தெலங்கான நாத்திக சங்கத்தினரின் இசைப் பாடலுடன் பெரவள்ளூரில் பெரியார் 148 ஆம் பிறந்தநாள் விழாப் பொதுக்கூட்டம்!

சென்னை, செப்.20 வடசென்னை மாவட்ட திராவிடர் கழகம் சார்பில், பெரம்பூர் – அகரம் – பெரவள்ளூர் சதுக்கத்தில் கடந்த 17.9.2026 அன்று மாலை 6 மணிக்கு, “உலகத் தலைவர் தந்தை பெரியாரின் 148 ஆம் பிறந்தநாள் விழா நடைபெற்றது. பெரியார் பெருந்தொண்டரும், வடசென்னை மாவட்ட கழக மகளிரணி மேனாள் தலைவருமான கு.தங்கமணி குணசீலன் நினைவாக அம்மேடை அமைக்கப்பட்டி ருந்தது.

நிகழ்வில், வடசென்னை மாவட்டச் செயலாளர் புரசை சு.அன்புச்செல்வன் அனைவரையும் வரவேற்றும், ஏன் பெரியார் பிறந்தநாள் கொண்டாட வேண்டும் என்பதையும் சுட்டிக்காட்டி உரையாற்றினார்.

நிகழ்ச்சிக்கு தலைமை வகித்து உரையாற்றிய, மாவட்டத் தலைவர் வழக்குரைஞர் தளபதி பாண்டி யன், நிகழ்ச்சியை நெறிப்படுத்தியும் சிறப்பித்தார். தலைமை செயற்குழு உறுப்பினர் வழக்குரைஞர் சு.குமாரதேவன் தொடங்கி வைத்தும், மாநில ஒருங்கிணைப்பாளர் வி.பன்னீர்செல்வம், திராவிடர் மகளிர் பாசறை மாநிலச் செயலாளர் வழக்குரைஞர் பா.மணியம்மை, வழக்குரைஞரணி மாநில துணைச் செயலாளர் வழக்குரைஞர் துரை. அருண், துணைப்பொதுச்செயலாளர் வழக்குரைஞர் சே.மெ.மதிவதனி, பிரச்சாரச் செயலாளர் வழக்குரைஞர் அ.அருள்மொழி, செயலவைத் தலைவர் வழக்குரைஞர் ஆ.வீரமர்த்தினி, பொருளாளர் வீ.குமரேசன், துணைத் தலைவர் கவிஞர் கலி.பூங்குன்றன் ஆகியோர் முன்னிலை வகித்தும் உரையாற்றினர்.

துணைப் பொதுச்செயலாளர் ச.பிரின்சு என்னாரெசு பெரியார், மாநில இளைஞரணி இணைச் செயலாளர் சோ.சுரேஷ், மாநில மகளிரணி துணைச் செயலாளர் க.இறைவி, மாநில மகளிரணி துணைச் செயலாளர் வீ.கே.ஆர்.பெரியார் செல்வி, தலைமை செயற்குழு உறுப்பினர் தே.செ.கோபால், பகுத்தறிவாளர் கழகத் தலைவர் இரா.தமிழ்ச்செல்வன், பொதுச்செயலாளர் ஆ.வெங்கடேசன், சி.வெற்றிச்செல்வி, பெரியார் சுயமரியாதைத் திருமண நிலைய இயக்குநர் பசும்பொன், மாநில மாணவர் கழக துணைச் செயலாளர் செ.பெ.தொண்டறம், முனைவர் அதிரடி க.அன்பழகன், முனைவர் த.கு.திவாகரன், தென்சென்னை மாவட்டத் தலைவர் இரா.வில்வநாதன், செயலாளர் செ.ர.பார்த்தசாரதி, தாம்பரம் மாவட்டத் தலைவர் ப.முத்தையன், சு.மோகன்ராஜ், தென்சென்னை மேற்கு மாவட்டத் தலைவர் கரு.அண்ணாமலை, ஆவடி மாவட்டத் தலைவர் வெ.கார்வேந்தன், செயலாளர் க.இளவரசன், கும்மிடிப்பூண்டி மாவட்டத் தலைவர் புழல் க.ஆனந்தன் ஆகியோர் முன்னிலை வகித்து சிறப்பித்தனர்.

தந்தை பெரியார்பற்றிய கொள்கைப் பாடல்கள்!

முன்னதாக, தெலங்கான நாத்திக சங்கத்தின் நிறுவனர் ஜி.டி.சாரய்யாவின் தலைமையில் பாலாஜி, ராமகிருஷ்ணன், சிறீதர், ஸ்பார்ட்டகஸ், ராஜ்குமார், ஆனந்த் மற்றும் போஸ் பாபு ஆகியோர் இந்நிகழ்வில் கலந்துகொண்டு, தெலுங்கில், தாளத்துடன் மூன்று பாடல்களைப் பாடினர். ஒன்று, பெரியார் கொள்கை எப்படிப்பட்டது என்றும், மற்றொன்று, பார்ப்பன ஆதிக்கம் எப்படிப்பட்டது என்றும், மூன்றாவது, பெரியார் அதை எப்படியெல்லாம் தகர்த்தார் என்றும் அப்பாடல்கள் அமைந்திருந்தது. கலந்து கொண்ட அனைவரும் மிகுந்த ஈடுபாட்டுடனும், உணர்ச்சி யுடனும் பாடல்களைப் பாடினர். இந்நிகழ்வில் கலந்து கொண்டு பாடிய ஸ்பார்ட்டகஸ், ஆங்கிலத்தில் மூன்று பாடல்களின் கருத்தை சுருக்கமாக விவரித்தார். மாவட்டத் தலைவர் வழக்குரைஞர் தளபதி பாண்டியன் அதைத் தமிழில் பெயர்த்துக்கூறினார்.

இயக்க நூல்கள் அறிமுகம்!

தொடர்ந்து, ‘‘பெரியார் கேட்கும் கேள்விகள்” 10 புத்தகங்கள் ரூ.200/- க்கும், ”உலகத்தலைவர் தந்தை பெரியார் வாழ்க்கை வரலாறு” 12 தொகுதிகள் ரூ.3,000/- க்கும், ”விடுதலை மலர்” ரூ.300–க்கும் அறி முகம் செய்யப்பட்டன. தோழர்கள் வரிசையாக வந்து கழகத் தலைவரிடம் புத்தகங்களை பெற்றுச் சென்றனர்.

‘‘பெரியார் உலக”த்திற்கு
நன்கொடை!

பெரியார் பெருந்தொண்டர் முத்துக்கிருஷ்ணன், ‘‘பெரியார் உலகம்” நன்கொடை ரூ.30,000/-, விடுதலை சந்தா ரூ.2,000/-, ‘‘சாமி கைவல்யம் முதியோர் இல்லம்” நன்கொடையாக ரூ.2,000/-, அன்னை நாகம்மையார் குழந்தைகள் இல்லத்திற்கு ரூ.2,000/- என மொத்தம் ரூ.36,000/- காசோலையாக, ஆவடி மாவட்டச் செயலாளர் க.இளவரசன் உடனிருக்க, கழகத் தலைவரிடம் வழங்கினார். அண்மையில் மணவிழா கண்ட வடசென்னை மாவட்ட அமைப்பாளர் ஓட்டேரி சி.பாஸ்கர் மகள் இளையமதி – சதீஷ் இணை யர்கள் ”பெரியார் உலகம்” நிதியாக ரூ.15,000/- வழங்கினர்.  பெரம்பூர் – செம்பியம் திராவிடர் கழகம் சார்பில், மாவட்டக் காப்பாளர் கி.இராமலிங்கம், கழகத் தலைவருக்குப் பயனாடை அணிவித்து, பெரியார் உலக நிதிக்கு ரூ.1000 வழங்கினார். கழகத்தின் இளைஞரணி சார்பில் தமிழர் தலைவர் ஆசிரியர் அவர்களுக்குப் பயனாடை அணிவித்து, மரியாதை செய்யப்பட்டது. சுயமரியாதைத் திருமண நிலையத்தின் இயக்குநர் பசும்பொன் செந்தில்குமாரி கழகத்தலைவருக்கு பயனாடை அணிவித்து மரியாதை செய்தார்.

மேலும், “பெரியார் எனும் வியப்பு” எனும் நூலை நூலாசிரியர் மோகன் மேடையில் அமர்ந்திருந்த வர்களுக்கு வழங்கி மகிழ்ந்தார். நிறைவாக கழகத் தலைவர் உரையாற்றினார்.

வடசென்னை மாவட்டக் காப்பாளர் கி.இராமலிங்கம் நன்றி கூறி நிகழ்ச்சியை நிறைவு செய்தார்.

முன்னதாக, கூட்ட செலவில் துண்டு விழுந்துள்ளது என்று, தலைமைச் செயற்குழு உறுப்பினர் வழக்குரைஞர் சு.குமாரதேவன், தோழர்கள் பொதுமக்களிடம் துண்டேந்தி வருவார்கள் என்று அறிவிப்பு செய்திருந்தார். அதன்படி தோழர்கள் பசும்பொன்னும், த.மரகதமணியும் துண்டேந்திச் சென்றனர். குறைந்த நேரத்தில் மக்கள், ரூ.3,200/- ரூபாயை கூட்ட செலவுக்காக வழங்கியிருந்தனர். அத்தொகை மேடையில் அறிவிக்கப்பட்டது.

இந்நிகழ்வில் மரகதமணியுடன் பா.பார்த்திபன், ந.கார்த்திக் உள்ளிட்டோர் கலந்துகொண்டனர். தோழர்கள் பெரியார் மாணாக்கன், பூவை செல்வி, ஆவடி முருகேசன், பெரியார் சமூகக் காப்பு அணி பயிற்றுநர் காமராஜ், இளைஞரணித் தோழர்கள் பூவரசன், யுகேஷ், ஊடவிலயாளர் த.பரிதின், ஆவடி ஆ.வெ.நடராஜன், இ.தமிழ்மணி, பொதுக்குழு உறுப்பினர் தி.செ.கணேசன், செம்பியம் கழக செயலாளர் டி.ஜி.அரசு, மாவட்ட துணைச் செயலாளர் வ.தமிழ்ச்செல்வன், திராவிட மாணவர் கழகச் செயலாளர் அ.புகழேந்தி, மகளிரணிச் செயலாளர் த.இளவரசி, மாவட்ட தொழிலாளர் கழகத் தோழர் க.சுமதி, அயன்புரம் துரைராஜ், செந்துறை இராசேந்திரன், சி.வாசு, பெரியார் பெருந்தொண்டர்கள் கோ.தங்கமணி, தங்க. தனலட்சுமி, அரும்பாக்கம் சா.தாமோதரன், கோவை சகா உள்ளிட்டோரும், பொதுமக்கள் ஏராளமானோரும் கலந்துகொண்டு சிறப்பித்தனர். கலந்துகொண்ட அனைவருக்கும் தந்தை பெரியார் 148 ஆம் பிறந்த நாளை முன்னிட்டு இனிப்பு வழங்கப்பட்டது.

கடைசி வரையிலும் மக்கள் கலையாமல் இருந்து கருத்துகளை உள்வாங்கிக்கொண்டனர். மொத்தத்தில் இந்நிகழ்வு திராவிடர் இயக்கத்தின் மாலை நேரக் கல்லூரியாக இருந்து மக்களுக்கு பெரியாரின் அவசியம் பற்றி மறுபடியும் கற்றுத் தந்ததாக அமைந்திருந்தது குறிப்பிடத்தக்கது.

- விடுதலை நாளேடு, 20.09.2026

தென் சென்னை திராவிடர் கழக ஊடகம்

அறிஞர் அண்ணாவின் 118ஆம் ஆண்டு பிறந்த நாள் : சிலை – படத்திற்கு தமிழர் தலைவர் மாலை அணிவித்து மலர் தூவி மரியாதை

சென்னை, செப்.15, அறிஞர் அண்ணா அவர்களின் 118ஆம்ஆண்டு பிறந்த நாளான இன்று (15.9.2026) அவரது சிலைக்கு தமிழர் தலைவர் மாலை அணிவித்தும் படத்திற்கு மலர் தூவியும் மரியாதை செலுத்தினார்.

பகுத்தறிவுப் பகலவன் தந்தை பெரியார் அவர்களின் தலைமாணாக்கரான அறிஞர் அண்ணா அவர்களின் 118ஆம் ஆண்டு பிறந்த நாளான இன்று (15.9.2026) காலை 10 மணியளவில் சென்னை வள்ளுவர் கோட்டம் வளாகத்தில் அமைந்திருக்கும் அவரது சிலைக்கு திராவிடர் கழகத் தலைவர் ஆசிரியர் கி.வீரமணி அவர்கள் மாலை அணிவித்தும், சிலைக்குக் கீழே வைக்கப்பட்டிருந்த அறிஞர் அண்ணா அவர்களின் படத்திற்கு மலர் தூவியும் மரியாதை செலுத்தினார்.
இந்நிகழ்வில்,திராவிடர் கழகத் துணைத் தலைவர் கவிஞர் கலி. பூங்குன்றன், பொதுச் செயலாளர் வீ.அன்புராஜ், பொருளாளர் வீ. குமரேசன், செயலவைத் தலைவர் வழக்குரைஞர் ஆ. வீரமர்த்தினி, துணைப் பொதச் செயலாளர் ச. பிரின்சு என்னாரெசு பெரியார், மாநில கிராமப் பிரச்சாரக் குழு அமைப்பாளர் முனைவர் அதிரடி க. அன்பழகன், மாநில இளைஞரணி இணைச் செயலாளர் வழக்குரைஞர் சோ. சுரேஷ், சி. வெற்றிச்செல்வி, பேராசிரியர் க. பெரியார் செல்வி, பசும்பொன் , மு.பவானி, தங்க. தனலட்சுமி, த.இளவரசி, சி.காமராஜ், கி. தளபதிராஜ், நெய்வேலி ஞானசேகரன், தாம்பரம் மாவட்டத் தலைவர் ப. முத்தையன், கோ.நாத்திகன், சு.மோகன்ராஜ், மா. குணசேகரன், அ.கருப்பையா, மதியழகன் ஜனார்த்தனன், தென் சென்னை மாவட்டத் தலைவர் இரா. வில்வநாதன், செயலாளர் செ.ர.பார்த்தசாரதி, துணைத் தலைவர் மயிலை சேதுராமன், அய்ஸ்அவுஸ் அன்பு, அரும்பாக்கம் சா.தாமோதரன், பி.டி.சி.இராஜேந்திரன், கரு. அண்ணாமலை, எம்.ஆர். மாணிக்கம், செல்வம், சோழிங்கநல்லூர் மாவட்டத் தலைவர் வேலூர் பாண்டு, துணைத் தலைவர் கலைச்செல்வன்.
ஆவடி மாவட்டத் தலைவர் க. இளவரசன், பாடி இராவணன், தமிழ்ச்செல்வன், ராஜா, ரங்கநாதன், உடுமலை வடிவேல்,க.கலைமணி, அருள், விஜய், சைதை மதியழகன், ப.கோபாலகிருஷ்ணன், கோ. தங்கமணி, ப. சிவக்குமார், இளங்கோ, தி.செ.கணேசன் மற்றும் திரளான கழகத் தோழர்கள் பங்கேற்று அறிஞர் அண்ணா சிலைக்கு மரியாதை செலுத்தினர்.

- விடுதலை நாளேடு, 15.09.26

-----------------------------------------------------------------------------------------------

திராவிடர் கழகத் தலைமைச் செயற்குழுவில் உற்சாகமூட்டும் தீர்மானம்!

 ‘தந்தை பெரியார் பிறந்த நாள்’ ஒரு மாதம் முழுவதும் ஒட்டுமொத்தமான தமிழினத்தின் பண்பாட்டுத் திருவிழா!

தமிழர் இல்லமெல்லாம் இனமான விழாவாகப் பூத்துக் குலுங்கட்டும்!
பட ஊர்வலம் – குடும்ப விருந்து – பேச்சுப் போட்டி – விளையாட்டுப் போட்டிகள் – ஓட்டம்/நடை (Run/walk) – நூல்கள் பரப்புதல் நடக்கட்டும்!
திட்டமிட்டுச் செயல்படுவீர் கழகத் தோழர்களே, இனவுணர்வாளர்களே!
திராவிடர் கழகத் தலைமைச் செயற்குழுவில் உற்சாகமூட்டும் தீர்மானம்!

சென்னை, செப்.3 தந்தை பெரியாரின் 148 ஆம் ஆண்டு பிறந்த நாளான வரும் செப்டம்பர் 17 அன்று, தமிழர் இல்லமெல்லாம் உணர்ச்சியூட்டும் உற்சாக விழாவாக நடத்துவது என்றும், பட ஊர்வலம், குடும்ப விருந்து உள்பட பல்வேறு சிறப்புகளோடு ஒரு மாதம் முழுவதும் நடைபெற கழகத் தோழர்களும், பொறுப்பாளர்களும், இன உணர்வாளர்களும் திட்டமிட்ட வகையில் காலக்கதிரவன் தந்தை பெரியார் பிறந்த நாள் விழாவைக் கொண்டாடுவது என்றும் திராவிடர் கழகத் தலைமைச் செயற்குழுவில் தீர்மானம் நிறைவேற்றப்பட்டது.

அவ்விவரம் வருமாறு:

திராவிடர் கழகத் தலைவர் தமிழர் தலைவர் ஆசிரியர் மானமிகு கி.வீரமணி அவர்கள் தலைமையில், 3.9.2026 முற்பகல் சென்னை பெரியார் திடலில் நடைபெற்ற திராவிடர் கழகத் தலைமைச் செயற்குழு கூட்டத்தில் நிறைவேற்றப்பட்ட தீர்மானங்கள்.

தீர்மானம் 1:

இரங்கல் தீர்மானம்

கீழ்க்கண்ட பெருமக்களின், கழகத் தோழர்களின் மறைவிற்குத் திராவிடர் கழகத் தலைமைச் செயற்குழு தனது ஆழ்ந்த இரங்கலைத் தெரிவித்துக் கொள்கிறது. இவர்களின் மறைவால் பெருந்துயரத்திற்கு ஆளாகி யிருக்கும் குடும்பத்தினருக்கும், உற்றார், உறவினர், நண்பர்களுக்கும் இச்செயற்குழு தனது ஆறுதலைத் தெரிவித்துக் கொள்கிறது.

நேபாளத்தில் இயற்கைப் பேரிடர் பெருவெள்ளத்தால் பரிதாபமாக மறைவுற்றவர்களுக்கு இச்செயற்குழு தனது ஆழ்ந்த இரங்கலைத் தெரிவித்துக் கொள்கிறது.

பெரியார் பெருந்தொண்டர் பருத்தியூர் இராமலிங்கம் (வயது 83, மறைவு 5.7.2026), பெரியார் கொள்கையாளர் பட்டாபிராம் து.ஜெயபிரகாஷ் நாராயண் (வயது 81, மறைவு 26.6.2026), பெரியார் பெருந்தொண்டர் நாமக்கல் வை.நடராசன் (வயது 92), மண்ணச்சநல்லூர் ஒன்றிய கழக மகளிரணித் தலைவர் மேகலா (வயது 52, மறைவு 21.7.2026), அகஸ்தீஸ்வரம் ஒன்றிய கழகத் தலைவர் எஸ்.குமாரதாஸ் (வயது 67, மறைவு 28.7.2026), பெரியார் பெருந்தொண்டர் செம்பனூர் நடராஜன் (வயது 96, மறைவு 28.8.2026), பதிப்பாளர் கவிஞர் வைகறை வாணன் (வயது 77, மறைவு 1.8.2026), பேராசிரியர் முனைவர் நளினிதேவி அம்மையார் (வயது 82, மறைவு 29.8.2026), புஞ்சைப் புளியம்பட்டி மேனாள் நாடாளுமன்ற உறுப்பினர் சுயமரியாதை வீரர் மறைந்த சாமிநாதன் அவர்களின் வாழ்விணையர் சம்பூர்ணம் அம்மையார் (வயது 87, மறைவு 1.9.2026), முதுபெரும் பெரியார் பெருந்தொண்டரும், சிங்கப்பூர் பெரியார் சமூக சேவை மன்ற மேனாள் செயலாளர் குடியரசி அவர்களுடைய தந்தையாருமாகிய தோழர் கிட்டப்பா (மறைவு 2.9.2026) ஆகியோரின் மறைவிற்கு இச்செயற்குழு தனது ஆழ்ந்த இரங்கலைத் தெரிவித்துக் கொள்கிறது.

தீர்மானம் 2:

தந்தை பெரியாரின் 148 ஆம் ஆண்டு பிறந்த நாளை எழுச்சியூட்டும் நாளாக, நன்றியை வெளிப்படுத்தும் திருவிழாவாக நாடெங்கும் கொண்டாடுவது!

ஒப்பாரும், மிக்காரும் இல்லாதவர் உலகத் தலைவர் தந்தை பெரியார் ஆவார்! தமிழ்நாட்டைப் பொறுத்தவரை, அரசியல், ஜாதி, மத, பாலின வேற்றுமைகளைக் கடந்து, அனைவருக்கும் அனைத்தும் என்ற சம உரிமை, சமூகநீதிக்காகப் பாடுபட்டு, தன் வாழ்நாளிலேயே தனது போராட்டத்துக்கான வெற்றியைக் கண்டு களித்த காலக் கதிரவன் தந்தை பெரியாரின் பிறந்த நாள் என்பது தமிழ் இனத்தின் ஒட்டுமொத்தமான பண்பாட்டுத் திருவிழா நாளாகும். உலகம் முழுவதும் உள்ள பகுத்தறிவாளர்களுக்கும் அந்நாள் மகிழ்வூட்டும் பொன்னாளே!

அந்த வகையில் வரும் செப்டம்பர் 17, தந்தை பெரியார் 148 ஆம் ஆண்டு பிறந்த நாளை நமது இனத் திருவிழாவாகக் கொண்டாட வேண்டியது – நன்றி காட்டும்  திருநாளாக மட்டுமல்ல, இனி நாம் பெறவேண்டிய உரிமைகளுக்காக உறுதி எடுத்து உழைக்கும் உற்சாகத் திருவிழாவும் ஆகும்.

‘‘பெரியார் உலகம்’’ என்ற அழியா வரலாற்று மய்யத்தை உருவாக்க நம்மை நாமே செயல் வேகப்படுத்திக் கொள்ள உறுதிப்படுத்திக் கொள்ளும் நாளுமாகும்.

அய்யாவின் இந்த 148 ஆம் ஆண்டு பிறந்த நாளை முன்னிலும் வெகு சிறப்பாக, மிகுந்த எழுச்சியாக, ஆக்கப்பூர்வமான வகையில் கொண்டாடுவது என்று இச்செயற்குழு புது உற்சாகத்தோடு தீர்மானிக்கிறது.

கழகத் தோழர்கள் புத்தாடை அணிந்து, கழகக் கொடியேற்றி, இனிப்புகள் வழங்கி, விழாவைக் கோலா கலமாகக் கொண்டாடவும்,

கீழ்க்கண்ட வகையில் கொள்கை விழாவாக அதனை திட்டமிட்டு நடத்திடவும் கழகத் தோழர்களை இச்செயற்குழு கேட்டுக் கொள்கிறது.

4    செப்.17 காலை சென்னை,  பெரியார் திடலில் பிறந்த நாள் விழா – மலர் வெளியீடு.

4    மாலை – சென்னையில் தமிழர் தலைவர் பங்கேற்கும்    பொதுக்கூட்டம்.

4 தமிழ்நாடு முழுவதும் கழகத் தோழர்கள் வீடுதோறும் இனிப்புகள் வழங்கிக் கொண்டாடுதல்.

4    செப்.17 அல்லது அவ்வாரத்தில் வாய்ப்பான நாள்க ளில் பெரியார் பட ஊர்வலம் – தமிழ்நாடெங்கும்.

4 கழகக் கொடியேற்றுதல், தந்தை பெரியார் சிலை, படங்களுக்கு மாலை அணிவித்து, பொதுமக்கள் மத்தியில் விழா நடத்துதல், தெருமுனைக் கூட்டங்கள் நடத்துதல்.

4 செப்.12 – பகுத்தறிவாளர் கழகம் சார்பில் பேச்சுப் போட்டி, ஓவியப் போட்டிகள்

4 செப்.20 – தமிழ்நாடு முழுவதும் ஓட்டம்/நடை (Run/walk for Periyar).

4 செப்.27 – குடும்ப விருந்து – பிள்ளைகளுக்கு விளையாட்டுப் போட்டி (சென்னையில், தமிழர் தலைவர் பங்கேற்பு)

4 அக்டோபர் முதல் வாரத்தில் ஆங்கிலம், பிற மொழி களில் பன்னாட்டு அளவிலும், பிற மாநிலங்களிலும் இருந்து பங்கேற்கும் வகையில் காணொலிக் கூட்டம் நடத்துதல்.

4 ‘பெரியார் கேட்கும் கேள்விகள்?’ புத்தகத்தை மக்களிடம் கொண்டு சேர்க்கும் வகையில், ஒரே நாளில், தமிழ்நாடு முழுவதும் பரப்புரை இயக்கம்.

இன்னோரன்ன வகையில், எந்த ஆண்டும் இல்லாத வகையில், ஏற்றமுடன், எழுச்சியுடன் முன்கூட்டியே திட்டமிட்டு, தமிழ்நாடு முழுவதும் கொண்டாடுவது என்று தீர்மானிக்கப்படுகிறது.

 - விடுதலை நாளேடு, 4.9.26

தென்சென்னை முழுவதும் தொடர் தெருமுனைப் பிரச்சார கூட்டங்கள் நடத்த கலந்துரையாடலில் முடிவு

 

சென்னை, ஜூலை 27– தென் சென்னை மாவட்ட திராவிடர் கழக கலந்துரையாடல் கூட்டம் 25.7.2026 அன்று மாலை 6.30 மணிக்கு அய்ஸ்அவுஸ் ஆர்.வி.ஆட்டோ கடையில் நடைபெற்றது. பொதுக் குழு உறுப்பினர் கோவி.ராகவன் கடவுள் மறுப்பு கூறினார்.

நீட் ஒழிப்பு, இரு சக்கர வாகனம் பரப்புரைப் பயணம். தந்தை பெரியார் பிறந்த நாள், விடுதலை சந்தா மற்றும் கூட்டத்தின் நோக்கம் விளக்கி மாவட்ட தலைவர் இரா.வில்வநாதன் உரையாற்றினார். மாவட்ட இளைஞர் அணி செயலாளர் பெரியார் யுவராஜ் பரப்புரை பயணத்தின் மிக அவசியம், இளைஞர்கள் தோழர்கள் கலந்து கொள்வது மிக முக்கியம் என்பதை விளக்கி பேசினார். மாவட்ட துணை தலைவர் நான்கு நாட்கள் பரப்புரை பயணத்தில் பங்கேற்பதாகவும், இந்த பரப்புரை பயணம் அய்ஸ் அவுஸ் ஆயிரம் விளக்கு பகுதிகளில் தெருமுனை கூட்டம் போல் நடத்த வேண்டும் என்றும் பேசினார். மாவட்ட இளைஞரணி துணை செயலாளர் மாரிமுத்து பரப்புரை பயணத்தில் பங்கேற்பதாகவும், தொடர் பரப்புரை பயணம் நமக்கு மிகப்பெரிய அளவுக்கு ஒரு பிரச்சார பயணமாக அமைய வேண்டும் என்றும் பேசினார்.

தொடர்ந்து மாவட்ட துணை தலைவர் சேதுராமன், சூளைமேடு ராமச்சந்திரன், சைதை ரவி பேசினர். அதனை தொடர்ந்து நான்கு நாள்கள் தொடர் நீட் எதிர்ப்பு பரப்புரை பயணத்தில் இரண்டு இரு சக்கர வாகனம் நான்கு நாள்கள் கலந்து கொள்வதென்றும் அய்ஸ் அவுஸ் பகுதியில் இருந்து தொடங்கும் போது 15 இருசக்கர வாகனம் பயணத்தில் பங்கேற்க வேண்டும் என்றும் அய்ஸ் அவுஸ்ஆயிரம் விளக்கு பகுதியில் பரப்பரை என்பது தெருமுனைப் பிரச்சாரமாக நடத்திட வேண்டுமென்றும், தந்தை பெரியார் பிறந்த நாள் ஆகஸ்ட் கடைசி வாரத்தில் இருந்து தென்சென்னை முழுக்க தொடர் தெருமுனைப் பிரச்சாரம் கூட்ட நடத்துவது என்றும், கடந்த விடுதலைச் சந்தாவை மீண்டும் தொடர்ந்து  புதுப்பிப்பது என்றும் கூட்டத்தில் தீர்மானங்கள் நிறைவேற்றப்பட்டது அய்ஸ் அவுஸ்அன்பு நன்றி கூறினார்

கலந்துரையாடல் கூட்டத்தில் பங்கேற்ற தோழர்கள்: மாவட்ட துணை தலைவர் மு.சண்முக பிரியன், மாவட்ட இளைஞரணி தலைவர் மணித்துரை, மாவட்ட இளைஞரணி செயலாளர் பெரியார் யுவராஜ், மாவட்ட துணை இளைஞரணி செயலாளர் மாரிமுத்து, அய்ஸ் அவுஸ் அன்பு அப்துல்லா, உதயன், கோவி ராகவன், பி டி சி ராஜேந்திரன், பி.டி.சி. செல்வம் சைதை ரவி அய்ஸ் அவுஸ் தர்மா, தெய்வ சிகாமணி, ம.இனியா, சிவா.

- விடுதலை நாளேடு, 27.07.26

முத்தமிழ் அறிஞர் கலைஞர் நினைவிடத்தில் திராவிடர் கழகத்தின் சார்பில் மலர் வளையம் வைத்து மரியாதை

சென்னை, ஆக.7 முத்தமிழ் அறிஞர் கலைஞர் அவர்களின் நினைவு நாளான இன்று (7.8.2026) அவரது நினைவிடத்தில் தமிழர் தலைவர் அவர்கள் மலர் வளையம் வைத்து மரியாதை செலுத்தினார்.

திராவிட இயக்கத்தின் ‘‘மானமிகு சுயமரியாதைக்காரன்’’ என்று தன்னை ஒரு வரி விமர்சனத்திற்குள் அடக்கி, பதிலளித்த வித்தகர் முத்தமிழறிஞர் கலைஞர் அவர்களின் 8ஆவது ஆண்டு நினைவு நாளான இன்று (7.8.2026) காலை10.30 மணியளவில் சென்னை கடற்கரை காமராசர் சாலையில் அமைந்துள்ள அவரது நினைவிடத்தில் திராவிடர் கழகத் தலைவர் ஆசிரியர் கி. வீரமணி அவர்கள் பெருந்திரளான கழகத் தோழர்களுடன் இணைந்து மலர் வளையம் வைத்து மரியாதை செலுத்தினார்.

இந்நிகழ்வில் திராவிடர் கழகத் துணைத் தலைவர் கவிஞர் கலி.பூங்குன்றன், கழகப் பொருளாளர் வீ. குமரேசன், திராவிடர் கழக மாநில வழக்குரைஞரணித் தலைவர் த. வீரசேகரன், திராவிடர் கழக செயலவைத் தலைவர் வழக்குரைஞர்
ஆ. வீரமர்த்தினி, துணைப் பொதுச் செயலாளர் பிரின்சு என்னாரெசு  பெரியார், கழக மாநில ஒருங்கிணைப்பாளர் பொன்னேரி வி. பன்னீர்செல்வம், மாநில கிராமப் பிரச்சாரக் குழு அமைப்பாளர் முனைவர் அதிரடி க. அன்பழகன், தலைமை செயற்குழு உறுப்பினர் வழக்குரைஞர் சு. குமாரதேவன், மாநில இளைஞரணி இணைச் செயலாளர் சோ. சுரேஷ், கழக சொற்பொழிவாளர் தேவ.நர்மதா. மகளிரணித் தோழியர்கள் பேராசிரியர் க. பெரியார்செல்வி, பசும்பொன், தங்க. தனலட்சுமி, மு. பவானி, நதியா, த.மரகதமணி, த.இளவரசி, பூவைசெல்வி, செ.பெ.தொண்டறம், அன்புச்செல்வி. தென் சென்னை மாவட்டத் தலைவர் இரா. வில்வநாதன், அய்ஸ்அவுஸ் அன்பு, ச. மகேந்திரன், பெரியார் மாணாக்கன், சி. காமராஜ், ஆனந்தன், ஜி. சண்முகம்.

தாம்பரம் மாவட்டத் தலைவர் இரா. முத்தையன், மோகன்ராஜ், கருப்பையா, சென்னை மேற்கு மாவட்டத் தலைவர் கரு. அண்ணாமலை, செயலாளர் சுப்பிரமணியன்,  கொடுங்கையூர் தங்கமணி, எம்.ஆர். மாணிக்கம், அரும்பாக்கம் தாமோதரன்,  அருண், ஆனந்தன், நெய்வேலி, ஞானசேகரன்,  விடுதலை நகர்  பி.சி. ஜெயராமன், கலைமணி, அருண் ரங்கநாதன், விஜய், பார்த்திபன், பெரு. இளங்கோ, உடுமலை வடிவேல், ப. சிவக்குமார், இராவணன், ஆவடி மாவட்டச் செயலாளர் இளவரசன், பேராசிரியர் தீபக், சண்முகம் மாங்குடி துரை. ராகவன், சேரலாதன், முரளி கிருஷ்ணன், டாக்டர் பைரி நரேஷ் (தெலங்கானா) உள்ளிட்டோர் இந்நிகழ்வில் பங்கேற்று மரியாதை செலுத்தினர்.

- விடுதலை நாளேடு, 07.08.26

நீட்’, EWSசை எதிர்த்து இரு சக்கர வாகனப் பயணத்தைத் தடை செய்த தமிழ்நாடு அரசை வன்மையாகக் கண்டிக்கின்றோம்!

சென்னை, ஜூலை 30 ‘நீட்’ தேர்வையும், உயர் ஜாதியினருக்கான EWS இடஒதுக்கீட்டையும் முழுமையாக ரத்து செய்ய ஒன்றிய அரசை வலியுறுத்தி, திராவிடர் கழக இளைஞரணி, திராவிட மாணவர் கழகம், திராவிட மகளிர் பாசறை சார்பில் தமிழ்நாடு முழுவதும் இன்று (30.7.2026) முதல் 2.8.2026 வரை இரு சக்கர வாகனத்தின் மூலம் பரப்புரைப் பயணம் மேற்கொள்ளத் திட்டமிட்டு முறைப்படி காவல் துறைத் தலைமை இயக்குநர் அவர்களிடம் (டிஜிபி), திராவிடர் கழகத்தின் சார்பில் கடந்த 18.7.2026 அன்று அனுமதி கேட்டு விண்ணப்பம் அளிக்கப்பட்டது.

இந்நிலையில் இன்று (30.7.2026) காலை புறப்பட இருந்த இந்தத் தருணத்தில், திராவிடர் கழகத்தின் இரு சக்கர வாகனப் பயணத்திற்கு  காவல்துறையினரால் அனுமதி மறுக்கப்பட்டுள்ளது.

சென்னையில் இன்று (30.7.2026) காலை 9 மணியளவில் பெரியார் திடலில் இருந்து இரு சக்கர வாகனப் பரப்புரைப் பயணம் தொடங்க இருந்த நிலையில், காவல்துறையினரால் அனுமதி மறுக்கப்பட்ட நிலையில், திராவிடர் கழகத் துணைத் தலைவர் கவிஞர் கலி. பூங்குன்றன் அவர்கள் செய்தியாளர்களிடம் இதுகுறித்து கூறுகையில்:

‘‘தடையை மீறி இந்தப் பிரச்சாரப் பயணத்தை நடத்த முடியும் என்றாலும், முதலில் சட்ட ரீதியாக இப்பிரச்சினையை கழகம் அணுகும். அரசியலமைப்புச் சட்டப்படியான நமது அடிப்படை கருத்து, பேச்சு, ஜனநாயக உரிமைக்கு நீதிமன்றத்தின் மூலமாகப் பரிகாரம் தேடப்படும். தற்போதைக்கு திராவிடர் கழகம் திட்டமிட்டிருந்த இரு சக்கர வாகனப் பிரச்சாரப் பயணம் ஒத்திவைக்கப்படுகின்றது’’ என்று தெரிவித்துள்ளார்.

இந்நிகழ்வில் திராவிடர் கழகப் பொதுச் செயலாளர் வீ. அன்புராஜ், பொருளாளர் வீ. குமரேசன், துணைப் பொதுச் செயலாளர் பிரின்ஸ் என்னாரெசு பெரியார், மாநில கழக ஒருங்கிணைப்பாளர் வி. பன்னீர்செல்வம், தலைமை செயற்குழு உறுப்பினர் தே.செ. கோபால், மாநில ப.க. பொதுச் செயலாளர் ஆ. வெங்கடேசன், மாநில இளைஞரணி இணை செயலாளர் சோ. சுரேஷ், தென் சென்னை மாவட்ட செயலாளர் செ.ர. பார்த்தசாரதி, எம்.ஆர்.மாணிக்கம், வட சென்னை மாவட்ட தலைவர் வழக்குரைஞர் தளபதி பாண்டியன், செயலாளர் புரசை சு. அன்புச்செல்வன், காப்பாளர் கி. இராமலிங்கம், துணைத் தலைவர் நா. பார்த்திபன், பொதுக் குழு உறுப்பினர் கி. தளபதிராஜ், பொதுக்குழு உறுப்பினர் தங்க. தனலட்சுமி, வழக்குரைஞர் துரை அருண், வழக்குரைஞர் செ. துரை, மாநில மகளிரணி துணை செயலாளர் வி.கே.ஆர். பெரியார்செல்வி, பெரியார் சுயமரியாதைத் திருமண நிலைய இயக்குநர் பசும்பொன், வடசென்னை மகளிர் பாசறைத் தலைவர்
த. மரகதமணி, உத்ரா, க.கலைமணி, சி. காமராசு, அரும்பாக்கம் சா.தாமோதரன், அயன்புரம் சு. துரைராசு,   கோ. தங்கமணி  உள்ளிட்ட தோழர்கள் பெருந்திரளாக கூடியிருந்தனர்.

- விடுதலை நாளேடு, 30.07.2026

தென்சென்னையில் ஆர்எஸ்எஸ் என்னும் டிரோஜன் குதிரை' என்ற நூலின் அறிமுக கூட்டம்

19.07.2026 மாலை 6.30 மணி அளவில் தென்சென்னை மாவட்ட பகுத்தறிவாளர் கழகம் மற்றும் பகுத்தறிவு எழுத்தாளர் மன்றம் சார்பில் கோடம்பாக்கம் 'படைப்பு அரங்கத்'தில் தமிழர் தலைவர் ஆசிரியர் கி.வீரமணி அவர்கள் எழுதிய 'ஆர்எஸ்எஸ் என்னும் டிரோஜன் குதிரை' என்ற நூலின் அறிமுக கூட்டம் நடைபெற்றது. 

தென் சென்னை மாவட்ட பகுத்தறிவாளர் கழகத்தின் தலைவர் மு.இரா.மாணிக்கம் அவர்கள் தலைமை தாங்கினார். 

திராவிடர் கழக பொதுச்செயலாளர் வீ. அன்புராஜ் அவர்கள் அறிமுக உரையாற்றினார். 

திராவிடர் கழக பரப்புரை செயலாளர் வழக்குரைஞர் அ.அருள்மொழி அவர்கள் நூலைப் பற்றி ஆய்வுரை வழங்கினார். 

பகுத்தறிவாளர்கள் கழக, பகுத்தறிவு எழுத்தாளர் மன்ற, திராவிடர் கழக பொறுப்பாளர்களும், தோழர்களும் மற்றும் பயனாளர்களும் கலந்து கொண்டனர்.