இராஜாஜி, கல்வி வள்ளல் காமராசர் மற்றும் டாக்டர் கலைஞர் ஆகிய மூன்று முதல்வர்களுடன் பணியாற்றியவரும், தமிழ் நாட்டின் முன்னாள் தலைமைச் செயலாளருமான சபாநாயகம் ஐ.ஏ.எஸ் உடல்நலக்குறைவால் 22.06.23 மாலை மறைவுற்றார். அவருக்கு வயது 101.
இந்திய ஆட்சிப் பணியில் 70 ஆண்டுகாலம் பணியாற்றியவர். ஆட்சிப் பணிக்கு முன் இராணுவத்திலும் பணியாற்றி இருக்கிறார். கலைஞரின் நன்மதிப்பை பெற்றவர்.
இன்று (23.06.23) முற்பகல் 10.00 மணி அளவில் ராஜா அண்ணாமலை புரத்தில் உள்ள பிஷப் கார்டன் இல்லத்தில் வைக்கப்பட்டிருந்த அவரது உடலுக்கு திராவிடர் கழகத்தின் தலைவர் தமிழர் தலைவர் ஆசிரியர் கி.வீரமணி அவர்கள் மலர் மாலை வைத்து மரியாதை செலுத்தினார்.
உடன் திராவிடர் கழக பொருளாளர் வீ.குமரேசன், துணை பொதுச்செயலாளர் பிரின்ஸ் என்னாரசு பெரியார், தென் சென்னை மாவட்ட தலைவர் இரா. வில்வநாதன், செயலாளர் செ.ர. பார்த்தசாரதி, மாநில இளைஞர் அணி செயலாளர் தே.சுரேசு மற்றும் பெரியார் திடல் கலைமணி ஆகியோர் சென்று இருந்தனர்.
கருத்துகள் இல்லை:
கருத்துரையிடுக