‘தினத்தந்தி’ நாளிதழின் நிறுவனரும், மேனாள் அமைச்சருமான நினைவில் வாழும் சி.பா.ஆதித்தனார் அவர்களின் 117ஆவது ஆண்டு பிறந்த நாளான இன்று (27.9.2021) காலை சென்னை எழும்பூரில் அமைந்துள்ள அவரது சிலையின் கீழே வைக்கப்பட்டிருந்த அவரது படத்திற்கு திராவிடர் கழகத் தலைவர் ஆசிரியர் கி.வீரமணி அவர்கள் மலர் மாலை அணிவித்தும் மலர் தூவியும் மரியாதை செலுத்தினார். இந்நிகழ்வில் திராவிடர் கழகத் துணைத் தலைவர் கவிஞர் கலி.பூங்குன்றன், திராவிட மாணவர் கழக மாநில செயலாளர் ச.பிரின்சு என்னாரெசு பெரியார், தென் சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, துணைச் செயலாளர் கோ.வீ.ராகவன், துணைத் தலைவர் அரும்பாக்கம் சா.தாமோதரன், பா.சிவகுமார், மகேந்திரன், கலைமணி, ஆனந்த் உள்ளிட்ட தோழர்கள் பங்கேற்றனர்.
ஆதித்தனார் ஊட்டிய தமிழ் உணர்வு வழிநடத்தட்டும்!
செய்தியாளர்களிடையே திராவிடர் கழகத் தலைவர்
சென்னை, செப்.27 சி.பா. ஆதித்தனார் பிறந்த நாள் என்பது நம்முடைய அறிவாயு தங்களை - போராட்ட ஆயுதங்களைக் கூர்மைப்படுத்துகின்ற நாள்; ஆதித்தனார் ஊட்டிய தமிழ் உணர்வு வழிநடத்தட்டும் என்று திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர்களிடம் கூறினார்.
சி.பா. ஆதித்தனாரின் 117 ஆவது பிறந்த நாளான இன்று (27.9.2021) காலை எழும்பூர் பாந்தியன் சாலையில் உள்ள அவரது சிலைக்கு மாலை அணிவித்து மரியாதை செய்த தமிழர் தலைவர் ஆசிரியர் கி.வீரமணி அவர்கள் செய்தியாளர்களை சந்தித்தார்.
அவ்விவரம் வருமாறு:
தந்தை பெரியாரோடு தோளோடு தோள் நின்றவர்!
தமிழர்களுடைய உரிமைகளுக்காக கடைசிவரையில் போராடிய, தந்தை பெரியார் அவர்களோடு தோளோடு தோள் நின்று, பல நேரங்களில் இந்தப் பிரச்சினைகளுக்காக மாநாடுகளைக் கூட்டி, மிகப்பெரிய அளவில் ஒன்றாகப் பயணித்த பெருமதிப்பிற்குரிய நம்முடைய தமிழர்களுடைய ஒப்பற்ற பாதுகாவலராக தன்னுடைய வாழ்நாளில் திகழ்ந்த சி.பா.ஆதித்தனார் அவர்களுடைய பிறந்த நாளான இன்றைக்கு அவரை நினைவூட்டுவது மட்டுமல்ல, அவர் எந்தப் பணியை செய்தாரோ, அந்தப் பணி இன்னமும் முற்றுப்பெறாத அளவிற்கு இருக்கிறது.
'தமிழன் கால்வாய்' என்று பெயர் சூட்டும் அளவிற்கு உணர்வு படைத்தவர். அதுமட்டுமல்ல, செம்மொழியாக கலைஞர் அவர்கள் தமிழ்மொழியை, நம் மொழியை உயர்த்திய நிலையில், இன்னமும், தமிழுக்கும், தமிழர்களுடைய உரிமைகளுக்கும் போராடக்கூடிய சூழ்நிலை இருக்கிறது. 'உயிர் தமிழுக்கு, உடல் மண்ணுக்கு' என்று சொன்னவர்.
நம்முடைய அறிவாயுதங்களை, போராட்ட ஆயுதங்களைக் கூர்மைப்படுத்துகின்ற ஒரு நாள்
எனவேதான், ஆதித்தனார் அவர்களு டைய பிறந்த நாள் விழா என்பது - மேலும் நம்முடைய பயணத்தை, நம்முடைய அறிவாயுதங்களை, போராட்ட ஆயுதங்களைக் கூர்மைப்படுத்துகின்ற ஒரு நாள், ஆதித்தனார் அவர்களுடைய நினைவு, நம்மை மேலும் உற்சாகப்படுத்தும், ஊக்கப்படுத்தும்.
அவர் எந்த சமுதாயத்தை மிகப்பெரிய அளவிற்கு உயர்த்தி, தமிழர்களுடைய உரிமைகளைக் காப்பாற்ற எப்படி நினைத்தார்களோ, அந்த உரிமைகளை நாம் முன்னெடுத்துச் செல்வதுதான் அவருக்குச் செய்கின்ற பெருமை!
ஆதித்தனாருடைய நினைவுகள் நம்மை வழிநடத்தட்டும்!
ஆதித்தனார் அவர்களுடைய புகழ் என்றைக்கும் நிலைத்திருக்கும். காரணம், அவர்தான் ஒரு பெரிய திருப்பத்தை பத்தி ரிகை உலகத்தில் ஏற்படுத்தி, தமிழர்களுடைய உரிமைகளுக்குக் குரல் கொடுத்தவர். தன்னுடைய வாழ்நாள் இறுதிவரையில் போராடிய ஒரு மகத்தான போராளியாக வாழ்ந்த பெருமகன்.
திராவிட முன்னேற்றக் கழகத்தினுடைய சிறந்த அமைச்சர்களில் ஒருவராக முத் திரை பதித்தவர். இப்படி எத்தனையோ அத் தியாயங்கள் ஆதித்தனார் வாழ்க்கையில் உண்டு. அவைகளும் சிறப்பானவை.
எனவே, ஆதித்தனாருடைய நினைவுகள் நாட்டை வழிநடத்தட்டும்!
நன்றி, வணக்கம்!
- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் செய்தியாளர்களிடையே கூறினார்.
கருத்துகள் இல்லை:
கருத்துரையிடுக