளர்: ந. இரமேஷ், 

தருமபுரி மாவட்டம்:  

மாவட்டச் செயலாளர்: வழக்குரைஞர் பீம. தமிழ் பிரபாகரன்.

பெரம்பலூர் மாவட்டம்: 

மாவட்டச் செயலாளர்: மு. விசயேந்திரன்.

சோழிங்கநல்லூர் மாவட்டம்: 

மாவட்டச் செயலாளர்: அ.விஜய் உத்தமன்ராஜ், செம்பாக்கம்,

 மாவட்ட இளைஞரணி செயலாளர்: ஆர். சந்தோஷ்.

காஞ்சிபுரம் மாவட்டம்: 

மாவட்ட அமைப்பாளர்: செ.ரா. முகிலன், 

மாவட்ட இளைஞரணி அமைப் பாளர்: வீ. கோவிந்தராஜ், 

காஞ்சி ஒன்றிய அமைப்பாளர்: அ.வெ. முரளி.

ஆத்தூர் மாவட்டம்: 

பொதுக்குழு உறுப்பினர்: அ.சுரேஷ், பெத்தநாயக்கன் பாளையம்.

நீலமலை மாவட்டம்: மாவட்ட துணைத் தலைவர் யா.சத்தியநாதன்,

திருநெல்வேலி மாவட்டம்: மாவட்டத் தலைவர்: இரா. காசி, மாவட்டச் செயலாளர்: இரா.வேல்முருகன், மாவட்ட துணைத் தலைவர்: ச. இராசேந்திரன். 

செங்கல்பட்டு மாவட்டத்துடன் இணைப்பு: தாம்பரம் மாவட்டத்திலிருந்த மறைமலை நகர், சிங்க பெருமாள் கோயில், கல்பாக்கம் ஆகிய பகுதிகள் செங்கற்பட்டு மாவட்டக் கழகத்துடன் இணைக்கப்படுகின்றன.

மேற்கண்ட அறிவிப்புகளை   கழகத் தலைவரின் ஒப்புதல் படி கழகத் துணைத் தலைவர் கவிஞர் கலி.பூங்குன்றன் அறிவித்தார். 

இந்தியில் உள்ள ஒரே இதிகாசம் துளசிதாஸ் இராமாயணமே! பிராமணனை வணங்குவதுதான் மோட்சத்திற்கு வழி என்கிறான் ராமன் இவற்றைக் கூறும் இந்தி நமக்குத் தேவையா?

  June 20, 2022 • Viduthalai

சென்னை, ஜூன் 20  இந்தியில் உள்ள ஒரே இதிகாசம் துளசிதாஸ் இராமாயணம். அதில் இராமன் கூறுகிறான், பிராமணனை வணங்குபவன்தான் மோட்சத்திற்குப் போவானாம். இப்படிக் கூறும் இந்தி நமக்குத் தேவையா? என்றார்  திராவிடர் கழகத் துணைத் தலைவர் கவிஞர் கலி.பூங்குன்றன் அவர்கள். 

இந்தி எதிர்ப்பு மாநாடு

கடந்த 4.6.2022  அன்று மாலை    சென்னை சைதாப் பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டில் திராவிடர் கழகத் துணைத் தலைவர் கவிஞர் கலி.பூங்குன்றன் அவர்கள் சிறப்புரையாற்றினார். அவரது சிறப்புரை வருமாறு:

இந்த சைதையில் எத்தனையோ நிகழ்ச்சிகளை திராவிடர் கழகம் நடத்தியிருக்கிறது. சமூகநீதிக் காவலர் வி.பி.சிங் உள்பட திராவிடர் கழகத்தின் சார்பாக ஏற்பாடு செய்யப்பட்ட மாநாட்டில் இதே இடத்தில் பங்கேற்று உரையாற்றி இருக்கிறார்.

1926 ஆம் ஆண்டிலேயே எடுத்துச் சொல்லியிருக்கிறார்கள்

இந்தி எதிர்ப்பு என்பது ஒரு கலாச்சாரப் படையெடுப்பு, பண்பாட்டுப் படையெடுப்பு என்று தந்தை பெரியார் அவர்கள் தொடக்கத்திலே, இன்னும் சொல்லப்போனால், 1926 ஆம் ஆண்டிலேயே எடுத்துச் சொல்லியிருக் கிறார்கள்.

தொடர்ந்து பல்வேறு போராட்டங்களையும், மாநாடு களையும் நாம் நடத்தி வந்திருக்கின்றோம்.

எனக்கு முன்னால் பேசிய பிரச்சார செயலாளர் சொன்னதுபோல, இந்தி என்பது இலக்கிய நலன் சார்ந்ததல்ல. வெறும் புராண குப்பைகள் என்று சொன்னார். அதில் ஒன்றுதான், துளசிதாஸ் இராமாயணம். 

துளசிதாஸ் இராமாயணம்

அதில் உள்ள ஒரே ஒரு பகுதியைச் சொல்லி நான் தீர்மானத்திற்கு வருகின்றேன்.

அதில் என்ன சொல்கிறார்கள்? பிராமணர்கள் பாதங்களில் குறையாத பக்தியை வைப்பதுதான் மோட்சம் அடைவதற்குரிய எளிய வழியாகும்.

வேதங்கள் கற்பிப்பதற்கு ஏற்ப, ஒருவன் ஜாதிக்கு விதிக்கப்பட்ட கடமையை நிறைவேற்றவேண்டும்.

ராமன் சொல்லுகிறான்,

பிராமணர்களை வெறுப்போர் என்னால் விரும்பப் படமாட்டார்கள்.

பிராமணர்களின் செல்வாக்குக்கு உள்பட்டு இருக்கின்ற பிரம்மாவும், சிவனும், பிற கடவுளரும் பிராமணர்களை விசுவாசத்துடன் வழிபடுகின்றனர்.

பிராமணன் ஒருவன் சாபம்  கொடுத்தாலும், கொலை செய்தாலும், கொடிய சொற்களைப் பேசினாலும்கூட, அந்த பிராமணன் வழிபடத்தக்கவனே!

இந்த உலகில் ஒருவன் செய்யத்தக்க நற்செயல் ஒன்றே ஒன்றுதான். அதற்கு இணையாக வேறு எதையும் செய்ய முடியாது.

அந்த நற்செயல் என்பது, பிராமணர்கள், ரிஷிகள், முனிவர்கள் பாதங்களை வணங்குவதுதான்.

இவ்வாறு செய்தால், கடவுள் மிகுந்த மகிழ்ச்சிய டைவார்.

துளசிதாஸ் இராமாயணத்திலிருந்துதான் சொல் கிறேன்.

துவிஜர்களான இரு பிறப்பாளர்களுக்குத் தொண்டு செய்வது கடவுளை மகிழ்விக்கிறது.

பிராமணர்களை அவமதிக்காதே - அவன் ஆண் டவனுக்குச் சமமானவன் என்பதை அறிந்துகொள்!

பிராமணனைத் திட்டுகிறவன் பல நரகங்களில் வாழ்ந்து அடுத்த ஜென்மத்தில் காக்கையாகப் பிறப்பான் என்கிறது துளசிதாஸ் ராமாயணம்.

இப்பொழுது திரிகிற காக்கையெல்லாம் யார் என்றால், போன ஜென்மத்தில் பிராமணர்களைத்  திட்டியவர்களாம்.

இன்னொரு சாஸ்திரம் சொல்கிறது, போன ஜென் மத்தில் சுருட்டுப் பிடிக்கும் பிராமணர்கள், அடுத்த ஜென்மத்தில் பன்றியாக வருவார்கள்.

இப்படியாக ஒரு இராமாயணம், ஹிந்தி இராமாயணம், துளசிதாஸ் இராமாயணம் என்பது எடுத்துக்காட்டிற்காக ஒன்று சொல்கிறேன்.

அடுத்து தீர்மானத்திற்கு வருகிறேன்.

(12 தீர்மானங்களையும் முழுவதுமாகப் படித்தார்).

தீர்மானங்களை வழிமொழிகின்ற வகையில், அனை வரும் எழுந்து நின்று கையொலி எழுப்புமாறு அனைவரையும் கேட்டுக் கொள்கிறேன்.

- இவ்வாறு திராவிடர் கழகத் துணைத் தலைவர் கவிஞர் கலி.பூங்குன்றன் அவர்கள் சிறப்புரையாற்றினார்.

இந்தி வந்தால் நம் வரலாறும் - பண்பாடும் அழிந்துபோகும்! இந்தி எதிர்ப்பு மாநாட்டில் கழகப் பிரச்சார செயலாளர் வழக்குரைஞர்

 அ.அருள்மொழி

  June 20, 2022 • Viduthalai

சென்னை, ஜூன் 20  இந்தி வந்தால் நம் வரலாறும், பண் பாடும் அழிந்துபோகும் என்றார்  திராவிடர் கழகப் பிரச் சார செயலாளர் வழக்குரைஞர் அ.அருள்மொழி அவர்கள். 

இந்தி எதிர்ப்பு மாநாடு

கடந்த 4.6.2022  அன்று மாலை    சென்னை சைதாப் பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டில் திராவிடர் கழகப் பிரச்சார செயலாளர் வழக்குரைஞர் அ.அருள்மொழி சிறப்புரையாற்றினார். அவரது சிறப்புரை வருமாறு:

திராவிடர் கழகத்தினுடைய  தொடர் முயற்சிகள்

இந்தி எதிர்ப்பு மாநாடு என்பதும், தொடர்ச்சியாக இந்தியைத் தமிழ்நாட்டிற்குள் நுழைய விடாமல், ஆட்சி, அதிகாரம் இவற்றைப் பயன்படுத்தி, ஊடுருவல் செய் கின்ற வடநாட்டு ஆதிக்கவாதிகளை எதிர்த்துப் போரா டுகிற திராவிடர் கழகத்தினுடைய தொடர் முயற்சிகள், எப்போதெல்லாம் இந்த வேலையில் டில்லி அரசு தீவிர மாக இறங்குகிறதோ, அப்போதெல்லாம் அதைவிட தீவிரமாக, அதை எதிர்த்து நின்று முறியடிக்கின்ற பணியை செய்து வருகின்றது.

அதனுடைய இந்தக் காலகட்டத்தின் மிக அவசிய மான தொடக்கமாக இந்த மாநாடு நடைபெறுகிறது.

எப்போதும் திராவிடர் கழகத்தினுடைய போராட்ட அணுகுமுறை என்பது - கிளர்ச்சி - பிரச்சாரம் - கிளர்ச்சி இவை மாறி மாறி வரும்.

இந்தி அழிப்புப் போராட்டம்

பிரச்சாரம் முதலில் நடக்கும். தொடர்ந்து கிளர்ச்சி நடக்கும். ஆனால், இந்த மாநாட்டிற்கு முன்னதாகவே, இந்தி அழிப்புப் போராட்டத்தை நடத்தி, தமிழர் தலைவர் உள்பட ஏராளமான தோழர்கள் கைது செய்யப்பட்டு, அந்தப் போராட்டத்தை சென்ற மாதம் தமிழ்நாடு மிக ஒரு அதிர்வோடு பதிய வைத்திருக்கிறது.

இந்தப் போராட்டம் ஏன் நடக்கிறது என்பதற்குப் பதில், ஏன் இந்தித் திணிக்கப்படுகிறது என்பதில்தான் இருக்கிறது.

இந்தியா சுதந்திரம் பெறுவதற்குமுன்னால், இந்த நாட்டில் ஒவ்வொரு கட்சிக்கும், ஒரு நோக்கம் இருந்தது.

காங்கிரஸ் இயக்கம் விடுதலைக்காகப் போராடியது.

கம்யூனிஸ்ட் இயக்கம் பெறுகிற விடுதலை வர்க்க பேதம் இல்லாத ஒரு இந்தியாவை உருவாக்கும் என்று நம்பியது.

ஆர்.எஸ்.எஸ். கட்சியோ, விடுதலை பெறுகின்ற இந்தியா, இந்துராஷ்டிரமாக இருக்கவேண்டும் என்று நினைத்தது.

சுயமரியாதையைப் பெறவேண்டும்  என்பதே குறிக்கோள்

ஆனால், இதற்கெல்லாம் அப்பாற்பட்டு, இந்தியா விற்கு சுதந்திரம் வருகிறதோ, இல்லையோ - இந்திய மக்கள் சமத்துவத்தை அடையவேண்டும்; ஜாதி ஒழிய வேண்டும்; பெண்ணடிமை ஒழியவேண்டும்; தாழ்த்தப் பட்ட, பிற்படுத்தப்பட்ட மக்கள் மறுக்கப்பட்ட கல்வி உரிமையை, வேலை வாய்ப்பை, சுயமரியாதையைப் பெறவேண்டும் என்பதை குறிக்கோளாகக் கொண்டு, தந்தை பெரியாருடைய சுயமரியாதை இயக்கம் தொடங்கப்பட்டது.

ஆனால், இந்திய தேசிய இயக்கமாக நடந்த காங்கிரஸ் கட்சியிலும், அதற்கு எதிர்க்கட்சியாக தன்னை நினைத்துக்கொண்ட ஆர்.எஸ்.எஸ்.சினுடய அமைப் பிலும் - இருந்த பார்ப்பனர்கள் - இரண்டு கட்சியிலும் இருந்த பார்ப்பனர்கள் - இந்தியா சுதந்திரம் பெறுவதற்கு முன்னால், இந்திதான் இந்தியாவினுடைய பொது மொழி - தேசிய மொழி - ஆட்சி மொழி என்று ஆக்கிவிட வேண்டும் என்கிற முயற்சியில் மிகத் தீவிரமாக ஈடுபட்டார்கள்.

இந்தியாவின் பெரிய தலைவர்களாக, நாம் அறிந்த தலைவர்கள் அத்துணைப் பேரும் வலிமையான இந்தியா இருக்கவேண்டும் என்றால், இந்தியாவிற்கு ஒரு ஆட்சி மொழி - பொது மொழி வேண்டும் - அது இந்தி மொழியாகத்தான் இருக்க முடியும் என்று பார்ப்பனர் களுக்கு ஆதரவாகவே பேசினார்கள்.

இந்தியா விடுதலை பெறுவதற்கு முன்னாலே, அவர்களுடைய முயற்சி நடந்தது. அதற்கு ஆதரவாக, தென்னிந்தியாவின் மெட்ராஸ் பிரசிடென்சியை ராஜாஜி ஆட்சி செய்தார். அதைவிட பொற்காலம் அவர்களுக்கு வேறு என்ன இருக்க முடியும்?

ராஜாஜியின் முயற்சியை முறியடித்தார் தந்தை பெரியார்

வெள்ளைக்காரன் போவதற்கு முன்னாலேயே, தென்னிந்தியாவில் இந்தியை ஆட்சிமொழியாக்கிவிட வேண்டும் என்று ஆச்சாரியார் முயற்சி செய்தார்.

அதை, அன்று படை நடத்தி, இந்தி எதிர்ப்புப் பேரணிகளை நடத்தி, மிகப்பெரிய மாநாடு கூட்டி, மாபெரும் தமிழ் அறிஞர்களை அதில் தலைமை ஏற்கச் செய்து, முன்னிலைப்படுத்தி, ராஜாஜியின் முயற்சியை முறியடித்தார் தந்தை பெரியார்.

அது நடந்தது 1938 களில்.

இன்னும் ஒரு பத்து, பனிரெண்டு ஆண்டுகள் சென்றுவிட்டால், ஒரு நூற்றாண்டாக அவர்கள் இந்த முயற்சியை செய்கிறார்கள். ஒரு நூற்றாண்டாக நாம் அதைத் தடுத்துக் கொண்டிருக்கின்றோம்.

ஏன் அவர்கள் இந்தியை முன்வைக்கிறார்கள்?

இந்தியாவிலே எத்தனையோ மொழிகள் இருக்கின் றன; இந்தி ஏன் அவர்களுக்குத் தேவையாக இருக்கிறது?

இந்திதான் தேசிய மொழி என்று சொல்லுகிற எல்லோ ருக்கும் தெரியும் இந்தி அப்படியொன்றும் பெரிய இலக்கிய மொழி அல்ல.

அதில் பெரிய காவியங்கள் எதுவும் மிகப்பெரியதாக தமிழ் இலக்கியம்போலவோ, வங்காள இலக்கியம் போலவோ இல்லை.

ஆனாலும், ஏன் இந்தி வேண்டும்? ஏன் இந்தி வேண்டாம்? அவ்வளவுதான் என்னுடைய உரை.

இந்தி மொழிக்கும் - சமஸ்கிருத மொழிக்கும் எழுத்து கிடையாது!

ஏன் அவர்களுக்கு இந்தி வேண்டும் என்றால், இந்தி தான் சமஸ்கிருதத்திற்கான முன்னோட்டம். குரங்கினு டைய குட்டி போன்று-கங்காருவினுடைய குட்டி போன்று.

இன்னும் சொல்லப்போனால், அந்த இரண்டு மொழி களுக்கும் எழுத்து கிடையாது. இரண்டுமே இரவல் எழுத்தைப் பயன்படுத்துகிற, தேவநகரி எழுத்தைப் பயன்படுத்துகிற மொழிகள்.

ஆகவே, இந்தியினுடைய தேவநகரி எழுத்தைப் படித்துவிட்டால், சமஸ்கிருதத்தை நம்முடைய மூளை யில் திணிப்பது அவர்களுக்கு எளிதாக இருக்கும்.

அவ்வளவுதான் இந்தி ரகசியம்.

தந்தை பெரியார் அவர்கள் ஏன் இந்தி வேண்டாம் என்று சொல்லுகிறோம் என்பதற்கு இரண்டு காரணங் களை சொன்னார்கள்.

எங்களுடைய வரலாறும், பண்பாடும் அழிந்து போகும்

ஒன்று, 

நாங்கள் படிக்கத் தொடங்கினால், அரசாங்கம் அதனை ஆட்சிமொழியாக ஏற்றுக்கொண்டால்,  நீங்கள் இந்தியா முழுக்க ஒரே தேர்வை - அதை இந்தியில் நடத்துவீர்கள்.

இந்தியைத் தாய்மொழியாகக் கொண்டவனோடு, நாங்கள் போட்டி போட்டுக் கொண்டிருக்க முடியாது. நாங்கள் இரண்டாந்தர குடிமக்களாக ஆக்கப்படுவோம். எங்களுடைய வரலாறும், பண்பாடும் அழிந்து போகும்.

இது ஒரு காரணம்.

ஏன் உங்களால் முடியாது என்று கேட்டபொழுது,

தந்தை பெரியார் சொன்னார்,

அந்த மொழிக்கும், எங்கள் மொழிக்கும் தொடர்பு இல்லை. எங்களால் அதைப் படிக்க முடியாது என்று சொன்னார்.

வராததை வரும் என்று சொல்வதற்குத்தான் வெட்கப்படவேண்டும்

அப்பொழுது அமைச்சராக இருந்த சி.சுப்பிரமணியம் அவர்கள், இந்தி படிக்க வராது என்று சொல்கிறீர்களே, உங்களுக்கு வெட்கமாக இல்லையா என்று பேசுகிறார்.

அதற்குப் பதில் தந்தை பெரியார் அவர்கள் சொன் னார், ''எனக்குப் படிக்க வராது, வராது என்று சொல்வதற்கு எதற்கு வெட்கப்படவேண்டும். வராததை வரும் என்று சொல்வதற்குத்தான் வெட்கப்படவேண்டும்.

எனக்குப் படிக்க வராது, எங்கள் மொழி வேறு, அந்த மொழி வேறு'' என்று அன்றைக்கு அய்யா அவர்கள் சொன்னது, இன்றைக்கு வரை பொருத்தமானது.

ஏன், மலையாளத்தவர்கள் படிப்பார்களே, தெலுங் கர்கள் படிப்பார்களே, கன்னடர்கள் படிப்பார்களே, உங்களால் படிக்க முடியாதா என்று கேட்டால், முடியாது.

அவர்களால் எப்படி படிக்க முடியும் என்றால், அந்த மொழிகள் எல்லாம் தமிழும், சமஸ்கிருதமும் கலந்து, பிரிந்து உருவான மொழிகள். எல்லா மொழிகளிலும் தமிழ்ப் பாதி - சமஸ்கிருதம் பாதி.

ஆகவே, அவர்களுக்கு சமஸ்கிருதம் படிப்பதோ, இந்தி படிப்பதோ புதிதாக இருக்காது.

இந்தி மொழி நமக்கு இயல்பானதல்ல

ஆனால், அந்த வாடையே படாத தூய்மையான தனக்கென்று ஒரு வரலாற்றைக் கொண்ட மொழி தமிழ் மொழி. நாம் அதைப் பேசி படித்து வளர்ந்தவர்கள்.

ஆகவே, நமக்கு அந்த மொழி இயல்பானது அல்ல. 

தமிழ் இலக்கியத்திலும் வரலாற்றிலும் நான்கு வகைச் சொற்களை சொல்கிறார்கள். தொல்காப்பியம் சொல்கிறது.

நான்கு வகையான சொற்கள்!

ஒரு சொல், எப்படி என்றால்,

இயற்சொல், திசைச் சொல், திரிசொல், வடசொல்

நான்கு வகையான சொற்கள் நம்முடைய வாயில் புழங்குகின்றன.

ஒன்று, இயற்சொல்

இரண்டாவது திசைச் சொல்

மூன்றாவது திரிசொல்

நான்காவது வடசொல்

இது எப்பொழுது உள்ளே வந்ததோ, அப்பொழுதே வடக்கு ஆகாது என்று சொல்லி வைத்திருக்கிறார்கள்.

அதற்குத்தான் இலக்கணம். அப்படிப்பட்ட வரலாறு அன்றைக்கு இருந்து தொடங்குகிறது.

இனி மிக ஆபத்தான காலத்தை நாம் எதிர்கொள் கிறோம். ஏனென்றால் இன்றைக்கு இந்தியாவை ஆட்சி செய்கிறவர்கள் சாதாரணமானவர்கள் அல்ல. ஹிட்லரை தங்கள் முன்னுதாரணமாகக் கொண்டவர்கள்.

இவர்களுடைய குரு, காந்தியைக் கொலை செய்த கோட்சே!

உலகத்தில் நல்லவர்கள் என்று பட்டியல் வைத்தால், அந்தப் பட்டியலுக்குப் பக்கத்தில்கூட வரக்கூடாத ஒரு ஆபத்தான மனிதன். அந்த ஹிட்லரை தங்களுடைய முன்னோடியாகக் கொண்டவர்கள் இவர்கள்.

இவர்கள் கும்பிடுகிற  இவர்களுடைய குரு, காந்தி யைக் கொலை செய்த கோட்சே! நல்லவர்களுக்கும், அவர்களுக்கும் தொடர்பே கிடையாது.

மனித உரிமைப்பற்றி, மக்களைப்பற்றி அவர்களுக்குக் கவலை கிடையாது. 

அவர்களுடைய கவலை மாடுகளைப்பற்றியது; அதிலும் பசு மாடு பற்றியது.

அதற்காக மனிதனைக் கொல்லலாம் என்கிற தத் துவத்தைக் கொண்டவர்கள். தங்களுடைய வடநாட்டு ஆதிக்கத்தை வடவர் ஆதிக்கத்தை தமிழ்நாட்டிலே நடத்திக் காட்டுவதற்கு அவர்களுக்கு இந்தி என்பது ஒரு பெரிய ஆயுதம் - அரசியல்.

எச்சரிக்கை ஒலியை எழுப்புவதுதான் இந்த மாநாட்டினுடைய நோக்கம்

எனவேதான், இந்தக் கட்டத்தில் நாம் ஏமாந்தால், நம்முடைய அடுத்த தலைமுறை எவ்வளவு பெரிய ஆபத்தை சந்திக்கும் என்கிற எச்சரிக்கை ஒலியை எழுப்புவதுதான் இந்த மாநாட்டினுடைய நோக்கம்.

இத்தனை ஆண்டுகள் போராடியதும், காப்பாற்றி யதும் பெரிதல்ல. இந்தக் காலகட்டத்தில் நம்முடைய மக்களுக்கு விழிப்புணர்வை உருவாக்குவதும், ஒன்றிய அரசுக்கு நம்முடைய எதிர்ப்புக் குரலை ஓங்கி ஒலிப்பதும்தான் காலத்தின் தேவை!

அந்தத் தேவையை நிறைவேற்றத்தான் இந்த மாநாடு என்று சொல்லி, வாய்ப்புக்கு நன்றி கூறி முடிக்கின்றேன்.

நன்றி, வணக்கம்!

- இவ்வாறு திராவிடர் கழகப் பிரச்சார செயலாளர் வழக்குரைஞர் அ.அருள்மொழி அவர்கள்  சிறப்புரை யாற்றினார்.

தமிழ்நாடு ஆளுநரைக் கண்டித்து தமிழர் தலைவர் தலைமையில் ஆர்ப்பாட்டம்

     June 17, 2022 • Viduthalai

சனாதனத்தை ஆதரித்து அரசமைப்புச் சட்டத்தை அவமதிக்கும் தமிழ்நாடு ஆளுநரைக் கண்டித்து திராவிடர் கழகத் தலைவர் தமிழர் தலைவர் ஆசிரியர் கி.வீரமணி தலைமையில் சென்னை இராஜரத்தினம் ஸ்டேடியம் அருகில் நேற்று (16.6.2022) மாலை 5 மணிக்கு நடைபெற்ற ஆர்ப்பாட்டத்தில் கழகத் தோழர்கள் பெருந்திரளாகக் கலந்துகொண்டு ஆர்ப்பாட்ட ஒலி முழக்கங்களை எழுப்பினர்.

இவ்வார்ப்பாட்டத்தில் உயர்நீதிமன்ற மேனாள் நீதியரசர் அரிபரந்தாமன், திராவிட இயக்கத் தமிழர் பேரவையின் பொதுச்செயலாளர் பேராசிரியர் சுப.வீரபாண்டியன், திராவிடர் கழகத் துணைத் தலைவர் கவிஞர் கலி.பூங்குன்றன்,  கழகப் பிரச்சார செயலாளர் வழக்குரைஞர் அ.அருள்மொழி, கழகப் பொதுச்செயலாளர் வீ.அன்புராஜ், 

கழகப் பொருளாளர் வீ.குமரேசன் மற்றும் கழகத்தின் பொறுப்பாளர்கள், தோழர்கள் பங்கேற்றனர்.

--------+++++-----+++++-----++++----++++---

செய்தியாளர்களிடையே தமிழர் தலைவர் பேட்டி

   June 17, 2022 • Viduthalai

ஆளுநர் சட்டத்திற்குக் கட்டுப்பட்டவரே தவிர - சனாதனத்தைப் பரப்ப நியமிக்கப்பட்டவரல்ல!

இத்தகைய ஆளுநர் தமிழ்நாட்டுக்கு வேண்டாம்; திரும்ப அழைத்துக் கொள்ளவேண்டும் என்பதே எங்கள் நிலைப்பாடு!

சென்னை, ஜூன் 17 ஆளுநர் என்பவர் இந்திய அரசமைப்புச் சட்டத்திற்குக் கட்டுப்பட்டு நடக்க வேண்டியவரே தவிர, சட்டத்திற்கு எதிராக மக்களை ஜாதி வாரியாகப் பிளவுபடுத்தும், இழிவுபடுத்தும் சனாதனத்தைப் பிரச்சாரம் செய்பவர் அல்ல. தமிழ்நாடு ஆளுநர் ஆர்.என்.இரவி அவர்கள் சனாதனத்தைப் பரப்புபவராகவும், தமிழ்நாடு சட்டப்பேரவையில் நிறைவேற்றப்பட்ட மசோதாக்களுக்கு ஒப்புதல் அளிக்காமல், அவற்றை ஊறுகாய் ஜாடியில் போட்டு வைப்பவராகவும் இருப்பதால், இவர் தமிழ்நாட்டுக்கு வேண்டவே வேண்டாம்  - அவரை ஒன்றிய அரசு திருப்பி அழைத்துக் கொள்ளவேண்டும் என்றார்  திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள். 

சென்னையில் நேற்று (16.6.2022) மாலை சனா தனத்தை ஆதரித்து அரசமைப்புச் சட்டத்தை அவமதிக்கும் தமிழ்நாடு ஆளுநரைக் கண்டித்து நடைபெற்ற ஆர்ப்பாட்டத்தில் பங்கேற்ற   திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர்களுக்குப் பேட்டியளித்தார்.

அப்பேட்டியின் விவரம் வருமாறு:

ஆர்.எஸ்.எஸ். - பா.ஜ.க.வின் 

கொள்கைப் பரப்புச் செயலாளர்போல 

ஆளுநர் நடந்துகொள்கிறார்

தமிழ்நாட்டில் உள்ள ஆளுநர் ஓய்வு பெற்ற போலீஸ் அதிகாரியாக வந்தும், தன்னுடைய கடமை களை அவர் தொடர்ந்து செய்ய மறுக்கிறார். நம்முடைய மக்கள் வரிப் பணத்தில் அவர் சம்பளத்தைப் பெற்றுக்கொண்டு, முழுக்க முழுக்க ஆர்.எஸ்.எஸ்., பா.ஜ.க.வினுடைய  கொள்கைப் பரப்புச் செயலாளரைப் போல நடந்துகொள்கிறார்.

ஆளுநர் மாளிகையை, 

ராஜ்பவனை பஜனைக் கூடமாக மாற்றிக் கொண்டிருக்கிறார்

அதுமட்டுமல்ல, மக்களால் தேர்ந்தெடுக்கப்பட்டு கடந்த ஓராண்டாக, இந்தியாவிலுள்ள மாநிலங்களில், தமிழ்நாடுதான் முதன்மையான மாநிலம்; முதல் முதலமைச்சர் என்ற பெருமையை அடைந்துள்ள தமிழ்நாட்டில், திராவிட முன்னேற்றக் கழக ஆட்சி, சட்டமன்றத்தில் நிறைவேற்றிய 21 மசோதாக்களை ஆளுநர் ஒப்புதல் அளிக்காமல், வேண்டுமென்றே ஜனநாயகத்தைப் புறக்கணித்து, அவர் அரசமைப்புச் சட்டத்தின்மீது எடுத்துக்கொண்ட அந்த உறுதி மொழியை மறுத்து, அரசமைப்புச் சட்ட கருத்து களை செய்யத் தவறி, அவர் முழுக்க முழுக்க 

ஆர்.எஸ்.எஸ். பஜனைக் கூடமாக - ஆளுநர் மாளி கையை, ராஜ்பவனை மாற்றிக் கொண்டிருக்கிறார்.

எடுத்துக்காட்டாக, இதோ என்னுடைய கைகளில் இருக்கக்கூடிய 21 மசோதாக்கள் அவரிடம் ஊறுகாய் ஜாடியிலே ஊறிக் கொண்டிருக்கின்றன எந்தவிதமான பதிலும் இல்லாமல்.

இதில் வேடிக்கை என்னவென்றால்,  இரண்டு மசோதாக்கள் - தமிழ்நாடு மீன்வளப் பல்கலைக் கழக திருத்த மசோதா - தமிழ்நாடு கால்நடை மற்றும் விலங்கு அறிவியல் பல்கலைக் கழக திருத்த மசோதா 2020 ஆவது ஆண்டிலே நிறைவேற்றப்பட்டது சட்ட மன்றத்தில் பழைய அரசாங்கம். இன்னுங்கேட்டால், பா.ஜ.க.வோடு கூட்டணியாக இருக்கின்ற அ.தி.மு.க. அரசு சார்பாக நிறைவேற்றப்பட்டு,  ஆளுநருக்கு அனுப்பப்பட்ட மசோதா, இந்தப் புதிய ஆளுநரிடம் அப்படியே கிடப்பில் போடப்பட்டு இருக்கிறது.

மூன்றரை மாதங்களுக்கு 

மேலாக...

புதிய ஆளுநராகப் பொறுப்பேற்ற இவருக்கு, நிலு வையில் உள்ள மசோதாக்களுக்கு ஒப்புதல் அளிக் கின்ற கடமை ஒரு ஆளுநருக்கு உண்டு. ஆனால், அந்த இரண்டு மசோதாக்களையும் தாண்டி,

உங்களுக்கெல்லாம் தெரியும், நீட் தேர்வு மசோதா இரண்டாவது முறையாக தமிழ்நாடு சட்டப்பேரவையில் நிறைவேற்றப்பட்டு, ஆளுநருக்கு அனுப்பப்பட்டது. நீண்ட காலமாகக் கிடப்பில் போடப்பட்டிருந்ததைக் கண்டித்து, நாடு தழுவிய போராட்டத்திற்கு அறிவிப்பு கொடுத்த பிறகுதான், குடியரசுத் தலைவருக்கு, அனுப் பினார் தமிழ்நாடு ஆளுநர். ஏறத்தாழ மூன்றரை மாதங்களுக்கு மேலாக அந்த மசோதாவை கிடப்பில் போட்டு வைத்திருந்தார்.

அதற்குப் பிறகு தி.மு.க. ஆட்சிப் பொறுப்பேற்ற ஓராண்டு காலத்தில் நிறைவேற்றப்பட்டு ஆளுநருக்கு அனுப்பி வைக்கப்பட்ட 19 மசோதாக்களில் அவர் இன்னமும் கையெழுத்துப் போடாமல் இருக்கிறார். அல்லது அந்த மசோதாக்களைத் திருப்பி அனுப்ப அவருக்கு உரிமை உண்டு எதற்காகத் திருப்பி அனுப்பு கிறார் என்கிற காரணங்களை சொல்ல வேண்டும்.

அந்த மசோதாக்களைத் திருப்பியும்  அனுப் பாமல், கையெழுத்தும் போடாமல் - மக்களால் தேர்ந் தெடுக்கப்பட்டு இருக்கின்ற ஓர் அரசை, முடக்க வேண்டும் என்று சொல்லி, தொடர்ந்து இந்த ஆட்சிக்குத் தொல்லை கொடுப்பதற்காகவே அனுப்பப்பட்டு இருக்கிற ஒரு ஆளுநராக தன்னை மெய்ப்பித்துக் கொண்டிருக்கிறார். அதைக் கண்டித்துத்தான் இந்தப் போராட்டம்.

அதுமட்டுமல்ல, ஒவ்வொரு நாளும், ஆளுநருக் கென்று தனிக் கொள்கை இருக்க முடியாது.

ஏனென்றால், அவர் தனிப்பட்ட முறையிலே வீட்டிற்குச் சென்று அவர் எதை வேண்டுமானாலும் செய்யலாம்.

ராம பஜனை செய்யலாம் அல்லது ராமன் கோவிலில் நிரந்தமாக உட்கார்ந்திருக்கலாம் - அது அவருடைய உரிமை - அதைப்பற்றி நாம் கவலைப்படவில்லை.

ஆனால், தமிழ்நாடு ஆளுநராக அவர் இருந்து கொண்டு, முழுக்க முழுக்க சனாதன தர்மத்தைத்தான் இங்கே நான் பரப்புவேன் என்று சில நாட்களுக்கு முன்பு சொன்னார்.

காசி இந்து கல்லூரி வெளியிட்ட புத்தகம்

அவர் சொல்கின்ற சனாதன தர்மம் என்றால் என்ன?

முழுக்க முழுக்க மனுதர்மம். இதை இல்லை என்று யாரும் மறுக்க முடியாது. நான் ஆதாரத்தோடு உங்களுக்குச் சொல்கிறேன்.

சனாதன தர்மம் என்றால் என்ன என்பதைப்பற்றி, காசி இந்து பல்கலைக் கழகம் 106 ஆண்டுகளுக்கு முன்பு இந்து கல்லூரியாக இருந்தது. பிறகுதான் அது பல்கலைக் கழகமாக, பண்டித மாளவியாவால் மாற்றப் பட்டது.

'சனாதன தர்மம்' என்ற தலைப்பில் ஒரு புத்தகத் தையே வெளியிட்டு இருக்கிறார்கள் அங்கே.

அந்தப் புத்தகத்தில் உள்ள ஒரு பகுதியை மட்டும் உங்களுக்குச் சொல்லுகிறேன்.

ஏனென்றால், மதச்சார்பற்ற ஓர் அரசு என்று பீடிகை யுள்ள, சோசியலிசத்தைப் பரப்பவேண்டும் என்று பீடிகை உள்ள ஓர் அரசு, அதனுடைய ஆளுநர், அதன்மீது பதவிப் பிரமாணம் எடுத்துக்கொண்ட ஆளுநர் எதைச் செய்கிறார்?

சனாதன தர்மம் என்றால் என்ன என்பதைபற்றி ஆங்கிலத்தில் வெளியிடப்பட்ட புத்தகத்தில் உள்ளதை அப்படியே உங்களுக்குத் தமிழாக்கி எடுத்துச் சொல் கிறேன்.

ஆதாரப்பூர்வமாக சொல்கிறோம்

சனாதனத்திற்கு அதிகாரபூர்வமாக இந்து கல்லூரி யில் பாடத் திட்டமாக வைக்கப்பட்ட இந்தப் புத்தகத்தில் இருக்கக்கூடிய கருத்து.

எவ்வளவு தவறான ஒன்றை ஒரு ஆளுநர் அரசமைப்புச் சட்டத்திற்கு முற்றிலும் விரோதமாக செய்கிறார் என்பதை ஆதாரப்பூர்வமாக சொல்கிறோம். 

எங்களுக்கு யாராவது பதில் சொல்லட்டும்; இதற் காக வாதாடுவதற்கு வந்தால், வரட்டும் யாரும். அய்யப்பன் இலவச சொசைட்டி என்ற பெயராலே புத்தகம் வெளியிட்டவர் சொல்லியிருக்கிறார், வாதாட முடியுமா? என்று.

தாராளமாக, நாங்கள் எல்லா இடங்களிலும் வாதாடு வதற்குத் தயாராக இருக்கிறோம்.

ஆனால், பட்டிமன்றம் நடத்துவதா ஒரு ஆளுநரு டைய வேலை? தனிப்பட்ட முறையில் அவர்கள் எங்கே வேண்டுமானாலும் வரட்டும், நாங்கள் வாதாடுகிறோம்.

நமக்கும், மற்றவர்களுக்கும் இருக்கின்ற வேலையே தவிர, அது ஒரு ஆளுநருடைய வேலையல்ல.

சனாதன தர்மம் என்றால் என்ன?

''சனாதன தர்மம் என்றால், நிரந்தர மதம், புராதான சட்டம் என்று பொருள். பல ஆண்டுகளுக்குமுன் வேதங்கள் என்ற பெயரால் மக்களுக்கு வழங்கப்பட்ட புனித நூல்களை அடிப்படையாகக் கொண்டது சனாதன தர்மம்.

ஆரிய இனத்தின் முதல் தேசத்தில் புழங்கிய மதம் என்பதால், இதற்கு ஆரிய மதம் என்று பெயர் உண்டு.

ஆரியா என்றால், கண்ணியமான, உன்னதமான என்று பொருள். ஓர் உயர்ந்த இனத்திற்கு இந்தப் பெயர் சூட்டப்பட்டதற்குக் காரணம், தோற்றத்திலும், குண நலன்களிலும்  அவர்கள் சிறந்து விளங்கியதுதான். உலக வரலாற்றில் வேறு எந்த இனமும் அவர்களுக்கு இணையாக இருந்ததில்லை.

முழுக்க முழுக்க இந்த இனத்தின் முதல் குடும்பங்கள், இந்தியா என்று இப்பொழுது அழைக்கப்படும் வட திசைப் பகுதி நிலத்தில் குடியேறியவை.

அவர்கள் அப்படி குடியேறிய வடதிசைப் பகுதி ஆரியவர்த்தா என்று அழைக்கப்பட்டது.

ஆரியர்கள் இங்கே வாழ்ந்ததால் அந்தப் பெயர் கிழக்கு சமுத்திரத்திலிருந்து மேற்கு சமுத்திரம்வரை நீண்டு பரவி இருந்த அந்தப் பகுதி ஹிமவான் மற்றும் விந்தியா என்னும் இரு மலைகளுக்கு நடுவே அமைந்திருந்ததால், அந்தப் பகுதிகளை ஆரிய வர்த்தா என்று சொல்லி, இதற்கு ஜாதிகள், வர்ண தர்மம் - நான்கு வருணப்படி என்ன தர்மம் இருக்கிறதோ அதைக் கடைப்பிடிக்கவேண்டும்.

பிராமணர்கள் பிராமண தர்மத்தையும்,

ராஜபுத்திரர்கள் அதாவது சத்திரியர்கள், சத்திரிய தர்மத்தையும்,

வைசியர்கள், வைசிய தர்மத்தையும்,

சூத்திரர்கள் என்ற நான்காவது பிரிவினர் அதை அப்படியே செய்யவேண்டும்'' என்று கூறுகிறது அந்நூல்!

இன்னமும் ஜாதியை, வருண தர்மத்தை மீண்டும் அழுத்தந்திருத்தமாக சொல்வது, பரப்புவதுதான் இந்த சனாதன தர்மம்.

இது முற்றிலும் பிரியாம்பிள் என்று அரசமைப்புச் சட்டத்தின் முன்னால் எடுக்கக்கூடிய,

Sovereign, Socialist, Secular and Democratic Republic  என்ற அய்ந்து அம்சங் களுக்கு முற்றிலும் விரோதமானது. 

தமிழ்நாடு ஆளுநர், இந்திய அரசமைப்புச் சட்டத்தினுடைய  159 ஆவது பிரிவின்படி, அவர் எடுத்துக்கொண்ட உறுதிமொழி - இந்த அரசமைப்புச் சட்டத்தின்படி நான் நடந்துகொள்வேன். இந்த அரசமைப்புச் சட்டத்தைக் காப்பாற்றுவேன்; இந்த அரசமைப்புச் சட்டத்தின்படி நடப்பதுதான் அவரு டைய கடமை  என்று ஆக்கியிருக்கிறார்கள்.

ஆளுநர், அரசமைப்புச் சட்டத்திற்கு விரோதமாக நடந்துகொண்டிருக்கிறார்

ஆகவேதான் நண்பர்களே, இவர் தன்னுடைய கடமையிலிருந்து தவறியிருக்கிறார். அரசமைப்புச் சட்டத்திற்கு விரோதமாக நடந்துகொண்டிருக்கிறார். சனாதனம் என்ற பெயராலே, மீண்டும் ஜாதி, தீண் டாமை என்று சொல்லக்கூடியவைகளை ஆணி அடித்துக்கொண்டு பரப்பிக் கொண்டிருக்கிறார். இவ் வளவும் நம்முடைய மக்களின் வரிப் பணத்திலே நடந்துகொண்டிருக்கிறார்.

அதேநேரத்தில், மக்களால் தேர்ந்தெடுக்கப்பட்ட ஓர் ஆட்சி -  மக்களுடைய கருத்துகளைப் பிரதிபலிக் கக்கூடிய ஆட்சி - தன்னுடைய தேர்தல் அறிக்கையிலே, தன்னுடைய கருத்துகளையெல்லாம் பதிவு செய்து வைத்திருக்கக்கூடிய ஓர் ஆட்சி - அதை செயல்படுத்த மசோதாக்களாக, சட்டவடிவங்கள் கொண்டு வருகின்ற நேரத்தில், அதை வேண்டுமென்றே கிடப்பிலே போட்டு வைத்திருக்கிறார்.

ஆளுநர்கள் தங்கள் இஷ்டம்போல் 

நடக்க உரிமையில்லை

உச்சநீதிமன்றம், பேரறிவாளன் வழக்கின் தீர்ப் பிலே, எப்படி ஆளுநர்கள் தங்கள் இஷ்டம்போல் நடக்க உரிமையில்லை. எது அரசாங்கத்தினுடைய கொள்கையோ, அதைப் பிரதிபலிப்பதுதான்.

அரசாங்கத்தினுடைய கொள்கை இரு மொழிக் கொள்கை என்றால், அந்த இருமொழிக் கொள்கை யைத்தான் சொல்லவேண்டும்.

எப்படி ஆளுநர் உரை என்பது, அரசாங்கத்தி னுடைய திட்டத்தை அவர் படிக்கக் கடமைப்பட்டவர்.  இதை மக்களுக்குப் பரப்புவதற்கே இந்தக் கண்டன ஆர்ப்பாட்டம்.

ஆளுநர் அவர்கள் சொன்னதைத் திரும்பப் பெறவேண்டும். அதுமட்டுமல்ல, கிடப்பிலே போட்ட மசோதாக்களை உடனடியாக அவர் கையெழுத்துப் போட்டோ அல்லது அவருக்கு ஒப்புதல் இல்லை யானால், அந்த மசோதாக்களைத் திருப்பி அனுப்ப வேண்டும்.

அதன்மூலமாக மீண்டும் சட்டப்பேரவையில் அந்த மசோதாக்களை நிறைவேற்றி திருப்பி அனுப்புவார்கள்.

அந்த மசோதாக்களில் 

எந்த முரண்பாடும் இல்லை

அரசமைப்புச் சட்டம் 200 ஆவது விதியின்படி, எந்த முரண்பாடும் அந்த சட்டங்களில் இல்லை என்பது, சட்டம் படித்த எங்களுக்கு, அய்யா நீதிபதிகளுக் கெல்லாம் தெளிவாகத் தெரியும்.

ஆகவேதான், தமிழ்நாடு ஆளுநர் தன்னுடைய கடமையிலிருந்து தவறியிருக்கிறார்.

அரசமைப்புச் சட்டத்தின்மீது எடுக்கப்பட்ட பதவிப் பிரமாணத்தின்மீது எடுக்கப்பட்ட உறுதிமொழிக்கு எதிராக நடந்துகொள்கிறார் என்று நேரிடையாகக் குற்றம் சொல்கிறோம்.

இந்தப் போராட்டம் ஒரு தொடக்கமே தவிர, 

இது முடிவல்ல

தமிழ்நாடு ஆளுநர், தன்னுடைய கடமையைச் செய்யாத காரணத்தினால், தமிழ்நாட்டிலிருந்து அவர் திருப்பி அனுப்பப்பட வேண்டும். ஜனநாயக ஆட் சியை முடக்குகிறார் என்பதற்காகத்தான் இந்தப் போராட்டம். இந்தப் போராட்டம் ஒரு தொடக்கமே தவிர, இது முடிவல்ல.

இந்த நிலை நீடித்தால், நாடு தழுவிய அளவில் மக்கள் போராட்டமாக வெடிக்கும், வெடிக்கும்.

தமிழ்நாட்டிற்குத் தலைகுனிவு

செய்தியாளர்: ராணுவம், பொருளாதாரத்தைவிட, ஆன்மிகத்தினுடைய வளர்ச்சி ஒரு நாட்டின் வளர்ச்சிக்கு அவசியம் என்று ஆளுநர் சொல்லியிருக்கிறார். மற்ற நாடுகள் போன்று அரசர்களாலும், மற்றவர்களாலும் இந்தியா உருவாக்கப்படவில்லை; முனிவர்களாலும், ரிஷிகளாலும், சனாதன தர்மத்தினுடைய ஒலியினாலும் உருவாக்கப்பட்ட நாடு என்று சொல்லியிருக்கிறாரே?

தமிழர் தலைவர்: அதை எப்படி நீங்கள் தெரிந்து கொண்டீர்கள்? தொலைக்காட்சியின்மூலம் தெரிந்து கொண்டீர்கள். எந்த முனிவர் அந்தத் தொலைக் காட்சியைக் கண்டுபிடித்தார்?

உதாரணத்திற்குச் சொல்கிறேன், ஆளுநர் பீகா ருக்குச் செல்கிறாரே, எந்த முனிவர் ஏரோப்பிளேனை கண்டுபிடித்தார்?  இதற்குப் பதில் சொல்லட்டும்.

ஆளுநருடைய சனாதனம் முக்கியமா? விஞ்ஞானம் முக்கியமா?

அவருடைய அறியாமையை இப்படி வெளிச்சம் போட்டுக் காட்டுவது நமக்கு வெட்கமாக இருக்கிறது. காரணம், இவர் தமிழ்நாட்டு ஆளுநர் என்று பெயர் வரும்பொழுது, தமிழ்நாட்டிற்குத் தலைகுனிவு.

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தி யாளர்களுக்குப் பேட்டியளித்தார்.

-----------+++++++----++++++----++++++---

சனாதனத்தை ஆதரித்து அரசமைப்புச் சட்டத்தை அவமதிக்கும் ஆளுநரைக் கண்டித்து ஆர்ப்பாட்டம் தமிழர் தலைவர் தலைமையில் நடைபெற்றது

  June 17, 2022 • Viduthalai

சென்னை, ஜூன் 17 சனாதனத்தை ஆதரித்து, அரசமைப்புச் சட்டத்தை அவமதிக்கும் தமிழ்நாடு ஆளுநர் ஆர்.என். ரவி அவர்களை கண்டித்து நேற்று (16.6.2022) சென்னையில் தமிழர் தலைவர் தலைமையில் மாபெரும் கண்டன ஆர்ப்பாட்டம் நடைபெற்றது.

சனாதனத்தைத் தூக்கிப் பிடிக்கும் ஆளுநர் ஆர்.என்.ரவி அவர்களை கண்டித்து நேற்று சென்னை எழும்பூர் ராஜரத்தினம் விளையாட்டு அரங்கம் அருகே மாலை 5 மணி யளவில் திராவிடர் கழகத் தலைவர் ஆசிரியர் கி. வீரமணி அவர்கள் தலைமையில் இந்த மாபெரும் கண்டன ஆர்ப் பாட்டம் நடைபெற்றது.

ஆர்ப்பாட்டத்திற்கு வந்திருந்தவர்களை திராவிடர் கழக தென் சென்னை மாவட்டத் தலைவர் இரா. வில்வநாதன் வரவேற்றுப் பேசினார்.

சென்னை உயர்நீதிமன்ற மேனாள் நீதிபதி அரிபரந்தாமன் அவர்கள் ஆர்ப்பாட்டத்தைத் தொடங்கி வைத்து உரையாற்றினார். திராவிட இயக்கத் தமிழர் பேரவை பொதுச் செயலாளர் பேராசிரியர் சுப. வீரபாண்டியன், திராவிடர் கழகத் துணைத் தலைவர் கவிஞர் கலி. பூங்குன்றன், திராவிடர் கழகப் பிரச்சார செயலாளர் வழக்குரைஞர் அ. அருள்மொழி ஆகியோர் கண்டன உரை நிகழ்த்தினர். திராவிடர் கழகத் தலைவர் ஆசிரியர் கி. வீரமணி அவர்கள் ஆர்ப்பாட்ட தலைமை கண்டன உரையாற்றினார். நிறைவாக, தென் சென்னை மாவட்ட கழக செயலாளர் செ.ர. பார்த்தசாரதி நன்றி கூறினார். 

ஆர்ப்பாட்டத்தில் பங்கேற்றோர்

இந்த ஆர்ப்பாட்டத்தில் திராவிடர் கழகப் பொதுச் செயலாளர் வீ. அன்புராஜ், பொருளாளர் வீ. குமரேசன், கழக வழக்குரைஞரணித் தலைவர் த. வீரசேகரன், துணைப் பொதுச் செயலாளர் பொறியாளர் ச. இன்பக்கனி, மாநில அமைப்புச் செயலாளர் வி. பன்னீர்செல்வம், திராவிட மாணவர் கழக மாநில செயலாளர் ச. பிரின்சு என்னாரெசு பெரியார், வழக்குரைஞரணி அமைப்பாளர் வழக்குரைஞர் வீரமர்த்தினி, திராவிடர் கழக மாநில மகளிரணி செயலாளர் தகடூர் தமிழ்ச்செல்வி, திராவிட மகளிர் பாசறை மாநில செயலாளர் வழக்குரைஞர்  பா.மணியம்மை, மாநில அமைப் பாளர் வழக்குரைஞர் சே.மெ.மதிவதனி, திராவிட தொழிலாள ரணி மாநில செயலாளர் திருச்சி சேகர், திராவிடன் புத்தக நிலைய மேலாளர் டி.கே. நடராசன், கழக சொற்பொழிவாளர்  காஞ்சி கதிரவன், விசிறி சாமியார், வழக்கு ரைஞர்கள் அண்ணாமலை, நடராஜன், பிரபாகரன், பிரதீப்ராஜா.

தென் சென்னை

இரா.வில்வநாதன் (மாவட்ட தலைவர்), செ.ர. பார்த்தசாரதி (மாவட்ட செயலாளர்), டி.ஆர். சேதுராமன், சி. செங்குட்டுவன், கோ.வீ.ராகவன், சா. தாமோதரன், மு. சேகர், ந. இராமச்சந்திரன், பிடிசி இராஜேந்திரன், வழக்குரைஞர் துரைஅருண், 

ச. மகேந்திரன், மு.சண்முகப்பிரியன், ந. மணித்துரை, ஈ.குமார், மயிலை பாலு, கு.பா. அறிவழகன், ச. துணைவேந்தன், 

ச. சந்தோஷ்,  இரா. மாரிமுத்து, சிந்தாதிரிப் பேட்டை மு.மாறன், மு.இரா. மாணிக்கம், எஸ்.ரவி.

வடசென்னை

வெ.மு.மோகன் (மாவட்ட தலைவர்), தி.செ. கணேசன் (மாவட்ட செயலாளர்), கி. இராமலிங்கம், புரசை சு. அன்புச் செல்வன், சு. மும்மூர்த்தி, சி. பாசுகர், வழக்குரைஞர் தளபதி பாண்டியன், மணி காளியப்பன், கோ. தங்கமணி, 

பெ.செல்வராசு, பா.கோபாலகிருஷ்ணன், சி. காமராஜ், நா.பார்த்திபன், கண்மணி துரை, ஆ. துரைராவணன், 

மு. டில்லிபாபு, சி.செல்லப்பன், பா.பாலு, சத்தீஷ், மாணிக்கம், சி. அன்புச்செல்வன் (வில்லிவாக்கம்).

தாம்பரம்

ப.முத்தையன் (மாவட்ட தலைவர்), கோ. நாத்திகன் (மாவட்ட செயலாளர்), சு.மோகன்ராஜ், மா.குணசேகரன், மா.இராசு, மாடம்பாக்கம் அ. கருப்பையா, சோமங்கலம் க.பாலமுரளி, இராமாபுரம் ஜ.ஜனார்த்தனம், ஊரப்பாக்கம் இராமண்ணா, பி.சீனிவாசன், பொழிசை கண்ணன், அரங்க. பொய்யாமொழி, கடப்பேரி அரங்க. நாராயணன், போரூர் தங்கதுரை, பழவந்தாங்கல் துரைராஜ்.

சோழிங்கநல்லூர்

ஆர்.டி. வீரபத்திரன் (மாவட்ட தலைவர்), பி.சி. செயராமன் (மாவட்ட செயலாளர்), மு. பாண்டு, மு. நித்தியானந்தம், சோமசுந்தரம்.

கும்மிடிப்பூண்டி

புழல் த. ஆனந்தன் (மாவட்ட தலைவர்), வடகரை உதயகுமார், பொன்னேரி அருள், வெள்ளைசாமி, வடகரை விஜயகுமார்.

திருவண்ணாமலை

போளூர் சு. பன்னீர்செல்வம் (ப.க.)

ஆவடி

க. இளவரசன் (மாவட்ட செயலாளர்), உடுமலை வடிவேல், வெ. கார்வேந்தன், க.தமிழ்ச்செல்வன், கொரட்டூர் இரா.கோபால், வழக்குரைஞர் பன்னீர்செல்வம், க. கலைமணி, அம்பத்தூர் ராமலிங்கம், பெரியார் மாணாக்கன், பழ. முத்துகுமார், இ. தமிழ்மணி, அ.வெ. முரளி, அண்ணாநிசார். 

கழக மகளிரணி

சி. வெற்றிச்செல்வி, தங்க. தனலட்சுமி, பசும்பொன் செந்தில்குமாரி, வி.வளர்மதி, ஜெ. சொப்பனசுந்தரி, பி.அஜந்தா, மு.பவானி, மு. பாரதி, வி.தங்கமணி, இறைவி, பூவை.செல்வி, மா.சண்முகலட்சுமி, வெண்ணிலா, த.மரகதமணி, அபினாசுருதி, க. வெண்ணிலா (வடசென்னை), இரா. அன்புமதி, பி. அஜந்தா, யாழினி. 

ஆர்ப்பாட்டத்தில் எழுப்பப்பட்ட முழக்கங்கள்!

—  ஆர்ப்பாட்டம் ஆர்ப்பாட்டம்

ஆளுநரை எதிர்த்து ஆர்ப்பாட்டம்!

— சனாதனத்தைத் தூக்கிப் பிடிக்கும்

ஆளுநரை எதிர்த்து ஆர்ப்பாட்டம்!

— வருணாசிரமத்தை வாழ்த்திப் பேசும்

ஆளுநரைக் கண்டித்து ஆர்ப்பாட்டம்!

— அரசியல் சட்டத்தின் மதச் சார்பின்மையை

அவமதிக்கும் ஆளுநரை 

கண்டித்து ஆர்ப்பாட்டம்!

— அரசியல் சட்டமா சனாதன தர்மமா?

ஆளுநர் ரவி அவர்களே  

நீங்கள் கடைப்பிடிப்பது   

சனாதனமா? அரசியல் சட்டமா?

சொல்லுங்கள் - சொல்லுங்கள்!

— அரசியல் சட்டத்தை அவமதித்து  

சனாதனத்தை 

தூக்கிப் பிடிக்கும்  

ஆளுநரே, ஆளுநரே

வெளியேறுக! வெளியேறுக!!

— வேண்டாம் வேண்டாம்

ஜாதி தர்மம் சனாதன தர்மம் 

பேசுகின்ற ஆளுநர் 

வேண்டாம் வேண்டாம்

எங்களுக்கு வேண்டாம்!

வேண்டவே வேண்டாம்!

— ஆளுநர் ரவி அவர்களே,  

அவமதிக்காதீர்! அவமதிக்காதீர்!

அரசியல் சட்டத்தை  அவமதிக்காதீர்!

— சட்ட விரோத  மனித விரோத 

சனாதனத்தை  ஆதரிக்கலாமா?

—  பதில் சொல்லுங்கள் - பதில் சொல்லுங்கள்!

— காப்போம் - காப்போம்!

சட்டத்தைக் காப்போம்!

எரிப்போம் - எரிப்போம்

சனாதனத்தை எரிப்போம்!

— ஆளுநர் மாளிகையா -

ஆர்.எஸ்.எஸ். மாளிகையா?

— வெளியேறுக - வெளியேறுக!

ஆளுநரே  வெளியேறுக!  

— வெல்லட்டும்! வெல்லட்டும்!

சமதர்மம் வெல்லட்டும்!

வீழட்டும் வீழட்டும்

சனாதனம் வீழட்டும்!

— வெல்லட்டும்! வெல்லட்டும்!!

சமத்துவ உரிமை வெல்லட்டும்!

வீழட்டும்! வீழட்டும்!

வருணாசிரமம் வீழட்டும்!

— போராடுவோம் போராடுவோம்!

மனித உரிமைக்கு போராடுவோம்!

போராடுவோம்! 

வெற்றிகிட்டும் வரை போராடுவோம்!

— வெல்லட்டும் மனித தர்மம்

வீழட்டும் மனுதர்மம்!

 

தென் சென்னை கடை வீதிப் பிரச்சாரம் - திருவல்லிக்கேணி

  June 13, 2022 • Viduthalai

தென் சென்னை மாவட்ட இளைஞரணி சார்பாக - ஜூலை 30 அரியலூரில் நடைபெறவிருக்கும் திராவிடர் கழக மாநில இளைஞரணி மாநாட்டினை முன்னிட்டு திருவல்லிக்கேணி நெடுஞ்சாலையில் நேற்று (12.6.2022) கடை வீதி பிரச்சாரம் நடைபெற்றது. கடை வீதி பிரச்சாரத்தினை தென் சென்னை மாவட்ட திராவிடர் கழக செயலாளர் செ.ர.பார்த்தசாரதி துவங்கி வைத்தார். இதில் சென்னை மண்டல இளைஞரணி அமைப்பாளர் மு.சண்முகப்பிரியன், மாவட்ட இளைஞரணி தலைவர் ச.மகேந்திரன், மாவட்ட இளைஞரணி செயலாளர் ந.மணிதுரை, கோ.வீ.ராகவன் ஆகியோர் பங்கேற்றனர்.

இந்தி எதிர்ப்பு மாநாட்டில் தமிழர் தலைவர் ஆசிரியர் தலைமை உரை

இந்திய அரசமைப்புச் சட்டத்தில் ''தேசிய மொழி'' என்ற ஒன்று இருக்கிறதா? அதிகம் பேர் பேசும் மொழி இந்தி என்பதே சுத்தப் புரட்டு!

   June 06, 2022 • Viduthalai

இந்தி எதிர்ப்பு மாநாட்டில் தமிழர் தலைவர் ஆசிரியர் தலைமை உரை

சென்னை, ஜூன் 6  இந்திய அரசமைப்புச் சட்டத்தின் எட்டாவது அட்டவணையில் தேசிய மொழி என்று எங்கும் குறிப்பிடப்படவே இல்லை. பெரும்பான்மை யினர் பேசும் மொழி இந்தி என்று சொல்லப்படுவதும் பொய் - இந்தி எதிர்ப்புத் தீயை அணைய விடோம் என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

கடந்த 4.6.2022 அன்று மாலை சென்னை சைதாப்பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டுக்குத் தலைமை வகித்த திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் தலைமை யுரையாற்றினார்.

அவரது தலைமையுரை வருமாறு:

தலைமை உரை என்ற இந்நிகழ்வு சடங்குபோல, சம்பிரதாயம்போல நடத்தவேண்டிய ஒரு நிகழ்வாக, எனக்கு முன்பு உரையாற்றிய அத்தனை அறிஞர் பெரு மக்களும், இந்நிகழ்வை அருமையாக ஆக்கியிருக் கிறார்கள்.

திராவிட இயக்கத் தமிழர் பேரவையின் பொதுச் செயலாளர் பேராசிரியர் சுப.வீரபாண்டியன், சற்று முன்பாக உரையாற்றிய நம்முடைய மாண்புமிகு மக்கள் நல்வாழ்வுத் துறை அமைச்சர் மாசற்ற மா.சு.,

அதேபோல, இந்தியக் கம்யூனிஸ்ட் கட்சியின் மாநில செயலாளர் தோழர் இரா.முத்தரசன்,

திராவிட முன்னேற்றக் கழகத்தின் செய்தித் தொடர் பாளராக இருக்கக்கூடியவரும், சுயமரியாதை வீரருமான டி.கே.எஸ்.இளங்கோவன்,

மூன்றாவது குழலாக எப்பொழுதும் வெடித்துக் கொண்டிருக்கக்கூடிய விடுதலை சிறுத்தைகள் கட்சியின் தலைவர் அன்பிற்குரிய சகோதரர் தொல்.திருமாவளவன்,

திராவிட இயக்கத்தின் போர் வாளாக இருக்கக்கூடிய மறுமலர்ச்சி திராவிட முன்னேற்றக் கழகப் பொதுச்செய லாளர் சகோதரர் வைகோ,

வரவேற்புரையாற்றிய தென்சென்னை மாவட்டக் கழகத் தலைவர் இரா.வில்வநாதன்,

நன்றியுரையாற்றவிருக்கக்கூடிய செ.ர.பார்த்தசாரதி,

தீர்மானங்களை அருமையாக வடிவமைத்து இங்கே முன்மொழிந்த கழகத் துணைத் தலைவர் கவிஞர் கலி.பூங்குன்றன், பொதுச்செயலாளர் அன்புராஜ், பிரச் சார செயலாளர் வழக்குரைஞர் அருள்மொழி, கழகப் பொருளாளர் வீ.குமரேசன் ஆகிய அனைத்துத் தோழர்கள், நண்பர்கள் அனைவருக்கும் என்னுடைய அன்பான வணக்கத்தினைத் தெரிவித்துக் கொள்கிறேன்.

ஒரே மாதிரியான குண்டுகள்

இங்கே உரையாற்றிய அறிஞர் பெருமக்களு டைய உரை என்பது வரலாற்றுப் பெருமைமிக்க உரையாக இருந்தன. அதிலும் குறிப்பாக பல கருத்துகள், நான் எதை வலியுறுத்தவேண்டும் என்று நினைத்துக் கொண் டிருந்தேனோ, அதனை எழுச்சித் தமிழர் அவர்கள் சிறப்பாக செய்தார்கள்.

இந்தக் குழலிலிருந்து குண்டுகள் வெடித்தாலும், ஒரே மாதிரியாகத்தான் வெடிக்குமே தவிர, வேறு விதமாக இருக்காது என்பதற்கு அடையாளமாக, யாருக்கு என்ன சொல்லவேண்டுமோ, அதனைச் சொன்னார். இறுதியில் வந்தாலும், முத்தாய்ப்பாக அழகாகச் சொன்னார்.

எனவே, இந்த மேடையில், சமஸ்கிருத ஆதிக்கம் என்பது எவ்வளவு கொடுமையானது என்று கொஞ்ச நேரம் கேட்பதற்கே சங்கடமாக இருந்தது. அதை இங்கே அழகாக எடுத்துச் சொன்னார்கள்.

ஹிந்தித் திணிப்பு என்பதை மய்யப்படுத்தி சொல்ல வேண்டுமானால், இது வெறும் மொழித் திணிப்புப் பிரச்சினையல்ல.

மொழித் திணிப்பு - ஒரு பண்பாட்டுத் திணிப்பே!

ஒரு மொழியைத் திணிக்கலாமா? வேண்டாமா? என்கிற பிரச்சினையல்ல. ஒரு பண்பாட்டுப் படை யெடுப்பு. அந்தப் பண்பாட்டுப் படையெடுப்பை - மூளைக்குப் போட்ட விலங்கை - இங்கே சகோதரர் அவர்கள் சொன்னதைப்போல, அமைச்சர் அவர்கள் சுட்டிக்காட்டியதைப்போல, நண்பர்கள் சுட்டிக்காட்டி யதைப்போல, எந்த அளவிற்கு வந்தது?

இந்த இயக்கம் மட்டும் இல்லையானால், திராவிடர் இயக்கம் இல்லையானால், தந்தை பெரியாரும், அண்ணாவும், கலைஞரும், இந்த இயக்கமும், திராவிட மாடல் ஆட்சியும் இல்லையானால், இந்த நேரத்தில் நம்முடைய வாயிலிருந்து வணக்கம் என்கிற வார்த்தை வருமா? 

தகுதிமிக்க தலைவர் அவர்களே என்று சொல்கி றோமே, அந்த சொல் வருமா?

தமிழுக்கு என்ன செய்தார் பெரியார்?

தமிழுக்கு என்ன செய்தார் பெரியார்? என்று கேட் கின்ற அரைவேக்காடுகளுக்கு அற்புதமாக ஆணி அடித்தது போன்று பதில் சொன்னார்; வாயே திறக்கக் கூடாது அவர்கள்; அந்த அளவிற்கு, நாக்கில் ஆணி அடித்தது போன்று பதில் சொல்லிவிட்டார் மிகத் தெளிவாக.

மகாராஜ, மகாராஜ ராஜஸ்ரீ என்பார்கள் -

முன்பெல்லாம் கடிதம் எழுதினால், சிரஞ்சீவி என்பார்கள்-

சிரம் என்றால் தலை; சீவுவது என்றால், வெட்டுவது.

சிரஞ்சீவி என்றால், தலையை வெட்டுவது என்று அர்த்தம்.

இன்றைக்குத்தானே ஒருவரை ஒருவர் பார்க்கும் பொழுது வணக்கம் என்று சொல்கிறோம்.

ஆரியர் -திராவிடர் என்பதற்கு விளக்கம் சொன்னார்கள்.

ஆரியம் - திராவிடம் என்பது ரத்தப் பரிசோதனை செய்து பார்ப்பதல்ல.

ஆரியம் - திராவிடம் என்பது வெறும் இனத் தினுடைய அடையாளம் அல்ல.

தத்துவத்தின் அடையாளங்கள் என்பதை நினைத்துப் பார்க்கவேண்டும்.

வணக்கம் என்பது திராவிடம்

நமஸ்காரம் என்பது ஆரியம்.

வருணாசிரம தர்மம், ஜாதி, பூணூல் - முதுகிலே பூணூல் போட்டால், அது ஆரியம்.

வெறும் முதுகாக இருந்தால், அதுதான் திராவிடம்.

சிலர் நம்மாட்களே பூணூல் போட்டுக் கொண்டி ருக்கிறார்கள் என்றால், அது சூடு போட்டுக் கொள்வது போன்றது; அந்தப் பூணூலுக்கு எந்த மரியாதையும் கிடையாது - போலியானது; செல்லாத நாணயம் போன்றது - கவுண்டர் பிட் காயின் போன்றதுதான்.

மிகப்பெரிய அளவில், இன்றைக்கு வந்திருக்கின்ற பல செய்திகளுக்கு அற்புதமான விளக்கமாக இந்த மாநாடு இருந்தது.

ஒரு செய்தியை சொன்னார்கள் - இந்தி மெஜாரிட்டி, மெஜாரிட்டி  என்பதுபற்றி அழகாக சுப.வீ. அவர்கள் சொன்னார்கள்.

இந்தி பேசுபவர்களிலேயே பல பிரிவுகள் இருக்கிறார்கள் என்பதை அவர் சொன்னார்.

12 மாநிலங்களில் மட்டும்தான் இந்தி!

ஒரு செய்தியை உங்கள் கவனத்திற்குச் சொல்கிறேன்.

என்னுடைய கையில் இருப்பது கடந்த ஏப்ரல் 15 ஆம் தேதி ஒரு செய்தியைப்பற்றி ஆய்வுக் கட்டுரை வந்திருக்கிறது.

அந்தச் செய்தியின் தலைப்பு என்ன தெரியுமா?

Is Hindi or English beneficial as the link language?

இணைப்பு மொழியாக இந்திதான் இருக்கவேண்டும்; ஆங்கிலத்தை எடுத்துவிடவேண்டும் என்று ஒன்றிய உள்துறை அமைச்சராக இருக்கும் அமித்ஷா சொன்ன வுடன்,

ஓர் ஆய்வில் அதற்குப் பதில் சொல்கிறார்கள்:

Residents of only 12 of the 35 States and Union Territories (UTs) reported Hindi as their first choice of language for communication (Census 2011). But there is a caveat. “Hindi” is an umbrella term encompassing 56 languages (mother tongues) including Bhojpuri, Rajasthani, Hindi and Chhattisgarhi. While 43% of Indians speak “Hindi”, only 26% speak Hindi specifically as their mother tongue.

இதன் மொழியாக்கம் வருமாறு:

35 மாநிலங்களும், யூனியன் பிரதேசங்களும் இருக் கின்றன. இவற்றை இணைத்ததில், உங்களுக்கு எது இணைப்பு மொழி என்றால், இந்திதான் இணைப்பு மொழி என்று வெறும் 12 மாநிலங்களில்தான் பதில் சொல்லியிருக்கிறார்கள்.

இதை அண்ணா அவர்கள் மாநிலங்களவையில் கேட்டார். அண்ணா அவர்களுக்கு நேரம் ஆயிற்று என்று  அன்று சபாநாயகராக இருந்த அம்மையார் அவர்கள், மணியை அடித்தார்கள்.

மாநிலங்களவையில் அண்ணா

உடனே அண்ணாவின் உரையைக் கேட்டுக் கொண்டிருந்த ஆளுங்கட்சி - எதிர்க்கட்சி என்கிற வேறுபாடில்லாமல், அண்ணா அவர்களுக்கு நேரம் கொடுங்கள்; அவர் பேசட்டும்; அவருடைய உரையை நாங்கள் கேட்கவேண்டும் என்று சொன்னார்கள்.

நேரமாயிற்றே என்று சபாநாயகர் அம்மையாராக இருந்தவர் சொன்னார்.

ஆளுங்கட்சியைச் சேர்ந்தவர்களையே அண்ணா அவர்கள் அவ்வளவு ஈர்த்துவிட்டார்; எங்கள் நேரத்தை அண்ணா அவர்களுக்குக் கொடுக்கிறோம். அவரைப் பேச அனுமதியுங்கள்,  அனுமதியுங்கள் என்று சொன்னார்.

அங்கே அண்ணா அவர்கள் உரையாற்றும்பொழுது ஓர் ஆழமான கருத்தைச் சொன்னார்.

இந்தி மொழியை 42 சதவிகிதத்தினர் பேசுகிறார்கள் மெஜாரிட்டியாகப் பேசுகிறார்கள் என்று காட்டியிருக் கிறார்கள். அந்த மெஜாரிட்டி உண்மையான மெஜாரிட் டியா? என்று கேள்வி கேட்டுவிட்டு சொன்னார்,

மூன்று மாநிலத்தில் உள்ளவர்கள்  எல்லோருடைய பெயரையும் சேர்த்து இந்தி பேசுகிறார்கள் என்று சொல்கிறீர்கள்.

இந்தி மொழி பேசுவோர் 

வெறும் 26 விழுக்காடுதான்!

அமித்ஷா சொல்வது எவ்வளவு பொருத்த மில்லாதது - அவருடைய துறையின் அறிக்கை யைக்கூட படிக்காத, பொறுப்பற்ற அமைச்சராக அமித்ஷா நடந்துகொண்டிருக்கிறார் என்பதற்கு அடையாளம் இந்த செய்தியாகும்.

வெறும் 26 சதவிகிதம்தான் இந்தி மொழியைப் பேசக்கூடியவர்கள். 

எனவே, இந்தி மொழி பேசுபவர்களின் மெஜாரிட்டி இருக்கிறது என்கிற வாதமும், பொய் யான வாதமாகும்.

நம்மூரில் இருக்கின்ற அண்ணாமலை போன்றவர்கள், விஷயம் தெரியாதவர்கள் சொல்கிற வாதம் என்ன வென்றால், இந்தி படித்தால் வேலை கிடைக்கும் - இந்தி படித்தால் வேலை கிடைக்கும் என்று சொல்கிறார்கள்.

அதற்கு நம்முடைய அமைச்சர் பொன்முடி அவர்கள் அழகாக சொன்னார்,

இந்தி படித்தால் என்னாகும் என்றால், இங்கே வந்து பானி பூரிதான் விற்கவேண்டும்.

இந்தி படித்தவர்களுக்கு நாம்தான் வேலை கொடுக் கிறோம்; நம்மாட்களுக்கு அவர்கள் வேலை கொடுப்ப தில்லை; ஆங்கிலம் படித்திருந்தால் அமெரிக்காவில் வேலை கிடைக்குமே தவிர, இந்தி படித்தால் பீகாரில் வேலை கிடைக்காது.

ஆகவே,ஒன்றிய அமைச்சராக இருக்கக்கூடிய அமித்ஷா அவர்கள், தங்களுடைய துறையின் அறிக்கை என்ன என்பதுபற்றிகூட புரிந்துகொள்ளாமல் பேசு கிறார்கள்.

பிரதமர் உள்பட அமைச்சர்கள் வரை பதவிப் பிரமாணம் எடுத்துக்கொள்வது நம்முடைய இந்திய அரசமைப்புச் சட்டத்தின்மீதுதானே!

தலைசிறந்த வித்தைக்காரர் 

பிரதமர் மோடி

நம்முடைய பிரதமர் இருக்கிறாரே, அவரைவிட தலைசிறந்த வித்தைக்காரரை உலகத்தில் வேறு எங்கும் கண்டுபிடிக்க முடியாது.

அவருடைய வித்தைக்கு நீண்ட காலத்திற்கு முன்பே பெயர் வைத்துவிட்டார்கள்.

இரண்டாம் முறை அவர் பிரதமராக பதவி யேற்கும்பொழுது, அவருடைய பெயரை முதலில் அழைக்கிறார் குடியரசுத் தலைவர் பதவி பிரமாணத்தின்போது.

மோடி அவர்கள் பதவியேற்பதற்கு முன்பாக, மேடையை விட்டு கீழே இறங்கி, நடந்து செல்கிறார்; யாருக்கோ மரியாதை தருவதற்காக அவர் செல்கி றார் என்று இந்தியாவிலுள்ள அனைவரும் தொலைக்காட்சியின் வழியே பார்த்துக் கொண்டி ருந்தார்கள்.

அவர் நேரே நடந்து சென்று, அரசமைப்புச் சட்டக் கல்வெட்டு இருக்கும் இடத்திற்குச் சென்று, அதைத் தொட்டுக் கும்பிட்டு வருகிறார்.

அரசமைப்புச் சட்டத்தை அந்த அளவிற்கு மதிக்கின்றவரா அவர்?

அருமையான வித்தை - வித்தையிலேயே உச்சக்கட்டம்!

அதற்குப் பிறகுதான் பதவிப் பிரமாணம் எடுக்கிறார்.

அரசமைப்புச் சட்டத்தை 

நீக்கி - மனுதர்மமா?

அம்பேத்கர் எழுதிய அரசமைப்புச் சட்டத்தை ஒழித்துவிட்டு, அந்த இடத்தில் மனுதர்மத்தை வைக்க வேண்டும் என்கிற உறுதியில் இருக்கிறார்கள் அவர்கள்.

ஏனென்றால், அந்த அரசமைப்புச் சட்டத்தில் இருக்கின்ற மூன்று வார்த்தைகள் அவர்களை உறுத்திக் கொண்டிருக்கிறது. பிரியாம்பிள் என்று சொல்லக்கூடிய முகவுரையில்.

Liberty - Equality - Fraternity

சுதந்திரம் - சமத்துவம் - சகோதரத்துவம் என்கிற வார்த்தைகள்தான்.

இதற்குக்கூட அழகாக விளக்கம் சொன்னார் டாக்டர் அம்பேத்கர்.

இந்த வார்த்தைகள் பிரெஞ்சு புரட்சி வார்த்தைகள் என்று நினைப்பீர்கள். ஆனால், இதை அங்கே இருந்து எடுக்கவில்லை. இந்த வார்த்தைகள் மூன்றும் கவுதமப் புத்தரின் வார்த்தைகளாகும்.

பவுத்தம்! பவுத்தம்!! பவுத்தம்!!! என்று சொல்லி, யாருக்கும் தெரியாத வெளிச்சத்தைக் காட்டினார்!

அதுதான் திராவிடம்!

வருணாசிரம தர்மம் என்றால், அது ஆரியம்.

ஆரியம் என்றால், ரத்தப் பரிசோதனை செய்வதல்ல - அது கலந்து போயிற்று என்பது எல்லோருக்கும் தெரியும். அதைப்பற்றி கவலையில்லை.

எப்படி கலந்தது என்பதைப்பற்றி அந்தக் காலத்தில் அண்ணா அவர்கள் மேடையில் சொல்லியிருக்கிறார். அதை இப்பொழுது ஆராய்ச்சி செய்யவேண்டிய அவசியமில்லை.

நம்மைப் பொறுத்தவரையில், அந்தத் தத்துவங்கள் கூடாது என்பதுதான்.

இன்றைக்கு எந்த அளவிற்கு அந்தக் கொடுமைகள் வந்து இருக்கிறது தெரியுமா?

நம்முடைய மூளைக்கு விலங்கு போட்டு, ‘நமஸ்காரம்‘ என்று சொல்ல வைத்தார்கள். நம்முடைய இயக்கம் வந்த பிறகுதான் வணக்கம் என்று சொல்கிறார்கள்.

நம் குழந்தைகளுக்குத் தமிழில் 

பெயர் சூட்டவேண்டாமா?

ஒரு கொடுமை என்னவென்றால், இங்கேகூட 

12 ஆவது தீர்மானமாக நிறைவேற்றியிருக்கிறோம்.

ஒரு தொலைக்காட்சியில் குழந்தைகள் நிகழ்ச்சி நடைபெற்றது. அதைப் பார்த்துக் கொண்டிருந்தபொழுது, இமான் அண்ணாச்சி அந்த நிகழ்ச்சியை நடத்துகிறார். அந்த நிகழ்ச்சியில் பங்கேற்ற  குழந்தைகளின் பெயரைக் கேட்கிறார் - அந்தப் பெயர்கள் எல்லாம் வாயிலேயே நுழையவில்லை.

எல்லாக் குழந்தைகளும் நம்முடைய குழந்தைகள் தான் - கருப்பு, கருப்பாக இருக்கின்ற குழந்தைகள் - சிவப்பாக இருக்கும் குழந்தைகள்கூட இல்லை.

எந்த அளவிற்கு நம்மாட்களின் மூளைக்கு விலங்கு போட்டிருக்கிறார்கள் என்பதைப் பாருங்கள்.

மக்களிடையே பிரிவை உண்டாக்கி வைத்தார்கள். பிரித்து வைப்பதுதான் ஆரியம்.

மக்களை மட்டுமா பிரித்தான்? மாட்டையும் பிரித்து விட்டான்.

கொஞ்சம் வெள்ளையாக இருக்கின்ற மாட்டிற்குப் பசு மாடு - கோமாதா.

கோவுக்குப் பெரியம்மா ஒன்று இருக்கிறதே? எருமை மாடு.

எது கெட்டியான பால்?

எருமைப் பால்.

தயிர்கூட எருமைப் பால் என்றால், அருமையாக இருக்கும் - தாய்மார்களாகிய உங்களுக்குத் தெரியும்.

எருமை மாடு கருப்பாக இருக்கிறது என்பதால், அதனை ஆரியர்கள் பிரித்தார்கள்.

மாட்டைப் பிரித்தான் - மனிதனைப் பிரித்தான் - பிறகு மனிதன் காலையே பிரித்தான்.

வலது காலை எடுத்து முன்னால் வைத்து வா என்று மணப்பெண்ணைப் பார்த்து சொல்வார்கள்.

பெரியார்தான் கேட்டார், ''ஏண்டா, இடது கால் உன்னுடைய கால் இல்லையா? அது என்ன இரவல் காலா? நொண்டி காலா?'' என்று கேட்டார்.

‘நொண்டி’ என்ற வார்த்தையை நான் சொல்வதற்குக் காரணம், புரிவதற்காகச் சொல்கிறேன் - யாரும் தவறாக நினைக்கவேண்டாம்.

இரண்டு காலும் நம்முடைய கால்கள்தானே!

இடதுகால் இரவல் காலா?

அதுமட்டுமல்ல, பெரியார் இன்னொரு கேள்வி யையும் கேட்டார் - பெரியார் தொண்டர்களாகிய நாங்கள் அதனைத் தொடர்ந்து கேட்கிறோம்.

நாட்டையே காப்பாற்றுகின்றவர்கள் யார்?

இராணுவத்தைச் சேர்ந்தவர்கள்தான்.

‘‘மணமகளே, மணமகளே வா! வா!

உன் வலது காலை எடுத்து வைத்து வா! வா!’’

என்று பாடலே இருக்கிறது.

வலது காலை எடுத்து வைப்பதற்கு முன்பாக - பெரியார்தான் கேட்டார்.

ஏண்டா, இந்த நாட்டைக் காப்பாற்றுவது இராணுவம்; ஊரைக் காப்பாற்றுவது காவல்துறை.

இந்த இரண்டு துறைக்கும் பயிற்சி கொடுக்கும் பொழுது என்ன சொல்வார்கள்?

‘‘லெப்ட், ரைட் - லெப்ட், ரைட்’’ என்றுதானே மார்ச் பயிற்சி கொடுக்கிறார்கள்.

முதலில் இடது காலைத்தானே எடுத்து வைக்கச் சொல்கிறார்கள். அந்தப் பயிற்சியின்பொழுது, இல்லீங்க, நாங்கள் அர்த்தமுள்ள இந்து மதத்தைச் சேர்ந்தவர்கள் - ஆகவே, வலது காலை எடுத்து வைத்துதான் எங்களுக்குப் பழக்கம் என்று சொன்னால்,

பயிற்சி கொடுப்பவர்கள், அவர்களுடைய காதைத் திருகி தூக்கி வெளியே எறிவார்கள் அல்லவா!

அறிவிற்கு வேலை கொடுக்காமல் ஆக்கிவிட் டார்களே!

மூடத்தனத்தின் முடநாற்றம்

எனவே நண்பர்களே, நாம் வெறும் மொழித் திணிப்பை மட்டும் எதிர்க்கவில்லை.

பண்பாட்டுத் திணிப்பை எதிர்க்கிறோம்.

அறிவுக்கு விலங்கு -

பகுத்தறிவுக்கு விலங்கு போட்டார்கள்.

இந்திய அரசமைப்புச் சட்டத்தில் உள்ள ஒரு செய்தியை எடுத்துச் சொல்கிறேன்.

இந்தியா முழுக்க ஒரே மொழி இருந்தால்தான், இந்தியாவினுடைய அடையாளமாம்.

என்ன அடையாளம்?

அண்ணா கேட்டார் - அன்றைக்கு அவர் கேட்ட கேள்விக்கு  யாராவது பதில் சொல்லட்டும் பார்க்கலாம்.

இங்கே பேசிய இளங்கோவன் அவர்களும், மற்ற நண்பர்களும்  சொன்னார்கள்.

Unity in Diversity

வேற்றுமையில் ஒற்றுமை என்பதுதானே  நம்முடைய அடையாளம் - இந்தியாவினுடைய சிறப்பு.

அய்க்கியம் என்பதும் 

சீர்மை என்பதும் உண்மையா?

ஆனால், அண்ணா அவர்கள் நாடாளுமன்றத்தில் ஒரு கேள்வி கேட்டார்.

இன்னும் அண்ணா அவர்களும், கலைஞர் அவர் களும் ஏன் நிலைத்தவர்களாக இருக்கிறார்கள்?

நம்மைப் பொறுத்தவரையில் என்றைக்கும் அவர்கள் வாழுகிறவர்கள் - வழிகாட்டக் கூடியவர்கள் - தந்தை பெரியாருடைய தொண்டர்கள்.

அண்ணா கேட்டார்,

நீங்கள் குழப்பிக் கொள்கிறீர்கள் - 

Unity is different from Uniformity

என்று சொன்னார்.

ஒரே மாதிரியாக இருக்கவேண்டும் என்று சொல்வது சீர்மை - யூனிட்டி என்பது அய்க்கியம்.

எல்லோரும் ஒரே அளவுதான் இருக்கவேண்டும் என்று சொல்வதா யூனிட்டி?

இந்த மேடையில் அமர்ந்திருக்கின்றவர்கள் எல் லோரும் ஒரே கருத்துள்ளவர்கள்தான்.

ஆனால், ஒருவர் வெள்ளை சட்டை அணிந்திருக் கிறார்; நான் கருப்புச் சட்டை அணிந்திருக்கிறேன். ஒருவருக்கு தலை நரைத்திருக்கிறது; இன்னொருவருக்கு தலைமுடி கருப்பாக இருக்கிறது.

இல்லை, இல்லை எல்லோருக்கும் கருப்பாகத்தான் தலைமுடி இருக்க வேண்டும் என்று சொல்ல முடியுமா?

எல்லோரும் ஒரே உயரத்தில்தான் இருக்கவேண்டும் என்று சொல்ல முடியுமா?

சீர்மை என்பதற்காக, எல்லோரும் கோதுமை உணவைத்தான் சாப்பிடவேண்டும்; அரிசி உணவே இருக்கக்கூடாது என்று சொல்ல முடியுமா?

எனவே, Unity is different from Uniformity  

என்று அண்ணா அவர்கள் சொன்னார்.

இதுதான் திராவிடம் - இதுதான் அறிவு.

ஆகவே இந்தி, இந்திய அரசமைப்புச் சட்டத்தில் இருக்கக்கூடிய அடையாளம் என்று சொல்வது இருக் கிறதே - அவர்கள் இந்த நாட்டையே கொச்சைப்படுத்து கிறார்கள்.

தேசிய மொழி என்று ஒன்று இருக்கிறதா?

அரசமைப்புச் சட்டத்திலே 22 மொழிகள் என்று எட்டாவது அட்டவணையில் இருக்கிறதே - அது என்ன தலைப்பில் இருக்கிறது தெரியுமா?

லாங்வேஜஸ் என்றுதான் இருக்கிறது.

அதிலே நேஷனல் லாங்வேஜ்  என்கிற வார்த்தை கிடையாது.

அரசமைப்புச் சட்டத்தில், Official Language  என்பதைத் தவிர, வேறு எங்காவது தேசியம் என்கிற வார்த்தை இருக்கிறதா?

தயவு செய்து இந்தக் கேள்விக்கு அவர்கள் பதில் சொல்லட்டும்.

சொல்ல முடியாது.

காரணம் என்னவென்றால், எல்லா மொழிகளுக்கும் சமத்துவம் இருக்கும்பொழுது, பிறகு என்ன ஒரு மொழி? ஒரே மொழி? இணைப்பு மொழி?

அந்த இணைப்பு மொழியை நாங்கள் ஏற்கமாட்டோம் என்று சொன்னோம்.

காமராஜர் அவர்கள் எவ்வளவு பொது அறிவு உள்ளவர் என்பதற்கு உதாரணம்,

கலைஞர் அவர்கள் ஒருமுறை எங்களிடம் பேசிக் கொண்டிருக்கும்பொழுது ஒரு செய்தியை சொன்னார்-

இரண்டு மொழிகள் வரப் போகிற தீர்மானத்தை அண்ணா அவர்கள் சொல்வதற்கு முன்பாக, அந்தக் கருத்துகளைப்பற்றி பேசுகிறார்கள்.

முதலமைச்சர் காமராசர் 

சொன்னது!

இந்தி எதிர்ப்பு - ஆங்கிலத்தைக்கூட நாம் விட்டு விட்டு, ஒரு மொழிதான் இருக்கவேண்டும் என்று வேகமாகப் பேசியபொழுது,

அப்பொழுது முதலமைச்சராக இருக்கின்ற காமராஜர் அவர்கள், எதிர்க்கட்சித் துணைத் தலைவராக இருந்த கலைஞரை அழைக்கிறார்.

அவரிடம் மெதுவாக சொல்கிறார், ''அவசரப்பட்டு ஆங்கிலம் வேண்டாம் என்று பேசிவிடாதீர்கள். ஏனென்று சொன்னால், ஆங்கிலத்தை விட்டுவிட்டால் என்னாகும் தெரியுமா? இந்தி வந்து குந்திக்கும்; ஆகவே, எச்சரிக்கையாக இருங்கள்;  இருமொழிக் கொள்கைதான்'' என்றார்.

காமராஜர் சொன்ன அந்த வார்த்தையை அப்படியே கலைஞர் அவர்கள் சொன்னார்.

அண்ணா அவர்கள் ஆட்சிப் பொறுப்பேற்றவுடன் நிறைவேற்றினார்.

இதுதான் திராவிட மாடல் - திராவிட மாடல் என்பது அனைவருக்கும் அனைத்தும்!

யாருடைய உரிமையையும் பறிப்பதல்ல! அந்த வகையிலே சொல்லும்பொழுது நண்பர்களே,

அரசமைப்புச் சட்டத்துக்கு விரோதமாக நடப்பது யார்?

ஒரே மொழி, ஒரே கலாச்சாரம் என்று பேசுகிறீர் களே, இந்திய அரசமைப்புச் சட்டத்திற்கு விரோத மாகப் பேசக்கூடியவர்கள் அல்லவா நீங்கள்!

நாங்கள் அரசமைப்புச் சட்டத்திற்காக வாதாடு கிறோம் - நீங்கள் அரசமைப்புச் சட்டத்தின்மீது பிரமாணம் எடுத்துக்கொண்டவர்கள் - இன்றைக்கு நேர் விரோத மாகப் பேசுகிறீர்கள் என்பதற்கு அடையாளம் -

அடிக்கட்டுமானத்தில் இருக்கக்கூடிய அடிப் படைக் கருத்துகளில் ஒன்றான,

Cultural and Educational Rights 

(1) Any section of the citizens residing in the territory of India or any part there of having a distinct language, script or culture of its own shall have the right to conserve the same.

ஒரு தனியான மொழி, எழுத்து, பண்பாடு இவை இருக்கக்கூடிய எந்தப் பகுதியாக இருந் தாலும், அவர்கள் அந்த மொழியைப் பாதுகாக்க, அந்தக் கலாச்சாரத்தைப் பாதுகாப்பது அடிப்படை உரிமை - அதைப் பறிக்கக்கூடிய உரிமை யாருக் கும் கிடையாது என்பது அரசமைப்புச் சட்டத்தில் இருக்கக்கூடிய உரிமையாகும்.

இதைத்தான் இந்த மாநாடு வற்புறுத்துகிறது.

மீண்டும் களத்தில் சந்திப்போம்!

அரசமைப்புச் சட்டத்தில் இருப்பதை செய்யுங்கள் என்று ஆளுங்கட்சியைப் பார்த்து கேட்கின்ற பரிதாபம், விசித்திரம் உலகத்திலேயே நம் நாட்டைத் தவிர, வேறு எந்த நாட்டிலும் கிடையாது.

இந்த மாநாடு ஒரு நல்ல தொடக்கம். நம்முடைய தலைவர்கள் இங்கே வந்து சிறப்பாக உரையாற்றினார்கள்.

அதுபோலவே, எவ்வளவு பெரிய கடமைகள் இருந்தாலும், இது மிக முக்கியமானது என்பதற்காக, இந்தத் தொகுதியினுடைய உறுப்பினரும், ஒப்பற்ற முறையில் மக்கள் நல்வாழ்வுத் துறையில் அகில உலகமும் வியக்கத்தகுந்த அளவிற்கு சிறப்பாக செயல்படக்கூடிய நம்முடைய மாசற்ற அமைச்சர் மா.சு. அவர்கள் சிறப்பான வகையில் வந்து நம்மை ஊக்கப்படுத்தியதற்கும், உங்களுக்கும் நன்றி கூறி,

மீண்டும் இந்தி எதிர்ப்புக் களத்தில் சந்திப்போம்!

தேவைப்படுகின்ற நேரத்தில் இந்தக் களம் என்றைக்கும் இருக்கும்.

நீறுபூத்த நெருப்பு எச்சரிக்கை!

அன்றைக்கு மூட்டப்பட்ட தீ இருக்கிறதே, அந்தத் தீ பொறியாக இருந்தாலும், அது வெறும் நீறு பூத்ததுபோல இருந்தாலும் - நீறு   பூத்ததைத் தள்ளி வைக்கக்கூடிய மிகப்பெரிய பணியை அமித்ஷாக்களும், வடநாட்டிலே இருக்கக்கூடிய ஆட்சியாளர்களும் செய்கிற காரணத்தால்,

நாங்கள் எதற்கும் தயார்! தயார்!! தயார்!!! மிக முக்கியமான பிரகடனம் என்று கூறி,

வாய்ப்பளித்த உங்களுக்கும், சிறப்பாக ஏற்பாடு செய்த தென்சென்னை மாவட்டத் தோழர்களுக்கும், இறுதிவரையில்  இருந்த உங்களுக்கும், காவல் துறைக்கும், ஊடகத் துறைக்கும் நன்றி! நன்றி!! நன்றி!!! என்று கூறி, என்னுரையை முடிக்கின்றேன்.

நன்றி, வணக்கம்!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் தலைமை யுரையாற்றினார்.

இந்தி எதிர்ப்பு மாநாட்டில் ம.தி.மு.க. பொதுச்செயலாளர் வைகோ சூளுரை

ஆசிரியர் அவர்களே, உங்கள் தலைமையில் - உங்களைப் பின்தொடருவோம்! 1938 - 1948 - 1965 இல் தமிழ்நாட்டிலிருந்து இந்தி புறமுதுகிட்டு ஓடியதே - அதே நிலைமையை உருவாக்க உறுதியெடுப்போம்!

   June 12, 2022 • Viduthalai

இந்தி எதிர்ப்பு மாநாட்டில் ம.தி.மு.க. பொதுச்செயலாளர் வைகோ சூளுரை

சென்னை, ஜூன் 11  தார்ச் சட்டியை எடுத்துக்கொண்டு, நான் இந்தியை அழிப்பேன் என்று புறப்பட்டுவிட்டார் ஆசிரியர் அண்ணன் வீரமணி அவர்கள்;  நாங்கள் உங்களைப் பின்தொடருவோம். இங்கே இருக்கக்கூடிய இளைஞர்களும் சரி, இந்த உரையைக் கேட்டுக் கொண்டிருப்பவர்களும் சரி, நாங்கள் உங்களுடைய தலைமையில், உங்களைப் பின்தொடருவோம். 1938, 1948, 1965 இல் இந்தி புறமுதுகிட்டு ஓடியதே அதே நிலைமையை இங்கே உருவாக்க உறுதியெடுத்துக் கொள்வோம் என்றார்  மறுமலர்ச்சி திராவிட முன் னேற்றக் கழகப் பொதுச்செயலாளர் வைகோ அவர்கள். 

இந்தி எதிர்ப்பு மாநாடு

கடந்த 4.6.2022  அன்று மாலை    சென்னை சைதாப் பேட்டை தேரடி வீதியில் திராவிடர் கழகத்தின் சார்பில் நடைபெற்ற இந்தி எதிர்ப்பு மாநாட்டில்  மறுமலர்ச்சி திராவிட முன்னேற்றக் கழகப் பொதுச்செயலாளர் வைகோ எம்.பி., சிறப்புரையாற்றினார்.

அவரது சிறப்புரை வருமாறு:

திராவிட இயக்கத்திற்கு வழிகாட்டிக் கொண்டிருக்கக்கூடிய ஒப்பற்ற தலைவர்

ஆதிக்க இந்தியை எதிர்த்து நீதிக்குப் போராடி மாண்டோர் நினைவுக்கு எமது மரியாதை என்றும் உரியது என்னும் அளவில் - நடராசன், தாளமுத்துவுக்கு வீர வணக்கம் செலுத்துகின்ற தன்மான இயக்கமான திராவிடர் கழகம் நடத்திக் கொண்டிருக்கக்கூடிய இந்தி எதிர்ப்பு மாநாட்டிற்குத் தலைமை தாங்குகிற - அய்யா அவர்களுக்குப் பிறகு, பேரறிஞர் அண்ணா அவர் களுக்குப் பிறகு, முத்தமிழ் அறிஞர் டாக்டர் கலைஞர் அவர்களுக்குப் பிறகு, :ஆருயிர் இளவல் தளபதி மு.க.ஸ்டாலின் அவர்கள் உள்ளிட்ட திராவிட இயக்கத் திற்கு வழிகாட்டிக் கொண்டிருக்கக்கூடிய திராவிடர் கழகத்தினுடைய ஒப்பற்ற தலைவர் ஆருயிர் அண்ணன் ஆசிரியர் வீரமணி அவர்களே,

இந்த அழைப்பிதழிலே பெயரிடப்பட்டு இருக்கக் கூடிய இயக்கங்களின் தலைவர்களே,

கருஞ்சட்டை வீரர்களே,

வீடுகளில் இருந்து இவ்வுரையைக் கேட்டுக் கொண் டிருக்கக்கூடிய தாய்மார்களே,

பத்திரிகையாளர்களே, ஊடகவியலாளர்களே வணக்கம்!

நேரமோ மிகவும் சுருக்கம். அதற்குள் என்னுடைய கருத்துகளை நான் பதிவு செய்தாகவேண்டும்.

1924 இல் திருவண்ணாமலை 

காங்கிரஸ் மாநாட்டில்....

1924 இல் திருவண்ணாமலையில் காங்கிரஸ் கட்சியி னுடைய தலைவராக, அந்த மாநாட்டிற்குத் தலைமை யேற்ற தந்தை பெரியார் அவர்கள், நமக்கு வரப் போகிற ஆபத்து இந்தி என்கின்ற கொடுந்தீதான் என்று குறிப்பிட்டார்.

ஆறு மாதங்களுக்குப் பிறகு, கான்பூரில் காங்கிரஸ் மாநாடு நடைபெற்றது. அனைவரும் இந்தி படிக்க வேண்டும்; இந்தி பேசவேண்டும் என்று காந்தியார் பேசியபொழுது, அந்த மேடையிலேயே மறுத்துப் பேசி, அப்படி இந்தியை வற்புறுத்தக் கூடாது; நீங்கள் திணிக்கக் கூடாது, அது நடக்காது என்று எதிர்குரல் கொடுத்தவர் நம்முடைய அய்யா பெரியார் அவர்கள்.

கரந்தை தமிழ்ச்சங்கம் 

வீறுகொண்டு எழுந்தது

1937 ஜூலை 25 ஆம் தேதி, அன்றைய தலைமைப் பொறுப்பை ஏற்றிருந்த சக்ரவர்த்தி ராஜகோபாலாச் சாரியார், மாணவர்கள் எல்லாம் இந்தி படிக்கவேண்டும் என்று சொன்னார்.

17 ஆம் நாள், உமாமகேசுவரனார் நடத்திய கரந்தை தமிழ்ச்சங்கம் வீறுகொண்டு எழுந்தது.

நாவலர் சோமசுந்தர பாரதியாருடைய தலைமையில், இந்தி எதிர்ப்பு மாநாட்டை நடத்தியது. கா.சு.பிள்ளை வரவேற்புரை ஆற்றினார்.

அதிலிருந்து நான்காவது நாள், திருவையாற்றிலே பல்லாயிரக்கணக்கான தமிழர்கள் திரண்டார்கள்; இந்தியை எதிர்த்துத் திரண்டார்கள்.

அதிலிருந்து ஆறாவது நாள், திருநெல்வேலியில் அண்ணா அவர்கள் பேசிய பிரம்மாண்டமான மாநாடு நடைபெற்றது.

தமிழ்நாடு தமிழருக்கே என்று அய்யா அறிவாசான் பெரியார் அவர்கள் பிரகடனம்

அதற்கடுத்து, 1937, டிசம்பர் 14 ஆம் நாள், காவிரி ஆற்றங்கரையில் தமிழர் மாநாடு நடைபெற்றது. அந்த மாநாட்டில்தான், தமிழ்நாடு தமிழருக்கே என்று அய்யா அறிவாசான் பெரியார் அவர்கள் பிரகடனம் செய்தார் கள். அந்தப் பிரகடனத்தினுடைய இறுதியாக மூச்சு அடங்குவதற்கு முன்பு அவர் உரையாற்றிய இடமும் தியாகராயர் நகர்தான் (19.12.1973).

ஆகவே, அப்படிப்பட்ட ஒரு சூழலில், இந்தியை எதிர்த்துப் போராட்டக் களங்கள் வளர்ந்துகொண்டிருந்த அந்த வேளையில், வரிசையாகக் கூட்டங்கள்; அப் பொழுது திருச்சி உறையூரிலிருந்து அஞ்சாநெஞ்சன் பட்டுக்கோட்டை அழகிரிசாமி தலைமையில் நடை பயணம் வந்தார்கள். 41 நாள்கள் - ஆகஸ்ட் ஒன்றாம் தேதி, அறிவாசான் பெரியார் அவர்களும், மறைமலை யடிகளும் வழியனுப்பி வைக்க, இங்கே சென்னை கடற்கரையில் வரவேற்பு நிகழ்ச்சி நடைபெற்றது.

திருவாரூர் வீதியிலே வில், புலி, கயல் கொடியேந்தி வந்தார் கலைஞர்

ஆக இந்தக் காலகட்டத்தில்தான் அரைக்கால் சட்டை போட்ட மாணவனாக, சின்னஞ்சிறுவனாக,

ஓடி வந்த இந்திப் பெண்ணே கேள்!

நீ தேடி வந்த கோழையுள்ள நாடு 

இதுவல்லவே!

என்று முத்தமிழ் அறிஞர் டாக்டர் கலைஞர் அவர்கள் திருவாரூர் வீதியிலே வில், புலி, கயல் கொடியேந்தி வந்தார்கள்.

ஆக, ஒரு பெரிய நீண்ட வரலாறு இதற்கு இருக்கின்றது. 

இந்தப் போராட்டக் களங்களுக்கு மத்தியில்தான், 1963 இல், ஆட்சி மொழி மசோதா இந்திய நாடாளு மன்றத்தில் நிறைவேற்றப்பட்டது.

அது 1965, ஜனவரி 25 இல் இந்தி ஆட்சி மொழியாக முடிசூடிக் கொள்ளும் என்று அறிவித்தது.

உடனே அக்டோபர் 13 ஆம் தேதி, அதே ஆண்டில், திராவிட முன்னேற்றக் கழகம் இந்தி எதிர்ப்புப் போராட்டக் களத்தை அறிவித்து, அதற்குத் தலைவராக டாக்டர் கலைஞர் அவர்களை அறிவித்தது.

இதற்கிடைப்பட்ட காலகட்டத்தில், 1938 இல் இந் தியை எதிர்த்து அறிவாசான் தந்தை பெரியார் அவர்கள் போராடிக் கொண்டிருந்த காலகட்டத்தில்தான், அவர்மீது வழக்குத் தொடுக்கப்பட்டது. அந்த வழக்கின் காரணமாக அவர் கைதாவதற்கு முதல்நாள், நடராசன் கைது செய்யப்பட்டார்.

நடராசன் கைது செய்யப்பட்டு சிறை சென்று, 1938, ஜனவரி 15 ஆம் தேதி அவர் மறைந்துபோனார்.

அவருடைய உடலை சுமந்துகொண்டு போய் மூலக்கொத்தளம் சுடுகாட்டிலே வைத்தார்கள்.

தமிழ்மொழியைக் காப்பதற்கும், இந்தியை எதிர்ப்பதற்கும் நீங்கள் உறுதி கொள்வீர்களா?

அப்போது அண்ணா அவர்கள் சொன்னார்கள், ‘‘அதோ நடராசன் படுத்திருக்கிறார்; மூச்சு நின்று விட் டது; இதயம் துடிப்பை நிறுத்திக் கொண்டது; நாசியிலே சுவாசம் இல்லை. ஆனால், கேசம் சிலிர்த்து நிற்கிறது. இங்கே வந்திருக்கக்கூடிய ஒவ்வொருவரும் நடரா சனைப் பின்பற்றி தமிழ்மொழியைக் காப்பதற்கும், இந்தியை எதிர்ப்பதற்கும் நீங்கள் உறுதி கொள்வீர்களா?'' என்று கேட்டார்.

அதிலிருந்து சில நாள்களில் மார்ச் 12 ஆம் தேதி, தாளமுத்து மறைந்து போனார்.

ஆக, நடராசனும், தாளமுத்துவும் தங்கள் உயிர்களை இந்தியை எதிர்த்துப் பறிகொடுத்தார்கள்.

இங்கே எரிகின்ற நெருப்பு கனன்று கொண்டே இருக்கும். ஒளி தீயாகப் புறப்படும்

இரங்கலுரை ஆற்றுகின்றபொழுது அண்ணா அவர் கள் பேசினார்கள்,

‘‘இங்கே எரிகின்ற நெருப்பு இன்னும் சிறிது நேரத்திலே அணைந்துவிடும்; ஆனால், அந்த நெருப்பு நிரந்தரமாக அணையாது. அது கனன்று கொண்டே இருக்கும். ஒளி தீயாகப் புறப்படும்'' என்றார்.

அப்படி கூறியதினுடைய விளைவுதான், 1964 இல் மதுரைக்கு போராட்டக்காரர்களை வழியனுப் பச் சென்று டிசம்பர் 26 ஆம் தேதியன்று, டாக்டர் கலைஞர் அவர்கள் கைது செய்யப்பட்டார்.

அந்தக் காலகட்டத்தில், அந்தப் போராட்டக் களத்தினுடைய முக்கியமான காலகட்டத்தில், கலைஞர் அவர்கள் சிறையிலே அடைக்கப்பட்டார். 

தந்தை பெரியாருக்கு 

மூன்றாண்டு கால சிறைத் தண்டனை

தாளமுத்து, நடராசன் மறைந்த அந்த சோதனையான சூழ்நிலையில், பெரியார் அவர்கள் டிசம்பர் 6 ஆம் தேதி கைது செய்யப்பட்டார்.

பெரியார் அவர்கள் கைது செய்யப்பட்டு நீதிமன்றத் தில் நிறுத்தப்பட்டபொழுது, நீதிபதியிடத்தில், அதிகபட்ச தண்டனை எவ்வளவு கொடுக்க முடியுமோ, அவ்வளவு கொடுங்கள். மிகக் குறைந்த வசதிகளுடைய வாய்ப்பை எனக்கு சிறையிலே தாருங்கள் என்று சொன்னவுடன்,

மூன்றாண்டு கால சிறைத் தண்டனை என்று நீதிபதி அறிவித்தார்.

எல்லோரும் அதிர்ச்சி அடைந்தார்கள்.

மூன்று வருடம், மூன்று வருடம், மூன்று வருடம் என்று சொல்லிக் கொண்டு, அந்த மஞ்சள் நிற சால்வையைத் தூக்கிப் போட்டுக்கொண்டு, சிங்கம் போன்று வந்தார்.

பெல்லாரி சிறைச்சாலைக்கு அனுப்பி வைத்தார்கள். உடல்நலம் குன்றியதன் காரணமாக, மே 22 ஆம் தேதியன்று, தந்தை பெரியார் அவர்கள் விடுதலை செய்யப்பட்டார்கள்.

தமிழ்நாட்டின் எதிர்ப்பு காரணமாக 

பின்வாங்கி ஓடியது இந்தி

இந்தச் சூழ்நிலையில், போராட்டக் களம் அதிகமான அந்த வேளையில், 1938 இல் காங்கிரஸ் கொண்டு வந்த இந்தி பின்வாங்கியது. 1948 இல் மீண்டும் கொண்டு வந்தார்கள்; மீண்டும் எதிர்த்துப் போராட்டம்; மீண்டும் பின்வாங்கி ஓடியது.

பண்டித ஜவகர்லால் நேரு கொடுத்த வாக்குறுதி, அவருடைய மறைவோடு அதுவும் மறைந்து போனது.

‘‘1965, ஜனவரி 26 இந்தி இந்த நாட்டினுடைய ஆட்சி மொழியாக முடிசூடிக் கொள்ளும் என்று அறிவித்திருந்தார்களே, அது துக்க நாள் - அது குடியரசு நாளல்ல. நமது குடிகெடுக்கும் நாள்'' என்று அண்ணா அவர்கள் கூறினார்கள்.

வீட்டிற்கு வீடு கருப்புக் கொடியேற்றுங்கள் என்றார் - தமிழ்நாட்டில் அத்தனை வீடுகளிலும் கருப்புக் கொடியேற்றினார்கள்.

லட்சிய நடிகர்  எஸ்.எஸ்.ராஜேந்திரன், கைத்துப் பாக்கியோடு வந்து கொடியேற்றினார்.

ஒன்றரை லட்சம் மாணவர்கள் திரண்டார்கள்!

1965 இல் நடைபெற்ற அந்தப் போராட்டக் களத்தில் மாணவர்கள் லட்சக்கணக்கிலே கலந்துகொண்டார்கள். நானும் அந்தப் போராட்டத்தில் கலந்துகொண்டவன் என்ற முறையிலே சொல்லுகிறேன், ஒன்றரை லட்சம் மாணவர்கள் திரண்டார்கள்.

கல்லூரி, பள்ளி மாணவர்கள், மாணவிகள் எல்லோ ரும் திரண்டு, கோட்டையை நோக்கிச் சென்றார்கள்; தாக்கப்பட்டார்கள். தடியடியில் கபாலங்கள் உடைந்தன.

1965, ஜனவரி 27 இல், அண்ணாமலை பல்கலைக் கழகத்தில் மாணவர்கள் அணிதிரண்டு வந்தார்கள்; இந்தி ஒழிக; தமிழ் வாழ்க! என்று.

அவர்களுடைய நெஞ்சைப் பார்த்துச் சுட்டான்; தொண்டைக் குழியைத் துளைத்துக் கொண்டு போனது துப்பாக்கிக் குண்டு.

இராஜேந்திரன் அந்த இடத்திலேயே கீழே விழுந்து, ரத்த வெள்ளத்திலே மிதந்தான்.

மாணவர்கள் சுட்டுக் கொல்லப்பட்டார்கள்

இந்தச் செய்தி காட்டுத் தீயென நாடெங்கும் பரவியது. மாணவர்கள் அஞ்சல் நிலையங்களைக் கைப்பற்றி னார்கள்; ரயில்  நிலையங்களைக் கைப்பற்றினார்கள். மாணவர்கள் நடத்திய போராட்டம் கண்டு, வடபுலத்திலே இருக்கக்கூடிய இராணுவம், இந்திய எல்லைகளைக் காக்கவேண்டிய இராணுவம், தமிழ்நாட்டிற்குள்ளே வந்தது.

ஆரணியிலே, பொள்ளாச்சியிலே, திருப்பூரிலே, திருச்செங்கோட்டிலே துப்பாக்கிச் சூடு. மாணவர்கள் சுட்டுக் கொல்லப்பட்டார்கள்; தமிழ்நாட்டு வாலிபர்கள் சுட்டுக் கொல்லப்பட்டார்கள்.

பொள்ளாச்சிக்குப் பக்கத்தில் மொத்தம் எத்தனை பேர் இறந்தார்கள் என்று கணக்குத் தெரியக்கூடாது என்பதற்காக, பெரிய பள்ளத்தைத் தோண்டி, அதில் பிணங்களைப் போட்டு தீ வைத்துக் கொளுத்தினார்கள்.

இந்தப் போராட்டத்தினுடைய விளைவுதான், 1967 இல் திராவிட முன்னேற்றக் கழகம் ஆட்சி பீடத்திற்கு வந்தது.

சட்டப்பேரவையில் அண்ணா அவர்கள் அறிவித்தார்கள், இனி இந்திக்கு இங்கே இடமில்லை. இங்கே தமிழும், ஆங்கிலமும்தான் என்று சட்டம் கொண்டு வந்தார்.

இதை அவர் உயிர் போவதற்குமுன்பு, கடைசியாகப் பேசிய கூட்டத்திலே சொன்னார்,

மாற்ற முடியாத மூன்று சட்டங்கள்

நான் கொண்டு வந்த சட்டங்களிலே மாற்ற முடியாத மூன்று சட்டங்கள் இருக்கின்றன.

தமிழ்நாடு என்ற பெயரை யாராலும் மாற்ற முடியாது.

சுயமரியாதைத் திருமணச் சட்டத்தை யாராலும் மாற்ற முடியாது.

தமிழ்நாட்டில் இருமொழிக் கொள்கைதான் - தமிழும், ஆங்கிலமும்தான் என்ற சட்டத்தை யாராலும் மாற்ற முடியாது.

அண்ணா அவர்கள் மறைந்தார்கள். தொடர்ந்து இந்தித் திணிப்பிலே ஈடுபட்டு வந்த அந்த முயற்சிகளுக்கு எதிராக, டாக்டர் கலைஞர் அவர்கள் தலைமையில், திராவிட முன்னேற்றக் கழகம் முன்னெடுத்தது.

இப்பொழுது ஒன்றியத்தில் இருக்கக்கூடிய ஆட்சி, இந்தியை எல்லா இடங்களிலும் திணித்துவிட்டது. வடகிழக்கு மாகாணங்களில் ஆங்கிலம்தான் ஆட்சி மொழி. ஆனால், 24 ஆயிரம் இந்தி ஆசிரியர்களை அங்கே நியமித்திருக்கிறார்கள்.

வெறும் 24 ஆயிரம் பேர் பேசும் சமஸ்கிருதத்திற்கு 643 கோடி ரூபாயா?

சமஸ்கிருதத்திற்கு 643 கோடி ரூபாய் செலவழிக் கிறார்கள் என்றால், மொத்தமே இந்தியாவிலேயே 24 ஆயிரம் பேர்தான் சமஸ்கிருத மொழி அறிந்தவர்கள்.

ஆகவே, இந்தியையும், சமஸ்கிருதத்தையும் இப்படித் திணிக்கிறார்களே, இத்தனை உயிர்கள் பறிபோயிற்றே, இத்தனை பேர் ரத்தம் சிந்தினார்களே, இத்தனை பேர் தங்கள் உயிர்களைத் தந்தார்களே!

இந்தியை எதிர்த்து தீ வைத்துக்கொண்டு மாண்டவர்கள்

கீழப்பழுவூர் சின்னச்சாமி, அண்ணா பேசியதை நினைவிலே வைத்திருந்து, இந்த நெருப்பு அணையாது - நடராசன் உடலில் பற்றிய நெருப்பு அணையாது என்று சொன்னதை நினைவில் வைத்திருந்து, 1964, ஜனவரி 24 ஆம் தேதி நள்ளிரவில், மனைவி தூங்கிக் கொண்டி ருந்தபொழுது, மகள் திராவிடச்செல்வியையும் ஒரு பார்வை பார்த்துவிட்டு, சித்தார்த்தன் அரண்மனையை விட்டு வெளியேறியதைப் போல வந்து, திருச்சி ரயில் நிலையத்திற்கு எதிரே - தனது உடல்மீது பெட்ரோலை ஊற்றி, நெருப்பு வைத்துக்கொண்டு, அந்த நெருப்பிலே கருகி மடிந்தான்.

கீழப்பழுவூர் சின்னச்சாமியைப் பின்தொடர்ந்து, கோடம்பாக்கம் சிவலிங்கம்,  விருகம்பாக்கம் அரங்க நாதன், ஆசிரியர் வீரப்பன், கீரனூர் முத்து, சாரங்கபாணி தங்கள் உடலில் தீ வைத்துக்கொண்டு மாண்டார்கள்.

அமுதம் அருந்துவது போல விஷம் அருந்தி மறைந்த தண்டாயுதபாணி, முத்து, விராலிமலை சண்முகம் போன்றோரும் - மொழிக்காகத் தங்கள் உயிரைத் தந்தார்கள்.

தமிழ்நாட்டிலே இந்தியைத் திணித்துவிடலாம் என்று அமித்ஷாக்கள் நினைத்தால், 

அது ஒருபோதும் நடக்காது

ஆகவே, இதற்கு ஒரு தியாக வரலாறு இருக்கிறது.

இந்தி எதிர்ப்புப் போராட்டம் என்பதற்கு இவ்வளவு பேர் ரத்தம் சிந்தியிருக்கிறார்கள். உயிர்களைப் பலி கொடுத்திருக்கிறார்கள்.

ஆனால், இதையெல்லாம் மறந்துவிட்டோ அல்லது தமிழ்நாட்டிலே இந்தியைத் திணித்துவிடலாம் என்று அமித்ஷாக்கள் நினைத்தால், அது ஒருபோதும் நடக்காது.

அஞ்சல் துறையில், வானொலி துறையில் இந்தியா வினுடைய அத்துணைத் துறைகளிலும் இந்தியைக் கொண்டு வந்துத் திணிப்பதற்கு முயற்சிக்கிறார்கள்.

கல்பாக்கம் அணுமின் நிலையத்திற்கு சாதாரண ஊழியர்களைத் தேர்ந்தெடுக்கும்பொழுதுகூட, இந்தி தெரிந்திருக்கவேண்டும் என்று அங்கே தமிழும், ஆங்கிலமும் இல்லாமல் ஆக்கிவிட்டார்கள்.

நெய்வேலி நிலக்கரி நிறுவனத்தில் 844 பேர் பணிக்குத் தேர்ந்தெடுக்கப்பட்டு இருக்கிறார்கள். அதில் 400 பேர் வெளிமாநிலங்களைச் சேர்ந்தவர்கள்.

தார்ச் சட்டியை எடுத்துக்கொண்டு, 

நான் இந்தியை அழிப்பேன் என்று புறப்பட்டார்

எனவே, இவ்வளவு ஆபத்துகள் சூழ்ந்திருக்கும் நேரத்தில், அண்ணன் மானமிகு ஆசிரியர் வீரமணி அவர்கள், இப்பொழுதுதான் போராட்டத்திற்கு நேரம் வந்திருக்கிறது - பெரியாரும், அண்ணாவும் சொன்னது அவருக்கு நினைவிலே இருப்பதினால்தான், தார்ச் சட்டியை எடுத்துக்கொண்டு, நான் இந்தியை அழிப்பேன் என்று புறப்பட்டுவிட்டார்.

நாங்கள் உங்களைப் பின்தொடருவோம்

நாங்கள் உங்களைப் பின்தொடருவோம். இங்கே இருக்கக்கூடிய இளைஞர்களும் சரி, இந்த உரையைக் கேட்டுக் கொண்டிருப்பவர்களும் சரி, நாங்கள் உங்களு டைய தலைமையில், உங்களைப் பின்தொடருவோம்.

முத்தமிழ் அறிஞருடைய மகன் தளபதியினுடைய ஆட்சிக் காலத்தில், இந்தியை இங்கே நுழையவிடாமல், மீண்டும் விரட்டியடித்தார்கள் - 1938 இல் விரட்டியடித்த தைப்போல, 1948 இலே விரட்டியடித்ததைப்போல, 1965 இலே புறமுதுகிட்டு ஓடியதே இந்தி, அதே நிலைமையை நாம் உருவாக்குவோம். உறுதியெடுத்துக் கொள்வோம்!

தமிழ் வாழ்க! இந்தி அழிக! நன்றி, வணக்கம்!

- இவ்வாறு மறுமலர்ச்சி திராவிட முன்னேற்றக் கழகப் பொதுச்செயலாளர் வைகோ அவர்கள் உரையாற்றினார்.